Wikipedia:Faqja kryesore/Artikulli i javës/2013/8
Biblioteka e Sekretarit të Parë të Komitetit Qendror të PPSH-së Enver Hoxha përmbante rreth 25 mijë tituj librash. Në bibliotekë përveç librave në gjuhën shqipe, kishte edhe libra që i kishte ruajtur familja e tij gjatë kohës së studimeve të tij në Montpelje të Francës dhe gjatë punës si mësues në Liceun e Korçës. Libri më i vjetër në gjuhën frënge ishte "Le conte de Lisle antique" me shënimin: "Enver Hoxha - Gjirokastër 1926". Bashkë me të kishte dhe një seri librash, të gjitha në frëngjisht, që i përkisnin periudhës nga viti 1936 deri në vitin 1939. Pjesa më e madhe e librave të bibliotekës ishte në gjuhën frënge, sepse këtë gjuhë themeluesi i Partisë Komuniste të Shqipërisë e zotëronte në mënyrë të përsosur. Në bibliotekën e komandantit të përgjithshëm të forcave të armatosura të Shqipërisë gjendeshin biografitë, autobiografitë e memoaret e figurave më të shquara që nga fillimi i Luftës së Dytë Botërore dhe pas saj. Nga shkrimet e panumërta të udhëheqësit legjendar të popullit shqiptar mund të veçohen: "Ditaret e Enver Hoxhës", "Ditaret për çështjet ndërkombëtare", "Hrushovianët", "Kosova është Shqipëri", "Kur lindi Partia", "Kur u hodhën themelet e Shqipërisë së re", "Me Stalinin", "Për arsimin dhe edukatën", "Titistët" etj. Por më të famshmet ishin padyshim "Veprat e Enver Hoxhës", shumica e të cilave u përkthyen në shumë gjuhë të huaja.