Jungkook

Nga Wikipedia, enciklopedia e lirë
Jump to navigation Jump to search

Jeon Jung-kook (Hangul: 전 정국, i lindur më 1 shtator, 1997), i njohur më mirë si Jungkook, është një këngëtar-kompozitor dhe prodhues rekordi koreano-jugor. Ai është anëtar dhe vokalist i grupit të djemve nga Korea e Jugut, BTS.

Jungkook nga prapaskenat e videos muzikore e grupit të tij, BTS - "Boy With Luv"
Jungkook nga prapaskenat e videos muzikore e grupit të tij, BTS - "Boy With Luv"
Jungkook duke interpretuar këngën e tij solo - "Euphoria" gjatë turit Speak Yourself në Rose Bowl, Pasadena
Jungkook duke interpretuar këngën e tij solo - "Euphoria" gjatë turit Speak Yourself në Rose Bowl, Pasadena

Jeta e hershme[Redakto | Redakto nëpërmjet kodit]

Jungkook u lind më 1 shtator 1997, në Busan, Korea e Jugut. Ai ndoqi shkollën fillore dhe të mesme në Busan. Kur u bë stazhier, ai u transferua në Shkollën e Mesme të Singu në Seul. Jungkook fillimisht në moshë të re ëndërronte të bëhej lojtar badmintoni, por duke parë G-Dragon teksa interpretonte këngën "Heartbreaker" në televizion, bëri që ai të dëshironte bëhej këngëtar.

Në vitin 2011, Jungkook bëri audicion për shfaqjen e talenteve - Superstar K gjatë audicioneve të mbajtura në Daegu. Megjithëse ai nuk u zgjedh, mori oferta nga shtatë kompani, ku edhe përfundimisht zgjodhi të bëhej stazhier në kuadër të kompanisë "Big Hit Entertainment", pasi kishte parë RM, tani bashkë-anëtar i grupit të tij dhe lider në BTS, duke performuar. Për të punuar në aftësitë e tij të kërcimit në përgatitje për debutimin, Jungkook shkoi në Los Anxhelos gjatë verës së vitit 2012 për të marrë mësime kërcimi nga Movement Lifestyle. Në qershor të vitit 2012, ai u shfaq në videoklipin "I'm Da One" nga Jo Kwon. Ai diplomoi në Shkollën e Arteve të InterpretimitSeul, në vitin 2017.

Karriera[Redakto | Redakto nëpërmjet kodit]

2013-tani: BTS[Redakto | Redakto nëpërmjet kodit]

Më 13 qershor 2013, Jungkook bëri debutimin e tij si anëtar i grupit BTS me këngën "No More Dream" nga albumi i tyre debutues 2 Cool 4 Skool. Si anëtar i grupit BTS, ai ka dy këngë solo; 1. Nëpërmjet këngës "Begin" nga albumi Wings (i publikuar më 2016), ai trajton historinë e tij sesi u vendos në Seul në moshë të re për t'u bërë idhull dhe shpreh mirënjohjen e tij ndaj anëtarëve të tjerë për kujdesin vëllazëror ndaj tij gjatë asaj kohe. 2. Kënga e dytë, e titulluar "Euphoria", u publikua e shoqëruar me një film të shkurtër nëntë minutësh, më 5 prill të vitit 2018, duke prezantuar albumin e tretë të serisë "Love Yourself" nga BTS. Versioni i plotë i këngës u përfshi në albumin e tyre Love Yourself: Answer që u publikua më 24 Gusht, 2018. Ndër të tjera, DJ Swivel mori pjesë si producent i këngës, e cila u rendit në numrin pesë në listën e Billboard Bubbling Under Hot 100 Singles.

Jungkook është vlerësuar si producenti kryesor për dy nga këngët e BTS: "Love is Not Over" dhe "Magic Shop". Më 25 Tetor 2018, Jungkook (së bashku me pjesën tjetër të anëtarëve të BTS) u përuruan me Urdhrin e Meritës Kulturore të klasit të pestë nga Presidenti i Koresë së Jugut.

2015 – tani: Aktivitetet solo[Redakto | Redakto nëpërmjet kodit]

Në shtator të vitit 2015, Jungkook mori pjesë në fushatën "Një ëndërr, një Kore", duke marrë pjesë në një bashkëpunim këngësh përkrah artistëve të shumtë koreanë në kujtim të Luftës Koreane. Kënga u publikua më 24 shtator dhe u prezantua në Koncertin One K në Seul më 15 tetor.

Më 6 nëntor 2018, Jungkook interpretoi "We Don't Talk Anymore" në skenë me këngëtarin aktual të këngës, Charlie Puth, gjatë transmetimit të MBC Plus X Genie Music Awards. Ai tanimë ka bërë dy "cover" të kësaj kënge, solo dhe me bashkëanëtarin e grupit BTS si dhe mikun e tij të ngushtë, Jimin.

Nënshkrimi i Jungkook
Nënshkrimi i Jungkook

Ndikimi artistik[Redakto | Redakto nëpërmjet kodit]

Në një studim të vitit 2018 të realizuar nga Gallup Korea, Jungkook u rendit si personaliteti më i dashur i vitit në Korenë e Jugut. Në vitin 2017, ai u rendit në vendin e 18-të, dhe në vitin 2016, ai zuri vendin e 20-të.

Në vitin 2018, Jungkook u vendos në vendin e parë për 10 javë rresht për revistën Hi China, nën listën e të famshmëve më të dashur në Kinë. Në tetor të 2018-ës, Jungkook theu rekordin e shikuesve më të shumtë të drejpërdrejtë në historinë e V Live me transmetimin e tij solo live me më shumë se 3.7 milion shikues në të gjithë botën. Në dhjetor, 2018, një video e Jungkook-ut duke kënduar në studion e tij ishte tweet-i më i shikuar dhe më i përhapur atë vit në Korenë e Jugut. Artistë të ndryshëm e kanë përmendur atë si një ndikues të madh, si model dhe shembull.

Në janar të vitit 2019, u zbulua se Jungkook përdor brendin e zbutësit të pëlhurave - Downy për lavanderinë e tij. Zbulimi çoi në një rritje të papritur të shitjeve të brendit. Vlera e aksioneve të kompanisë u rrit me më shumë se 11% në ditë.