Aromë gruaje (1992 film)
Regjisor: Martin Brest
Skenari: Bo Goldman
Producent: Martin Brest
Muzika: Thomas Newman
156 minuta
Data e daljes: 23 dhjetor 1992
Cast
Al Pacino-Frank Slade
Chris O'Donnel-Charlie Simms
James Rebhorn - Mr. Trask
Gabrielle Anwar - Donna
Philip S. Hoffman - George Willis, Jr
Bradley Whitford - Randy
Aromë gruaje (Scent of a Woman) është një film i vitit 1992 me regji të Martin Brest me protagonist Al Pacino. Është ribërja e filmit të vitit 1974, ''Profumo di donna'' me të njëjtin titull, me regji nga Dino Risi dhe me protagonist Vittorio Gassman, bazuar në romanin e vitit 1969 The Dark and the Honey nga Giovanni Arpino.
Charlie Simms është një student në një shkollë prestigjioze të New England dhe ndryshe nga shumica e shokëve të klasës, nuk vjen nga një familje e pasur. Për të paguar udhëtimin me aeroplan që i lejon atij të kthehet në familje për Krishtlindje, Charlie pranon një punë të përkohshme gjatë fundjavës së Festes sëFalënderimeve: të shoqërohet me Frank Slade, një ish nënkolonel pensionist të verbër, me karakter të vështirë si dhe të varur nga alkooli.
Charlie dhe George Willis Jr. , një student tjetër, janë dëshmitarë të përgatitjes së një shakaje që është kryer kundër drejtorit të shkollës, z.Traski. Ky i fundit hap hetim dhe ushtron presion mbi dy dëshmitarët për të zbuluar emrat e fajtorëve. Për më tepër, Trask kërcënon Charlien se do t'i heqë bursën e Harvardit, ndërsa studenti tjetër nuk ka frikë, sepse babai i tij është një nga financuesit e shkollës.
Gjatë pushimeve, i riu, i munduar nga kjo situatë, kalon kohën e tij me kolonel Slade, i cili e tërheq zvarrë në befasi në Nju Jork, në hotelin Waldorf-Astoria, duke u shfaqur si një burrë me një personalitet të shumëanshëm: herë-herë nervoz dhe në momente të tjera ironik dhe vetëpërçmues në të tjera joshës i parezistueshëm femrash, për të cilat ka një pasion të lindur.
Në Ditën e Falënderimeve, të dy shkojnë në shtëpinë e vëllait të madh të kolonelit: Frenku u bën përshtypje mysafirëve me anekdota të pista. Të nesërmen, për të luftuar shkatërrimin e pazakontë moral të Slade, Charles e merr atë për një xhiro me një Ferrari Mondial T Cabriolet, pasioni tjetër i tij i madh.
Në të njëjtën pasdite, në një akt heroik guximi, djali e shpëton atë nga një tentativë për vetëvrasje. Në këtë pikë, një lloj "marrëdhënieje baba-bir" zhvillohet mes të dyve. I riu tregon problemet e tij në shkollë, por koloneli mbetet evaziv për sa i përket këshillave, pasi tashmë ka zbuluar se Charli nuk ka ndërmend të tregojë emrin e fajtorit, duke mos iu dorëzuar shantazheve të drejtorit.
Pas fundjavës së guximshme, e gjithë shkolla Baird thirret në një asamble nga Trask, për të diskutuar mbi ngjarjet e fundit. Çuditërisht, koloneli shfaqet në mbrojtje të Charlit i cili, gjatë një fjalimi të paharrueshëm, akuzon Shkollën Baird për përgatitjen e drejtuesve të pandershëm, dhe që dikush ka tentuar te korruptojë Charlesin duke i siguruar atij një të ardhme.
Në këtë pikë, komiteti disiplinor i studentëve-fakultetit e liron Çarlsin nga çdo përgjegjësi në këtë çështje. Koloneli Slade kthehet në shtëpinë e mbesës së tij me dëshiren për ta jetuar jetën me të mirat dhe goditjet qe ajo na jep.