Dushan Mugosha

Nga Wikipedia, enciklopedia e lirë
Shko te: navigacion, kërko

Dushan Mugosha (ser. Dušan Mugoša) (7 janar 1914-8 gusht 1973), ishte i komunist jugosllav, i dërguar në Shqipëri nga Partia Komuniste Jugosllave (PKJ) për të organizuar Partinë Komuniste në Shqipëri.

Dushan Mugosha ka lindur më 7 janar 1914 në Ljeskopolje afër Podgoricës, në një familje fshatare. Shkollën fillore mbaroi në Pejë, shkollën pasfillore e filloi në Prizren, por nuk e përfundoi. Në moshë të re i u bashkua komunistëve jugosllavë.

Ai u bë anëtar i Partisë Komuniste të Jugosllavisë në vitin 1934. Në vitin 1938 zgjidhet anëtar i Komitetit Lokal të Partisë Komuniste të Jugosllavisë në Pejë dhe në vitin 1940, në konferencën rajonale, u zgjodh anëtar i Komitetit të Rajonal të Partisë Komuniste të Jugosllavisë përë Kosovën.

Dushan Mugosha (poshtë majtas), Enver Hoxha (poshtë djathtas) dhe Miladin Popoviçi (në këmbë majtas)

Në vitin 1941 me vendim të Komitetit Qendror të Partisë Komuniste të Jugosllavisë, u dërgua në Shqipëri së bashku me Miladin Popoviçin për të organizuar komunistët shqiptarë. Në tetor të vitit 1941, përfaqësuesit e Komitetit Rajonal të PKJ në Kosovë Boro Bukmiroviç, Dushan Mugosha, Pavle Jovieviç dhe Ali Shukrija u takuan me delegacionin komunist shqiptar të përbërë nga Koço Tashko, Xhevdet Doda dhe Elhami Nimani në Vitomiricë pranë Pejës. Më 8 nëntor 1941, nën drejtimin e Popoviçit dhe Mugoshës u krijua Partia Komuniste Shqiptare. Me rekomandimin e tyre në krye të PKSh-së u vendos Enver Hoxha. Mugosha u largua nga Shqipëria më 12 prill 1944. Gjatë qëndrimit pranë drejtuesve komunistë shqiptarë Mugosha udhëzonte partizanët shqiptarë që të pushkatonin pa gjyq kundërshtarët politikë. Në sesionin e jashtëzakonshëm të Këshillit Antifashist të Çlirimit Nacional të Serbisë më 6 Prill 1945 Dushan Mugosha ishte së bashku me Jovan Veselinovin dhe Mehmet Hoxhën ndër drejtuesit më me ndikim në vendimin për bashkimin e Vojvodinës dhe Kosovës në Republikën e Serbisë.

Nga shkurti i vitit 1956 deri më 1965 Mugosha ishte Sekretar i Komitetit Rajonal të PKJ-së për Kosovën. Më 4 prill 1960, u emërua në në postin e Kryetarit të Kuvendit të Krahinës Socialiste Autonome të Kosovës, duke pasuar Pavle Joviçeviçin. Mugosha këtë post e mbajti për tre vite radhazi dhe u lirua nga ky post, më 18 korrik 1963, duke pasuar nga Stanoje Akshiç.[1]

Vdiq në Beograd më 8 gusht 1973.

Burimi i të dhënave[redakto | redakto tekstin burimor]

  1. ^ b:Vitviteja/Presidenca e Rep. Kosovës