Nasho Jorgaqi
Nasho Jorgaqi lindi në vitin 1931 në Fier, Shqipëri është shkrimtar, skenarist, hulumtues dhe studiues shqiptar, doktor i shkencave dhe titullar, është i njohur me titullin “Mjeshtër i Madh i Punës”.
Ai është autor botimesh letrare, skenarësh filmash, përkthimesh dhe botimesh shkencore.
Sipas dokumenteve, Jorgaqi u rekrutua si informator nga Sigurimi i Shtetit më 10 janar 1955 me nofkën "Dragoi", për pesë vjet qe "polic" i studentëve dhe rretheve letrare që shfaqnin pikëpamje “dekadente, reaksionare e pesimiste”, në varësi të seksionit të tretë të Drejtorisë së Punëve të Brendshme. Spiunimet e para ishin kundër Kadrie Kadaresë dhe Robert Shvarcit në Institutin Pedagogjik 2 vjeçar “Aleksandër Xhuvani” në Tiranë.[1]
Më pas u drejtua nga ndërmarrja e botimeve, ndërsa më 1960 kaloi në varësi të Degës së 12-të të Drejtorisë së Sigurimit të Shtetit, e cila mbulonte legatat e huaja në Tiranë. Më 13 tetor 1961 nga informator u bë agjent.[1] Përmendet në dokumentet sekrete të Qani Tartales, një punonjës i Sigurimit të Shtetit, si informator (nuk dihet nëse me dashje apo pa dashje) kundër shkrimtarit Bilal Xhaferri.[2] Nga 1967 deri më 1973 nuk qe i përfshirë në rrjetin sekret, deri kur thirret sërish në detyrë për të mbikëqyrur shkrimtarët e ardhur nga Kosova. Më 1978 u bë rekrutues dhe ndërlidhës, aktiviteti i tij mbaroi më 1991.[1]
Tituj te veprave[Redakto | Redakto nëpërmjet kodit]
- Dashuria e Mimozës, novelë - 1960[3]
- Ëndrra dhe plagë, novelë - 1963
- Posta e Largët, novelë - 1968
- Shoku, tregime - 1968
- Qemal Stafa, biografi - 1970
- Tregime të Mbrëmjes, tregime për fëmijë - 1972[4]
- Mërgata e Qyqeve, roman, Vol. I, II - 1978, 1979
- Tregimet e Qemalit, tregime për fëmijë - 1978
- Atentatori i Perandorit, biografi -1980
- Tregimet e Pranverës, tregime për fëmijë - 1985
- Larg dhe afër, udhëpërshkrime dhe meditime - 1987 [4]
- Udhëve të mërgimit, udhëpërshkrime dhe meditime - 1994
- Manastiri i dashurisë, proza të shkurtra dhe tregime - 1995
- Ndëshkimi i Bukurisë, proza të shkurtra dhe tregime - 1998
- Tomka - 1968 [4]
- Poetika e dokumentit - 1987 [4]
- Udhëtim me Fan Nolin 1995 [4]
- Ka përgatitur për botim vepra të Fan Nolit, Faik Konicës, Mitrush Kutelit, Haki Stërmillit, Lumo Skëndos, etj.
- Ka përkthyer vepra të Anton Çehovit, Xh. Gollsuorthit, M. Prishvinit, A. Filipit, etj.
- Udhëtime Letrare - 2001
Botimet shkencore[Redakto | Redakto nëpërmjet kodit]
Në botimet e tij shkencore përfshihen:
- Antologji për Skënderbeun, (1968)
- Silueta Letrare, studime - 1976
- Poetika e dokumentit, studime - 1987 [4]
- Antologji e mendimit estetik shqiptar (1504-1944), 1994[4]
- Antologji e fjalës së mençur - 1994
- Udhëtim me Fan Nolin', (1995)
- Estetika e fjalës shqipe, (studime, artikuj, ese, 1995)
- Portrete dhe gjurmime (artikuj dhe studime letrare, 2002)
- Hire letrare, shpalime historike (studime, vështrime, ese, 2012)
Skenaret[Redakto | Redakto nëpërmjet kodit]
- Mimoza Llastica (1979)
- Tomka dhe shokët e tij (1977)
- Duel i Heshtur (1967)
- Tana (1958)
Referimet[Redakto | Redakto nëpërmjet kodit]
- ^ a b c "Tufa nxjerr të dhëna të tjera për shkrimtarin Jorgaqi / Si u martua me agjenten me nofkën "Artistja"". cna.al. Marrë më 17 mars 2021.
- ^ 27.al (17 tetor 2016). "Nasho Jorgaqi në dosjen e Sigurimit të Shtetit për Bilal Xhaferrin". 27.al. Marrë më 17 prill 2018.
- ^ http://www.worldcat.org/title/udhetime-letrare/oclc/48614397
- ^ a b c d e f g Gjovalin shkurtaj dhe Enver Hysa : Gjuha Shqipe për të huajt dhe shqiptarët jashtë atdheut