Sirena e vogël (1989)

Sirena e vogël
Sirena e vogël
	Logoja e filmit
Regjia nga	John Musker; Ron Clements;
Shkruar nga	John Musker; Ron Clements;
Bazuar në	"Sirena e Vogël"; nga Hans Christian Andersen
Prodhuesi	Howard Ashman; John Musker;
Luajnë	René Auberjonois; Christopher Daniel Barnes; Jodi Benson; Pat Carroll; Paddi Edwards; Buddy Hackett; Jason Marin; Kenneth Mars; Ben Wright; Samuel E. Wright;
Montazhi	Mark Hester
Muzika	Alan Menken
; Kompania prodhuese	Walt Disney Feature Animation
Shpërndarë nga	Buena Vista Pictures Distribution
Data e publikimit	17 nëntor 1989
Kohëzgjatja	83 minuta
Shteti	Shtetet e Bashkuara
Gjuha	Anglisht
Buxheti	$40 million
Fitimi	$235 million

Sirena e vogël (titulli origjinal: The Little Mermaid) është një film i animuar amerikan i vitit 1989, prodhuar nga Walt Disney Feature Animation dhe shpërndarë nga Walt Disney Pictures. Është filmi i 28-të i animuar nga kompania e Walt Disney, i bazuar në përrallën e njohur daneze me të njëjtin titull nga Hans Christian Andersen. Me regji dhe skenar të Ron Clements e John Musker, Sirena e vogël tregon historinë e një sirene të bukur e cila ëndërron që të bëhet njeri. Filmi ka arkëtuar mbi 211 milionë dollarë në mbarë botën^[4] dhe shënoi fillimin e epokës të njohur si Disney Renesanca.

Përmbajtja

Ariel, një princeshë sirenë gjashtëmbëdhjetë vjeçare, është e pakënaqur me jetën nënujore dhe është kurioze për botën njerëzore. Së bashku me mikun e saj më të ngushtë, peshkun Flander, Ariel koleksionon objekte njerëzore nga më të ndryshmet me ndihmën e pulëbardhës, Llafazanit.

Një natë, Ariel dhe Flander udhëtojnë në sipërfaqen e oqeanit për të shikuar festimin e ditëlindjes së princit Erik në një anije, ndërsa gaforrja Sebastian i ndjek nga pas fshehurazi. Ariel sapo e sheh princin, bie menjëherë në dashuri. Po për fat të keq festa ndërpritet nga një stuhi e fuqishme e cila e thyen dhe e shkatërron anijen. Ariel e shpëton princin nga mbytja dhe e dërgon në breg. Ajo i këndon atij dhe sapo Eriku zgjohet, ajo largohet dhe futet në det. I magjepsur nga bukuria e zërit të saj, Eriku betohet se do ta gjejë vajzën që i ka shpëtuar jetën.

Ariel menjëherë shkon për vizitë tek Ursula, shtriga e detit, dhe i lutet asaj që ta shndërrojë në njeri. Shtriga pranon, mirëpo si këmbim i kërkon zërin e saj dhe i jep 3 ditë kohë që ta bëjë princin të dashurohet me të. Ariel pranon dhe ngjitet në sipërfaqe ku takon princin Erik dhe së bashku drejtohen për në kështjellën e tij. Edhe pas shumë mundimeve të Ursulës për t'ia prishur mundimet që bën Arieli, dashuria përsëri triumfon. Ariel dhe Erik martohen dhe jetojnë të lumtur e të gëzuar së bashku në jetë të jetëve.

Zërat

Roli	Zëri në origjinal	Dubluar në shqip
Ariel	Jodi Benson	Manjola Merlika
Princi Erik	Christopher Daniel Barnes	Dritan Boriçi
Ursula	Pat Carroll	Ema Andrea
Sebastian	Samuel E. Wright	Neritan Liçaj
Flander	Jason Marin	Andia Xhunga
Mbreti Triton	Kenneth Mars	Andon Qesari
Llafazani	Buddy Hackett	Arben Derhemi
Grimsbi	Ben Wright	Ahmet Pasha
Karlota	Edie McClurg	Jetmira Dusha
Motrat e Arielit	Kimmy Robertson Caroline Vasicek	Luljeta Bitri Alma Koleci
Shef Luis	René Auberjonois	Genc Fuga

Animacioni

Më shumë para dhe rezerva iu dedikuan Sirenës së vogël se ndonjë filmi tjetër nga Disney për dekada të tëra. Përveç objektit kryesor të animimit që ndodhej në Kaliforni, gjatë këtij projekti Disney hapi edhe një objekt tjetër animimi në Floridë, tek Walt Disney World.^[5] Mbikëqyrësit e animacionit për Arielin ishin Glen Keane dhe Mark Henn, Duncan Marjoribanks për Sebastianin, Andreas Deja për Tritonin dhe Ruben Aquino për Ursulën. Sirena e vogël ishte Disney filmi i fundit që përdori metodën tradicionale të ngjyrosjes me dorë. Filmat e ardhshëm të Disney-t filluan të përdornin një metodë dixhitale të ngjyrosjes dhe kombinimi i vizatimeve u zhvillua nga Pixar i quajtur CAPS.

Muzika

Sirena e vogël konsiderohet si filmi që solli Broadway në filma vizatimorë. Alan Menken kompozoi kolonën zanore në bashkëpunim me Howard Ashman, që i solli edhe çmimin Academy për muzikë. Në vitin 2006 u lëshua edicioni platinum i Sirenës së vogël, me këngë të ri-kënduara nga këngëtarë të njohur të asaj kohe si: Ashley Tisdale, Raven-Symoné, Jonas Brothers dhe Jessica Simpson.

Shënime

^ Shpërndarë nga Buena Vista Pictures Distribution përmes afishit Walt Disney Pictures me financim nga Silver Screen Partners IV.

Referime

^ "The Little Mermaid (U)". British Board of Film Classification (në anglisht). 28 dhjetor 1989. Arkivuar nga origjinali më 16 prill 2016. Marrë më 2 prill 2016.
^ Stewart, James B. (2005). DisneyWar (në anglisht). New York: Simon & Schuster. fq. 104. ISBN 0-684-80993-1.
^ D'Alessandro, Anthony (27 tetor 2003). "Cartoon Coffers - Top-Grossing Disney Animated Features at the Worldwide B.O." Variety (në anglisht). fq. 6. Arkivuar nga origjinali më 4 nëntor 2020. Marrë më 22 qershor 2019.
^ http://www.boxofficemojo.com/movies/?page=releases&id=littlemermaid.htm
^ Moore, Roger (20 qershor 2004). "After the Magic". Orlando Sentinel (në anglisht). fq. F1, F6. Arkivuar nga origjinali më 3 tetor 2019. Marrë më 3 nëntor 2021.

Lidhje të jashtme

Sirena e vogël në Internet Movie Database

Faqja zyrtare

[Disney-1] Shpërndarë nga Buena Vista Pictures Distribution përmes afishit Walt Disney Pictures me financim nga Silver Screen Partners IV.

[bbfc-2] "The Little Mermaid (U)". British Board of Film Classification (në anglisht). 28 dhjetor 1989. Arkivuar nga origjinali më 16 prill 2016. Marrë më 2 prill 2016.

[disneywar-3] Stewart, James B. (2005). DisneyWar (në anglisht). New York: Simon & Schuster. fq. 104. ISBN 0-684-80993-1.

[DisneyWW-4] D'Alessandro, Anthony (27 tetor 2003). "Cartoon Coffers - Top-Grossing Disney Animated Features at the Worldwide B.O." Variety (në anglisht). fq. 6. Arkivuar nga origjinali më 4 nëntor 2020. Marrë më 22 qershor 2019.

[5] ttp://www.boxofficemojo.com/movies/?page=releases&id=littlemermaid.htm

[WDFAtimeline-6] Moore, Roger (20 qershor 2004). "After the Magic". Orlando Sentinel (në anglisht). fq. F1, F6. Arkivuar nga origjinali më 3 tetor 2019. Marrë më 3 nëntor 2021.

[a]

[1]

[2]

[3]

[4]

[5]