Misioni i Organizatës së Kombeve të Bashkuara në Kosovë

Misioni i Administratës së Përkohshme të Kombeve të Bashkuara në Kosovë (Anglisht; United Nations Interim Administration Mission in Kosovo, serbisht: Privremena administrative misija Ujedinjenih nacija na Kosovu; UNMIK) është misioni i mandatuar zyrtarisht në Kosovë. UNMIK-u e përshkruan mandatin e tij si "të ndihmojë Këshillin e Sigurimit të Kombeve të Bashkuara të arrijë një objektiv të përgjithshëm, domethënë të sigurojë kushte për një jetë paqësore dhe normale për të gjithë banorët e Kosovës dhe të avancojë stabilitetin rajonal në Ballkanin Perëndimor".

UNMIK-u u krijua në bazë të Rezolutës 1244 të Këshillit të Sigurimit, e cila u miratua më 10 qershor 1999. Rezoluta autorizoi një prani ndërkombëtare civile dhe ushtarake në Republikën Federale të Jugosllavisë. Në atë Rezolutë, OKB vendosi të "[vendosë] në Kosovë, nën kujdesin e Kombeve të Bashkuara, [praninë] ndërkombëtare civile dhe të sigurisë".

Kuvendi i Kosovës miratoi deklaratën e pavarësisë më 17 shkurt 2008; parlamentarët serb të Kosovës bojkotuan seancën. Serbia e konsideron deklaratën të paligjshme sipas ligjit të saj kushtetues, pasi shkel nenin e tetë të Kushtetutës së Serbisë. Megjithatë, Gjykata Ndërkombëtare e Drejtësisë dha një mendim këshillimor duke vendosur se shpallja e pavarësisë së Kosovës nuk ishte në shkelje të ligjit ndërkombëtar dhe as të Rezolutës 1244 të Këshillit të Sigurimit.

Qendra e kordinimit të UNMIK-ut, Prishtinë.

UNMIK-u ekziston ende sot, por funksionet e tij të përditshme janë relativisht të vogla që kur Kosova shpalli pavarësinë dhe miratoi një kushtetutë të re, dhe pas krijimit të Misionit të Bashkimit Evropian për Sundimin e Ligjit në Kosovë (EULEX), i cili vetë vepron brenda kornizës së Rezolutës 1244 të Këshillit të Sigurimit. EULEX ndihmon dhe mbështet autoritetet e Kosovës në fushën e sundimit të ligjit, konkretisht në fushat e policisë, gjyqësorit dhe doganave. Në shtator 2012, mbikëqyrja ndërkombëtare përfundoi dhe Kosova u bë përgjegjëse për qeverisjen e vet.

Kosova është subjekt i një mosmarrëveshjeje të gjatë politike dhe territoriale midis qeverisë serbe (dhe më parë, asaj jugosllave) dhe popullsisë kryesisht etnike shqiptare të Kosovës. Sondazhet e opinionit publik tregojnë se një shumicë e qartë e popullsisë së Kosovës mbështet pavarësinë e Kosovës. Në nivel ndërkombëtar, shumica e shteteve anëtare të Kombeve të Bashkuara (116 nga 193) dhe shumica e vendeve evropiane e kanë njohur pavarësinë e Kosovës (megjithëse më vonë është raportuar se 10 vende e kanë tërhequr njohjen e tyre).

Kreu i UNMIK-ut është përfaqësuesi special i sekretarit të përgjithshëm për Kosovën ('PSSP' për Kosovën) dhe emërohet nga sekretari i përgjithshëm sipas këshillës së shteteve anëtare të OKB-së. Caroline Ziadeh u emërua PSSP në nëntor 2021 dhe mbërriti në Kosovë në janar 2022.

Misioni i OKB-së

• mbështëse funksionimin themelor administrativ
• ngrise autonomine substanciale dhe veteqeverisjen ne Kosove
• mundesoje dhe lehtesoje procesin e vendosjes se statutit te Kosoves
• koordinoje punen e organitatave internacionale te emergjes dhe humanitare
• ndihmoje renomivin e infrastrukture kyqe
• mbaje rendin dhe sigurine e ligjit
• ngrise te drejtat e njeriut
• perkujdeset për kthimin e te gjithe personave ne shtepite e tyre ne Kosove

Puna e UNMIK-ut është ndarë në katër "shtylla":

• Shtylla I: Policia dhe Drejtesia (udhehequr nga OKB-ja)
• Shtylla II: Administrtimi civil (udhehequr nga OKB-ja)
• Shtylla III: Demokratizimi dhe ngritja e institucioneve (udhehequr nga Organization OSCE-a)
• Shtylla IV: Restarurimi dhe zhvillimi ekonomik (udhehequr nga BE-ja)

Shiko edhe

• Rezoluta 1244 e Këshillit të Sigurimit
• KFOR
• EULEX

Lidhje të jashtme

• The United Nations Mission in Kosovo
• UNMIK on line
  • UN Report - raporte televizive të UNMIK-ut
• Teksti i plote i rezulutes 1244 (pdf) anglisht