Liqeni i Fierzës

Nga Wikipedia, enciklopedia e lirë
Jump to navigation Jump to search
Liqeni i Fierzës
Koka e Gjarprit..JPG
Liqeni i Fierzës
VendiShqipëria Shqipëria, Kosova Kosova
Koordinatat42°07′12″N 20°18′07″E / 42.12°N 20.302°E / 42.12; 20.302Coordinates: 42°07′12″N 20°18′07″E / 42.12°N 20.302°E / 42.12; 20.302

Liqeni artificial i Fierzës është krijuar në shtratin e lumit Drin në vitin 1978, në funksion të hidrocentralit të Fierzës.

Ky është një liqen oligotrof dhe ka një bosht gjatësor prej 70 kilometër dhe me një sipërfaqe maksimale prej 7 mijë hektarësh, ku 5 mijë hektarë merren në konsideratë për qëllimin e rritjes dhe kultivimit të peshkut. Ky liqen ka lartësi 167 metra, sipërfaqe të pasqyrës së ujërave prej 72,5 km², thellësinë më të madhe prej 128 metra dhe një vëllim prej 2,7 miliardë metër kub ujë. Sipërfaqja e përgjithshme e pellgut ujëmbledhës është 11.829 km². Kapaciteti maksimal ujëmbajtës i Liqenit të Fierzës, arrin rreth 3,2 miliardë metër kub ujë, ndërkohë që kapaciteti minimal, i cili mund të shkaktojë edhe situatat më kritike të prodhimit të energjisë elektrike, është rreth 1,2 miliardë metër kub ujë.

Liqeni shërben edhe si nyje lidhëse mes banorëve të rretheve Kukës, Tropojë, Has dhe Pukë. Gjithashtu, ky hidrocentral shërben si rregullator i furnizimit me ujë për dy hidrocentralet e ngritura në kaskadën e Drinit, atë të Vaut të Dejës dhe Komanit.

Në mars të vitit 2022 ka pasur një ulje të konsiderueshme të nivelit të ujit në liqenin e Fierzës për shkak të mungesës së reshjeve të dëborës në dimër dhe reshjeve të shiut gjatë marsit. Niveli u ul nga 296 m (që është maksimumi) në rreth 259 m, 17 m larg pikës së tharjes. Kjo dukuri është paraparë në planifikimin e liqenit të përsëritet në cikle 10 vjeçare, mirëpo për shkak të ndryshimeve klimatike ky cikël po shkurtohet gjithnjë e më shumë. Kjo situatë ka ndikuar negativisht në prodhimin energjetik në vend. [1][2]

Flora dhe Fauna[Redakto | Redakto nëpërmjet kodit]

Qyteti i Kukësit Gjallica

Liqeni i Fierzës është i pasur me peshq të llojeve të ndryshme. Pas përfundimit të digës dhe mbushjes së bazenit me ujë, fauna e Liqenit të Fierzës u shtua me lloje të ndryshme peshqish, si ballëgjeri, krapi e luçiperka që u hodhën si rasatë dhe gjetën një mjedis shumë të përshtatshëm për t'u shumuar e ushqyer. Krijimi i liqenit solli dhe zhdukjen e peshve që më parë popullonin lumin Drin si trofta, ngjala e peshq të ujërave të rrjedhshëm, por favorizoi rritjen e peshqve të liqeneve. Gjitarët ujorë që jetojnë në ujërat e Liqenit të Fierzës, janë lundërzat. Gjithashtu krijimi i liqenit, bëri të mundur dhe rritjen e midhjeve të vogla të ujrave të ëmbla.

Referime[Redakto | Redakto nëpërmjet kodit]

  1. ^ ""Shteret" Liqeni i Fierzës". rtsh.al. Marrë më 31-03-2022. {{cite news}}: Mungon ose është bosh parametri |language= (Ndihmë!); Shiko vlerat e datave në: |access-date= (Ndihmë!)Mirëmbajtja CS1: Gjendja e adresës (lidhja)
  2. ^ "Fierza mbyll portat e prodhimit, niveli i liqenit fillon të ngrihet". faxweb.al. Marrë më 31-03-2022. {{cite news}}: Mungon ose është bosh parametri |language= (Ndihmë!); Shiko vlerat e datave në: |access-date= (Ndihmë!)Mirëmbajtja CS1: Gjendja e adresës (lidhja)

Shiko edhe[Redakto | Redakto nëpërmjet kodit]