Kostaq Kota

Kostaq Kota Kryetar i Parlamentit të Shqipërisë (1925-1928), (1930-1936) Kryeministër i Qeverisë së Shqipërisë (1928-1930), (1936-1939)
Emri:	Kostaq
Mbiemri:	Kota
Lindi më:	1889
Vendlindja:	Korçë
Vdiq më:	1949
Vdiq në:	Burrel
Profesioni:	politikan
Kombësia:	shqiptar

Kostaq Kota (1889-1949) ishte politikan shqiptar.

Kostaq Kota ose Koço, siç e thërrisnin, u lind në Korçë në vitin 1889. I ati i Koços, quhej Nuçi Kota dhe në atë kohë ai merrej me tregti lëkurësh e importe të ndryshme nga Italia dhe Greqia. Koço ishte fëmija i dytë nga tre djem dhe një vajzë që kishte Nuçi Kota. Mësimet e para Kota i kreu në qytetin e lindjes në Korçë dhe më pas ai shkoi në Greqi dhe vazhdoi Universitetin në Athinë, ku u diplomua në Shkencat Politike.

Në vitin 1912 Kota iu përgjigj thirrjes së Ismail Qemalit dhe mori pjesë në administratën e tij duke punuar si Kryesekretar i Ministrisë së Arsimit në Qeverinë që kryesohej nga vetë Ismail Qemali.

Në vitin 1920-të, Koço Kota mori pjesë në Kongresin e Lushnjes si deputet i Korçës ku u zgjodh dhe Sekretar i Kongresit. Dy vjet më vonë ai u emërua Prefekt i Beratit. Pas ngjarjeve të Qershorit 1924, ai u largua nga Shqipëria. Në zgjedhjet parlamentare të vitit 1925, Kota u zgjodh deputet i Korçës.

Kostaq Kota ishte kryetar i Parlamentit 1925-1928 dhe 1930-1936.

Ai ishte Kryeministër i Shqipërisë 10 shtator 1928 - 5 mars 1930 dhe 9 nëntor 1936 - 7 prill 1939 si dhe Ministër i Brendshëm gjatë periudhave kohore 11 maj 1928 - 1 shtator 1928 dhe 5 shtator 1928 - 13 janar 1930.

Koço Kota vdiq nga torturat në burgun famëkeq të Burrelit ku ishte i burgosur politik i dënuar nga komunistët.

Qeveria e Shqipërisë

para	Kostaq Kota		pas
Kryeministër
Ahmet Zogu Mehdi Frashëri	5 shtator 1928 9 nëntor 1936	5 mars 1930 7 prill 1939	Pandeli Evangjeli Shefqet Vërlaci
Ministër i Punëve Brendëshme / MPB
	11 maj 1928 5 shtator 1928	1 shtator 1928 13 janar 1930