Parku Natyror Kunë-Vain-Talë-Patok-Fushëkuqe-Ishëm
Parku Natyror Kune-Vain-Tale është një park natyror i cili ndodhet në Qarkun e Lezhës në kuadër të deltës së lumit Drin, përballë me Detin Adriatik në veri të Shqipërisë. [1] [2] Parku ka një sipërfaqe prej 43.93 square kilometres (16.96 sq mi) [3] dhe paraqet zonën e parë të mbrojtur në Shqipëri, e shpallur që në vitin 1940 si një rezervat gjuetie, ndërsa si rezerva natyror është themeluar në vitin 2010.
Përmbledhje[Redakto | Redakto nëpërmjet kodit]
Parku Natyror Kunë - Vain - Tale përfshin Ishullin e Kunës, Lagunën e Kunë - Vain, pyjet përreth, dhe disa ekosisteme në afërsi. Veçanërisht, ajo është identifikuar si një zonë e rëndësishme e shpendëve nga ana e organizatës ndërkombëtare BirdLife International. [4] Ekosistemi kompleks lagunor, i formuar nga dinamika e gjirit të Drinit, është një habitat i rëndësishëm për dimërimin e rosave dhe një zonë riprodhimi për shumë lloje peshqish me rëndësi të shumëfishtë.
Rezervati Kunë-Vain-Tale bënë pjesë në kuadër të pyjeve gjetherënëse ilire, pyjeve mesdhetare dhe ekoregjion tokësor të pyjeve të përziera. Klima është zakonisht mesdhetare . Rezervati natyror karakterizohet nga bimësia e lartë dhe biodiversiteti. Ka afërsisht 277 lloje bimësh . Fauna përfaqësohet nga 341 specie; 23 lloje gjitarësh, 196 lloje zogjsh, 10 lloje amfibie, 59 lloje insektesh dhe 58 lloje peshqish . [5]
Habitatet e larmishme, duke përfshirë pyjet e pishave Mesdhetare, pyjet aluvional, kallamishtet, kënetat, lagunat dhe dunat bregdetare strehojnë një numër të lartë shpendësh si karabullaku i vogël, çafka e natës, çafka e vogël e bardhë, çafka e madhe e bardhë, çafka sqepëlugë, rosa marsatore, rosa sqeplugë, pata e vendit, kryekuqja e vendit si dhe gjitarë si lundërza, nuselala dhe baldosa.
Afër plazhit të Shëngjinit dhe qytetit të Lezhës (me vendet e saj historike), dhe vetëm një orë e gjysmë larg Tiranës, kjo zonë është një destinacion turistik mjaft tërheqës, veçanërisht për të apasionuarit pas vrojtimit të shpendëve.
Galeria[Redakto | Redakto nëpërmjet kodit]
-
Laguna Kunë-Vain -
Plazhi në parkun natyror -
Laguna Kunë-Vain -
Laguna e Shengjinit
Shih edhe[Redakto | Redakto nëpërmjet kodit]
- Gjiri i Drinit
- Ishulli i Kunës
- Gjeografia e Shqipërisë
- Bregdeti Shqiptar i Adriatikut
- Lista e monumenteve natyrore në Shqipëri
Referime[Redakto | Redakto nëpërmjet kodit]
- ^ "Kune Vain" (PDF). see-articles.ceon.rs (në anglisht). fq. 2. Arkivuar nga origjinali (PDF) më 5 shkurt 2022. Marrë më 15 korrik 2020.
- ^ "MANAGED AREA / NATURAL PARK". akzm.gov.al (në anglisht).
- ^ "Vlerësimi Strategjik Mjedisor për Planin e Integruar Ndersektorial te Bregdetit". planifikimi.gov.al. fq. 45. Arkivuar nga origjinali (PDF) më 25 qershor 2018. Marrë më 15 korrik 2020.
- ^ "Zonat e mbrojtura detare e bregdetare në Shqipëri" (PDF). al.undp.org (në shqip dhe anglisht). fq. 11. Arkivuar nga origjinali (PDF) më 15 tetor 2017. Marrë më 15 korrik 2020.
- ^ "Kune-Vain-Tale". akzm.gov.al. Arkivuar nga origjinali më 18 gusht 2017. Marrë më 15 korrik 2020.
Në këtë lagunë gjenden 277 lloje bimësh të ndara në 67 familje dhe 202 gjini, fauna është mjaft e pasur me 341 loje nga të cilat: Gjitarë 23 lloje, Shpend 196 lloje, Insekte 59 lloje, Peshqit 58 lloje, Reptilet 10 lloje,