Lutfi Hanku

Nga Wikipedia, enciklopedia e lirë

Lutfi Hanku lindi në ZerqanDibrës në 1933-shin në një familje të mesme, patriotike me besim bektashian. Babai i tij Sabriu dhe e ëma vdiqën të rinj dhe Lutfiu u rrit jetim në gjirin e familjes patriotike "Hanku". Lutfi Hanku kudo punoj e jetoj me urtësi e dashuri, që do të mbahet mend në shumë breza. Lutfi Hanku ka qenë qysh më 1975, anëtar tek Lidhja e Shkrimtarëve dhe Artistëve të Shqipërisë. Lutfiu ishte krenar për familjen e tij, për dy vajzat mësuese Kozeta dhe Amarda, për nipërit e mbesat, që i qëndruan pranë dhe e mbështetën me shumë dashuri në jetën e tij modeste në Peshkopi dhe në Tiranë. Lutfi Hanku vdiq me 14.04.2022 në Tiranë dhe u përcoll në varrezat e Tufinës me shumë dhimbje nga familja e tij dhe miqtë e shumtë.

Shkollimi[Redakto | Redakto nëpërmjet kodit]

Mësimet e para i mbaroi në vendlindje, Zerqan. U aktivizua si pionier në luftën kundër pushtuesit italo - gjerman. Mbas çlirimit të atdheut vazhdoi studimet në Normale të Elbasanit dhe Uniken në Peshkopi. Më 1948-1952 ndoqi shkollën Pedagogjike Peshkopi bashkë me 16 moshatarë të tij dhe vitin e fundit e mbaroi në shkollën Pedagogjike Shkodër. Më 1956-1960 mbaroi në Fakultetin i Historisë dhe Filologjisë i Universitetit të Tiranës.

Puna[Redakto | Redakto nëpërmjet kodit]

E filloi punën me përkushtim si mësues në shkollën 7-vjeçare të sapokrijuar për punëtorët në Bulqizë, më pas vazhdoi në Kastriot Diber, në Zerqan dhe në pak kohë si inspektor arsimi. Nga viti 1960-1992, Lutfiu ishte mësues i gjuhës shqipe në Shkollën e mesme Pedagogjike Peshkopi dhe të esmen Bujqësore Peshkopi, më pas në Gjimnazin e Peshkopisë, ku nuk u shkëput për asnjë çast nga detyra e nderuar e mësuesit, deri sa doli në pension.

Lutfiu ndjente kënaqësi kur në rrugë e ndalonin mjaft njerëz dhe e përshëndesnin duke i thënë me shumë dashuri e respekt: “Profesor, kemi qënë nxënësit e tu. Kështu i ka ndodhur dhe me emra të njohur si Shaban Sinani, Lirie Rasha, Naim Çorja, Lavdrim Shehu e Gjelosh Gjoni, etj. Ai i kujtonte me shumë dashuri e respekt të gjithë shokët e kolegët e tij në vite dhe në biseda tregonte episode të bukura të bashkëpunimit ku shpaloste me shumë dashuri vlerat më positive të tyre, si pjesë e pandarë e jetës së tij. Lutfiu ishte mësues i talentuar në klasë dhe ka drejtuar rrethet letrare të shkollave, bibliotekat dhe aktivitetet shkencore, kulturore e artistike. Është vlerësuar në konkurimet kombëtare për drama, ansamble artistike dhe estrada me medalje nga Ministria e Arsimit dhe Kulturës.

Botimet e para nisin qysh në vitin 1953, atëherë sapo kishte dalë nga bangat e shkollës pedagogjike. Gjatë viteve ka botuar në shtypin monist përshkrime, skica letrare, tregime, monografi të shkurtra historiko -letrare dhe në përmbledhje me shumë autorë, në gazeta e revista të sistemit monist dhe pluralist. Ka drejtuar ca kohë gazetën “Dibra” ku ka bashkëpunuar me gazetarët Velo Cfarku, Fatos Daci, Kamber Farruku, Garip Troci, etj.

Besimi[Redakto | Redakto nëpërmjet kodit]

Lutfi Hanku, ishte dhe mbeti deri në fund të jetës praktikant e besimtar i devotshëm dhe përhapës i besimit të paqtë bektashian, si vazhdues i denjë i traditës së familjes, që i shërbenin në Zerqan teqes së "Hankeve".

Krijimtaria[Redakto | Redakto nëpërmjet kodit]

Në veprat e tij letrare e publicistike, si "Drita e shpirtit" "Marsi i vrare", "Erdhi Çaushi", "Loti rebel", bektashizmi, zë një vend të rëndësishëm. Në TVSH janë shfaqur tre telefilma për heronjtë e Dibrës ku autor skenari ka qenë Lutfi Hanku.

Lutfi Hanku nuk mund të qëndronte vetëm brenda për brenda kornizave të klasave, aty ku jepte mësim. Shpirti i tij prej krijuesi premtonte për më shumë. Lutfiun e ndiqte nga pas kudo një “hije” që i pati lënduar shpirtin, por ai kurrë nuk u dorëzua. Punoi fort në rrugën e krijimtarisë dhe i ka dhënë lexuesve libra me vlera, ku del në pah stili i tij i veçantë me përshkrime brilante të personazheve realë të historisë e të jetës plot brenga e sakrifica. Forca krijuese, gjuha mjaft e pasur që përdor, faktet, kronikat dhe legjendat e bëjnë prozën e Lutfi Hankut më të pranueshme për lexuesin e gjerë shqiptar.

Lutfi Hanku me krijimtarinë e tij botoi më 1974 “Nëpër gjurmët e heroit” dhe më 1980 e ribotoi me titullin “Nazmi Rushiti”. Në vitin 2000 botoi librin “Kaçaku”, më 2003 “Drita e shpirtit”. Më 2006 romanin “Erdhi Caushi”, më 2009 “Marsi i vrarë” (vepër historiko-letrare). Është gjithashtu redaktor në shumë libra të krijuesve dibranë dhe i artikujve të shumtë në gazeta e revista si tek “Rruga e Arbërit”, “Gazeta Bulqiza”, “Drita”, “Nëntori”, "Ushtima e Maleve”, “Gazeta Dibra”, etj.

Vlerësime[Redakto | Redakto nëpërmjet kodit]

Ai është dekoruar dy herë nga Presidiumi i Kuvendit Popullor, vlerësuar tri herë me dëshminë “Mirënjohja e kombit”, vlerësuar nga Këshilli Bashkiak Bashkisë Bulqizë “Qytetar Nderi i Bulqizës”.

Në vitin 1991 Lutfiu mbeshteti pa rezerva ndryshimet demokratike ne qytetin e Peshkopise ku jetonte dhe dha kontributin e tij ne bashkepunim me koleget Safet Zhulali, Spartak Topollaj, Mirush Mati, Bexhet Shehu, Gjyzel Hasani, Kamber Farruku, etj.

Me krijimin në vitin 2015 të “Shoqatës Bulqiza” Lutfi Hanku u zgjodh president i kësaj shoqate ku për kontributin e tij të çmuar për aktivitetet e shoqatës dhe për ecurinë e botimit të gazetës “Bulqiza” profesor Lutfi Hanku është nderuar me titullin “Nderi i Shoqatës Bulqiza”.

Burime[Redakto | Redakto nëpërmjet kodit]

1 Nëpër gjurmët e heroit : kushtuar Heroit të Popullit Nazmi Rushiti / Autor: Lutfi Hanku Botuar v.1974

2  Nazmi Rushiti / Autor: Lutfi Hanku Botuar v.1980

3 Gjokë Doçi "Kaçaku" : (monografi historiko-letrare) / Autor: Lutfi Hanku; Botuar v.2000

4 Drita e shpirtit : Baba Fejzë Bulqiza / Autor: Lutfi Hanku; Botuar v.2002

5 Kolkace : monografi / Autor: Lutfi Hanku ISBN 9994361775 otuar v.2004

6 Erdhi Çaushi : roman historik / Autor: Lutfi Hanku; ISBN 9994394975 Botuar v.2006

7 Marsi i vrarë : vepër historiko-letrare për Baba Faje Martaneshin / Autor: Lutfi Hanku; ISBN 9789995633974 Botuar 2009

8 Loti rebel : (roman historik) / Autor: Lutfi Hanku; ISBN 9789995604813 Botuar v.2012

Referime[Redakto | Redakto nëpërmjet kodit]