Genc Pollo

Nga Wikipedia, enciklopedia e lirë
Jump to navigation Jump to search
Genc Pollo
Genc Pollo.jpg
Deputet i Kuvendit të Shqipërisë
1996 – Vazhdon
Zëvendës Kryeministër
28 korrik, 20088 shtator, 2009
Paraardhësi: Gazmend Oketa
Pasardhësi: Ilir Meta
Ministër i Arsimit dhe Shkencës
10 shtator, 200528 korrik, 2008
Paraardhësi: MA Luan Memushi
Pasardhësi: Fatos Beja
Ministër për Inovacionin dhe Teknologjinë e Informacionit dhe të Komunikimit
15 prill, 20102013
Paraardhësi: Sokol Olldashi (rikonfigurim i ministrisë)
Pasardhësi: Milena Harito
Të dhënat personale
Lindi më: 7 prill 1963
Lindi në: Tiranë, Republika Popullore e Shqipërisë
Kombësia: Shqiptar
Profesioni: Politikan
Shkolla e kryer: Fakulteti Histori-Filologji, Universiteti i Tiranës
Partia politike: Partia Demokratike


Genc Pollo (Tiranë, 7 prill 1963) është politikan shqiptar, deputet i Partisë DemokratikeKuvendin e Shqipërisë.[1][2]

Biografia[redakto | redakto tekstin burimor]

Pollo ka lindur në 1963 në Tiranë në familjen e Pollove me prejardhje nga Frashëri, i biri i historianit Stefanaq Pollo.[3] Më 1982 nisi studimet në Fakultetin Histori-Filologji në Universitetin e Tiranës, të cilat i kreu më 1986. Më tej ai punoi si kërkues shkencor në Akademinë e Shkencave të Shqipërisë për dy vjet, duke ndjekur më pas studimet pasuniversitare në Universitetin e Vjenës, në sajë të një bursë të dhënë nga qeveria austriake (1988-1990).[4]

Genc Pollo është i martuar dhe ka dy fëmijë. Ai flet rrjedhshëm katër gjuhë të huaja (anglisht, gjermanisht, frëngjisht dhe italisht).

Karriera politike[redakto | redakto tekstin burimor]

Pollo ka marrë pjesë në themelimin e Partisë Demokratike të Shqipërisë dhe zëdhënës i saj. Më 1993 qe anëtar themelues dhe nënkryetar i Shoqatës Shqiptare të Atlantikut.

Gjatë viteve 1992-1996 ai shërbeu si këshilltar i Sali Berishës, atëherë President i Shqipërisë. Në shkurt të 1997 u caktua sekretar i marrëdhënieve me jashtë i Partisë Demokratike, në prill të po atij viti u emërua sekretar i përgjithshëm i partisë. Më 1997-1999 qe nënkryetar i PD-së dhe kryetar i grupit parlamentar të saj. Që nga 1999 qe përfaqësues kryesor i lëvizjes reformatore brenda partisë.

Në vitin 2001 ai krijoi Partinë Demokrate të Re, e cila u rreshtua përkrah kualicionit të qendrës së djathtë në zgjedhjet e përgjithshme të verës së 2005, vit prej të cilit Partia Demokrate e Re u bashkua me Partinë Demokratike. Në qeverinë e dalë prej këtyre zgjedhjeve, Pollo mori portofolin e Ministrit të Arsimit dhe Shkencës, duke shpallur kështu arsimin si prioritet kryesor të shumicës së re qeverisëse dhe duke dyfishuar shpenzimet për arsimin. Më 2008 nënshkroi shkrirjen e PDR-së me PD-në dhe më 2008 - 2009 qe zëvendëskryeministër.[4]

Në zgjedhjet e përgjithshme të qershorit 2009, të cilat rikonfirmuan Partinë Demokratike dhe koalicionin qeveritar, Pollo u rizgjodh deputet i Kuvendit të Shqipërisë dhe në qeverinë e re që doli nga këto zgjedhje u emërua Ministër për Inovacionin dhe Teknologjinë e Komunikimit e të Informacionit.

Shiko edhe[redakto | redakto tekstin burimor]

Grupi Parlamentar i Partisë Demokratike të Shqipërisë 2009-2013

Grupi Parlamentar i Partisë Demokratike të Shqipërisë 2013-2017

Lista e deputetëve të Legjislaturës VIII të Kuvendit të Shqipërisë

Referencat[redakto | redakto tekstin burimor]

  1. ^ KQZ Rezultatet Përfundimtare të Zgjedhjeve për Kuvendin e Shqipërisë 2013
  2. ^ Kuvendi i Shqipërisë - Jetëshkrimet e deputetëve
  3. ^ Myftaraj, Kastriot (25 janar 2010). "Misteret e karrierës së Genc Pollos nipit të oficerit grek Take Pollo". ballikombit.org. 
  4. ^ a b Dervishi, Kastriot (2012). Kryeministrat dhe ministrat e shtetit shqiptar në 100 vjet. Tiranë: 55. p. 211. ISBN 9789994356225.