Lekë Luli

Nga Wikipedia, enciklopedia e lirë
Jump to navigation Jump to search

Lekë Luli (Kastrat, 1908 - 16 korrik 1944) ka qenë frat françeskan, veprimtar i rezistencës shqiptare gjatë Luftës së Dytë Botërore si anëtar i Lëvizjes së Legalitetit. Ka qenë kleriku i parë i vrarë nga komunistët.

Biografia[Redakto | Redakto nëpërmjet kodit]

U lind në Kastrat të Malësisë së Madhe, i pagëzuar Mark.[1] Ndoqi dhe përfundoi studimet në Kolegjin Françeskan në Shkodër e Kolegjin e Shna Ndout në Romë. Qe docent në liceun Illyricum dhe për një kohë drejtues i Shoqërisë Antoniane.

Shtatë muaj pas pushtimit italian të Shqipërisë, u arratis si antifashist në Jugosllavi dhe dorëzoi në Legatën Angleze në Beograd një përkujtesë kundër fashizmit. Pas pushtimit të Jugosllavisë nga Gjermania e Italia, internohet në Itali në prill të 1941. Pasi u kthye, u angazhua në krah të forcave monarkiste të Bazit të Canës. U zgjodh sekretar i Legalitetit.

Mori pjesë me Bazin si përfaqësues i Legalitetit në një takim me Frontin dhjetorin e 1943, ku nuk u arrit ndonjë marrëveshje për vazhdimin e rezistencës së përbashkët.

U vra nga forcat e batalionit komunist "Perlat Rexhepi" në korrik të 1944.[2]

Referimet[Redakto | Redakto nëpërmjet kodit]

  1. ^ Kurti, Donat (2003). Provinça Françeskane Shqiptare (në latinisht). Shkodër: Botime Françeskane. fq. 112. ISBN 99927-789-1-1. Alexander (P) Marcus Luli, f. , n. Kastrati, d. Shkodrensis 1908 [...].
  2. ^ Juka, Gëzim H. (2018). Shkodranët e 7 prillit dhe të 29 nëntorit. Tiranë: Reklama. fq. 214–215. ISBN 9789928440358.