Oliver Ivanoviq
Oliver Ivanović Оливер Ивановић | |
|---|---|
.jpg) Ivanoviq në dhjetor 2011 | |
| Sekretar shtetëror i Ministrisë për Kosovë e Metohi | |
| Në detyrë 2008–2012 | |
| Të dhëna vetjake | |
| U lind më | 1 prill 1953 Rznić, RS Serbia, RSF Jugosllavia |
| Vdiq më | 16 janar 2018 ( Mitrovica e Veriut, Kosovë |
| Shkaku i vdekjes | Vrasje |
| Vendi i prehjes | Varrezat e reja të Beogradit, Beograd, Serbi |
| Nënshtetësia | Serb |
| Partia politike | SKJ (1971–1990) SPS (1990–1999) DA (2001–2004) SDP (2004–2010) GI SDP (2010–2018) |
| Bashkëshortja/et | Marina Ivanoviq |
| Bashkjetuesja/et | Milena Popoviq |
| Fëmijët | 5 |
| Vendbanimi | Mitrovica e Veriut |
| Shkollimi | Universiteti i Prishtinës |
| Profesioni | Politikan |
| Punësimi | Inxhinier mekanik, ekonomist |
Oliver Ivanoviqi (serbisht: Оливер Ивановић Oliver Ivanović, 1 prill 1953 – 16 janar 2018) ishte një politikan serb i Kosovës.
Ivanoviq shërbeu si Sekretar Shtetëror i Ministrisë për Kosovë dhe Metohi nga viti 2008 deri në vitin 2012 dhe gjithashtu ishte anëtar i Qendrës Koordinuese për Kosovë dhe Metohi nga viti 2001 deri në vitin 2008. Ai u vra nga autorë të panjohur më 16 janar 2018 në Mitrovicën e Veriut.[1]
Jeta e hershme dhe karriera
[Redakto | Redakto nëpërmjet kodit]Ivanoviq lindi në Rznić, një fshat afër Deçanit më 1 prill 1953. Babai i tij, Bogdani, ishte profesor historie, ndërsa nëna e tij, Ollga, ishte profesoreshë e gjuhës dhe letërsisë serbe.[2] Ai kishte gjithashtu një vëlla, Miroslav, dhe një motër, Natasha. Trashëgimia e tij atërore ishte malazeze.[2] Shkollën fillore dhe të mesme mekaniko-teknike e kreu në Mitrovicë.[2] Pasi mbushi 18 vjeç, ai u bashkua me Lidhjen e Komunistëve të Jugosllavisë në vitin 1971.
Ivanoviq u regjistrua në Akademinë Ushtarake të Zagrebit për t'u bërë pilot. Gjatë studimeve filloi stërvitjen e karatesë dhe shpejt u bë instruktor. Tre vjet në studimet e tij ai u diagnostikua me një mangësi të shikimit të ngjyrave dhe u largua nga Akademia Ushtarake. Ai u kthye në Kosovë dhe u diplomua në Fakultetin e Inxhinierisë Mekanike në Mitrovicë të Kosovës, Universiteti i Prishtinës. Ai gjithashtu studioi në Fakultetin Ekonomik në Prishtinë.
Pas studimeve ka punuar në disa kompani në Mitrovicë. Me krijimin e sistemit shumëpartiak në RSF Jugosllavi në vitin 1990, ai doli nga partitë, duke e deklaruar veten "njeri i popullit". Nga viti 1991 deri në vitin 1998 ka qenë udhëheqës i Qendrës Sportive në Mitrovicë. Para Luftës së Kosovës dhe themelimit të UNMIK-ut në Kosovë, Ivanoviq ishte një anëtar më pak i njohur i Partisë Socialiste të Serbisë në Mitrovicën e Kosovës.
Vrasja
[Redakto | Redakto nëpërmjet kodit]
Më 16 janar 2018, Ivanoviq u qëllua me armë zjarri në ora 08:17 CET, ndërsa po hynte në zyrën e tij në Mitrovicën e Veriut.[3][4] Përpjekjet për reanimim u bënë në Spitalin e Mitrovicës pak më vonë deri në orën 9:15, por ato nuk ishin të suksesshme.[5]
Gjetjet e autopsisë zbuluan se Ivanoviq ishte goditur nga gjashtë plumba PARA 9 mm nga një pistoletë Zastava M70A, kryesisht duke goditur pjesën e sipërme të bustit (organet vitale - aorta e sipërme, vena e zbrazët dhe mëlçia). Në një intervistë katër ditë para atentatit, ai kishte pranuar se kishte frikë për sigurinë e tij.[6]
Menjëherë pas kësaj, Presidenti i Serbisë Aleksandar Vuçiq caktoi një seancë urgjente të Këshillit të Sigurisë Kombëtare të Serbisë.[7][5] Ai e dënoi atentatin, duke e përshkruar atë si një "akt terrori".[5] Edhe Qeveria e Kosovës e dënoi atentatin.[8] Ky ishte vrasja e parë e një politikani serb që nga vrasja e ish-kryeministrit të Serbisë Zoran Gjingjiq pesëmbëdhjetë vjet më parë, më 12 mars 2003.[9]
Varrimi i tij u bë të enjten më 18 janar, në Varrezat e Reja të Beogradit.[10]
Jeta personale
[Redakto | Redakto nëpërmjet kodit]Përveç gjuhës amtare serbisht, ai fliste edhe shqip, anglisht dhe italisht.[11]
Ai ishte në lidhje me Milena Popoviqin, me të cilën pati një djalë.[11] Ai kishte edhe tre djem nga martesa e tij e mëparshme me Marinën. Ai gjithashtu kishte një vajzë në një lidhje të mëparshme.[12][13]
Referime
[Redakto | Redakto nëpërmjet kodit]- ^ "Katër vjet pas, vrasja e Oliver Ivanoviqit mbetet mister". Kallxo.com. 16 janar 2022. Marrë më 21 janar 2023.
- ^ a b c Grujiq, Dragoslav (1 nëntor 2001). "Oliver Ivanović LIDER SRBA IZ KOSOVSKE MITROVICE" (në serbisht). Vreme. Arkivuar nga origjinali më 17 janar 2018. Marrë më 22 janar 2018.
- ^ "Ubijen Oliver Ivanović sa pet metaka iz zasede". blic.rs (në serbisht). Marrë më 16 janar 2018.
- ^ "Ubijen Oliver Ivanović". b92.net (në serbisht). Marrë më 16 janar 2018.
- ^ a b c "Serb politician Oliver Ivanovic gunned down in Kosovo". dw.com (në anglisht). Deutsche Wellle. 16 janar 2018. Marrë më 16 janar 2018.
- ^ "Ivanović strahovao: Ljudi se boje Srba, ne Albanaca". b92.net (në serbisht). 16 janar 2018. Marrë më 16 janar 2018.
- ^ "Hitna sednica Saveta za nacionalnu bezbednost u podne". b92.net (në serbisht). 16 janar 2018. Marrë më 16 janar 2018.
- ^ "Vlada Kosova osudila ubistvo Olivera Ivanovića". b92.net (në serbisht). 16 janar 2018. Marrë më 16 janar 2018.
- ^ "Đinđić, pa Ivanović – počnete da se pitate gde to živite". b92.net (në serbisht). 17 janar 2018. Marrë më 22 janar 2018.
- ^ "Sahrana Ivanovića u četvrtak u Beogradu". b92.net (në serbisht). Tanjug. 16 janar 2018. Marrë më 16 janar 2018.
- ^ a b "Slučaj Olivera Ivanovića, od suđenja do ubistva". b92.net (në serbisht). 16 janar 2018. Marrë më 16 janar 2018.
- ^ Radulović, I.; Vasiljević, P. (11 prill 2015). "Četvorogodišnji Bogdan: Bože, vrati moga tatu". novosti.rs (në serbisht). Marrë më 16 janar 2018.
- ^ "OVO JE PRVA ŽENA OLIVERA IVANOVIĆA: Stajala je uz svoje sinove i sa suzama u očima ispratila bivšeg supruga". espreso.rs (në serbisht). 18 janar 2018. Marrë më 24 janar 2018.