Mikel Koliqi

Nga Wikipedia, enciklopedia e lirë
Jump to navigation Jump to search
Eminenca e tij Kardinal Mikel Koliqi
Fotoporteti
Emri Mikel
Mbiemri Koliqi
Lindur më 29 shtator 1902
Lindur në Shkodër
Vdiq më 28 janar 1997
Vdiq në Shkodër
Kombësia Shqiptar
Shtetësia Shqiptare
Profesioni Klerik Katolik, Arqipeshv i Shkodrës, Kardinal

Mikel Koliqi (Shkodër, 29 shtator 1902 - 28 janar 1997) ka qenë prift, muzikant dhe kardinali i parë shqiptar i Kishës Katolike.

Jeta[redakto | përpunoni burim]

Familja[redakto | përpunoni burim]

Mikel Koliqi lindi më 29 shtator 1902, i biri i Shan Koliqit dhe Ages së Cuk Simonit, nga lisi i tamblit ishte nip Parrucejsh[1], familje reshpere shkodrane fort e kamur. Ndërsa lisi i gjakut i tij kishte origjinën prej Lotajve të Shalës së Dukagjinit, e rënë në krahinën e Anamalit rreth vitit 1700 së pari, e pastaj u vendosën Shirokë. Prej një të pari i mbeti nofka Kolaj, të cilës iu vendos prapshtesa -iqi prej tregtisë të vazhdueshme me Malin e Zi[2]. Ishte i pari ndër fëmijët, pas tij vinte Ernesti, Leci, Guljelmi, Margerita, Viktori dhe Terezina[3].

Shkollimi[redakto | përpunoni burim]

Mësimet fillore i mori në vendlindje në Kolegjin Ksaverian të drejtuar nga etërit jezuitë. Për shkollimin e mesëm, jezuitët e nisën në kolegjin "Cesare Arici" në Breshia. Më pas u regjistrua në kolegjin Vilorez në Monza më 1919, më 1924 u regjistrua në një shkollë teknike në Bari. Më pas vijoi studimet në Politeknikun e Milanos, ku edhe ndjeu thirrjen për rrugën e fesë dhe e la politeknikun. Më 1931 kreu studimet për teologji e filozofi në seminarin arqipeshkvnor në Milano. Më 30 maj të atij viti u shugurua meshtar në Kishën e Jezuitëve të Shkodrës nga arqipeshkvi Imzot Lazër Mjeda dhe u emërua famullitar në dioqezën e Shkodrës[4].

Muzika[redakto | përpunoni burim]

Më 1932 themelo korin e Katedrales të quajtur "Scuola Cantorum". Kompozoi dhe realizoi në skenë tri melodrama të Dom Ndre Zadejës. Kompozoi edhe 30-40 pjesë të ndryshme korale.

Publicistika[redakto | përpunoni burim]

Nga viti 1938 e deri më 1944 qe redaktor i së përkohshmes "Veprimi katolik shqiptar" dhe drejtor i "Kumona e së diellës"[4].

Përndjekja nga diktatura komuniste[redakto | përpunoni burim]

Më 3 shkurt 1945 arrestohet nga autoritetet komuniste dhe dënohet me dy vjet burgim ngaqë kishte dëgjuar radio të huaja. Arsyeja e vërtetë ka qenë më me gjasë veprimtaria politike e të vëllait, Ernestit, gjatë pushtimit italian. Më pas u lirua për t'u arrestuar sërish më 1946, i dënuar me 5 vjet burgim. Më pas u lirua dhe arrestua sërish më 1951, kur u dërgua në kampet e punës në Gradishtë, Kuç, Gjazë, Beden, Orman, Savër, Ballsh e Zejmen. Dënimet e tij të bërë së bashku shumojnë në 21 vjet heqje lirie dhe 21 vjet punë të detyruar.

U lirua më 1986 për arsye moshe.

Urdhërimi kardinal[redakto | përpunoni burim]

Më 26 nëntor 1994 u urdhërua kardinal xhakua i Kishës së të Tërshenjtëve në Via Appia Nuova pranë Romës dhe më pas u ngrit kardinal nga Papa Gjon Pali II, duke u bërë kështu i pari kardinal shqiptar[4].

Ndërroi jetë më 28 janar 1997, u varros në kriptën e Katedrales së Shkodrës[5][6].

Referenca[redakto | përpunoni burim]

  1. ^ Camaj M., Fjala qet fjalën - Në rasën e gjashtëdhetëvjetorit të lindjes së Ernest Koliqit, "Shêjzat",
  2. ^ Bushati H., "Shkodra dhe motet: (traditë, ngjarje, njerëz...)", Shkodër: Idromeno, 1999.
  3. ^ Demo E., Viktor Koliqi i fshehti dhe i ndjeshmi vëlla shkrimtar: "Hylli i Dritës" rizbulon pas gjysmë shekulli vëllain shkrimtar të Ernest Koliqit, Tiranë: Shekulli. - Nr. 2529, 22 janar, 2009, f. 20 - 21.
  4. ^ a b c Elsie, Robert (2013). "A Biographical Dictionary of Albanian History". I.B. Tauris. f. 247.  9781780764313. Marrë më 2 mars 2018. 
  5. ^ "Kërkim "Mikel Koliqi" në catholic-hierarchy.org". 
  6. ^ "Historiku i Katedrales së Shkodrës".