KF Tirana

Nga Wikipedia, enciklopedia e lirë
Jump to navigation Jump to search

KF Tirana - Klubi i Futbollit Tirana - Është futboll-klubi më i madh dhe më i suksesshëm në Shqipëri i cili numëron 51 trofe madhore kombëtare me një numër rekord titujsh Kampion (27 herë), Fitues të Kupës së Shqipërisë (16 herë) dhe Fitues të Super-kupës së Shqipërisë (11 herë). KF Tirana është gjithashtu klubi më popullor në Shqipëri, me një numër të konsiderueshëm ndjekësish e dashamirësish brenda e jashtë vendit. KF Tirana i luan ndeshjet brenda në kryeqytetin shqiptar, Tiranë, në Stadiumin "Selman Stërmasi" (me kapacitet 12.700 persona, 9500 të ulur). Në shumë raste është luajtur edhe në Stadiumin Qemal Stafa, deri në Qershor 2016, para se ky impiant të prishej. Skuadra "Bardhë e Blu" është i pari i regjistruar kampionShqipëri. Kryeqytetasit ishin i vetmi klub pjesëmarrës në të gjitha sezonet e kampionatit kombëtar që nga themelimi i tij. Gjithsesi, në Maj 2017 klubi zbriti për herë të parë në histori një kategori më poshtë, verdikt i renditjes së sezonit 2016-17 ku arriti vendin e 9të.

KF Tirana mban rekordin e paraqitjeve të klubeve shqiptare në Evropë, jo vetëm në numrin e lartë të pjesëmarrjeve (27), por dhe me sukseset e arritura përgjatë historisë shumëvjecare të kësaj pjesëmarrjeje. Aty numërohen 11 ture të kaluara në kupat e ndryshme evropiane si asnjë skuadër tjetër shqiptare. Gjithashtu, bardheblutë mbajnë rekordin e të gjitha kohërave edhe për pozicionin më të lartë të një klubi futbolli shqiptar në renditjen botërore të IFFHS, teksa në vitin 1987 renditeshin të 31ët në Botë (Ish 17 Nëntori), kjo pas sukseseve të një viti më parë në Kupën e Kupave.[2] KF Tirana janë gjithashtu antarë të Shoqatës Europiane të Klubeve (ECA).[3]

Historia[redakto | redakto tekstin burimor]

1911: Turneu i parë[redakto | redakto tekstin burimor]

Tirana u paraqit për herë të parë në vitin 1911 në kampionatin e parë kombëtar që u zhvillua në Fier. Qyteti u përfaqësua nga ajo që besohet që ka qënë paraardhësja e KF Tirana. Ekipi dominoi turneun duke fituar me rezultate tenistike, duke mposhtur Elbasanin dhe Kavajën për të shkuar në finale, të cilën e fituan me rezultatin 6–1 ndaj Peqinit, duke u bërë kampionët e parë të Shqipërisë. Turneu ende nuk njihet zyrtarisht nga Federata Shqiptare e Futbollit.[4]

1920–1937: Themelimi dhe vitet e para[redakto | redakto tekstin burimor]

Riza Lushta ishte një figurë e rëndësishme në historinë e hershme të Tiranës.

Tirana u themelua zyrtarisht më 20 gusht 1920 nga patrioti entuziast Palokë Nika, i cili më parë kishte themeluar Vllazninë. Emri i parë i klubit ishte Sportklub Tirona, por më vonë u ndërrua në Futboll Klub Tirona. Ekipi luajti ndeshjen e parë zyrtare në fushën e Shallvares ndaj Juventusit të Shkodrës.[5]

Klubi luajti ndeshjen e parë ndërkombëtare në vitin 1925 kundër ekipit jugosllav Crnogorac Cetinje nga Mali i Zi. Më 16 gusht 1927, ditë e cila shënonte edhe shtatëmbëdhjetë vjetorin e themelimit të Shoqatës Sportive Agimi, emri u klubit u ndryshua sërisht dhe u bë Sportklub Tirana, një emër e cila u bë traditë në qytet, duke bërë që klubi të thirrej shkurt SK Tirana.[6] Në atë ditë presidenti i klubit ishite Teki Selenica.[7]

Në vitin 1930, Tirana mori pjesë e turneun e parë zyrtar të njohur në vend, e organizuar nga organizata e sapokrijuar Federata Shqiptare e Futbollit. Ekipi e dominoi këtë turne, duke arritur finalen pasi fitoi pesë ndeshje, barazoi katër dhe humbi vetëm një, për të përfunduar në krye, sëbashku me Skënderbeun, pavarësisht me një diferencë golash pak më pozitive.[8] Tirana u përball në finalen e kampionatit me Skënderbeun, e cila refuzoi të luante si shenjë proteste ndaj njëanshmërisë së kompeticionit dhe federatës në favor të Tiranës. Klubi u shpall kampion pasi të dyja finalet u fituan me rezultat 2–0 në tavolinë.[8]

sezonin tjetër, klubi bleu lojtarë të rinj si Vasfi Samimi, Sabit Çoku, Muhamet Agolli dhe Halim Begeja. Formati i kampionatit ndryshoi duke i ndarë ekipet në dy grupe. Tirana u vendos në Grupin A, të cilin e fitoi pasi koleksionoi pesë pikë në tre ndeshje. Në finale kundër fituesit të Grupit B Teuta, ekipi barazoi 1–1 në ndeshjen e parë në shtëpi por arriti një fitore 3–0 jashtë fushe duke arritur që të mbrojë titullin.

Tirana vazhdoi dominimin e futbollit shqiptar edhe në sezonin e ardhshëm, pavarësisht se formati i kampionatit ndryshoi sërish. Në një grup ku ekipet do të luanin dy herë ndaj njeri-tjetrit dhe fituesi do të shpallej ai që do të përfundonte në krye të grupit, Tirana e pati mjaft të lehtë dhe e mbylli kampionatin i pamposhtur, duke fituar pesë ndeshje e duke barazuar tre, duke fituar kështu titullin për herë të tretë rresht, arritje që i vendosi akoma më shumë në histori si klubi i parë që ka dominuar futbollin në Shqipëri. Klubi humbi titullin për herë të parë në sezonin 1933, duke përfunduar në një vend zhgënjyes të tretë nga gjashtë ekipe gjithsej, prapa Bashkimit Shkodër dhe kampionëve të Skënderbeut. Kjo rezultoi të ishte vetëm një periudhë e përkohshme dhe shumë e shkurtër tranzicioni me klubin që u rikthye në majë bindshëm në sezonin 1934, duke dalë të parët, pesë pikë para ndjekësve të Skënderbeut në një format me shtatë ekipe.

Në vitet e ardhshme, Tirana arriti të fitonte kampionatet e viteve 1936 dhe 1937, i udhëhequr nga shqiptari etnik Riza Lushta, i cili gjithashtu ishte edhe kryegolshënuesi i kampionatit në të dy sezonet.[9] Këto ishin gjithashtu edhe turnetë e fundit të mbajtura në Shqipëri para luftës; pas vitit 1938 u luajtën fare pak turne për shkak të shpërthimit të Luftës së Parë Botërore një vit më vonë.

1939–1947: Vitet e luftës[redakto | redakto tekstin burimor]

Në vitin 1939, Shqipëria ishte nën pushtimin italian; Giovanni Giro, një administrues besnik i Ministrit të Jashtëm Galeazzo Ciano, ishte përgjegjës për organizimin e garës së parë të futbollit nën regjimin e mbretit Viktor Emanueli III, i cili u quajt "Turneja Kombëtare E Footbollit Për Ndeshjet E Trofeut Të Liktorit". Tirana mori pjesë në turne, duke eliminuar me rezultatin e përgjithshëm 9–0 Dragoj Pogradecin në raundin e parë për të arritur në gjysëm-finale. Në gjysëm-finale, ekipi luajti kundër Skënderbeut, duke i mposhtur me rezultatin 3–0 për të arritur në finale kundër Vllaznisë. Në finalen e luajtur në fushën Shallvare në kryeqytet më 30 shtator 1939, Tirana ngriti trofeun duke fituar 6–5.

Një turne i ngjashëm u zhvillua në vitin e ardhshëm nga regjimi fashist, këtë herë në një format grupi ku ekipet u ndanë në dy grupe bazuar në vendndodhjen e gjeografisë. Dy nga lojtarët më të rëndësishëm të Tiranës, Kryeziu dhe Lushta u larguan nga Shqipëria për në Itali për t'u bashkuar me Barin dhe Romën. Në ndeshjen e parë, Tirana barazoi 2–2 me Vllazninë, dhe më pas fitoi 3–0 në shtëpi kundër Elbasanit. Pjesa tjetër e fushatës nuk ishte e frytshme për ekipin pasi Vllaznia përfundoi krye të grupit përpara Tiranës dhe arriti finalet e kampionatit, ku mposhtën Skënderbeun me rezultatin e përgjithshëm 11-1 për të fituar kampionatin e tyre të parë kombëtar, deri më sot e panjohur nga Federata Shqiptare e Futbollit.

Kampionati nuk u mbajt në vitin 1941 por u kthye në vitin e ardhshëm; në atë vit morën pjesë edhe tre klube nga Kosova. Këto klube nga Kosova garuan në pjesën veriore së bashku me kampionët në fuqi Vllaznia, kurse Tirana garoi në grupin e ri të seksionit të mesëm dhe klubet jugore garuan në grupin e tyre. Në një vendim të çuditshëm, vetëm lojtarët e lindur në mes viteve 1921 dhe 1925 u lejuan të marrin pjesë në kampionat, gjë që do të thotë që vetëm lojtarët midis moshës 17 dhe 22 vjeç u lejuan të luajnin. Megjithatë, ky rregull nuk u zbatua nga shumica e klubeve dhe lojtarë me moshë të madhe morën pjesë në turnament. Tirana arriti në gjysëm-finale pasi fitoi 5–1 kundër Elbasanit dhe barazoi 1–1 kundër Teutës. Në gjysëm-finale, ekipi u përball me Prizrenin; ndeshja e parë përfundoi në një barazim 2–2, ndërsa e dyta u fitua nga Tirana 2–1. Ekipi arriti finalen edhe një herë, ku më 29 qershor, u përball me Vllazninë sërisht. Koha e rregullt përfundoi me një barazim 1–1, duke bërë që gjyqtari italian Michele Carone, t'i kërkonte të dyja palëve të luanin në nga dy perioda nga 15 minuta si kohë shtesë, por Vllaznia nuk pranoi. Dy ditë pas përfundimit të ndeshjes, ndeshja u fitua në tavolinë 2–0 nga Tirana, e cila gjithashtu mori dhe titullin.[10]

Klubi fitoi dy nga tre kampionatet kombëtare që u mbajtën gjatë Luftës së Dytë Botërore, por në mars 2013, Federata Shqiptare e Futbollit mori një vendim duke refuzuar t'i njohë ata, duke deklaruar se ato nuk ishin legjitime, sepse ato nuk ishin organizuar nga FSHF-ja, por nga regjimi fashist.[11]

1944–1957: Periudha pas lufte[redakto | redakto tekstin burimor]

Myslym Alla, drejtoi Tiranën nga 1956 e deri në 1972.

Pas përfundimit të Luftës së Dytë Botërore, aktivitetet e futbollit rifilluan siç kishin bërë para luftës nën drejtimin e Shoqatës Shqiptare të Futbollit. Në kampionatin e vitit 1945, Tirana u vendos në Grupin B. Ekipi e kryesoi grupin me lehtësi, duke mbledhur 16 pikë nga 10 ndeshje, duke arritur kështu në finale ku u përballën me Vllazninë sërisht. Ata humbën të dy ndeshjet 2–1, duke humbur kështu mundësinë për të fituar një tjetër kampionat.

Nën regjimin komunist të udhëhequr nga diktatori Enver Hoxha, Tirana shpejt do të bëhej viktimë, pasi në fillim të marsit 1946, Byroja Politike komuniste në pushtet kishte udhëzuar klubin që të ndryshonte emrin në 17 Nëntori për nder të Çlirimit të Tiranës, i cili u zhvillua më 17 nëntor 1944. Në dhjetëvjeçarin e ardhshëm, klubi iu nënshtrua trajtimit të tmerrshëm nga regjimi dhe kjo u theksua nga krijimi i një sistemi privilegjimi për ekipet e reja të krijuara nga komunistët Partizani dhe Dinamo.

Dekada e ardhshme do të shndërrohej në të njëjtën atmosferë mbytëse, duke u bërë edhe më e rëndë pas themelimit të dy ekipeve me privilegje të sistemit që do të ndiqnin përvojat e motrave të tyre në ish-Bashkimin Sovjetik, ish-Jugosllavi dhe vendet e tjera të Evropës Lindore: Partizani, ekipi i Ministrisë së Mbrojtjes dhe Dinamo, ekipi i Ministrisë së Punëve të Brendshme. Dhjetëra lojtarë të talentuar të Tiranës ishin "të bindur", kundër vullnetit të tyre, për të luajtur për Partizanin ose Dinamon.[12] Si rezultat i kësaj, "17 Nentori" u përpoq të qëndronte në krye gjatë viteve 1947–57, megjithatë ekipi arriti të fitonte një pjesë të goditjeve të humbura gjatë pjesës së dytë të viteve 50, pasi zëvendësoi pjesërisht disa nga lojtarët e parë të zgjedhur në formacion.

1958–1990: Rënja dhe ngritja, dekadat komuniste dhe vitet e arta 80[redakto | redakto tekstin burimor]

Nga viti 1958 deri më 1964, Tirana vazhdoi të prodhojë një futboll të mirë dhe e mbyllte kampionatin pothuajse gjithmonë në vendin e tretë. Këto vite ishin një prelud për atë që do të ndodhte më vonë: Tirana ripërjetoi magjinë e saj të para-luftës nën drejtimin e trajnerit të paharrueshëm Myslym Alla. Në fund të kampionatit kombëtar të 28të, Tirana u shpall kampion i Shqipërisë më shumë se njëzet vitesh pritje që nga titulli i tyre i fundit.

Ekipi përsëriti suksesin në vitin e ardhshëm, por kjo ishte një sfidë e dukshme për gjeneralët e Partizanit dhe shefat e shërbimit sekret të Dinamos. Pasi fitoi me sukses titullin e sezonit 1966–67, tre ndeshje më parë, Tirana u ndalua nga gara dhe titulli u caktua në Dinamo.[13][14]

Pas kësaj, Tirana fitoi kampionatin dy vite me radhë me stil, duke humbur vetëm dy ndeshje në vitin 1968 dhe vetëm një gjatë sezonit 1969–70.[15]

Gjatë viteve shtatëdhjetë, Tirana luftoi shumë për të qëndruar në krye; rezultati më i mirë ishte vendi i dytë dhe më i keqi i trembëdhjeti. Megjithatë, klubi fitoi dy herë kupën kombëtare. Brezi i lojtarëve më të vjetër erdhën në fund të karrierës së tyre dhe kjo mund të shënonte vetëm fundin e një epoke shumë të suksesshme. Sidoqoftë, epoka e pasuksesshme nuk do të zgjasë shumë gjatë kësaj kohe. Tirana fitoi kampionatin në fund të sezonit 1981–82 dhe ata vazhduan të fitonin titullin edhe tre herë të tjera gjatë viteve tetëdhjetë (në sezonet 1984–85, 1987–88 dhe 1988–89) si dhe Kupën e Shqipërisë, gjithashtu tre herë (1982–83, 1983–84 dhe 1985–86. Klubi ishte gjithashtu i suksesshëm në garat e klubeve evropiane, duke arritur tre herë në në raundin e 16-ve të Kupës Evropiane në vitet tetëdhjetë. Klubi prodhoi shumë lojtarë si Agustin Kola, Arben Minga, Shkëlqim Muça dhe Mirel Josa që u bënë ikona të futbollit shqiptar si dhe mundën të luanin edhe me ekipin kombëtar.[16][17][18]

1991–2006: Rikthimi tek suksesi[redakto | redakto tekstin burimor]

Në gusht 1991, më pak se një vit pas rënies së komunizmit në Shqipëri, Tirana rifitoi emrin e saj të vjetër, dhe po ashtu edhe gjithë shoqëria shqiptare po kalonte një periudhë ndryshimesh të thella. Pothuajse të gjithë lojtarët më të mirë shqiptarë u larguan nga vendi dhe shkuan jashtë në kërkim të një ekipi më të pasur që mund t'i punësonte. Por megjithatë seklubi nuk mundi të qëndrojë shumë larg nga vendet kryesore. Ekipi u kthye në rrugët e suksesit duke fituar Kupën e Shqipërisë në sezonin 1993–94; në finale ata mposhtën me rezultatin e përgjithshëm 1–0 Teutën.[19] Pas kësaj, në janar 1995, ekipi fitoi edhe trofeun e tyre të parë të Superkupës së Shqipërisë, duke mposhtur Teutën 1–0stadiumin Qemal Stafa. Disa muaj më vonë, ata fituan kampionatin e tyre të 15të duke përfunduar 12 pikë më shumë se njekësi më i afërt, Teuta.[20]

Ky kampionat i fituar u pasua edhe nga një tjetër në sezonin 1995–96; Tirana sërisht mundi të dalë para Teutës, këtë herë me vetëm një pikë diferencë.[21] Ekipi triumfoi edhe në kupë në atë sezon, duke plotësuar dopietën sezonale për herë të dytë në histori. Një tjetër dopietë sezonale pasoi në sezonin 1998–99. Në vitet e ardhshme, Tirana vazhdoi të dominonte futbollin shqiptar, duke fituar 10 nga 18 kampionatet shqiptare të mbajtura.[22] Ekipi ishte gjithashtu i suksesshëm edhe në kupa, duke i shtuar kabinetit të tyre të trofeve tre kupa republike dhe pesë superkupa.

Arena Ndërkombëtare[redakto | redakto tekstin burimor]

KF Tirana (1970)

Në arenën e futbollit Europian Tirana është e njohur me pjesëmarrjen e saj në Ligën e Kampioneve (14 herë) ; në Kupën UEFA (10 herë), ndërsa në Kupën e Kupave (3 herë). Ndër të tjera KF Tirana ka marrë pjesë 7 herë në Kupën Ballkanike, ku është 1 herë nënkampione. Bardheblutë mbajnë rekordin e paraqitjeve të një klubi shqiptar në Evropë, jo vetëm në numrin e lartë të pjesëmarrjeve (27), por dhe në sukseset e arritura përgjatë historisë 47-vjecare të kësaj pjesëmarrjeje, ku numërojnë plot 11 ture te kaluara ne kupat e ndryshme evropiane, si asnjë skuadër tjetër shqiptare.

Sukseset më të mëdha Tirana i arriti në vitet '80, ku u rreshtua 4 herë mes 16 ekipeve më të mira të kontinentit, nga të cilat 3 herë në Ligën e Kampionëve. Gjithashtu, bardheblutë mbajnë rekordin e të gjitha kohërave edhe për pozicionin më të lartë të një klubi futbolli shqiptar në renditjen e IFFHS, teksa në vitin 1987 renditeshin të 31ët në Botë, kjo pas sukseseve të një viti më parë në Kupën e Kupave[2].

Paraqitjet në Kupat e Europës[redakto | redakto tekstin burimor]

Sezoni Kompeticioni Turi Shteti Klubi Brenda Jashtë K/E
1965-66 European Champion Clubs' Cup 1R Flag of Scotland.svg Kilmarnock F.C. 0–0 0–1 Symbol delete vote.svg
1966-67 European Champion Clubs' Cup 1R Flag of Norway.svg Valerenga IF n.p. n.p. n.p.
1969-70 European Champion Clubs' Cup 1R Flag of Belgium.svg Standard Liege 1–1 0–3 Symbol delete vote.svg
1970-71 European Champion Clubs' Cup 1R Flag of the Netherlands.svg AFC Ajax 2–2 0–2 Symbol delete vote.svg
1982-83 European Champion Clubs' Cup 1R Ulster Banner.svg Linfield F.C. 1–0 1–2 Symbol keep vote.svg
2R Flag of the Soviet Union.svg Dynamo Kyiv n.p. n.p. n.p.
1983-84 UEFA Cup Winners' Cup 1R Flag of Sweden.svg Hammarby IF 2–1 0–3 Symbol delete vote.svg
1986-87 UEFA Cup Winners' Cup 1R Flag of Romania.svg FC Dinamo Bucureşti 1–0 2–1 Symbol keep vote.svg
2R Flag of Sweden.svg Malmö FF 0–3 0–0 Symbol delete vote.svg
1988-89 European Champion Clubs' Cup 1R Flag of Malta.svg Ħamrun Spartans F.C. 2–0 1–2 Symbol keep vote.svg
2R Flag of Sweden.svg IFK Göteborg 0–3 0–1 Symbol delete vote.svg
1989-90 European Champion Clubs' Cup 1R Flag of Malta.svg Sliema Wanderers 5–0 0–1 Symbol keep vote.svg
2R Flag of Germany.svg FC Bayern Munich 0–3 1–3 Symbol delete vote.svg
1994-95 UEFA Cup Winners' Cup QR Flag of Belarus.svg FC Bobruisk 3–0 1–4 Symbol keep vote.svg
1R Flag of Denmark.svg Brøndby IF 0–1 0–3 Symbol delete vote.svg
1995-96 UEFA Cup QR Flamuri Hapoel Be'er Sheva FC 0–1 0–2 Symbol delete vote.svg
1996-97 UEFA Cup 1QR Flag of Croatia.svg NK Croatia Zagreb 2–6 0–4 Symbol delete vote.svg
1998-99 UEFA Cup 1QR Flamuri FK Inter Bratislava 0–2 0–2 Symbol delete vote.svg
1999-00 UEFA Champions League 1QR Flag of Iceland.svg Íþróttabandalag Vestmannaeyja 1–2 0–1 Symbol delete vote.svg
2000-01 UEFA Champions League 1QR Flag of Moldova.svg FC Zimbru Chisinau 2–3 2–3 Symbol delete vote.svg
2001-02 UEFA Cup QR Flag of Cyprus.svg Apollon Limassol 3–2 1–3 Symbol delete vote.svg
2002-03 UEFA Cup QR Flag of Romania.svg FC Naţional Bucureşti 0–1 2–2 Symbol delete vote.svg
2003-04 UEFA Champions League 1QR Flag of Georgia.svg Dinamo Tbilisi 3–0 (4:2 pen.) 0–3 Symbol keep vote.svg
2QR Flag of Austria.svg Grazer AK 1–5 1–2 Symbol delete vote.svg
2004-05 UEFA Champions League 1QR Flag of Belarus.svg FC Gomel 0–1 2–0 Symbol keep vote.svg
2QR Flag of Hungary.svg Ferencvárosi TC 2–3 1–0 Symbol delete vote.svg
2005-06 UEFA Champions League 1QR Flag of Slovenia.svg ND Gorica 3–0 0–2 Symbol keep vote.svg
2QR Flag of Bulgaria.svg CSKA Sofia 0–2 0–2 Symbol delete vote.svg
2006-07 UEFA Cup 1QR Flag of Croatia.svg NK Varaždin Varteks 2–0 1–1 Symbol keep vote.svg
2QR Flag of Turkey.svg Kayserispor 0–1 1–3 Symbol delete vote.svg
2007-08 UEFA Champions League 1QR Flag of Slovenia.svg NK Domžale 1–2 0–1 Symbol delete vote.svg
2009-10 UEFA Champions League 2QR Flag of Norway.svg Stabæk 1–1 0–4 Symbol delete vote.svg
2010-11 UEFA Europa League 1QR Flag of Hungary.svg Zalaegerszegi TE 0–0 1–0 (shte) Symbol keep vote.svg
2QR Flag of the Netherlands.svg FC Utrecht 1–1 0–4 Symbol delete vote.svg
2011-12 UEFA Europa League 2QR Flamuri FC Spartak Trnava 0–0 1–3 Symbol delete vote.svg
2012-13 UEFA Europa League 1QR Flag of Luxembourg.svg CS Grevenmacher 2–0 0–0 Symbol keep vote.svg
2QR Flag of Norway.svg Aalesund FK 1–1 0–5 Symbol delete vote.svg
2017-18 UEFA Europa League 1QR Flag of Israel.svg Maccabi Tel Aviv 0-3 0-2 Symbol delete vote.svg
  • QR = Turi Kualifikues
  • 1R = Turi 1
  • 2R = Turi 2
  • n.p. = Mosparaqitje
  • K/E = Kualifikuar/Eliminuar

Koeficienti Ndërkombëtar[redakto | redakto tekstin burimor]

(Deri në 21 Korrik 2017)[23]

Renditja Ekipi Pikë
381 Flag of the Faroe Islands.svg EB/Streymur 1.750
382 Flag of Armenia.svg FC Banants 1.725
383 Flag of Lithuania.svg FK Trakai 1.675
384 Flag of Malta.svg Balzan F.C. 1.650
385 Flag of Albania.svg KF Tirana 1.650
386 Flag of Finland.svg FC Lahti 1.630
387 Flag of Finland.svg TPS Turku 1.630
388 Flag of Finland.svg FC Inter Turku 1.630
389 Flag of Luxembourg.svg FC Progrès Niederkorn 1.625

Paraqitjet në Kupën Ballkanike[redakto | redakto tekstin burimor]

  • Nën-Kampionë - 1981
Kompeticioni Turi Shteti Klubi Brenda Jashtë
Balkans Cup 1964-66 1R Flag of Bulgaria.svg PFC Cherno More Varna 0–0 0–1
Balkans Cup 1964-66 1R Flag of Turkey.svg Beşiktaş J.K. 2-0 1-1
Balkans Cup 1964-66 1R Flag of Romania.svg FC Rapid București 1–2 1–3
Balkans Cup 1975 1R Flag of Greece.svg Panionios G.S.S. 6-0 1–2
Balkans Cup 1975 1R Flag of Serbia.svg FK Radnički Niš 0–0 0-3
Balkans Cup 1981 1R Flag of Greece.svg Larissa F.C. 3-0 1-3
Balkans Cup 1981 1R Flamuri FK Sloboda Tuzla 3-0 3-0
Balkans Cup 1981 2R Flag of Bulgaria.svg PFC Beroe Stara Zagora 1-3 0-3
Balkans Cup 1990 1R Flag of Montenegro.svg FK Budućnost Podgorica 0–0 0–1
  • QR = Turi Kualifikues
  • 1R = Turi 1
  • 2R = Turi 2

Arritjet[redakto | redakto tekstin burimor]

Kombëtare[redakto | redakto tekstin burimor]

Trofetë madhore[redakto | redakto tekstin burimor]

SK Tirana, kampionët e 1930

KF Tirana është skuadra më e kurorëzuar e Shqipërisë duke fituar :


(Statistikat në Ligën Superiore)

(1930, 1931, 1932, 1934, 1936, 1937, 1964-65, 1965-66, 1968, 1969-70, 1981-82, 1984-85, 1987-88, 1988-89, 1994-95, 1995-96, 1996-97, 1998-99, 1999-00, 2002-03, 2003-04, 2004-05, 2006-07, 2008-09).

(Statistikat në Kupën e Shqipërisë)

(1938-39, 1963, 1976, 1977, 1983, 1984, 1986, 1994, 1996, 1999, 2001, 2002, 2006, 2011, 2012, 2017).

(1994, 2000, 2002, 2003, 2005, 2006, 2007, 2009, 2011, 2012, 2017).

- Shënim 1: KF Tirana ka 26 tituj kampion nëse njihen zyrtarisht Kampionatet e Luftës.

- Shënim 2: Në vitin 1996 dhe 1999, KF Tirana ishin njëkohësisht fitues të të dy trofeve të vendit, Kampionë të Superligës dhe fitues të Kupës së Shqipërisë, kësisoj nuk ju dhurua trofeu i Superkupës sepse nuk u luajt finale.


Trofetë minore[redakto | redakto tekstin burimor]

  • Kategoria e Parë: 1 herë
    • 2018
  • Kupa e Federatës e Presidentit të Sporteve Shqiptare: 1
    • 1946*; (* e përbashkët)
  • Kupa e Partisë së Punës të Shqipërisë: 2
    • 1966, 1976*; (* e përbashkët)
  • Kupa e Bashkimit Profesional: 1
    • 1965
  • Kupa Hosteni: 1
    • 1950
  • Kupa Puna: 1
    • 1964
  • Kupa Sporti Popullor: 3
    • 1965, 1976, 1987
  • Kupa Zëri i Popullit: 5
    • 1959, 1967, 1982, 1983, 1988
  • Kupa e Gazetarëve të Shqipërisë: 1
    • 1986
  • Kupa e Federatës Shqiptare të Futbollit: 1
  • Kupa e 25Vjetorit të Clirimit të Shqipërisë: 1
    • 1969
  • Kupa e Shoqërisë së Sporteve Vllaznia: 1
    • 1985
  • Kupa Taçi Oil:1
    • 2008

Ndërkombëtare[redakto | redakto tekstin burimor]

Nënkampionë (1981-83)

Sezonet më të fundit[redakto | redakto tekstin burimor]

Sezoni Div. Kategoria Superiore N F B H GShë GPës Pikë Kupa e Shqipërisë Superkupa e Shqipërisë
1993-94 1rë Nën kampionë 26 13 7 6 36 16 33 Fitues Fitues
1994-95 1rë Kampionë 30 19 6 5 57 27 44 Finalistë -
1995-96 1rë Kampionë 34 19 10 5 52 22 55 Fitues -
1996-97 1rë Kampionë 22 14 4 4 40 9 46 1/8 Finale -
1997-98 1rë Nën kampionë 34 19 8 7 54 18 65 1/4 Finale -
1998-99 1rë Kampionë 30 18 7 5 48 20 61 Fitues -
1999-00 1rë Kampionë 27 16 5 6 41 15 53 1/4 Finale Fitues
2000-01 1rë Nën kampionë 26 16 6 4 56 13 54 Fitues Finalistë
2001-02 1rë Nën kampionë 26 19 5 2 52 15 62 Fitues Fitues
2002-03 1rë Kampionë 26 19 3 4 57 17 60 1/2 Finale Fitues
2003-04 1rë Kampionë 36 24 8 4 90 36 80 1/2 Finale Finalistë
2004-05 1rë Kampionë 36 26 6 4 82 32 84 Finalistë Fitues
2005-06 1rë Nën kampionë 36 17 11 8 54 33 62 Fitues Fitues
2006-07 1rë Kampionë 33 22 6 5 64 33 72 1/4 Finale Fitues
2007-08 1rë 6 33 14 7 12 46 36 49 Finalistë -
2008-09 1rë Kampionë 33 19 11 3 58 27 68 Finalistë Fitues
2009-10 1rë Vendi i 3-të 33 15 7 11 38 32 52 1/4 Finale -
2010-11 1rë 5 33 11 11 11 42 31 44 Fitues Fitues
2011-12 1rë Vendi i 3-të 26 16 5 5 33 21 53 Fitues Fitues
2012-13 1rë 5 26 12 7 7 30 23 43 1/8 Finale -
2013-14 1rë 6 33 14 8 11 36 31 50 1/8 Finale -
2014-15 1rë 4 36 21 8 7 47 27 71 1/2 Finale -
2015-16 1rë 5 36 13 14 9 37 25 53 1/4 Finale -
2016-17 1rë 9 36 8 15 13 29 32 39 Fitues -
2017-18 2të 1 26 21 4 1 66 13 45 1/4 Finale Fitues
2018-19 1rë - 36 - - - - - - - -

Presidentët[redakto | redakto tekstin burimor]

[24]

Emri Nga–deri
Flag of Albania.svg Bahri Toptani 1920–1933
Flag of Albania.svg Stefan Shundi 1933–1936
Flag of Albania.svg Selman Stermasi 1936–1960
Flag of Albania.svg Lame Konomi 1960–1970
Flag of Albania.svg Nuri Bylyku 1970-1983
Flag of Albania.svg Clirim Hysi 1983–1985
Flag of Albania.svg Zija Shaba 1985-1993
Flag of Albania.svg Metush Seferi 1993-1998
Flag of Albania.svg Lutfi Nuri 1998–1999
Flag of Egypt.svg Metwally El Sayed 1999–2004
Flag of Albania.svg Fatmir Frashëri 2004–2005
Flag of Albania.svg Bamir Topi 2005–2007
Flag of Albania.svg Refik Halili 2007–2011
Flag of Albania.svg Lulzim Basha 2011–2013
Flag of Albania.svg Refik Halili 2013–

Tifozeria dhe dashamirët[redakto | redakto tekstin burimor]

Tirona Fanatics gjatë një ndeshje në shtator 2016

Klubi i Futbollit Tirana është një nga klubet më të mbështetura të Shqipërisë. Ata kanë disa tifogrupe, ky dy më të shquarit janë "Ultras Tirona" dhe "Tirona Fanatics".[25] Grupi i parë është themeluar në vitin 1986 kur Shqipëria ishte ende nën regjimin komunist.[25] Ata ishin të detyruar t'i kryenin aktivitetet e tyre fshehurazi në mënyrë ilegale pasi regjimi nuk i lejonte këto lloj grupesh të funksiononin. Si pasojë e kësaj, grupi i përdorte ndeshjet për të shprehur kundërshtinë e tyre ndaj regjimit dhe pas rënjes së tij ata u bënë grup edhe më i organizuar,[25] duke tërhequr më shumë tifozë në fund të viteve 90' dhe fillim të viteve 2000'.[25] Nga mesi i viteve 2000', tifozë të rinjë dolën në skenë dhe ndjenë se grupi Ultras Tirona nuk i përfaqësonte tërësisht ata, ndaj ata vendosën të krijonin një grup të ri Ultras që e quajtën Tirona Fanatics; grupi u themelua zyrtarisht më 8 janar 2006.[26]

Ky grup njihet gjërësisht tifo-grup i djathtë në kontrast me Ultras Guerrils, grupi tjetër ultras i klubit rival të kryeqytetit Partizani. Klubi u zgjerua menjëherë duke fituar shumë antarësime, duke u bërë një nga grupimet më të organizuara të Shqipërisë, duke ndjekur ndeshjet e Tiranës, brënda dhe jashtë, si dhe jashtë Shqipërisë në ndeshjet evropiane.[25] Më 20 maj 2015, shumica e anëtarëve themelues të grupit vendosën që t'i lenin drejtimin e grupit anëtarëve më të rinjë.[27][28] Grupi ka lidhje me grupin tjetër ultras "Plisat" të Prishtinës dhe "Shvercerat" e Shkupit.

Rivaliteti kryesor[redakto | redakto tekstin burimor]

Red right arrow.svg
 Artikuj kryesore: Derbi më i vjetër shqiptar, Derbi I, dhe Derbi II.

Lojtarët[redakto | redakto tekstin burimor]

Skuadra aktuale[redakto | redakto tekstin burimor]

Redaktuar më 2 shtator 2018[29]
Numri Pozicioni Emri i lojtarit
1 Flag of Albania.svg Pt Ilion Lika (zëv-kapiten)
2 Flag of Albania.svg Mb Marsel Ismailgeci
3 Flag of Albania.svg Mb Klisman Cake
4 Flag of Albania.svg Mb Gentian Muça
5 Flag of Albania.svg Mb Marvin Turtulli
6 Flag of Uganda.svg Mf Tony Mawejje
7 Flag of Albania.svg Mf Bedri Greca
8 Flag of Ghana.svg Mf Winful Cobbinah
9 Flag of Albania.svg Sm Grent Halili
10 Flag of Nigeria.svg Sm Nnamdi Oduamadi
11 Flag of Uganda.svg Sm Yunus Sentamu (kapiteni i 4të)
13 Flag of Albania.svg Mf Erando Karabeci (kapiteni)
14 Flag of Albania.svg Mf Asion Daja
Numri Pozicioni Emri i lojtarit
15 Flag of Albania.svg Mb Jurgen Çelhaka
16 Flag of Albania.svg Mf Edon Hasani
17 Flag of Albania.svg Mb Albi Doka
18 Flag of Albania.svg Mf Dorian Kërçiku (kapiteni i 3të)
19 Flag of Albania.svg Mb Eni Imami
20 Flag of Albania.svg Sm Ernest Muçi
21 Flag of Ghana.svg Mb Vincent Atinga
23 Flag of Macedonia.svg Mb Sedat Berisha
28 Flag of Albania.svg Mb Erion Hoxhallari
45 Flag of England.svg Sm Michael Ngoo
77 Flag of Macedonia.svg Sm Dejan Blazhevski
81 Flag of Albania.svg Pt Alessio Abibi
89 Flag of Albania.svg Pt Shpëtim Moçka

Ekipi Drejtues[redakto | redakto tekstin burimor]

Pozicioni Emri
Drejtimi i Përgjithshëm Flamuri Refik Halili
Trajneri Flamuri Ardian Mema
Burimet Njerëzore Flamuri Bledar Isallari
Operacionet Flamuri Alban Tafaj
Publiku Flamuri Arbi Laçi
Financat Flamuri Arban Morina

KF Tirana B[redakto | redakto tekstin burimor]

Red right arrow.svg
 Artikulli kryesor: KF Tirana B.

Shih edhe këtë[redakto | redakto tekstin burimor]

Referencat[redakto | redakto tekstin burimor]

  1. ^ "World Stadiums – Stadiums in Albania". Worldstadiums.com. Marrë më 26 korrik 2012. 
  2. ^ a b Panorama Sport 11 January 2014
  3. ^ "KF Tirana". ECA. Marrë më 14 mars 2015. 
  4. ^ "Tirana, trofeun e parë në futboll?!". Peshku pa Ujë. 1 January 2015. Marrë më 17 gusht 2018. 
  5. ^ Gjergj Kola. "Palok Nika, personazhi historik i sportit shqiptar". Shkodra Sport. Marrë më 14 gusht 2015. 
  6. ^ Kampionatet e kohës së Luftës II Botërore 5 tetor 2009
  7. ^ Besnik Dizdari (7 nëntor 2012). "Kur u themelua Sportklub Tirana?". Panorama Sport. Marrë më 17 gusht 2018. 
  8. ^ a b "85 vjet më parë: Kampionati i 1-rë i Shqipërisë". Panorama Sport. 31 maj 2015. Marrë më 15 gusht 2018. 
  9. ^ "Albanian Football Season 1937" [Sezoni Futbollistik në Shqipëri 1937]. Giovanni Armillotta. Marrë më 21 gusht 2018. 
  10. ^ "Drejt njohjes së tre kampionate shqiptare të luftës: 1939, 1940 dhe 1942". Giovanni Armillotta. Marrë më 21 gusht 2018. 
  11. ^ "FSHF s'i njeh titujt e luftës, acarohen klubet: Kampionate të rregullta, mohoni historinë". Panorama Sport. 1 mars 2013. Marrë më 21 gusht 2018. 
  12. ^ "Skënder Halili: Si u arrestua nga sigurimi pse refuzoi Dinamon". Gazeta Tema. 22 shtator 2016. Marrë më 5 janar 2019. 
  13. ^ "SK Tirana Forum". Sktirana.com. Marrë më 25 mars 2014. 
  14. ^ "Dictature eliminates true champions" [Diktatura eliminon kampionët e vërtet]. Ballikombit.org. Marrë më 25 mars 2014. 
  15. ^ "RSSSF Albania". Rsssf.com. 6 mars 2014. Marrë më 25 mars 2014. 
  16. ^ "Profil, Mirel Josa / Nga Shpresa e mrekullive, te titulli i artë…". Sport Ekspres. 1 qershor 2015. Marrë më 21 gusht 2018. 
  17. ^ "Agustin Kola, Mjeshtër i Merituar sporti, një nga ikonat e futbollit bardheblu". Zemra Shqiptare. 8 shkurt 2009. Marrë më 21 gusht 2018. 
  18. ^ "Arben Minga, gjiganti që tronditi Byronë Politike në legjendaren "7-3" të 1985-s". Gazeta Tema. 7 korrik 2017. Marrë më 21 gusht 2018. 
  19. ^ "Albania 1993/94" [Shqipëria 1993/94]. RSSSF.com. Marrë më 21 gusht 2018. 
  20. ^ "Albanian Football Season 1994-95" [Sezoni 1994-95 i Futbollit Shqiptar]. Giovanni Armillotta. Marrë më 21 gusht 2018. 
  21. ^ "Albanian Football Season 1995-96" [Sezoni 1995-96 i Futbollit Shqiptar]. Giovanni Armillotta. Marrë më 21 gusht 2018. 
  22. ^ Eric Boesenberg. "Albania - List of Champions" [Shqipëria - Lista e kampionëve]. RSSSF.com. Marrë më 21 gusht 2018. 
  23. ^ http://www.uefa.com/memberassociations/uefarankings/club/index.html
  24. ^ "Lista e presidentëve". kftirana.info. Marrë më 2010-06-01. 
  25. ^ a b c d e "KF Tirana – Fanclub". KF Tirana. Marrë më 21 dhjetor 2018. 
  26. ^ ""Tirona Fanatics" feston 10-vjetorin". Sport Ekspres. 9 janar 2016. Marrë më 21 dhjetor 2018. 
  27. ^ "Ndryshim brezash dhe idesh në drejtimin e "Tirona Fanatics"". Koha Jonë. 20 maj 2015. Marrë më 21 dhjetor 2018. 
  28. ^ "Tërhiqen themeluesit e "Tirona Fanatics": Ia lëmë drejtimin brezit të ri". Gazeta Panorama. 20 maj 2015. Marrë më 21 dhjetor 2018. 
  29. ^ "KF Tirana squad" [Skuadra e KF Tiranës]. Soccerway. Marrë më 23 qershor 2017. 

Lidhje të jashtme[redakto | redakto tekstin burimor]