Rand Paul

Nga Wikipedia, enciklopedia e lirë
Jump to navigation Jump to search
Rand Paul
Rand Paul, official portrait, 112th Congress alternate.jpg
Senator i Shteteve të Bashkuara të Amerikës për shtetin e Kentuckyt
3 janar 2011 –
Paraardhësi: Jim Bunning
Të dhënat personale
Lindi më: 7 janar 1963
Lindi në: Pittsburgh, Pennsylvania (SHBA)
Profesioni: Mjek, Politikan (Senator)
Shkolla e kryer: Baylor University
Duke University School of Medicine (M.D.)
Partia politike: Republikane
Bashkëshortja Kelley Paul
Fëmijë 3
Feja: Presbiteriane

Randal Howard “Rand” Paul (Pittsburgh, 7 janar 1963) është një mjek dhe politikan amerikan nga shteti i Kentuckyt. Që prej vitit 2011 Paul shërben si Senator i Kentuckyt për Partinë Republikane. Ai është gjithashtu mjek oftalmolog dhe i biri i ish-Kongresmenti nga Texasi, Ron Paul.

Paul lindi në Pittsburgh, Pennsylvania. Ndoqi Universitetin e Baylorit dhe u diplomua nga Shkolla e Mjekësisë së Universitetit Duke. Ai filloi të praktikonte profesionin e oftalmologut në vitin 1993 në Bowling Green në Kentucky, dhe ngriti klinikën e tij private në dhjetor të vitit 2007.

Paul njihet si një mbështetësi Lëvizjes Tea Party, dhe si një kritik i Sistemit të Reservës Federale (FED)[1]. Ai ka kundërshtuar përgjimin në masë që iu bëhet amerikanëve nga NSA (Agjensia Kombëtare e Sigurisë)[2] dhe mbështet reduktimin e taksimit dhe të shpenzimeve qeveritare.[3][4] Në çështjet e abortit ai e përshkruan veten e vet si “100% pro-jetës”.

Më 7 prill 2015 Paul zyrtarizoi kandidaturën e vet për të qenë nominimi Republikan në garën për Shtëpinë e Bardhë.[5]

Biografia[redakto | përpunoni burim]

Randal Howard Paul[4] u lind më 7 janar 1963 në Pittsburgh, Pennsylvania nga Carol (Wells) dhe Ron Paul. I ati është mjek dhe ish Përfaqësues i një prej distrikteve të shtetit të Texas-itKongresin e SHBA-ve.

Familja Paul e përbërë nga prindërit dhe 5 fëmijët Ronnie, Lori, Randal, Robert dhe Joy,[6] në vitin 1968 u zhvendos në Lake Jackson në Texas, ku Randal Paul u rrit dhe ku i ati filloi paktikën e vet mjekësore.[7][8] Kur Rand Paul ishte 13 vjeç, i ati i tij u zgjodh në Dhomën e Përfaqësuesve të Shteteve të Bashkuara.[9]

Në vitet e tij të adoleshencës Paul studioi ekonomistët e Shkollës Austriake sikundër edhe shkrimet e filozofes objektiviste Ayn Rand.[7] Në provimin e pranimit për në Kolegjin Mjekësor Rand Paul arriti rezultate më të mira se 90% e studentëve të tjerë. Rand Paul-i studioi në Baylor University, në Waco, nga viti 1981 në 1984.

Jeta personale[redakto | përpunoni burim]

Rand Paul është i martuar me Kelley Paul dhe ka tre fëmijë.

Karriera si mjek[redakto | përpunoni burim]

Rand Paul aktualisht ka një studio private okulistike në Bowling Green. Raul është specializuar në trapiante korneale, në kirurgjinë e glaukomës dhe në LASIK. Gjithashtu, Rand Paul ka themeluar edhe Southern Kentucky Lions Eye Clinic për të kontribuar në dhënien e ndërhyrjeve kirurgjikale okulare falas për ata që nuk mbulohen nga siguracioni shëndetësor.

Aktiviteti politik[redakto | përpunoni burim]

Senatori Rand Paul

Rand Paul u vu në qendër të vëmendjes publike duke filluar nga viti 2008 kur jepte fjalime politike në mbështetje të babait të vet, Ron Paul, i cili po bënte fushatë për t'u emëruar si kandidat i Partisë Republikane për president. Ndryshe nga i ati që është jo-ndërhyrës, Rand Paul, është më i moderuar për sa i përket politikës së jashtme amerikame duke njohur nevojën e mbajtjes së bazave ushtarake edhe jashtë kufijëve amerikanë. Më në përgjithësi, qëndrimet e tij, janë shpesh në kundërshtim si me republikanët ashtu edhe me demokratët.

Rand Paul-i është anëtar i Tea Party Movement, mbështet reduktimin e zgjeruar të shpenzimeve federale, mbështet reduktimin e taksave dhe shpesh përshkruhet si libertarian, pavarësisht se ai e kundërshton këtë emërtim.

Fushata senatoriale e 2010[redakto | përpunoni burim]

Në gusht të vitit 2009, Paul-i njoftoi zyrtarisht kandidaturën e vet për Senatin amerikan. Paul-i fitoi zgjedhjet parësore brendapartiake në 18 maj 2010, ndërsa në zgjedhjet e përgjithshme të 2 nëntorit u përball me Jack Conway-n, të cilin e mundi dhe u zgjodh senator.

Rand Paul kandidoi si senator dhe fitoi zgjedhjet, duke fituar primatin si personi i parë që zgjidhej në Kongresin Amerikan gjatë mandatit të njërit prej prindërve të vet (Ron Paul).

Kuriozitete[redakto | përpunoni burim]

Gjatë fushatës për Senator 2010, pati një stuhi mediatike që thoshte se emri i tij 'Rand' i ishte vënë nga prindërit në respekt të shkrimtares dhe folozofes ruso-amerikane Ayn Rand. Kjo u përgënjeshtrua nga vet Rand Paul-i [10].

Libra të botuar[redakto | përpunoni burim]

Rand Paul është autor i librit Government Bullies: How Everyday Americans Are Being Harassed, Abused, and Imprisoned by the Feds (2012)

Gjithashtu, bashkë me Jack Hunter, është bashkëautor i librit të titulluar, The Tea Party Goes to Washington (2011).

Referenca dhe shënime[redakto | përpunoni burim]

  1. ^ MacDonald, Allison. "Rand Paul to delay Yellen confirmation vote over 'Audit the Fed'". MSNBC 18 dhjetor 2013
  2. ^ Topaz, Jonathan. "Rand Paul: NSA monitoring an 'extraordinary invasion of privacy'". Politico. 9 qershor 2013
  3. ^ Burke, Alana Marie. "Rand Paul 2016: 7 Key Political Positions of GOP Presidential Hopeful". Newsmax, 22 dhjetor 2014
  4. ^ a b Alessi, Ryan. "Paul's top goal is to cut federal spending". Lexington Herald-Leader. 3 shtator 2010
  5. ^ Sen. Paul announces 2016 White House bid, touts 'message of liberty' FoxNews, 7 priill 2015
  6. ^ Stonington, Joel. "How Old Is Rand Paul?". Politics Daily. 4 tetor 2010
  7. ^ a b Leibovich, Mark. "For Paul Family, Libertarian Ethos Began at Home". The New York Times. 6 qershor 2010
  8. ^ Wolfford, David. "Rand against the Machine". National Review. 5 pril 2010
  9. ^ Straub, Bill. "Off and running: Rand Paul". Evansville Courier & Press. 9 shtator 2010
  10. ^ VIDEO: Rand Paul flet mbi emrin e tij dhe mbi Ayn Rand-in

Lidhje të jashtme[redakto | përpunoni burim]