Viktor Zhusti

Viktor Zhusti është një aktor shqiptar. Lindi më 8 dhjetor të vitit 1942 në Athinë - Greqi.

Ka luajtur shumë role gjatë kohës kur lulëzonte veprimtaria në Kinostudio Shqipëria e Re, ishte një nga aktorët më të kërkuar.

Biografia

Viktor Zhusti ka lindur më 8 dhjetor 1942 në Athinë, Greqi. I ati ishte me origjinë nga Gjirokastra, ndërsa e ëma greke. Në moshën 3-vjeçare është shpërngulur në Shqipëri, fillimisht në Korçë e më pas në Gjirokastër, ku mori mësimet e para. Pas përfundimit të Liceut Artistik ka studiuar për aktrim në Institutin e Lartë të Arteve, së bashku me Robert Ndrenikën. Për 7 vjet ka punuar në Shtëpinë e Kulturës në Gjirokastër, si regjisor dhe aktor, derisa u kthye në Tiranë për të luajtur në filmat më në zë të kohës.

Galeria e roleve të Viktor Zhustit është e pasur. Ka luajtur partizanin e ashpër, por edhe babain e dhembshur, të riun përpara dilemave, por edhe të dashuruarin, që mundohet të tejkalojë paragjykimet. Disa prej filmave ku ai ka luajtur, mund të përmendim telekomedinë “Shi në Plazh”, ku luan rolin e Alber-it, një nga komeditë më të bukura shqiptare, që i ka rezistuar kohës. Për të vijuar me filmin “Nëntori i dytë”, ku luan rolin e Pandeli Cales, “Taulanti kërkon një motër”, rolin e babait, Pirros. Një tjetër rol babai, tek “Kur xhirohej një film”, për të vazhduar me rolin e Llano Bletës tek “Dhe vjen një ditë”, “Malet me blerim mbuluar”, etj. Roli i doktorit në skenën e teatrit Kombëtar me Te gjithë kanë huqe e kthen atë pas gati 20 vjetesh sërish në vëmendjen e publikut.

Ka punuar edhe si pedagog në Akademinë e Arteve në Tiranë, për një periudhë 20-vjeçare. Përveçse ka luajtur në shfaqje të shumta teatrale, së fundmi është bërë edhe skenarist, duke shkruar dramën "Biznesmeni", e cila u vu në skenën e Teatrit Kombëtar.

Filmografia

• Ego (2023)
• Gjergj (2020)
• Zgjimi i Enver Simakut (2018)
• Rrokullisja (2016)
• Rikostrunsioni (1988)
• Delegacioni (1998) - profesor Leo
• Në kërkim të kujt (1992) serial
• Tingulli i heshtjes (1989) serial
• Dhe vjen një ditë (1987) - Llano Bleta
• Taulanti kërkon një motër (1984) - Piro
• Nëntori i dytë (1982) - Pandeli Cale
• Kur xhirohej një film (1980) - Kujtimi
• Gëzhoja e vjetër (1980) - Pandi Myllo
• Dollia e dasmës sime (1978) - Korrieri
• Malet me blerim mbuluar (1971) - Jaho
• Komisari i dritës (1966) - Mark Dedina

Role në teatër

• Biznesmeni (2024)
• Testamenti (2024)
• Profesionisti (2023)
• Coriolanus (2022)
• Testamenti i Ri (2020)
• Dama me kamelie (2017)
• Kush e solli Doruntinën (2016)
• Djemte Gazmor ( 2014 ) Komedi
• Kush ka frikë nga Virginia Wolf (2009 - 2010) Teatër, dramë
• Te gjithë kanë huqe (2009) - Dr. Stern
• Mësuesi i letërsisë - (1985) - Sami Hodo
• Shi në Plazh (1984) - Alberi

• Komunistët (1981) - Besimi
• Toka e ndezur Teatër, dramë

Lidhje të jashtme

Biografia e plote e Viktor Zhustit Arkivuar 10 mars 2013 tek Wayback Machine