Klodian Duro

Klodian Duro

Informacioni personal
Emri i plotë	Klodian Duro
Data e lindjes	21 dhjetor 1977 (48 vjeç)
Vendi i lindjes	Tiranë, Shqipëri
Gjatësia	1.77 m (5 ft 10 in)
Pozicioni(et)	Mesfushor-sulmues
Karriera si profesionist*
Vitet	Ekipi	Ndsh	(Gola)
1996–1998	Elbasani	48	(11)
1998–1999	Tirana	27	(1)
1999	Elbasani	11	(2)
2000–2001	Vllaznia	44	(12)
2002	Samsunspor	9	(0)
2002–2003	Galatasaray	0	(0)
2002–2003	Malatyaspor	18	(3)
2003	Partizani	11	(3)
2004	Çaykur Rizespor	11	(1)
2004–2005	Arminia Bielefeld	19	(0)
2005–2008	Tirana	84	(25)
2008–2009	AC Omonia	26	(6)
2009–2010	Apollon Limassol	24	(2)
2010–2011	LASK	18	(3)
2011–2013	Tirana	34	(4)
Karriera ndërkombëtare
2001–2011	Shqipëria	78	(6)
Karriera menaxheriale
2015–2016	Kukësi
2018	Kamza
2019	Luftëtari
2020–2021	Feronikeli
2022	Lushnja
2023	Gjilani
2025	Liria Prizren
* Ndeshjet dhe golat në ligën vendase të klubeve

Klodian Duro (lindur më 21 dhjetor 1977 në Tiranë) është një ish futbollist shqiptar. Gjatë karrierës së tij futbollike, ai njihej si një mesfushor i zhdërvjellët i cili zakonisht luante edhe si mesfushor i avancuar. Një lojtar i kombëtares shqiptare për 11 vite, Duro ka shënuar gjashtë herë në 77 paraqitje, duke qënë një nga lojtarë me më shumë ndeshje me kombëtaren. Vëllai i tij, Albert Duro, gjithashtu ka qënë futbollist dhe ka luajtur edhe për kombëtaren.

Karriera me klube

Fillimet e karrierës

Duro e filloi karrierën e tij si profesionist me Elbasanin në sezonin 1996–97, ku ai luajti 13 ndeshje në kampionat. Elbasani e mbylli sezonin e rregullt në vendin e 14-të me 20 pikë, duke u vendosur në grupin e tretë ku e fitoi me 29 pikë. Në sezonin tjetër, formati e kampionatit ndryshoi duke u bërë me 18 skuadra. Duro luajti gjithsej 31 ndeshje duke shënuar shtatë gola, gjë që rezultoi deçizive për Elbasanin e cila e mbylli sezonin në një vend komod të gjashtë.

Në merkaton verore të vitit 1998, Duro u transferua te klubi kryeqytetas KF Tirana, e cila ishte dhe kampionja në fuqi. Gjatë sezonit 1998–99, Duro shënoi vetëm një gol në 27 paraqitje në kampionat, me Tiranën që e mbylli në vendin e parë duke u shpallur kampion për të dytën herë rresht. Tirana mori 61 pikë gjatë sezonit, vetëm një më shumë se Vllaznia. Ky ishte trofeu i parë madhor i Duros. Tirana e fitoi kampionatin vetëm në javën e fundit pasi mposhti Burrelin me rezultatin 3–0 më 14 maj. Vetëm tetë ditë më vonë, Duro fitoi trofeun e dytë madhor në karrierën e tij, pasi Tirana mposhti Vllazninë me rezultatin 3–0 nga gjuajtjet e penalltive në finalen e Kupës së Shqipërisë, pasi koha e rregullt sëbashku me shtesën u mbyllën në barazim pa gola.

Turqia

Në janar 2002, Duro lëvizi për herë të parë jashtë Shqipërisë duke firmosur me klubin turk Samsunspor. Ai bëri debutimin e tij në Süper Lig në barazimin pa gola kundër Beşiktaş më 2 shkurt. Duro e mbylli gjysmën e dytë sezonit 2001–02 me nëntë ndeshje të luajtura.

On 29 August 2002, Duro u transferua te klubi tjetër turk Malatyaspor. Në debutimin e tij në ndeshjen kundër Fenerbahçes, Duro shënoi në minutëne 41të dhe ndihmoi ekipin të fitonte 2–0.Fenerbahçe. Ai e mbylli sezonin me 20 ndeshje midis kampionatit dhe kupës si dhe me tre gola të shënuar.

Në verën e vitit 2003, Duro u rikthye në Shqipëri duke firmosur një kontratë me Partizanin. Pasi u aktivizua në 11 ndeshje dhe shënoi tre gola në gjysmën e parë të sezonit, ai u huazua te Çaykur Rizespor deri në përfundim të sezonit, duke u rikthyer në elitën e futbollit turk; ai shënoi vetëm 1 gol në 11 ndeshje.

Arminia Bielefeld

Në verën e vitit 2004, Duro u transferua në Gjermani te Arminia Bielefeld, e cila luante në Bundesligë, duke iu bashkuar shokëve të ekipit kombëtar Ervin Skela dhe Fatmir Vata. Ai bëri debutimin e tij në elitën e futbollit gjerman më 28 gusht në humbjen 2–1 kundër Bochumit, duke u aktivizuar si zëvëndësues në minutat e fundit. Duro e shpenzoi sezonin 2004–05 si një lojtar zëvëndësues, duke zhvilluar 19 ndeshje në kampionat dhe 2 në kupë; ai gjithashtu asistoi dy gola.

Rikthimi te Tirana

Në korrik 2005, Duro u rikthye te Tirana duke firmosur një kontratë tre-vjeçare. Ai e nisi sezonin më 24 shtator duke luajtur në fitoren 3–0 kundër Skënderbeut. Duro luajti 29 ndeshje dhe shënoi 4 gola në kampionat; Tirana e mbylli në vendin e dytë, duke u kualifikuar në raundin e parë kualifikues të Kupës UEFA. Në kupë, Duro ishte një nga protagonistët kryesor, duke shënuar në fitoren 4–2 kundër Dinamos në gjysëm-finale. Në ndeshjen finale kundër Vllaznisë, goli i tij në minutën e 65të e shpalli Tiranën kampion të kupës për herë të 13të në histori.

Duro e nisi sezonin e ri duke luajtur në eliminatoret e Kupës UEFA; në ndeshjen e kthimit e raundit të parë kualifikues kundër ekipit kroat Varteks, Duro u përjashtua pas dy kartonëve të verdhë të marrë në minutat e fundit të ndeshjes; Tirana fitoi 2–0 dhe u kualifikua në raundin tjetër me rezultatin e përgjithshëm 3–1. Ai humbi ndeshjen e parë të raundit të dytë kundër Kayserispor, të cilën Tirana e humbi 2–0. Në ndeshjen e dytë, Duro u rikthye dhe luajti 90 minuta të plota, por Tirana pësoi një tjetër humbje dhe u eliminua. Në gusht, Duro fitoi Superkupën e Shqipërisë pasi Tirana mposhti Elbasanin 2–0.