Nevruzi

Nga Wikipedia, enciklopedia e lirë
Shko te: navigacion, kërko

Me 22 mars është Dita e Nevruzit ose Dita e Sulltan Nevruzit. Që nga viti 1996, Dita e Nevruzit është festë zyrtare në Shqipëri. Nevruzi është një festë e lashtë pagane, me prejardhje persiane. Sot, kjo ditë, në Iran, është dita e Vitit të Ri, kurse në Shqipëri është festë fetare-zyrtare për Komunitetin Bektashi… Dita e Nevruzit është festë zyrtare në Shqipëri qw prej muajit shkurt, 1996, kur presidenti i Shqipërisë, Sali Berisha, i propozoi Kuvendit Popullor që ta shpallë Ditën e Nevruzit festë zyrtare në Shqipëri. Kuvendi Popullor e miratoi dhe 22 marsi u shpallë festë zyrtare fetare në Shqipëri. Kjo festë fetareu shpallë, siç thuhet, për hir të Komunitetit Bektashian të Shqipërisë, me këto arsyetime:

  1. . E kaluara atdhetare e disa personaliteteve shqiptare që kanë qenë bektashinj, që nga Lidhja e Prizrenit e këndej…
  2. . Anti-komunizmi i disa të tjerëve gjatë Luftës së Dytë Botërore dhe në kohën e diktaturës komuniste, dhe së fundi, sepse:
  3. . Në Tiranë ndodhet Kryegjyshata Botërore Bektashiane…!

Për herë të parë, më 22 mars 1996, Dita e Nevruzit u festue zyrtarisht në Shqipëri. Ceremonia kryesore u zhvillue në Kryegjyshatën Botërore Bektashiane në Tiranë. Atë ditë, fjalën e rastit e mbajti z.Tomorr Aliko, sekretar i Kryegjyshatës. Fjalën kryesore e mbajti Haxhi Dede Reshad Bardhi, Kryegjyshi i bektashinjve dhe më në fund fjalën përshëndetëse e tha Kryetari i Kuvendit Popullor të Shqipërisë, z.Pjetër Arbnori, i cili ndër të tjera tha: “Nevruzi nuk është festë vetëm e sektit bektashi, por edhe e të gjithë shqiptarëve…!”