Diana Çuli

Diana Çuli (Tiranë, 13 prill 1951) ka qenë një politikane dhe është një shkrimtare e gazetare shqiptare.

Diana Çuli
U lind më	13 Prill 1951 Tiranë
Kombësia	Shqiptare
Vite aktiv	(1973 - prezente)

Jeta

Është diplomuar për Filozofi, Universiteti i Tiranës, më 1973. Pas diplomimit ka punuar si redaktore në gazetën Drita, dhe ne gazetën franko-shqiptare Les letteres albanaises. Në 1990 dhe ju bashkua partisë Social Demokrate të Shqipërisë.

Që nga viti 2006, ajo është përfaqësuese e Shqipërisë në Asamblenë e Këshillit të Evropës. Ajo është aktiviste e Shoqërisë Civile për të drejtat e grave, barazinë gjinore, dhe luftës kundër trafikimit të grave dhe vajzave. Diana Çuli, u emërua presidente e Federatës Shqiptare të Grave.

Në fund të vitit 1970, ajo publikoi historinë e saj të parë të shkurtër "Ndërgjegja". Ajo ka publikuar tetë novela dhe është autore e disa skenareve të filmave si : "Hije që mbeten pas" (1985), "Rrethi i kujtesës" (1987) dhe "Bregu i ashpër" (1988).

Debate

Që në mesin e viteve '90 opinioni publik iu kthye Çulit për komentimin e saj të poezive të Genc Lekës dhe Vilson Blloshmit. Debat që iu rikthye më 2017 me kundërvënie ndër media të ndryshme nga qëndrimi akuzator si përgjegjësja për pushkatimin dhe vrasësja e poetëve, drejtuar nga Agron Tufa.

Publikime

• 1980: Jehonat e jetës
• 1983: Zeri i larget
• 1986: Dreri i trotuareve
• 1992: Rekuiem
• 1993: ... dhe nata u nda në mes
• 2000: Diell në mesnatë
• 2006: Engjëj të armatosur
• 2009: Gruaja në kafe
• 2011: Hoteli i drunjtë