Nëntori i dytë

Nëntori i dytë është një film artistik historik i prodhuar në Shqipëri në vitin 1982, me regjinë e Viktor Gjikës dhe me skenarin e Dhimitër Shuteriqit dhe Kiço Blushit. Filmi u prodhua nga Kinostudioja Shqipëria e Re.

Filmi trajton një nga ngjarjet më të rëndësishme të historisë së popullit shqiptar – shpalljen e pavarësisë së kombit shqiptar, duke theksuar përpjekjet kundër rrezikut të copëtimit të vendit.

Nëntori i dytë Arkivi i filmit
Origjinali	Nëntori i dytë
Vendi i prodhimit	Shqipëri
Viti i prodhimit	1982
Koha (Zëri) - (PAL/DVD)	1:25
Gjuha origjinale	Shqip
Për moshën	≥12
Ekipi realizues
Regjia	Viktor Gjika
Skenari	Dhimitër Shuteriqi Kiço Blushi
Muzika e filmit	Kujtim Laro
Kameramani	Lionel Konomi
Prodhuesi i filmit:	Shqipëria e Re
Aktorë kryesorë
Sandër Prosi Reshat Arbana Mario Ashiku Robert Ndrenika
Aktorët tjerë
Sulejman Dibra Demir Hyskja Agim Shuke Piro Malaveci

Ngjarjet zhvillohen kryesisht rreth figurave të rëndësishme të kohës, si Ismail Qemali, Isa Boletini dhe patriotët e tjerë, të cilët punojnë në kushte tepër të vështira politike dhe kërcënimesh nga fuqitë e huaja që synojnë ndarjen e trojeve shqiptare. Filmi paraqet udhëtimin drejt Vlorës, përplasjet diplomatike, përpjekjet për bashkimin e krahinave dhe momentin kulmor të ngritjes së flamurit më 28 Nëntor 1912.

Përmbatja e filmit

Filmi flet për përgatitjet e Shqipërisë drejt Shpalljes së Pavarësisë në vitin 1912. Në Veri dhe në Jug shpërthyen kryengritje të mëdha kundër pushtuesve osmanë, të cilat treguan vendosmërinë e popullit shqiptar për liri. Këto kryengritje dobësuan sundimin osman dhe i hapën rrugën veprimeve të mëtejshme kombëtare.

Në këtë situatë historike, forcat shoviniste të Ballkanit kërkonin të copëtonin Shqipërinë, ndaj u bë e domosdoshme që shqiptarët të vepronin me unitet. Ismail Qemali, si personalitet i njohur dhe diplomat, mori mbi vete detyrën për të organizuar pavarësinë. Ai, së bashku me patriotë të tjerë, punoi për të bindur delegatët shqiptarë të mblidheshin në Vlorë.

Më 28 Nëntor 1912, në shtëpinë e Xhemil Bej Vlorës, Ismail Qemali ngriti flamurin kombëtar dhe shpalli Shqipërinë shtet të pavarur.

Rolet

• Sander Prosi si Ismail Bej Qemali
• Reshat Arbana si Isa Boletini
• Mario Ashiku si Shpend Dragobia
• Sulejman Dibra
• Demir Hyskja si Mytesarifi Sadri Pasha
• Bujar Lako si Luigj Gurakuqi
• Robert Ndrenika si Hakiu
• Petrit Malaj si Korrier
• Luan Qerimi si Sali Drenica
• Guljelm Radoja si Lym Kepi
• Hajrie Rondo si Gruaja e Lym Kepit
• Ilia Shyti si Mullai i Beratit
• Pandi Raidhi si Demir Arbana
• Spiro Urumi si Xhaferr Bej Kadena
• Vangjel Heba si Dhespot Jakovi
• Viktor Zhusti si Pandeli Cale
• Vasjan Lami si Komandanti Serb
• Agim Shuka si Jani Vruho
• Vangjel Grabocka si Gjyshi
• Fatos Sela si Komandant Bimbashi
• Kristaq Skrami si Et'hem Efendiu
• Ali Bega si Përfaqësuesi i Dhespot Jakovit
• Sulejman Kokomani si Nuri Efendiu
• Rozalinda Bendo si Marigoja
• Piro Malaveci si Hasan Prishtina
• Amarildo Pregapuca si Kosta
• Taulant Godaj si Djali i Lymit
  

Lidhje të jashtëme

https://www.imdb.com/title/tt0171564/ https://aqshf.gov.al/motion_picture/nentori-i-dyte/