Teatri Dodona

Nga Wikipedia, enciklopedia e lirë

Teatri Dodona (më para i njohur si Teatri i të rinjve, fëmijëve dhe i kukullave "Dodona") është themeluar me 12 nëntor 1986 me vendim të Bashkësisë punuese të Kuvendit Komunal të Prishtinës. Në themelimin e tij kontribuan Rabije Bajrami dhe Ismajl Ymeri i cili më vonë edhe arriti ta vë në funksion në tërësi dhe ky teatër filloj me punë dhe u paraqit më 16 maj 1987 me premierën e parë “Pylli është i të gjithëve”. Ismajl Ymeri, duke qëndruar me këmbë mbi gërmadhat e faltores së njohur Ilire DODONA pat propozuar që ky teatër i ri të quhet DODONA.

Më 1992 ky institucion fitoi edhe kulmin mbi krye dhe nga kjo kohë përveç Teatrit të kukullave filloi të veproj edhe skena alternative për të rritur. Që nga themelimi e gjerë më sot janë shfaqur më se 33 premiera në skenën e teatrit të kukullave dhe mbi pesëdhjetë premiera në skenën alternative.

1994 futen masat e dhunshme dhe ky teatër shndërrohet në bastion të fjalës shqipe. Ka vite të asaj periudhe kur janë shfaqur edhe mbi 400 programe të ndryshme në të dy skenat. Kontribut shumë të madh në këtë kohë ka dhënë Ansambli i Këngë e Valleve të qytetit nën udhëheqjen e Dilaver Kryeziut si dhe ndërmarrja private për film teatër dhe dizajn “FTD” pronë e Faruk Begollit. Pas aktiviteteve të tyre fshiheshin programe të tilla edhe si Festivali i Teatrove Amatore të Republikës së Kosovës.

Vetëm shfaqjet e teatrit të kukullave i kanë shikuar deri më sot mbi 400 000 shikues.

Teatri është pjesëmarrës në shumë festivale kombëtare dhe ndërkombëtare. Deri më tani suksesin më të madh e ka arritur shfaqja “Qeni që nuk dinte të lehë” në regjiMelihate Qenës ku nga Festivali gjithëkombëtar i teatrove te kukullave u kthye me 6 shpërblime. 3 për aktorin më të mirë të festivalit, për kompozitorin më të mirë të festivalit, çmimin special për arritje në lëmin e teatrit si dhe çmimin "Miq të festivalit".

Teatri gjendet në rrugën ”Xhelal Mitrovica” në Prishtinë në lagjen e cila edhe e ka marr emrin sipas teatrit. Me gjithë problemet e shumta Teatri ka punuar dhe ka funksionuar edhe gjatë kohës së rikonstruimit i cili ka zgjatur 17 muaj. Janë realizuar rreth 90 repriza (shfaqjesh të ndryshme). Shfaqjet e Teatrit kanë marrë pjesë në disa festivale anë e këndë botës dhe ka pasur edhe rezultate. Festivali Evropian i Teatrove të Kukullave i cili mbahet tradicionalisht çdo vit në Pogradec, Festivali i Kajros, Festivali i Luganos, Ditët e Kulturës ShqiptareParis, Ditët e Teatrit të KukullaveMistellbah të Austrisë.

Festivali për Fëmijë dhe të Rinjë[Redakto | Redakto nëpërmjet kodit]

Në kuadër të aktiviteteve të teatrit "Dodona" duhet përmendur edhe Festivalin për Fëmijë dhe të Rinj "Liri nuk do të të dëshpëroj" i cili filloi më 13 dhe vazhdoi në datat 15, 17, 19, 21 dhe 23 shtator 1999 në Prishtinë. Ky projekt ishte i inicuar nga teatri "Dodona" dhe OJQ "Post pesimistët". Regjinë e këtij festivali e bëri Melihate Qena. kurse organizimin aktori Valdet Rama.

Aktorët e teatrit të kukullave "Dodona", bashkë me studentët e vitit të tretë të aktrimit, në këtë festival dhanë shfaqjen "Po shkoj në festival", sipas vargjeve të shkrimtarit S. J. Marshak, dramatizuar dhe në regji të Melihate Qenës.

Shfaqje premierë[Redakto | Redakto nëpërmjet kodit]

Lista e shfaqjeve përspari të Teatrit të kukullave Dodona që nga themelimi deri në vitin 2002.

Nr. Titulli Premiera Shikues
1 Pylli është i të gjithëve 16 maj 1987 41 077
2 Rosak Baltaku 27 tetor 1988 46 557
3 Elefanti i vogël kureshtar ? 5 767
4 Ëndrra e vajzës dhe babadimri 28 dhjetor 1990 1 148
5 Minuku lozonjar 20 maj 1991 39 419
6 Posta e porositur 25 dhjetor 1991 23 245
7 Picërraku 22 qershor 1992 20 406
8 Kënga si dhuratë 17 dhjetor 1993 10 714
9 Princesha Zobeidë 5 shkurt 1995 35 960
10 Përralla me lara 28 maj 1994 9 337
11 Qeni që nuk dinte të lehë 21 shkurt 1995 15 447
12 Një minak për nipin Mak 16 dhjetor 1995 14 320
13 Gjahtari dhe e bukura e dheut 25 maj 1996 13 845
14 Goni Trazovaçi 11 dhjetor 1996 13 166
15 Tomi dhe Xheri 9 prill 1997 17 493
16 Llamba magjike e Alajdinit 17 mars 1997 1 596
17 Top hopi 28 mars 1998 2 115
18 Po 10 tetor 1998 393
19 Kësulëkuqja 17 tetor 1998 1 269
20 Borëbardha dhe shtatë shkurtabiqët 8 dhjetor 1999 ?
21 Goni në fushën e minave 3 prill 2000 33 959
22 Tërë bota Kosovë 10 dhjetor 2002 9 795
23 Princesha dhe dragoi 3 shkurt 2001 ?
24 Në dhomën katër me tre 18 dhjetor 1999 ?
25 Sytë e gjyshes 10 tetor 2001 17 799
26 Konkursi dhjetor 2001 ?
27 Xhuxhi nga Taxhuxhi 4 maj 2002 ?
28 Rosak pastërtori 16 qershor 2001 17 000
29 Gjysmagjeli
30 Pula këlloçkë e Abes Loçkë
31 Në dhomën katër me tre
32 Mustaqoshi larosh 10.2006
33 Përralla e furrtarëve 8.03.2008
34 Vjollca magjike 03.2009

Referime[Redakto | Redakto nëpërmjet kodit]

  • Monografia "Dekada e Dodonës", Dukagjini, 2002.

Lidhje të jashtme[Redakto | Redakto nëpërmjet kodit]

http://www.dodona.org/[lidhje e vdekur]