Lista e mbretërve shqiptarë

Principata e Arbërit (1190 - 1257)

Imazhi	Emri	Sundimi	Dinastia	Bashkëshorte	Përshkrimi
	Arhond i Krujës Progoni	1190 - 1198	Dera e Progonëve	- 2 fëmijë	Sundimtari i parë shqiptar në histori dhe themelues i Principatës së Arbërit, shtetit të parë shqiptar. Mbante titullin "arhond", të dhuruar nga Perandoria Bizantine.
	Princi i Krujës Gjin Progoni	1198 - 1208		- 2 fëmijë	Biri i madh i Progonit. Biri i tij, Progoni II, përmendet si sundues (protosevastokrat) në Mirditë.
	Princi i Arbërisë Dhimitër Progoni	1208 - 1216		Komnena Nemanjiq asnjë fëmijë	Biri i vogël i Progonit. Zgjeroi Principatën e Arbërit territorialisht deri në maksimumin e saj.
	Princi i Arbërisë Grigor Kamona	1216 - 12??	Kamona	Komnena Nemanjiq një fëmijë	Trashëgoi Principatën nëpërmjet të vesë së Dhimitër Progonit, princeshës Komnena Nemanjiqit.
	Princi i Krujës Golemi i Krujës	12?? - 1257	Dera e Arianitëve?	Bija e Grigor Kamonës ?	Martoi bijën e vetme të Grigor Kamonës, duke marrë në dorë pushtetin arbër. Hulumtohet të ketë qenë pjesë ose të ketë qënë themeluesi i Derës së Arianitëve.

Principata e Gropajve (1258 - 1449)

Imazhi	Emri	Sundimi	Dinastia	Bashkëshorte	Përshkrimi
	Princi i Devollit dhe Dibrës Pal Gropa	para 1273 - pas 1275	Dera e Gropajve	- 1 fëmijë	Sundoi në viset e Ohrit dhe Dibrës gjatë pjesës së dytë të shekullit XIII. Mbante titull "sevast" dhe ishte vasal i Karl Anzhuit.
	Princi i Ohrit Andrea Gropa	1365 - 1380		Kirana Muzaka asnjë fëmijë	Fillimisht sundoi për një kohë të shkurtër si vasal i mbretit serb Vukashin Mërnjavceviq (1365 - 1371), përpara se të shpallte pavarësinë më 1370. Luftoi kundër Princ Markos dhe së bashku me Andrea II Muzakën dhe Balshën II mori Përlepin dhe Kastorian prej tij.
	Princi i Pogradecit Ajdin Gropa	shekulli XIV		-	Sundoi në fushën e Korçës gjat shekullit XIV.
	Princi i Pogradecit Zaharia Gropa	1444 - 1456		-	Sundues në Shqipërinë juglindore dhe komandant në ushtrinë e Skënderbeut. Pasi ra në luftë, Principata e Gropajve u shpërbë dhe u pushtua nga osmanët.

Principata e Blinishtit (shekulli XIII - 1330)

Imazhi	Emri	Sundimi	Dinastia	Bashkëshorte	Përshkrimi
	Princi i Blinishtit Vlado Blinishti	1273 - 1304	Dera e Blinishtëve	- një fëmijë	Vasal i Karl I Anzhuit, që më vonë u burgos në Brindizi për shkak të shkeljeve ndaj pushtetarëve anzhuin. Më vonë u lirua dhe iu dha titulli Konti i Mbretërisë së Arbërisë.
	Konti i Mbretërisë së Arbërisë Kalojan Blinishti	1304 - 1319		-	Vëllai i Vlados, sundoi me titullin "kont".
	Konti i Mbretërisë së Arbërisë Gulielm Blinishti	1319 - 1330		-	Biri i Vlados. Iu dhurua titulli "miles" me kuptimin "kalorës". Pas kryengritjeve arbërore kundër Perandorisë Serbe nuk përmenden më Blinishtët, dhe zotërimet e tyre u ndanë midis Topiajve dhe Dukagjinëve.

Mbretëria e Arbërisë (1272 - 1368 dhe 1376 - 1383)

Imazhi	Emri	Sundimi	Dinastia	Bashkëshort(i/e)	Përshkrimi
	Mbreti i Arbërisë Karli I Anzhu	1272 - 1285	Anzhuinët	Margareta e Burgundisë një fëmijë	Në 1272 themeloi Mbretërinë e Arbërisë nëpërmjet aleancave politike me princat arbëror dhe diplomacisë. Në Durrës nënshkroi një traktat me gjithë fisnikërinë, klergjinë dhe qytetarinë e pasur të Arbërisë, duke krijuar një shtet pjesë të Mbretërisë së Sicilisë, ku "populli arbër do të mbrohet dhe do të nderohet".
	Mbreti i Arbërisë Karli i Dytë	1285 - 1294		Maria e Hungarisë 14 fëmijë	Sundoi një ndër perandoritë më të fuqishme të mesjetës, me zotërime në jug të Francës, në Itali, në Greqi dhe sigurisht në Arbëri. Më 1294 i dha të drejtat e sundimit të Arbërisë të birit, Filipit të Tarantos.
	Mbreti i Arbërisë Filipi i Tarantos	1294 - 1331		Thamara Angjelina Komnena (6 fëmijë) Katerina e Akaiës (4 fëmijë)	Forcoi marrëdhëniet me Despotatin e Epirit dhe synoi të ripushtonte shumicën e Mbretërisë së Arbërisë. Arriti të zotëronte Durrësin me ndihmën e Papa Benediktit XI dhe të shqiptarëve katolikë, dhe i dha të drejta dhe privilegje fisnikërisë arbërore.
	Mbreti i Arbërisë Roberti i Tarantos	1331 - 1332		-	Sundoi për më pak se dy vite për shkak se xhaxhai i ti, Xhon Anzhuini, dëshironte të sundonte Arbërinë, e kështu pasi u mposht në betejë u detyrua ta këmbente për Principatën e Akaiës.
	Duka i Durrësit Xhoni i Durrësit	1332 - 1336		Anjeza e Perigordit 3 fëmijë	Mori pushtetin me forcë nga nipi i vet, Roberti i Tarantos. Sundimtari i parë anzhuin që la pas titullin Mbreti i Arbërisë dhe filloi të përdorte Duka i Durrësit, për shkak të humbjeve të shumta territoriale që kishin pësuar.
	Duka i Durrësit Karli i Durrësit	1336 - 1348		Maria e Kalabrisë 5 fëmijë	Për 12 vitet që sundoi, u përqëndrua në politikat e Napolit kryesisht sesa ato të Arbërisë.
	Dukesha e Durrësit Xhoana e Durrësit	1348 - 1368		Luigji i Durrësit (asnjë) Roberti IV i Atuas (asnjë)	Trashëgoi Durrësin pas vdekjes së atit të saj kur ishte vetëm 4 vjeç. Edhe pse fillimisht qëndroi në Napoli, filloi të përfshihej në politikat arbërore më shumë pas martesës së saj të parë.
	Duka i Durrësit Luigji i Durrësit	1366 - 1368, 1376	Evreu	Xhoana e Durrësit asnjë	Fitoi titullin Duka i Durrësit pas martesës më 1368 me dukeshën Xhoana, ama veç dy vite pas martesës, Durrësi u pushtua nga Karl Topia. Gjatë periudhës 1972 - 1976 me ndihmë nga Karli II i Navarres dhe Karli V i Francës arriti të rikthente pushtetin anzhuin në Durrës, përpara se të vdiste papritur.
	Duka i Durrësit Roberti IV i Atuas	1376 - 1383	Artua		Fitoi titullin nëpërmjet martesës me Xhoanën, e cila vazhdoi luftën e Luigjit për të fituar më shumë zotërime në Arbëri. Sundoi gjatë një periudhe trazirash, e cila përfundoi me pushtimin e dytë të Durrësit nga Karl Topia më 1383 dhe fundin e pushteti anzhuin në Arbëri.

Principata e Muzakajve (1279 - 1450)

Imazhi	Emri	Sundimi	Dinastia	Bashkëshorte	Përshkrimi
	Marshali i Arbërisë, Princi i Beratit dhe Myzeqes Andrea I Muzaka	1279 - 1319	Dera e Muzakajve	- 2 fëmijë	Iu dhurua titulli "sevastokrat" nga Perandori i Bizantit dhe sundoi në Devoll, Opar, Skrapar, Berat dhe në Myzeqe si i pavarur.
	Princi i Beratit Teodor I Muzaka	1319 - 1331		Bija e Pal Gropës 2 fëmijë	Mbretëroi gjatë kohës së konflikteve të pushtimit serb.
	Despoti i Arbërisë Andrea II Muzaka	1331 - 1372		Efimia Matrënga 5 fëmijë	Udhëhoqi kryengritjen e princave arbëror ndaj pushtetit serb dhe pushtoi territore të mëparshme të Muzakajve si dhe territore të reja. Arriti të mposhte Vukashin Mërnjavceviqin dhe Marko Kraleviqin në betejë e iu dhurua titulli Despoti i Epirit nga bizantinët dhe titulli Marshal i Arbërisë nga anzhevinët.
	Princi i Beratit Teodor II Muzaka	1372 - 1389		- 1 fëmijë	Mori pjesë në Betejën e Kosovës më 1389 ku vdiq. Zotërimet i përfunduan vëllait të tij Gjin I Muzakës.
	Princi i Devollit Andrea III Muzaka	1389 - 1396		Kirana Zenebishi 4 fëmijë	Biri i Gjin I Muzakës dhe Zanfina Arianitit. Mbështeti Venedikun në mbrojtjen e Durrësit.
	Princi i Beratit dhe Myzeqes Teodor III "Koronë" Muzaka	1396 - 1450		- 1 fëmijë	Mposhti Princ Markon dhe Niketa Topinë në betejë, duke zgjeruar territoret e Muzakajve. Udhëhoqi kryengritjen arbërore të 1437-8 kundrejt birit të vet, Jakup bej Muzakës. Ishte një ndër themeluesit e Besëlidhjes së Lezhës më 1444, dhe vazhdoi të luftonte deri sa u vra nga turqit në 1450.
	Princi i Tomorricës dhe Devollit Gjin II Muzaka	1450 - 1465		Kirana Matrënga 8 fëmijë	Sundoi Principatën derisa u kap nga forcat e Ballaban pashë Badherit dhe u vra në Kostandinopojë më 1465. Biri i tij, Gjon Muzaka, emigroi në Itali dhe shkruajti Kronikën e Muzakajve.

Principata e Matrëngas (shekulli XIII - 1367)

Imazhi	Emri	Sundimi	Dinastia	Bashkëshorte	Përshkrimi
	Princi i Gorës Pal Matrënga	? - 1343	Dera e Matrëngave	- 2 fëmijë	Mbajti titullin "sevastokrat". Pjesë e lidhjes arbërore kundër mbretit të Serbisë, Stefan Millutinit, i cili kishte ambicie për të pushtuar Arbërinë. Mbajti lidhje të mira me Papatin dhe me Bizantin.
	Princi i Karavastasë Vlash Matrënga	1355 - 1367		- 1 fëmijë	Themeloi Principatën e Matrëngas si një shtet i pavarur dhe si një qendër tregtie. U përfshi në rrjetën e konflikteve midis Balshajve, Topiajve dhe Muzakajve mbi sundimin e bregdetit adriatik.
	Princi i Karavastasë Gjon Matrënga	shekulli XIV		Maria Zardari 3 fëmijë	Trashëgoi një territor shumë herë më të vogël sesa ai që sundonte babai i tij, por qëndroi i pavarur dhe kishte marrëdhënie shumë të mira me Raguzën.

Principata e Gjonimës (1319 - 1430)

Imazhi	Emri	Sundimi	Dinastia	Bashkëshorte	Përshkrimi
	Princi i Dokleas dhe Bregdetit Vlado Gjonima	? - pas 1319	Dera e Gjonimajve	-	Përmendet si Princi i Dokleas (Malit të Zi) dhe Bregdetit. Fillimisht sundoi nën pushtetin e sovranit serb Stefan Millutin, përpara se të merrte pjesë në koalicionin e princave arbëror.
	Princi i Zadrimës dhe Manatisë Dhimitër Gjonima	? - 1409		-	Luftoi kundër osmanëve në Betejën e famshme të Kosovës, përpara se të bëhej vasali i tyre, megjithëse më vonë do të kthehej në vasal të Venedikut. Sundonte rrugët e tregtisë midis Lezhës dhe Prizrenit, si princi i tokave midis Lezhës dhe Rrëshenit.

Principata e Topiajve (1328 - 1468)

Imazhi	Emri	Sundimi	Dinastia	Bashkëshort(i/e)	Përshkrimi
	Konti i Matit Tanush Topia	1328 - 1338	Dera e Topiajve	- 2 fëmijë	Konti i Matit. Mbajti marrëdhënie miqësore me anzhuinët dhe përmendët si komandant ushtarak në mbrojten e Durrësit nga car Dushani.
	Konti i Matit Andrea I Topia	1338 - 1343		Helena e Anzhuit 2 fëmijë	Martoi Helenën e Anzhuit, bijën e mbretit të Napolit, Robertit, gjatë vizitës së saj në Durrës, edhe pse i ishte premtuar një sundimtari në More. I tërbuar, Roberti i ftoi në oborrin e tij mbretëror pas disa vitesh, ku i vrau të dy.
	Princi i Arbërisë Karl Topia	1358 - 1388		Vojsava Balshaj 3 fëmijë	Si hakmarrje ndaj vrasjes së prindërve të tij, zotoi ti përzënte Anzhuinët nga Arbëria. Arriti të pushtonte Durrësin dy herë dhe shpalli veten Princi i Arbërisë. Luftoi kundër serbëve dhe familjeve arbërore si Muzakajt dhe Balshajt, dhe vrau Balshën II me ndihmën e osmanëve në betejën e Savrës.
	Princi i Arbërisë, Princi i Durrësit Gjergj Topia	1388 - 1392		Teodora Brankoviq asnjë	Trashëgimtari i Karl Topisë. U detyrua ti shiste Durrësin Venedikut, ndërsa pjesën tjetër të zotërimeve ja la dy motrave, Helenës dhe Vojsavës.
	Princesha e Krujës Helena Topia	1388 - 1392		Marko Barbarigo asnjë	Bija e madhe e Karl Topisë. Martoi kapitenin venedikas Marko Barbarigo dhe sundoi Krujën së bashku me të. Për shkak të pozitës si një grua në pushtet, u sulmua nga vëllai i saj Niketa dhe u detyrua të strehohet me Balshajt.
	Princi i Krujës Niketa Topia	1392 - 1394		bija e Muriq Bua Skurajt një fëmijë	Mori Krujën nga motra e tij dhe sundoi për dy vite, por humbi përkrahjen nga osmanët dhe u rrëzua.
	Princesha e Krujës Helena Topia	1394 - 1403		Kostandin Balshaj një fëmijë	Martoi kushëririn e saj Kostandin Balshaj e nëpërmjet ti sundoi Krujën sërish. Pasi Kostandini ra në betejë më 1402 u sulmua sërish nga Niketa dhe u detyrua të strehohej te motra e saj, Maria, në Raguza.
	Princi i Krujës Niketa Topia	1403 - 1415		-	Rrethoi Krujën dhe arriti ta pushtonte, duke sjellë gjithë zotërimet e Principatës së Topiajve nën sundimin e tij. Pas vdekjes, kalaja e Krujës kaloi në duart e Gjon Kastriotit, vasalit të osmanëve.
	Princi i Skurajt Andrea II Topia	1432 - 1479		- 2 fëmijë	Sundoi tërësinë e tokave midis Durrësit dhe Dajtit nën mbizotërimin osman. Kur Skënderbeu shpalli kryengritjen e tij më 1443, u bë pjesë i Besëlidhjes së Lezhës.
	Princi i Petrelës dhe Krrabës Muzakë Topia	1445 - 1455		Zanfina Muzaka (2 fëmijë) Mamica Kastrioti (6 fëmijë)	Sundoi një pjesë të tokave të atit të tij, të përqendruara përreth kalasë së Petrelës. Pas vdekjes së tij në Rrethimin e Beratit, forcën e tij ushtarake të mbetur e komandoi bashkëshortja e tij Mamica Kastrioti, motra e Skënderbeut.

Principata e Vlorës (1345 - 1417)

Imazhi	Emri	Sundimi	Dinastia	Bashkëshort(i/e)	Përshkrimi
	Despoti i Vlorës Joan Komneni Asen	1345 - 1363	Strashimirët	? (asnjë fëmijë) Ana Paleologina (një fëmijë)	Pinjoll i fisnikërisë së lartë bullgare, emigroi në Serbi ku u prit në oborrin mbretëror të kunatit të tij, car Stefan Dushanit, i cili i dha të drejta sundimi mbi Principatën e Vlorës, duke marrë pushtetin nga fisnikëria vendase shqiptare.
	Princi i Vlorës dhe Kaninës Aleksandër Komenni Asen	1363 - 1371		-	Trashëgoi Principatën e Vlorës nga i ati, dhe mbajti marrëdhënie tregtare të fuqishme me Ragusën dhe Venedikun. Besohet të ketë rënë në Betejën e Maritsës më 1371, dhe tokat iu pushtuan nga Andrea II Muzaka.
	Princi i Vlorës dhe Kaninës, Princi i Zentës Balsha II	1372 - 1385	Dera e Balshajve	Komita Muzaka një fëmijë	Tokat e Vlorës dhe Kaninës iu dhanë si pajë nga vjehrri, Andrea II Muzaka, kur martoi të bijën, Komita Muzakën. Formoi aleancë me Matrëngat në veri të Vlorës për të mposhtur armikun e tij, Karl Topinë, por u mposht dhe u vra nga Karli në Betejën e Savrës në 1385.
	Princesha e Vlorës dhe Kaninës Komita Muzaka	1385 - 1396	Dera e Muzakajve	Balsha II një fëmijë	Erdhi në pushtet pas vdekjes së bashkëshortit, Balshës II, dhe forcoi marrëdhëniet me Venedikun për të siguruar mbrojtjen e principatës nga rreziku osman. Zgjodhi për trashëgimtar dhëndrrin, Markshën e Zentës, që martoi bijën e saj të vetme Rugjina Balshën.
	Princi i Vlorës dhe Kaninës Marksha Zharkoviq	1396 - 1414	Zharkoviqët	Rugjina Balshaj asnjë	Sundoi Vlorën pas vdekjes së Komitës së bashku me Rugjinën. U përpoq të siguronte mbështetjen e plotë të venedikasve dhe raguzanëve për tu ruajtur nga osmanët.
	Princesha e Vlorës dhe Kaninës Rugjina Balshaj	1414 - 1417	Dera e Balshajve	Marksha Zharkoviq asnjë	Arriti të merrte pushtetin e principatës pas vdekjes së burrit dhe nga statusi si bija e Balshës II. Tentoi të shiste zotërimet e saj Venedikut më 1916, por nuk u arrit kurrë një marrëveshje, dhe një vit më pas osmanët pushtuan Vlorën dhe e rrëzuan nga pushteti.

Principata e Balshajve (1356 - 1468)

Imazhi	Emri	Sundimi	Dinastia	Bashkëshorte	Përshkrimi
	Princi i Zentës Balsha I	1356 - 1362	Dera e Balshajve	- 4 fëmijë	Themeluesi i derës së Balshajve. Fillimisht një sundimtar i vogël, zgjeroi ndikimin e tij në Zentën e poshtme, përpara se tre djemtë e tij të vrisnin Gjurash Iljazin, sundimtarin e Zentës së epërme, duke sjell tërësinë e Malit të Zi dhe pjesërisht Shqipërinë e Veriut nën pushtetin e Balshajve.
	Princi i Zentës Strazimir Balshaj	1362 - 1373		Jerina Dukagjini (një fëmijë) Milica Mërnjavceviq (2 fëmijë)	Sundoi së bashku me vëllain e tij, Gjergjin, si princa të Zentës, me vëllain e tretë, Balshën II, si komandant ushtarak. U konvertua nga ortodoks në katolik për të fituar prestigj nga Venediku dhe Raguza, përpara se tërhiqej nga pushteti dhe të bëhej murg.
	Princi i Zentës Gjergj I Balshaj	1362 - 1378		Olivera Mërnjavceviq (2 fëmijë) Teodora Dejanoviq Dragashi (2 fëmijë)	Vazhdoi politikat pro-katolike kundër Mbretërisë Serbe, që e konsideronte si rebel, por arriti të përmirësonte marrëdhëniet nëpërmjet pakteve martesore. Vazhdoi të luftonte kundër Karl Topisë, duke përfshirë dhe incidentit kur u kap nga forcat e tij, por më vonë u lirua.
	Princi i Zentës, Princi i Vlorës dhe Kaninës Balsha II	1378 - 1385		Komita Muzaka një fëmijë	Erdhi në pushtet më 1378 pasi Strazimiri u bë murg, dhe Gjergji I vdiq. Pesë vite më parë, ndihmoi Andrea II Muzakën në luftën kundër Princ Markos, dhe martoi të bijën, Komitën, duke u bërë Princi i Vlorës dhe Kaninës. U vra në betejë nga forcat arbërore dhe osmane të Karl Topisë.
	Princi i Zentës Gjergj II Balshaj	1385 - 1403		Jelena Lazareviq një fëmijë	Biri i vetëm që mbijetoi të atin, Strazimir Balshën. Trashëgoi principatën pas vdekjes së xhaxhait, Balshës II. Përjetoi trazira të shumta dhe humbi shumë territore, por tentoi të formonte aleanca strategjike, kryesisht me Llazarin e Serbisë, bijën e të cilit e martoi. Megjithatë, dështoi dhe u burgos për një farë kohe nga osmanët, që i vodhën disa zotërime.
	Princi i Zentës Balsha III	1403 - 1421		Mara Topia (një fëmijë) Boglia Zaharia (2 fëmijë)	Biri i vetëm i Gjergjit II, erdhi në pushtet kur ishte vetëm 17 vjeç. Filloi një sërë luftërash me Venedikun mbi zotërimin e Ulqinit, Tivarit dhe Buduas, që herë përfunduan në fitore për të dhe herë në humbje. U ndikua shumë nga nëna e tij serbe, Jelena Lazareviq, e cila para vdekjes e bindi t'ja jepte principatën xhaxhait të vet, despotit Stefan Lazareviqit.

Despotati i Angelokastronit dhe Lepantos (1358 - 1374)

Imazhi	Emri	Sundimi	Dinastia	Bashkëshorte	Përshkrimi
	Despoti i Angelokastronit dhe Lepantos Gjin Bua Shpata	1358 - 1374	Dera e Shpatajve	- 2 fëmijë	Babai i tij ishte sundimtar në territoret e Delvinës së sotshme. Arriti të merrte pushtet në Epir së bashku me vëllain e tij Skurra Bua Shpatën dhe me Pjetër Loshën, dhe themeloi një principatë që përfshinte Aetolinë, Angelokastronin dhe Nafpakton. Pas vdekjes së Pjetër Loshës i trashëgoi zotërimet dhe themeloi Despotatin e Artës.

Despotati i Artës (1360 - 1416)

Imazhi	Emri	Sundimi	Dinastia	Bashkëshorte	Përshkrimi
	Despoti i Artës Pjetër Losha	1360 - 1374	Dera e Loshajve	- një fëmijë	Udhëhoqi fisin e vet, Loshajt, së bashku me fiset e Mazrekasve dhe Malakasave për tu kryengritur kundër pushtetit serb në Epir e për të krijuar një principatë arbërore, e cila do të kishte qendër Artën dhe do të përfshinte dhe Prevezën. Pas vdekjes, tokat i trashëgoi aleati i tij Gjin Bua Shpata.
	Despoti i Artës Gjin Bua Shpata	1374 - 1399	Dera e Shpatajve	- 2 fëmijë	Trashëgoi tokat e Pjetër Loshës pas vdekjes së tij, duke shkrirë Despotatin e Angelokastronit dhe Lepantos në Despotatin e Artës. Luftoi kundër despotit serb të Janinës, Tomas Preljuboviqi, i cili u kërkoi ndihmë osmanëve, por u mposht nga forcat e Shpatajve, e një pjesë e zotërimeve të tij u pushtuan.
	Despoti i Artës Skurra Bua Shpata	1399 - 1403		- një fëmijë	Vëllai i Gjin Bua Shpatës. Sundoi për një kohë të shkurtër por vuajti konflikte të vazhdueshme nga pushtetari Vonko (i ashtëquajtur serb-shqiptar-bullgar-vlleh) dhe nga Karlo I Toko, Konti Palatin i Qefalonisë dhe Zakintosit dhe Despoti i Epirit.
	Despoti i Artës Muriq Shpata	1403 - 1415		Nerata 4 fëmijë	Nipi i Gjin Bua Shpatës, mbështeti stër-xhaxhain e tij Skurra Bua Shpatën në konfliktet për të mbrojtur Artën përpara se të vinte në pushtet. Sundimi i tij u karakterizua nga konflikti i vazhdueshëm me Karlo I Tokon, i cili i pushtoi një pjesë të madhe të zotërimeve.
	Despoti i Artës Jakub Shpata	1415 - 1416		-	Vëllai i Muriq Shpatës, u rrit në oborrin perandorak të osmanëve, ku zgjodhi emrin "Jakub" dhe u konvertua në Islam. Erdhi në pushtet pas vdekjes së të vëllait e u përpoq të mposhte Karlo I Tokon, por ndeshi kundërshtimin e popullsisë vendase, të cilët kishin frikë se do i jepte pushtetin osmanëve. U kap nga Karlo I Toko dhe u ekzekutua, duke sjellë rënien e Despotatit të Artës.

Principata e Zenebishit (1386 - 1418)

Imazhi	Emri	Sundimi	Dinastia	Bashkëshorte	Përshkrimi
	Princi i Gjirokastrës Gjin Zenebishi	1386 - 1418	Dera e Zenebishëve	Irena Shpata 5 fëmijë	Zenebishët fillimisht përfituan privilegjet e pushtetit nga Filipi, princi i Tarantos. Gjin Zenebishi u kryengrit kundër osmanëve pas betejës së Savrës e u bë sunduesi i Gjirokastrës dhe Delvinës. Formoi aleanca me Shpatajt e Muzakajt, dhe pushtoi territore të Despotatit të Epirit, por u mund nga turqit e u detyrua të arratisej në Korfuzin venedikas, ku vdiq.
	Princi i Gjirokastrës Depë Zenebishi	1418 - 1434		- një fëmijë	Erdhi në pushtet pas vdekjes së të atit. Nxiti rebelët e zonës së Gjirokastrës për të marrë pjesë në kryengritjen arbërore të 1432-1436, por u kap rob nga forcat e Turhan beut dhe u ekzekutua.

Principata e Dukagjinit (1281 - 1479)

Imazhi	Emri	Sundimi	Dinastia	Bashkëshorte	Përshkrimi
	Duka i Ndërfandës Gjin Tanushi	rr. 1281 - ?	Dera e Progonëve?	- një fëmijë	Sundues i Mirditës së sotme, me titullin "Duka", të cilin ia kishin dhënë Bizantinët për aftësitë ushtarake. U burgos në Brindizi pasi kundërshtonte sundimin e Arbërisë nga Karli I Anzhuit. Pasi u lirua, u kthye në Ndërfandë, ku sipas Gjon Muzakës, u vra nga vendasit pasi vrau peshkopin, i cili kishte rënë në dashuri me gruan e tij. Mund të ketë qënë pasardhës i Progonëve të Principatës së Arbërit.
	Princi i Dukagjinit Dukagjini i parë	shekulli XIV?	Dera e Dukagjinëve	Bija e Stefan Proganit ?	Sipas Gjon Muzakës, i vetmi që i shpëtoi masakrës së familjes së tij nga vendasit e Mirditës. E strehoi aleati i të atit, Stefan Progani i Kallmetit, i cili e mbështeti në ardhjen në pushtet me kushtin që të martonte të bijën. Mori përsipër mbiemrin Dukagjin, në nder të babait, Duka Gjin Tanushit.
	Princi i Dukagjinit Pal I Dukagjini	1387 - 1393		- 5 fëmijë	Së bashku me të vëllain, Lekën, arriti të shkëputej nga sovraniteti i Balshajve. Përmenden si sundues të Lezhës më 1387, dhe kishin marrëdhënie tregtare të forta me raguzanët, që tregon shtimin e influencës së Dukagjinëve në politikat e Arbërisë veriore.
	Princi i Dukagjinit Lekë I Dukagjini	1387 - ?		- 3 fëmijë	Sundoi midis tokat midis Lezhës dhe Prizrenit së bashku me të vëllanë. Formoi aleancë me Zaharitë më në veri, duke martuar bijën e vet, Bosën, me Koja Zaharinë.
	Princi i Lezhës Progon Dukagjini	rr. 1400 - ?		Vojsava Topia ?	Sundoi Lezhën pas babait të vet, Lekës I. Martoi Vojsava Topinë, bijën e dytë të Karl Topisë, pasi i vdiq bashkëshorti.
	Princi i Dukagjinit Tanush Dukagjini	1393 - 1413		- 4 fëmijë	I ashtuquajturi "Tanushi i vogël", mendohet të ketë qënë fillimisht vasal i Despotatit Serb, përpara se të shkëputej dhe të luftonte për Venedikun në Luftën e Dytë të Shkodrës, së bashku me princat arbëror si Koja Zaharia dhe Gjon Kastrioti.
	Princi i Dukagjinit Pal II Dukagjini	1413 - 1454		Bija e Komnen Arianitit 4 fëmijë	Fillimisht ishte vasal i Lekë Zaharisë, ai mori pjesë së bashku me kushëririn e tij Nikollë Dukagjinin në themelimin e Besëlidhjes së Lezhës. Mbajti marrëdhënie të ngushta me Senatin Venedikas e më vonë me Mbretërinë e Napolit, por tradhtoi Skënderbeun dhe hyri në aleancë me osmanët.
	Princi i Lezhës Nikollë Dukagjini	1432 - 1453		- 2 fëmijë	Mori pjesë në kryengritjen arbërore të 1432-1436, ku arriti të merrte mbrapsht një pjesë të territoreve nga osmanët. Më pas mori pjesë në Besëlidhjen e Lezhës, por më vonë do të vriste Lekë Zaharinë, duke shkaktuar Luftën shqiptaro-venedikase. Në vitet e fundit të jetës u kthye në aleat të turqve.
	Princi i Dukagjinit Lekë III Dukagjini	1446 - 1479		Teodora Muzaka 2 fëmijë	Luajti një rol kritik në luftën e Lidhjes së Lezhës kundër Perandorisë Osmane, por në kohë paqe pati përleshje të shumta e të vazhdueshme me Skënderbeun. Megjithatë, pas vdekjes u trashëgoi pozitën si prijës i Lidhjes dhe luftoi deri në rënien e Shkodrës. Përkujtohet si shkrimtari i Kanunit të Lekë Dukagjinit, megjithëse kjo ide shfaqet shekuj pas vdekjes së tij.

Principata e Arianitëve (???? - 1462)

Imazhi	Emri	Sundimi	Dinastia	Bashkëshorte	Përshkrimi
	Princi i Shpatit Komnen Arianiti	1392 - 1407	Dera e Arianitëve	Bija e Nikollë Zaharisë 5 fëmijë	Edhe pse konsiderohet is sovrani i parë i Arianitëve, dihet që familja ka ekzistuar që në shekullin XI. Sundoi në Shqipërinë e Mesme, me kryeqendrën e zotërimeve duke qënë në afërsi të Durrësit.
	Princi i Kaninës dhe Shpatit Gjergj Arianiti	1432 - 1462		Maria Muzaka (8 fëmijë) Pietrina Francone (5 fëmijë)	Nxitësi i kryengritjes arbërore të 1432-1436, ku arriti të zgjeronte principatën, një ndër themeluesit e Besëlidhjes së Lezhës, aleat i Venedikut dhe Mbretërisë së Napolit dhe një ndër aleatët më të rëndësishëm të Skënderbeut, të cilin vlen të përmendet që e kishte dhëndërr, si bashkëshorti i bijës më të madhe, Donikës.
	Princi i Dibrës Moisi Arianit Golemi	14?? - 1465		Zanfina Muzaka 2 fëmijë	Nipi i Gjergj Arianitit si biri i vetëm i vëllait të vet, Muzakë Arianitit. Udhëhoqi e mori pjesë në shumë beteja të Skënderbeut, deri në rrethimin e Beratit ku u bashkua me osmanët, por me kalimin e kohës do të rikthehej në ndihmë të Lidhjes, përpara se të kapej nga Ballaban pashë Badheri dhe të ekzekutohej.

Principata e Kastriotit (1389 - 1468)

Imazhi	Emri	Sundimi	Dinastia	Bashkëshorte	Përshkrimi
	Princi i Matit dhe Kastratit Kostandin Kastrioti Mazreku	? - 1389	Dera e Kastriotëve	- një fëmijë	Përmendet si sundues në viset e Dibrës dhe Matit. Mbiemri i dytë "Mazreku" tregon lidhje farefisnore me fisin e Mazrekëve, duke vërtetuar Kastriotët si një degë ose vëllazëri e këtij fisi.
	Princi i Matit, Ujmishtit dhe Kastratit Pal Kastrioti	1389 - 1407		- një fëmijë	Sipas Gjon Muzakës, sundoi vetëm dy fshatra, por kjo është me shumë mundësi jo e vërtetë.
	Princi i Krujës dhe Matit Gjon Kastrioti	1407 - 1437		Vojsava Tripalda 9 fëmijë	Gjatë mbretërimit arriti të formonte aleanca të ndryshme me Venedikun, osmanët dhe serbët, duke zgjeruar influencën e familjes së Kastriotëve, e duke shtruar pushtetin nga kepi i Rodonit e deri në rrethinat e Prizrenit, me Krujën si qendrën e Principatës së Kastriotit.
	Princi i Kastriotit Gjergj Kastrioti "Skënderbeu"	1443 - 1468		Donika Arianiti një fëmijë	Fillimisht i dërguar peng në oborrin perandorak të Adrianopojës (Edrenesë), u revoltua dhe pushtoi tokat e të atit, duke rithemeluar Principatën e Kastriotit. Arriti të mblidhte princat arbërore në kuvendin e Besëlidhjes së Lezhës më 2 mars 1444, duke u shpallur luftë osmanëve e duke filluar një kryengritje që zgjati 24 vite.

Principata e Zaharisë (1396 - 1447)

Imazhi	Emri	Sundimi	Dinastia	Bashkëshorte	Përshkrimi
	Koja Zaharia
	Lekë Zaharia
	Bosa Dukagjini

Principata e Shpanit (1400 - 1455)

Imazhi	Emri	Sundimi	Dinastia	Bashkëshorte	Përshkrimi
	Pjetër Shpani
	Marin Shpani

Principata e Dushmanit (1402 - 1455)

Imazhi	Emri	Sundimi	Dinastia	Bashkëshorte	Përshkrimi
	Pal Dushmani
	Lekë Dushmani

Lidhja e Lezhës (1444 - 1479)

Imazhi	Emri	Sundimi	Dinastia	Bashkëshorte	Përshkrimi
	Skënderbeu
	Lekë III Dukagjini

Shih edhe

• Lista e Kryetarëve të Shqipërisë
• Lista e Kryeministrave të Shqipërisë