Maria
Mary | |
|---|---|
 Shën Meria nga Albreht Dyrer | |
| Lindi | rr. 18 BC |
| Vdiq | Pas rr. 33 e.r. |
| Bashkëshorti/ja | Jozefi |
| Fëmijë | Jezusi |
| Prind/ër | Joakimi dhe Ana (sipas disa shkrimeve apokrife) |
Mëria në jug, Maria ose Mria në veri[a] ishte një grua jehude nga Nazareti i shekullit të parë,[3] gruaja e Jozefit dhe nëna e Jezusit. Ajo është një figurë e rëndësishme e Krishterimit. Kishat Ortodokse Lindore dhe Orientale, Katolike, Anglikane dhe Luterane besojnë se Maria, si nëna e Jezusit, është Nëna e Zotit. Pikëpamjet e tjera protestante për Marinë ndryshojnë, me disa që mendojnë se ajo ka status më të ulët. Ajo ka pozitën më të lartë në Islam në mesin e të gjitha grave dhe përmendet shumë herë në Kuran, duke përfshirë në një kapitull me emrin e saj.[4][5][6]
Ungjijtë sinoptikë e emërojnë Marinë si nënën e Jezusit. Ungjijtë e Mateut dhe Lukës e përshkruajnë Marinë si një virgjëreshë që u zgjodh nga Perëndia për të ngjizur Jezusin nëpërmjet Frymës së Shenjtë. Pasi lindi Jezusin në Betlehem, ajo e rriti atë në qytetin e Nazaretit të Galilesë dhe ishte në Jeruzalem në kryqëzimin e tij dhe me apostujt pas ngritjes së tij në qiell. Edhe pse jeta e saj e mëvonshme nuk llogaritet në Bibël, Katolikët, Ortodokët Lindorë dhe disa tradita protestante besojnë se trupi i saj u ngrit në qiell në fund të jetës së saj tokësore, e cila njihet në Krishterimin Perëndimor si Supozimi i Marisë dhe në Krishterimin Lindor si Fjetja e Nënës së Zotit.
Fusha e teologjisë krishtere, që merret me figurën e saj quhet mariologji. Festa e lindjes së Shën Marisë është 8 shtatori, dhe kremtohet nga kishat ortodokse, katolike, dhe anglikane. Kishat katolike dhe ortodokse festojnë edhe shumë ditë të tjera festive të Zonjës së Bekuar.
Perspektiva fetare
[Redakto | Redakto nëpërmjet kodit]Islam
[Redakto | Redakto nëpërmjet kodit]- Artikulli kryesor: Merjemja
Virgjëresha Maria zë një vend të lartësuar në Islam dhe ajo konsiderohet nga Kurani si gruaja më e madhe në historinë e njerëzimit. Shkrimi i shenjtë islam tregon Premtimin Hyjnor dhënë Merjemes si: "O Merjem! Vërtet Allahu ju ka zgjedhur, ju ka pastruar dhe ju ka zgjedhur mbi të gjitha gratë e botës.” (3:42).
Për më tepër, Maria është e vetmja grua e përmendur në Kuran dhe ajo përmendet ose referohet në shkrimet e shenjta gjithsej 50 herë. Maria mban një pozitë të veçantë dhe të nderuar mes grave në Kuran. Një sura (kapitull) në Kuran titullohet "Merjem", e vetmja sure në Kuran me emrin e një gruaje, në të cilën historia e Marisë (Merjemes) dhe e Jezusit (Isait) tregohet sipas pikëpamjes Islame.[6]
Shënime historike
[Redakto | Redakto nëpërmjet kodit]Kulti i Mërisë në viset shqiptare
[Redakto | Redakto nëpërmjet kodit]- Zonja e Këshillit të Mirë, Shkodër
- Zonja e Cernagore, Letnicë
Shënime
[Redakto | Redakto nëpërmjet kodit]- ^ hebraisht: מִרְיָם, romanizuar: Mīryām; arabisht: مريم, romanizuar: Maryam; greqishtja e lashtë: Μαρία, romanizuar: María
Referime
[Redakto | Redakto nëpërmjet kodit]- ^ "Catholic Enncyclopedia: Tomb of the Blessed Virgin Mary". New Advent (në anglisht). Marrë më 2 janar 2023.
- ^ "Tomb of Mary: Location and Significance: University of Dayton, Ohio". udayton.edu (në anglisht). Marrë më 2 janar 2023.
- ^ Raymond Edward Brown; Joseph A. Fitzmyer; Karl Paul Donfried (1978). Mary in the New Testament (në anglisht). NJ: Paulist Press. fq. 140. ISBN 978-0809121687. Arkivuar nga origjinali më 17 gusht 2021. Marrë më 23 shkurt 2021.
...consonant with Mary's Jewish background
- ^ Quran 3:42; cited in Stowasser, Barbara Freyer, "Mary", in: Encyclopaedia of the Qurʾān, General Editor: Jane Dammen McAuliffe, Georgetown University, Washington DC.
- ^ J.D. McAuliffe, Chosen of all women
- ^ a b Jestice, Phyllis G. Holy people of the world: a cross-cultural encyclopedia, Volume 3. 2004 ISBN 1-57607-355-6 p. 558 Sayyidana Maryam Arkivuar 2020-07-27 tek Wayback Machine
Lidhje të jashtme
[Redakto | Redakto nëpërmjet kodit]
- Anglisht. Shtëpia e Maries - Historia e jashtëzakonshme pas zbulimit të shtëpisë ku Virgjëra Mari jetoi e vdiq.
- Italisht. Faqe rrjetore zyrtare e Zojës.
- Anglisht. Studim rreth Zojës së Bekuar në Bibël Arkivuar 13 qershor 2007 tek Wayback Machine.
- Gjermanisht. Fjalori i shenjtorëve. Shën Maria.