Shqipëri 1–0 Luksemburg ishte ndeshja e raundit të dytë të Grupit D të fazës së parë kualifikuese të Euro 2012 e luajtur në Stadiumin Qemal Stafa. Kjo ishte ndeshja e katërt midis tyre në histori, me Shqipërinë që ka fituar 2 ndeshje dhe ka barazuar 1. Ndeshja u luajt më 7 shtator 2010 dhe Shqipëria fitoi me rezultatin 1–0 falë golit të Hamdi Salihit në minutën e 37.[1] Në këtë ndeshje, morën pjesë 10,000 tifozë. Kjo ishte ndeshja e dytë zyrtare e trajnerit Josip Kuže i cili regjistroi fillimin më të mirë të Shqipërisë në kualifikueset e një Europiani. Falë këasj fitoreje, Shqipëria mori kryesimin e Grupit me 4 pikë në 2 ndeshje,[2] kurse Luksemburgu me këtë humbje mori vendin e fundit me 0 pikë.
Shqipëria
Luksemburgu
37'
