Themistokli Gërmenji

Nga Wikipedia, enciklopedia e lirë
Shko te: navigacion, kërko
Themistokli Gërmenji.jpg

Themistokli Gërmenji (Korçë, 1871 - Selanik, 9 nëntor 1917) ishte një atdhetar dhe luftëtar shqiptar.

Jeta[redakto | redakto tekstin burimor]

Lindi në Korçë në një familje me origjinë nga fshati i Gërmenjit, i biri i Thanasit dhe Katarina. I ati qe themelues i lëvizjes "Shoqëria e Zezë për Shpëtim", e për shkak të veprimtarisë së tij u vra në Thrakë. Më 1892 mërgon për në Rumani bashkë me vëllanë, Telemakun. U kthyen në atdhe pas nëntë viteve, dhe u vendosën në qendrën e vilajetit, Manastir. Aty hapën hotelin "Liria" në fillim të vitit 1908, veç dhomave për të fjetur, kishte një restorant, një sallë të madhe për konferenca dhe një bibliotekë që mund ta shfrytëzonin të gjithë. Në një dhomë të fshehtë ndodhej shtypi kombëtar: libra, gazeta dhe revista të shtypura në gjuhën shqipe në Sofje, Bukuresht, Boston e gjetkë. Qe pikë mbledhjeje për rininë shqiptare që shkollohej atëkohë në qytet. Ndihmoi për organizimin e Kongresit të Manastirit, që u mbajt në hotelin e tij. Në fillim të prillit të vitit 1911, Th. Gërmenji shkoi në Sofje, ku e priti Nikollë Ivanaj.

Gjatë kohëve të Luftës Ballkanike përpiqet me Ismail Kemal bej Vlorën dhe emërohet nënprefekt në Skrapar. Me ardhjen e Princ Vidit është shef policie në Korçë deri që me ardhjen e grekëve shtrëngohet të dalë në Bullgari. Me vrasjen e të vëllasë, Telemakut, do kujdesej për rritjen e të birit, Vasilit. Vjeshtën e 1916 gjendet në Pogradec në lidhni me autoritetet bullgare dhe shërbimin e kundërzbulimit austro-hungarez. I ndërgjegjshëm për synimet bullgare dhe duke parë krahinën e Korçës që përjetonte përleshje mes çetave të Sali Butkës dhe trupave paraushtarake venizeliste, i propozon francezëve për vendosjen e një administrate shqiptare. Më dt. 8 dhjetor 1916 në krye të dy-treqind vetëve hyn në Korçën e spastruar prej grekëve nga prania franceze dhe ndërmerr formimin e një këshilli administrativ dhe u shpall formimi i Republikës Shqiptare të Korçës më 10 dhjetor me bekimin e Henri Deskuen kom. i garnizonit francez në qytet. Themistokliu u emëruar prefekt Pas disa intrigave, ftohet apo arrestohet dhe e shpurën në Selanik ku iu bë një gjyq ushtarak në tetorin e 1917, me sa duket me dijeninë e gjen. M. Saraj - i cili ushtronte të drejtat e presidentit të Republikës. Themistokli Gërmenji ishte një nga patriotët shqiptarë, i cili "luftoi" për pavarësinë e Shqipërisë me pushkë dhe penë.Ai ishte nje nga patriotet me te medhenj te Korcës,Oparit,Gore dhe krahinat e saj.Ne Opar dhe Gore kishte suksese te larta ne luftime.Nje nga patriotet me te besuar te Themistokliut ishte Feim Zacellari qe "mbizoteronte" zonen e Gorës.

Pushkatohet nga një togë franceze pas shpalljes fajtor nga gjyqi ushtarak për kontaktet që kish pasur me autoritetet austro-bullgare në Pogradec para marrëveshjes me francezët[1], më dt. 9 nëntor 1917. I shkruan të shoqes:

E dashura ime Evdhoksi,
Rashë dëshmor i çpifjeve. Me qenë se unë nuku kthenem në Korçë dhe më s’ jam për shtëpi, tinë ke të drejt të martohesh, po për martesën tënde të këshillohesh me Pandelinë e Tsalit i cili ka për detyrë, si atdhetar që është, të mos të të lërë të vuash. Nënës i puth dorën. Vasilin dhe Efçën i puth me mall sytë. Dijeni që vdes i pafajshëm. Kërkoj ndjesë nga të gjithë atdhetarët, në qoftë se kam bërë ndonjë të ligë pa dashur. Rroftë Shqipëria nën mbrojtjen e Francës.
Shoqi yt, Themistokli Gërmenji, Selanik 9, 11, 1917.
Adresa Evdhoksi Th. Gërmenji, Në Korçë, Shqipëri.”[2]

Ceta e Themistokliut.[redakto | redakto tekstin burimor]

Themistokli Gërmenji ishte një nga patriotët shqiptarë, i cili luftoi për pavarësinë e Shqipërisë me pushkë dhe penë.Ai ishte nje nga patriotet me te medhenj te Korcës,Oparit,Gore dhe krahinat e saj.Ne Opar dhe Gore kishte suksese te larta ne luftime.Nje nga patriotet me te besuar te Themistokliut ishte Feim Zacellari qe "mbizoteronte" zonen e Gorës.


Burime[redakto | redakto tekstin burimor]

  1. ^ Vllamasi S., "Ballafaqime politike në Shqipëri (1897-1942)", Neraida, 2000.
  2. ^ Lamaj I.Vasil Gërmenji, nipi i Themistokli Gërmenjit, diplomat i shquar në kryqëzatën kundër komunizmit, Dielli, gusht 2013 dhe Telegraf.