Citati i Papa Benediktit XVI në Regensburg

Artikull i palidhur

Kjo faqe është e palidhur nga faqe të tjera.
Ndihmoni që faqet e tjera me temë të ngjashme të lidhen me të. (Data: shtator 2012)

Citati i Papa Benediktit XVI në Regensburg është një thënie e shkëputur nga ligjërata e mbajtur nga Papa Benedikti XVI, në Universitetin e Regensburgut, Gjermani, më 12 shtator 2006.

Benedikti XVI ka shërbyer më parë si profesor teologjie në këtë universitet, dhe ligjërata e tij titullohej "Besimi, Arsyeja dhe Universiteti — Kujtime dhe Pasqyrime". Ligjërata u prit mirë por edhe u dënua nga disa autoritete politike e fetare, si edhe pati një jehonë të madhe në media, veçanërisht në botën islamike, ku udhëheqësit politikanë dhe fetarë islamike e dënuan ashpërsisht si fyerje keqpërshkruese e Islamit,^[1]^[2] nga ana e Benediktit XVI për shkak të citimit të Manuelit II Paleologut ku thuhet :

"Pa më trego, çfarë të reje solli Muhamedi, e do të gjesh vetëm të keqe e shnjerzore si këtë, që ai urdhëroi, besimin, që ai parafoli, të përhapet me anë të shpatës."^[2]

Citimi në fillim është shfaqur në "Dialog i mbajtur me një farë persiani, Muterizin e denjë, në Anakara të Galatisë"^[3], shkruar në vitin 1391 si shprehje e pikëpamjeve të perandorit bizantian Manuelit II Paleologut, një nga qeveritarët e fundit të krishterë para Rënies së Konstantinopolit në duart e Perandorisë Islame Osmane, në lidhje me konvertimin e dhunshëm, luftën e shenjtë, dhe ndërlidhjen mes besimit dhe arsyes.