Laert Vasili

Laert Vasili
Laert Vasili
	Image of Laert Vasili in a Tv studio
Lindi	7 mars 1974; Delvinë Shqipëri
Kombësia	Shqiptar
Gjatësia	174 cm (5 ft 9 in)

Laert Vasili (7 mars 1974) është aktor, regjisor, përkthyes, dramaturg dhe producent. Ai lindi në Delvinë, Sarandë.^[1] Në moshën 19-vjeçare studioi për aktrim në Akademinë e Arteve në Tiranë. Në vitin 1994 u largua në Greqi për të studiuar aktrim në Akademinë e Artit Dramatik e Teatrit Kombëtar Grek në Athinë. Ai doli i dyti nga 750 aplikantë. U diplomua në vitin 1997.

Jeta e hershme

Vasili është me përkatësi etnike shqiptare nga ana e babait të tij, ndërsa nëna e tij është me përkatësi etnike greke. Të dy prindërit e tij ishin ushtarakë me profesion. Si rezultat, familja zhvendosej në vende të ndryshme dhe për këtë arsye ai e kaloi fëmijërinë mes Tiranës, Sarandës dhe Delvinës. Ai filloi të aktrojë në moshën 16-vjeçare, duke luajtur pjesë kryesore në disa shfaqje teatrale shkollore.

Karriera artistike

Ai u nominua për çmimin Dimitris Horn për "Aktori më i mirë i ri" në 2001.

Në vitin 2012, Vasili drejtoi një shfaqje në Greqi Corpus Christi që përshkruan Jezu Krishtin dhe apostujt e tij si një grup burrash homoseksualë. Drama e vitit 1997 u shkrua nga dramaturgu amerikan Terrence McNally. Kisha Ortodokse Greke dhe ekstremisti i djathtë Agimi i Artë protestuan kundër shfaqjes dhe Vasili dhe aktorët e shfaqjes u përballën me akuza për blasfemi në Greqi. Vasiliou kritikoi faktin se prokurorët po përdornin burime të pakta për të ndjekur penalisht kastin e tij, në vend që të hetonin shmangësit e taksave që kishin kontribuar në krizën ekonomike të Greqisë. “Ajo që shoh është se ka njerëz që kanë grabitur vendin e verbër, që nuk janë në burg dhe prokurori kthehet kundër artit”, tha Vasili për Reuters.^[2]

Shtypi grek e ka përfshirë Laert Vasilin në listën e njerëzve të vitit 2008, botuar nga gazeta “Elefterotipia”. Ai ka karrierë të gjatë në filma televizivë dhe në teatër. Shfaqja “Emigrantët”, i dha cmimin e parë të regjisë në Festivalin Ballkanik 2005-së, ndërsa “Një në dhjetë” u vlerësua me “Mess Future Prize” në një tjetër Festival Ndërkombëtar të Sarajevës. Filmi “Mirupafshim” e vendosi përkrah Margarita Xhepës. ^[3]

Vasili ishte pjesë e sezonit të parë të spektaklit Dance with Me në Tv Klan në Tiranë në vitin 2014. Vasili dhe këngëtarja profesioniste Zajmina Vasjari dolën të dytët nga gjashtë çiftet konkurruese në finale. Ai gjithashtu fitoi sezonin e parë të spektaklit Blind Taste në Vizion Plus TV në Tiranë, Shqipëri. Ai doli i pari në finalen e madhe më 4 korrik 2015 përpara 32 kandidatëve.

Çmimet

Vasili ka marrë çmime të ndryshme gjatë jetës së tij artistike.


Viti	Çmimet
2024	Regjisori i mirë në International Theatre Festival of Prespa, North Macedonia
2019	Qytetar Nderi i Delvinës
2018	Actor of Europe - International Theatre Festival Actor of Europe
2015	Regjisori i Vitit nga LNPSHA - PEGASI
2013	Special Award për Corpus Christi në Athens Queer Theatre Award
2008	Artist i Vitit
2008	Mess Future Prize në Mess Sarajevo International Theatre Festival
2005	Regjisori më i mirë në Festivalin Ballkanik të Komedisë

Filmografia


Viti	Filmi
1995	Pranvera e ëmbël
1997	Mirupafshim
1999	Ditari
2000	Edge of Night
2000	Stela e përflakur
2001	Annas Somer
2001	Tomorrow Is Another Day
2001	Alexandreia
2002	Dashuria erdhi nga larg
2003	Playing Parts
2003	Oikos antohis
2005	Hostage
2005	Dielli i Egjeut
2005	Liqeni i psheretimave
2006	Për Anën
2007	Oi istories tou astynomou Beka
2007	Salla e pritjes
2008	Charlie's Son
2010	Tingulli i Heshtjes
2011	Red Sky
2011	Balkan Bazaar
2012	Agon
2015	Paftuar
2015	Menge Kemishe
2015	Three
2018	The Invocation of Enver Simaku
2019	The Miracle of the Sargasso Sea