Kujtim Shala

Nga Wikipedia, enciklopedia e lirë
Shko te: navigacion, kërko

Kujtim Shala (13 qershor 1964, Prizren, RSFJ) futbollist dhe trajner shqiptar nga Kosova me shtetësi kosovare dhe kroate. Ai shërbeu si trajner i skuadrës kombëtare të futbollit të Kosovës nga shkurti i vitit 2008 deri në vitin 2009, dhe trainer i KF Prishtinës për një sezon në vitin 2006-2007.

Karrierën si lojtar e pati nisur me ekipin Liria të Prizrenit në vitin 1981, por pas një viti provë me Partizanin e Beogradit në sezonin 1983-84, u bë lojtar i rëndësishëm i KF Prishtinës gjatë pjesës që mbeti të dhjetëvjeçarit. Luajti dy vjet me ekipin e Dinamos së Zagrebit, periudhë gjatë së cilës mori shtetësinë e atij vendi dhe luajti një ndeshje miqësore për llogari të kombëtares kroate,[1] por më pas u zhvendos në Francë dhe Gjermani, ku luajti një sezon me Fortunën e Dyseldorfit, ndër të tjera ekipe. Portali sportiv sport1 e nxori ndër dhjetë lotarët më të mirë të të gjitha kohërave nga Kosova.[1]

I biri i tij, Andis Shala, luan me ekipin e futbollit SV Babelsberger 03 në Gjermani dhe mban shtetësinë e atij vendi.


  1. ^ http://telegrafi.com/kujtim-shala-heroi-kosovar-i-futbollit-kroat/