Sheh Ibrahim Karbunara

Nga Wikipedia, enciklopedia e lirë
Shko te: navigacion, kërko
Sheh Ibrahim Karbunara

Sheh Ibrahim Karbunara ndër të rrallët idealistë i fisit të Shehajve të Karbunarës, Lushnjë dhe në krye të fisit shkëlqeu kleriku i kulturuar i arsimuar në Universitetet më në zë të Stambollit dhe të Teheranit, i shëtitur dhe i pajisur me kulturën e Lindjes dhe atë Perendimore - europiane që në dhjetvjeçarin e fundit të shekullit të XIX. Sipas Tahsim Demiraj kleriku atdhetar Sheh Ibrahim Karbunara merrej me veprimtari patriotike, iluministe, përgatiste indipendencën dhe do ta pësonte për këtë veprimtari në shërbim të kombit, po Ai ishte i vendosur, u internua në Peqin. Me këtë platformë, në vitet e fundit të shekullit të XIX, patriarku edhe nëntë burrat e tjerë që e pasonin- Shehaj të Karbunarës, hynin udhëve të historisë. Ishin vitet pas Lidhjes së Prizrenit vitet e trazuara të shpërbërjes së Perandorisë Osmane, do të rilindte Shqipëria.

Aktiviteti nga Pavarësi te Kongresi i Lushnjës[redakto | redakto tekstin burimor]

  • 1912 Kur Plaku i Vlorës Ismail Qemali shpallte Pavarësinë atje ishte edhe Shehu Ibrahim Karbunara bashkë me Nehbi Sefën, përfaqësonin Lushnjen në atë ngjarje të madhe… Shehu do të mbetej në historinë e vendit edhe si shkruesi i Aktit të Pavarësisë. Kohët e trazuara pas disgregacionit të perandorisë, pas indipendencës, akoma nuk jepnin shpresë formimi dhe kristalizimi të shtetit të ri…U provua që të mbretëronte edhe Princ Vidi, por iku pas 6 muajsh… Akoma Shqipëria ishte nje plasdarm i pa organizuar ku italianë, grekë e serbë, orvateshin të zhvatnin nga ky vend pa zot, nuk mjaftoheshin me coptimet e 1913-ës po te tjera grykësi. Ne strukeshim në veten tonë, ata- kush e kush të rrëmbente nga ne, kush e kush të na rrëgjonte … Por … tanimë qemë zgjuar, na prinin bijt’ më të mirë, më të zgjuar dhe më të përgatitur të vendit … Në të gjitha ngjarjet kyçe që do të kalonte vendi Ibrahim Karbunara tashmë qe i angazhuar…
  • 1919 Ndërsa grekë dhe italianë nxitonin të vinin në jetë Traktatin e fshehtë të 1915-ës, atje në teqenë e Karbunarës Shehu kishte pritur Konsullin Eden te Inteligencie Services dhe Tomsonin. Dy personalitete angleze bisedonin me Shqiptarin e madh, shumë të interesuar për problemet Shqiptare pasi Qeveria Britanike donte formimin e një qeverie kombëtare – në vend të asaj që ishte në Durrës, filo italiane. Ishte vitale mbajtja e nje Forumi kombëtar. Koha nuk priste! Po në mesin e dhjetorit 1919, në këtë tempull të perëndisë në Teqenë e Karbunarës u formua Komiteti me kryetar Sheh Karbunarën, nënkryetar Mihal Gramenon, me përbërje: Sali Butka, Vasil Tromara e të tjerë, për mbledhjen e Kongresit historik të Lushnjes. Ishte Sheh Karbunara që u caktua Lushnja vendmbajtja e Kongresit. Dhe vetëtimthi nga Lushnja iu nisën ftesat - Bashkive të Shqipërisë që të dërgonin delegatët e tyre në kohën e caktuar. Vendmbledhja e Kongresit historik anti imperialist e anti grabitqar do të mbahej në Lushnjë! Kështu ndodhi me Elbasanin, Krujën dhe Lushnjën dhe kështu mbeti në histori, Lushnja do të mbante nderin e atij Kongresi Kombëtar.
  • 21 janar 1920, ora 10 paradite. Tek dera e shtëpisë së patriotit Lushnjar Kaso Fuga, Shehu bëri lutje për hapjen e Kongresit. Lushnja siguroi punime të mbara e të frytshme në të mirë të Kombit. Kongresi shpalli të rrezuar Qeverinë e Durrësit, vuri bazat e shtetit të ri ku populli shqiptar për të parën herë kristalizohet në një komb. I dha fund historisë së fiseve që përbënin popullin shqiptar. Kërkoi të njiheshin kufijtë e Konferencës së Ambasadorëve të Londrës dhe nuk e njohu Paktin e fshehtë të 1915-ës. Fuqitë e Mëdha u detyruan të njohin vetëm shtetin shqiptar të 1913-ës. Me Kongresin e Lushnjes do të viheshin bazat e një shteti modern bashkëkohor. Formoi Këshillin e Lartë, qeverinë dhe zgjodhi senatin. Kongresi i Lushnjes u kurorëzua me sukses, Ministri i Brendshëm A. Zogu , i shoqëruar nga një grup kombëtaru nis për në Kryeqytetin e vendit ku do të niste punën Qeveria e shtetit më të ri të kohës.

Referenca[redakto | redakto tekstin burimor]

www.bksh.al