Kolë Thaçi

Nga Wikipedia, enciklopedia e lirë
Jump to navigation Jump to search
Kolë Thaçi
Ministër i Financave
24 dhjetor, 1921 – 25 shkurt, 1924
Paraardhësi: Sulejman Starova
Pasardhësi: Myfid bej Libohova
6 mars, 1930 – 11 prill, 1931
Paraardhësi: Milto Tutulani
Pasardhësi: Lame Kareco
9 nëntor, 1936 – 7 prill, 1939
Paraardhësi: Rrok Gera
Pasardhësi: Kosta Marku
Të dhënat personale
Lindi më: 2 dhjetor 1886
Lindi në: Shkodër, Perandoria Osmane
Vdiq më: 14 korrik 1941
Vdiq në: Shkodër, Mbretëria Shqiptare (1939–43)
Kombësia: Shqiptar
Profesioni: nëpunës, politikan

Kolë Thaçi (Shkodër, 2 dhjetor 1886 - 17 korrik, 1941) ka qenë arsimtar, nëpunës, anëtar i Senatit të Shqipërisë nga 27 mars 1920 deri më 20 dhjetor 1920.

Biografia[redakto | përpunoni burim]

Mësimet fillore dhe teknike e shkollimin tregtar e mori nga kolegji Saverian në vendlindje. Nga viti 1903 deri më 1910 punoi si mësues në kolegjin në fjalë. Në shtatë muajt e Rrethimit të Shkodrës qe sekretar i doganës së qytetit.

Rikthehet në detyrë në janar të 1916 me hyrjen e trupave austro-hungareze, ndërsa më 18 gusht 1917 u emërua drejtor i doganës. Më 23 maj 1918 e deri në ikjen e austro-hungarezëve pati detyrën e kontrollorit në kryedrejtorinë e Shkodrës. Më 1 dhjetor 1918 deri në 31 janar 1920 vijoi në ofiqin e drejtorit të doganës.[1]

Kol Thaçi u zgjodh nga populli i Shkodrës si senator për ti përfaqësuar ata në Mbledhjet e Larta.[1] Sipas Vllamasit, Thaçi me Pashuk Saraçin e Halit Rrojin, nëpërmjet Musa Jukës ishin të lidhur me Ahmet Zogun dhe simpatizonin Partinë Popullore.[2] Ka qenë disa herë Ministër i Financave në vitet 20-te dhe 30-te dhe Kryetar i Keshillit Kontrollues. Në vitin 1932 ai u caktua delegat i dytë i Komisionit për Shpenzimin e huadhënieve të dhëna nga Italia sipas Marrëveshjes se vitit 1931. Ka qenë deputet i Shkodrës. Kol Thaçi ka qenë edhe letrar.

Poezitë e tij më të njohura janë "Mbi ndërtesë të lartë, bri Rozafës","Vasha dhe Trendafili","Tek tempulli Marisë, Poema "28 Nentori'. Ka qenë mik i Luigj Gurakuqit dhe Hile Mosit dhe njihej me pseudonimin "Dora e harrrueme". Kol Thaçi ka qenë graduar me titullin e lartë "Oficer i Madh" si dhe Doktor me diplomën "Honoris Causa", nga Universiteti i Barit që në 1936. Gjithashtu është nderuar në Paris me urdhrin e më të mirit "The order of the best". Njihte gjuhen frenge, italiane, gjermane. [3]

Referencat[redakto | përpunoni burim]

  1. ^ a b Dervishi, Kastriot (2012). Kryeministrat dhe ministrat e shtetit shqiptar në 100 vjet. Tiranë: "55". f. 242.  9789994356225. 
  2. ^ Vllamasi, Sejfi (2012). Ballafaqime politike në Shqipëri (1897-1942). Tiranë: Vllamasi. f. 245.  978-9928-140-54-8. 
  3. ^ Album Historik Kushtuar Ministrave Te Financave Ne Vite. Ministria e Financave.  999-27-857-2-1.