Shiu

Reshje shiu

Shiu është forma më e zakonshme e reshjeve që krijohet nga bashkimi i pikave të imta të ujit me madhësi nga 0,5 mm deri 6-7 mm, të cilat për shkak të forcës së rëndesës bien nga retë në qiell përposhtë drejt tokës. Forma të tjera të shiut janë: dëbora, lloha, breshëri dhe vesa. Sasia e shiut të rënë matet në milimetra (mm). 1 mm reshje nënkupton 1 litër për metër katror. Jo i gjithë shiu bie në tokë, pasi një pjesë e tij avullon gjatë rënies për shkak të ajrit të thatë. Kur shiu nuk arrin të bjerë në tokë ai quhet virga, një dukuri që ndeshet shpesh në rajonet e nxehta dhe të thata të shkretëtirave.

Shtrëngatë shiu mbi çatinë e shtëpisë

Klasifikimi i reshjeve

Klasifikimi i rreshjeve të shiut bëhet:

1.) sipas intensitetit

• Pika shiu kur bien më pak se 1 mm në orë.
• Shi i dobët 1-2mm në orë
• Shi mesatar 2-6mm në orë
• Shi i fortë me shumë se 6 mm në orë.
• Shtrengata më shumë se 10 mm në orë
• Shi i rrëmbyer më shumë se 30 mm në orë

2.) sipas natyrës së rënies

• Shi i butë quhet kur përbëhet nga pika uji të imëta me diameter 0.5 mm. Këto lloj reshjesh vijnë nga retë shtresore jo grummbullore. Nuk është i rrëmbyeshëm për një orë mund të bien 0.5 mm
• Shi i zakonshëm quhet ai që nuk përbehet nga pika të imta me diametër më të madh se 0.5 mm. Matet me sasinë e përgjithshme të rënë në njësinë e kohës. Ky lloj shiu vjen nga re të ulëta ose të mesme grumbullore. Hapësire jo e kufizuar. Qielli ka ngjyrë gri në të murrme. Nuk ka të çara në qiell. Ky shi nuk kthehet në shtrengatë.
• Shi rrebesh quhet i rrëmbyeshem dhe zgjat shume pak kohë, vjen nga re grumbullore te shiut. Gjithmonë kemi intensitet variabël, zë një hapësire të vogël, shpesh e quajmë shi me diell. Ai mund të kthehet në shtrengatë të zakonshme kur kemi rryma tropikale.

3.) sipas kohëzgjatjes

• në formë vese.
• i vazhdueshëm.
• në formë shtrengate.

Shiko edhe

• Reshjet
• Dëbora
• Breshëri
• Lloha
• Vesa
• Bryma