Pedro Rodríguez Ledesma

Nga Wikipedia, enciklopedia e lirë
Shko te: navigacion, kërko
Pedro
Pedro rodriguez.JPG
Pedro në vitin 2008
Të dhënat personale
Emri i plotë Pedro Eliezer Rodríguez Ledesma[1]
Data e lindjes 28 Korrik 1987 (27 vjeçar)
Vendi i lindjes Santa Cruz de Tenerife, Spanjë
Gjatësia 1,69 m (5 ft 6+12 in)
Pozita ne fushë Sulmues / Anësor
Informacionet për klubin
Klubi aktual Barcelona
Numri 7
Kariera në rini
2003–2004 San Isidro
2004–2005 Barcelona
Kariera profesioniste*
Vitet Klubi Ndesh. (Gls)
2005–2007 Barcelona C 70 (10)
2007–2009 Barcelona B 55 (17)
2008– Barcelona 171 (52)
Ekipi kombëtar
2008 Spanja U–21 2 (0)
2010– Spanja 44 (15)
* Ndeshjet dhe golat në nivelin profesionist, vetëm në ligën vendase deri në daten 31 Gusht 2014.

† Ndeshje (Gola).

‡ Ndeshjet dhe golat në kombëtare deri më 8 Shtator 2014

Pedro Eliezer Rodríguez Ledesma (lindur më 28 Korrik 1987) është një futbollistë spanjoll i cili luan aktualisht me klubin spanjoll BarcelonaLa Liga dhe me kombëtaren spanjolle si sulmues ose anësor.

Ai zakonisht luan me topin me këmbën e majtë por këmba e tij e preferuar është e djathta. Ai mund të luaj në të dy anët e fushës, ai është e shkëlqyer në gjetjen e pozicionit e duhur dhe ka një gjuajtje të fortë nga distanca.

Gjatë sezonit 2009–10 në klubin e tij FC Barcelona, ai u bë lojtari i parë që shënon Gol në gjashtë kompedicione zyrtare në 1 sezon (më pas u bashkua edhe Lionel Messi) [2].

Pedro ka përfaqsuar SpanjënKupën e Botës 2010 dhe UEFA Euro 2012, duke ndihmuar kombëtaren që ti fitoj të dy kompedicionet.

Karriera[redakto | redakto tekstin burimor]

Vitet e hershme[redakto | redakto tekstin burimor]

Lindur në Santa Cruz de Tenerife, Tenerife, Canary Islands, Pedro u bashkua me Barcelonën që në moshën 17 vjeçare, duke arritur nga klubi lokal i tij CD San Isidro [3].

Barcelona[redakto | redakto tekstin burimor]

Pedro ishte një lojtar kyç në skuadrën e rezervave duke shënuar 7 Gola në 37 ndeshje. Më 12 Janar 2008, ai bëri debutimin e tij me skuadrën e parë, ai luajti 1 minutë në fitoren 4–0 në Camp Nou kundër Real Murcia.

Pedro ishte pjestar i skuadrës së parë në ndeshjet miqësore para fillimit të sezonit 2008–09, ai shfaqi aftësi të mira duke shënuar Gol kundër Hibernian dhe New York Red Bulls respektivisht [4][5]. Më 13 Gusht, Pedro nisi ndeshjen e parë si startues (më vonë u zëvëndësua nga Yaya Touré) në fitoren 4–0 kundër klubit polak Wisła Kraków për raundin e tretë kualifikues të UEFA Champions League [6]. Ndeshja e tij e parë në fazën e grupeve erdhi më 16 Shtator në fitoren 3–1 kundër Sporting Clube de Portugal, ai zëvëndësoi Thierry Henry gjatë ndeshjes [7].

sezonin 2008–09 ku Barcelona fitoi Tripletën, Pedro arriti të luaj 14 ndeshje duke arritur të luaj edhe në La Liga në barazimin 1–1 në shtëpi kundër Getafes, në fitoren 4–0 kundër Valenciës, në fitoren 0–1 kundër Real Valladolid dhe në humbjen 1–0 kundër Osasunës [8][9][10][11], duke arritur të koleksionjë 365 minuta. Në Copa del Rey, Pedro luajti kundër Benidorm CF [12] dhe Atlético Madrid, të dy ndeshjet në vend të Lionel Messi; [13]finalen e Champions Leagues, ai luajti në minutën e fundit në vend të Andrés Iniestës.

sezonin 2009–10, trajneri Pep Guardiola konfirmoi se Pedro do të ishte lojtar i skuadrës së parë, dhe ai e shpërbleu duke shënuar në gjashtë kompedicione zyrtare në një vit të vetëm [14]. Më 16 Gusht, pasi dhuroi assistin e Golit të parë të Xavit, Pedro shënoi Golin e parë me fanellën e Barcelonës në fitoren 1–2 në finalen e parë të Superkupës Spanjolle kundër Athletic Bilbao në stadiumin San Mamés [15]. Më vonë në atë javë ai firmosi kontratën e parë si profesionist e cila ishte e vlefshme deri në Qershor 2014 me klauzolë lirimi 60 milion £. Në 2009 Superkupën Europiane kundër ukrainasve të Shakhtar Donetsk, ai hyri si zëvëndësues në vend të Zlatan Ibrahimoviç në minutën e 80 dhe arriti të shënojë Golin e vetëm të ndeshjes në kohën shtesë duke i dhuruar skuadrën trofeun [16].

Më 28 Shtator, Pedro shënoi Golin e parë në Champions League, pasi zëvëndësoi Iniestën në fillim të pjesës së dytë në fitoren 2–0 kundër Dynamo Kyiv [17]. Ai vazhdoi formën e tij të mirë duke shënuar edhe Golin e parë në ligë, kundër Almerías, me një gjuajtje brilante që vulosi suksesin 1–0 [18]. Muajin tjetër ai shënoi një dygolësh në ndeshjen e parë të raundit të 32 në Copa Del Rey kundër Cultural y Deportiva Leonesa duke ndihmuar skuadrën të fitojë ndeshjen 2–0 [19]. Ai gjithashtu shënoi në ndeshjen e kthimit duke kontribuar në fitoren 5–0 [20].

Pak nga pak ai po e vendoste veten në formacionin titullar dhe kjo gjë bëri që bëri që ai të edhe një dygolësh tjetër në fitoren 4–2 në ligë kundër [21]. Ai vazhdoi formën e tij të shënimit duke shënoi një nga dy Golat në fitoren 2–0 kundër Interit në ndeshjen e fazës së grupeveChampions League [22].

Më 16 Dhjetor, Pedro shënoi në gjysmë–finalen e Kupës Botërore të Klubeve kundër Atlante FC, në një fitore 3–1. Duke shënuar atë Gol, ai u bë lojtari i parë në histori që shënon në gjashtë kompedicione të ndryshme për klube në një sezon – në tre turnamente të mëdha, UEFA Champions League, Super Kupa dhe Kupa e Botës për Klube [23]. Ai u shpall Lojtari më i mirë i javës në botës nga Goal.com pas performancës së tij respektivisht kundër RCD Espanyol, Atlante dhe Estudiantes de La Plata e Argjentinës [24].

Në një rikthim emocionues në qytetin e tij të lindjes Tenerife, në një ndeshje kundër klubit të qytetit CD Tenerife më 10 Janar 2010, Pedro hyri si zëvëndësues në minutën e 76 dhe ishte protagonist i autogolit të mbrojtësit Ezequiel Luna, me ndeshjen e cila në fund u mbyll me fitoren 5–0 – në shenjë respekti, ai vendosi të mos festojë [25]. Më 10 Prill, ai shënoi Golin e dytë në fitoren 2–0 kundër Real Madrid, në paraqitjen e tij të parë në El Clásico [26].

Më 14 Prill, në një ndeshje lige kundër Deportivo de La Coruña, portieri kundërshtar Daniel Aranzubia largoi topin nga zona e 16 metrave, topi shkoi direkt te këmbët e Pedros, i cili goditi nga rreth 45 metra për të shënuar dhe për t'i dhënë Barcelonës kyresimin 2–0 dhe në fund fitoren 3–0 [27]. Ai gjithashtu e gjeti Golin në humbjen 3–1 kundër Interit në ndeshjen e parë të gjysmë–finales së Champions Leagues në San Siro [28].

Pedro shënoi në tre ndeshjet e fundit në ligë me Barcelonën, me Katalanasit që treguan sërisht dominimin e tyre: sërisht kundër Tenerifes (fitore 4–1) [29], në fitoren 3–2 kundër Sevillas [30] dhe në fitoren 4–0 kundër Valladolidit [31]. Ai e përfundoi sezonin 2009–10 me 53 paraqitje në të gjitha kompedicionet dhe 23 Gola, dhe, më 9 Qershor 2010, firmosi një kontratë të re pesë vjeçare me Barcelonën [32].

Pedro filloi sezonin 2010–11 duke e vendosur veten titullar në formacion. Më 29 Nëntor 2010, ai shënoi Golin e dytë në fitoren 5–0 në shtëpi kundër Real Madrid, me Barçën e cila mori vendin e parë në ligë [33]. Muajtin tjetër ai shënoi dy herë kundër Espanyolit në derbin lokal që përfundoi me fitoren 5–1 [34].

Pedro duke festuar një Gol të shënuar kundër Real Betis më 10 Nëntor 2013.

Më 20 Prill 2011, Pedro shënoi kundër Real Madrid në pjesën e dytë të finalesCopa del Rey, por Goli u anullua për pozicion të pa rregullt, me Barcelonën që humbi ndeshjen 1–0 pas kohës shtesë [35]. Më 3 Maj, kundër të njëjtit kundërshtar, në ndeshjen e kthimit të gjysmë–finales së Champions Leagues, ai gjeti Golin duke mposhtur Iker Casillas në barazimin 1–1 (3–1 rezultati i përgjithshëm) [36]. Ky ishte Goli i tij i 21 zyrtar i sezonit. Në finalen e Champions Leagues, ai shënoi Golin e parë në suksesin 3–1 kundër Manchester United [37].

Më 6 Korrik 2011, ai e rinovoi kontratën e tij edhe për një vit, deri në 2016 [38]. Klauzola e lirimit të tij u rrit nga 90 milion në 150 milion €. Pas blerjes së Alexis Sánchez dhe shfaqjes së lojtarëve të rinjë si Isaac Cuenca dhe Cristian Tello, ai luajti më pak ndeshje gjatë sezonit 2011–12, duke pasur disi probleme edhe me dëmtimet [39]. Ai e përfundoi sezonin me 13 Gola zyrtarë, duke shënuar dy Gola në fitoren 3–0 kundër Athletic Bilbaofinalen e Copa del Rey [40].

Më 21 Shtator 2013, Pedro shënoi një hat-trick në suksesin 4–0 jashtë fushe kundër Rayo Vallecano [41][42]. Më 22 Dhjetor, në një ndeshje tjetër jashtë fushe, ai shënoi edhe tre të tjerë – të tre në pjesën e parë dhe brënda nëntë minutave – për të ndihmuar Barcelonën të përmbyste rezultatin 0–2 dhe në fund të fitonte 5–2 kundër Getafes [43]. Më 16 Dhjetor 2014, Pedro shënoi një tjetër hat-trick, këtë herë në ndeshjen e kthimit të raundit të 32 në Copa del Rey kundër Huesca, me Barcelonën që regjistroi një fitore 8–1 në Camp Nou [44][45].

Kombëtarja[redakto | redakto tekstin burimor]

Pedro duke luajtur në çerek–finalen e Euro 2012 kundër Francës.

Falë performancave të tij të mira në sezonin 2009–10, më 20 Maj 2010, ai ishte në listën e 23 lojtarëve të thirrur nga trajneri Vicente del Bosque për të luajtur në Kupën e Botës 2010 që u zhvillua në Afrikën e Jugut [46]. Ai bëri debutimin e tij me kombëtaren më 29 Maj në miqësoren e fituar 3–2 kundër Arabisë Saudite, dhe luajti ndeshjen e tij të dytë pesë ditë më vonë, në një miqësore të fituar 1–0 kundër Koresë së Jugut ku ai hyri në fushë në minutën e 58.

Më 8 Qershor 2010, në ndeshjen e fundit miqësore para fillimit të Kupës së Botës në Afrikën e Jugut, kundër Polonisë, Pedro shënoi Golin e parë ndërkombëtarë, gjithashtu assistoi edhe Fernando Torres në suksesin 6–0. Në Kupën e Botës, ai u paraqit në pesë ndeshje (tre ku hyri si zëvëndësues në fund): më 7 Korrik, në gjysmë–finalen kundër Gjermanisë, ai e nisi ndeshjen si titullar në vend të Torres, i cili kishte bërë performanca të dobta në ndeshjet e para. Në minutën e 82, ai u përpoq që të shënonte një Gol vetë në vend që të pasonte te Torres i cili ishte i pamarkuar, edhe pse ai kishte luajtur një ndeshje të mirë [47]. Pavarësisht gabimit të tij, ai u zgjodh titullar në finale, me kombëtaren spanjolle e cila mposhti Hollandën me rezultatin 1–0 pas kohës shtesë; ai u zëvëndësua gjatë ndeshjes me Jesús Navas.

Pedro luajti gjithsej dy ndeshje në kualifikueset e UEFA Euro 2012 dhe shënoi Golin e dytë me kombëtaren më 7 Qershor 2011 në fitoren 3–0 kundër Venezuelës në një ndeshje miqësore [48].

Pedro ishte në listën e 23 lojtarëve të thirrur nga del Bosque për të luajtur në Euro 2012. Spanja ishte vendosur në Grupin I sëbashku me Italinë, Kroacinë dhe Irlandën. Ai ishte një zëvëndësim i papërdorur në të tre ndeshjet e Grupit I, ku Spanja përfundoi e para me shtatë pikë, kurse bëri debutimin e tij në çerek–finalen kundër Francës duke fituar një penallti në minutën e 90 që u shndërua në Gol nga Xabi Alonso, i cili shënoi të dy Golat e suksesit 2–0 [49]; Pedro hyri në fushë në minutën e 65 në vend të David Silvës dhe e fitoi penalltinë pas një ndërhyrje të gabuar të mbrojtësit Anthony Réveillère. Në gjysmë–finale kundër Portugalisë, Pedro hyri në fushë në minutën e 87 në vend të Xavit me Spanjën që fitoi ndeshjen 4–2 nga gjuajtjet e penalltive [50]. Në finale, Pedro hyri sërisht si zëvëndësues në minutën e 59 duke ndihmuar Spanjën të mposhte Italinë me rezultatin fantastik 4–0 dhe të fitonte turnamentin për herë të tretë në histori [51].

Pas mbarimit të Euro 2012, Pedro pati një formë shënimi mbreslënënse. Ai e nisi këtë formë më 7 Shtator 2012 duke shënuar dy herë në fitoren 5–0 kundër Arabisë Saudite në një ndeshje miqësore [52]. Një muaj më vonë, më 12 Tetor, ai shënoi hat-trickun e parë me kombëtaren në fitoren 4–0 kundër Bjellorusisë në ndeshjen e dytë të kualifikueseve të Kupës së Botës 2014 [53]. Ai e mbylli vitin 2012 me një dygolësh kundër Panamasë më 14 Nëntor 2012 në një miqësore e cila u mbyll me fitoren 5–1 për La Roja [54]. Në ndeshjen e parë për vitin 2013 më 6 Shkurt, Pedro shënoi dy herë me Spanjën që mposhti dy herë fituesit e Kupës së Botës Uruguajin [55].

Pedro duke luajtur në një ndeshje miqësore më 30 Maj 2014.

Më 26 Mars 2013, ai shënoi Golin e vetëm në fitoren 1–0 jashtë fushe kundër Francës duke bërë që Spanja pothuajse të siguronte vendin e parë në Grupin I [56]. Spanja i mbylli kualifikueset në vendin e parë me 20 pikë kurse Pedro ishte golashënuesi më i mirë i kombëtares me katër Gola.

Performancat e tij të mira në ndeshjet e fundit bënë që trajneri del Bosque t'a përfshinte në listën e 23 lojtarëve që do të luanin në Kupën e Konfederatave që do të zhvillohej në Brazil në Qershor 2013. Ai e nisi ndeshjen e parë kundër Uruguajit si titullar duke luajtur si anësor i djathtë, dhe, në minutën e 20, shënoi Golin e parë në këtë kompedicion duke kontribuar në fitoren 2–1 [57]. Në ndeshjen e dytë, Pedro ishte një zëvëndësim i papërdorur me Spanjën që mundi me rezultatin e pabesueshëm 10–0 modestët e Tahitit duke regjistruar fitoren më të madhe në një turnament zyrtar të FIFA-s [58]. Pedro luajti 75 minuta si anësor i djathtë me Spanjën e cila mundi me rezultatin 3–0 Nigerinë për të fituar Grupin B me nëntë pikë dhe për të kaluar në gjysmë–finale [59]. Ai assistoi Golin e dytë të ndeshjes që u shënua me kokë nga Torres. Në gjysmë–finalen kundër Italisë, ai e nisi ndeshjen si titullar dhe luajti 79 minuta përpara se të zëvëndësohej nga Juan Mata, me Spanjën që fitoi 7–6 me penallti duke u kualifikuar për herë të parë në histori për në finale [60]. Në finale, ai e nisi si titullar dhe luajti 90 minuta me Spanjën që u mposht me rezultatin 3–0 nga Brazili që fitoi titullin e katërt në histori [61].

Pedro ishte në listën e 23 lojtarëve të thirrur nga del Bosque për të luajtur në Kupën e Botës 2014 që u mbajt në Brazil. Në ndeshjen e parë të Grupit B kundër Hollandës, Pedro hyri në fushë në minutën e 63 në vend të Xabi Alonsos me Spanjën e cila u mposht me rezultatin shokues 5–1 pavarësisht se kaloi e para në avantazh [62]. Në ndeshjen e dytë, Pedro e nisi si titullar dhe luajti 76 minuta me Spanjën që u mposht 2–0 nga Kili duke u eleminuar automatikisht nga Kupa e Botës [63]. Duke u eleminuar, Spanja u bë kombëtarja e vetme në histori që pasi fiton titullin, eleminohet në edicionin tjetër që në fazën e grupeve. Pedro nuk u paraqit në ndeshjen e tretë të grupit pasi ishte i sëmurë, me Spanjën që mposhti Australinë me rezultatin 3–0 duke e mbyllur grupin me tre pikë.

Më 8 Shtator 2014, në ndeshjen e parë kualifikuese për Euro 2016 kundër Maqedonisë, Pedro e nisi ndeshjen si titullar dhe në minutën e 90 shënoi Golin e pestë të skuadrës së tij duke ndihmuar që të fitonin ndeshjen 5–1 [64].

Golat me kombëtaren[redakto | redakto tekstin burimor]

Lista e Golave dhe rezultateve me kombëtaren spanjolle

# Data Vendi Kundërshtari Goli Rezultati Kompedicioni
1. 8 Qershor 2010 Nueva Condomina, Murcia, Spanjë Flamuri Polonia 6–0 6–0 Ndeshje Miqësore
2. 7 Qershor 2011 José Antonio Anzoátegui, Puerto la Cruz, Venezuelë Flamuri Venezuela 0–2 0–3 Ndeshje Miqësore
3. 7 Shtator 2012 Pasarón, Pontevedra, Spanjë Flamuri Arabia Saudite 2–0 5–0 Ndeshje Miqësore
4. 7 Shtator 2012 Pasarón, Pontevedra, Spanjë Flamuri Arabia Saudite 5–0 5–0 Ndeshje Miqësore
5. 12 Tetor 2012 Dynama Stadium, Minsk, Bjellorusi Flamuri Bjellorusia 0–2 0–4 Kualifikueset e Kupës së Botës 2014
6. 12 Tetor 2012 Dynama Stadium, Minsk, Bjellorusi Flamuri Bjellorusia 0–3 0–4 Kualifikueset e Kupës së Botës 2014
7. 12 Tetor 2012 Dynama Stadium, Minsk, Bjellorusi Flamuri Bjellorusia 0–4 0–4 Kualifikueset e Kupës së Botës 2014
8. 14 Nëntor 2012 Rommel Fernández, Panama Flag of Panama.svg Panama 0–1 1–5 Ndeshje Miqësore
9. 14 Nëntor 2012 Rommel Fernández, Panama Flag of Panama.svg Panama 0–3 1–5 Ndeshje Miqësore
10. 6 Shkurt 2013 Khalifa International Stadium, Doha, Katar Flamuri Uruguaji 2–1 3–1 Ndeshje Miqësore
11. 6 Shkurt 2013 Khalifa International Stadium, Doha, Katar Flamuri Uruguaji 3–1 3–1 Ndeshje Miqësore
12. 26 Mars 2013 Stade de France, Paris, Francë Flamuri Franca 0–1 0–1 Kualifikueset e Kupës së Botës 2014
13. 16 Qershor 2013 Arena Pernambuco, Recife, Brazil Flamuri Uruguaji 1–0 2–1 2013 FIFA Kupa e Konfederatave
14. 5 Mars 2014 Vicente Calderón, Madrid, Spanjë Flamuri Italia 1–0 1–0 Ndeshje Miqësore
15. 8 Shtator 2014 Ciutat de València, Valencia, Spanjë Flamuri Maqedonia 5–1 5–1 Kualifikueset e UEFA Euro 2016

Statistikat[redakto | redakto tekstin burimor]

Klubet[redakto | redakto tekstin burimor]

Redaktuar më 31 Gusht 2014 [65][66]

Klubi Sezoni Liga Kupa Europa Tjetër[67] Total
Ndeshje Gola Ndeshje Gola Ndeshje Gola Ndeshje Gola Ndeshje Gola
Barcelona 2007–08 2 0 0 0 0 0 2 0
2008–09 6 0 3 0 5 0 14 0
2009–10 34 12 4 3 9 4 5 4 52 23
2010–11 33 13 7 4 12 5 1 0 53 22
2011–12 29 5 5 4 9 4 5 0 48 13
2012–13 28 7 5 1 10 1 2 1 45 10
2013–14 37 15 8 3 7 1 2 0 54 19
2014–15 2 0 0 0 0 0 0 0 2 0
Total 171 52 32 15 52 15 15 5 270 87
Karriera në total 171 52 32 15 52 15 15 5 270 87

Kombëtarja[redakto | redakto tekstin burimor]

Redaktuar më 8 Shtator 2014 [68]

Kombëtarja Viti Ndeshje Gola
Spanja 2010 11 1
2011 4 1
2012 8 7
2013 14 4
2014 7 2
Total 44 15

Trofe[redakto | redakto tekstin burimor]

Klube[redakto | redakto tekstin burimor]

Barcelona
Barcelona B

Kombëtarja[redakto | redakto tekstin burimor]

Personale[redakto | redakto tekstin burimor]

Referenca[redakto | redakto tekstin burimor]

  1. ^ FIFA World Cup South Africa 2010: List of players (PDF). FIFA (4 Qershor 2010). Vizituar në 13 Shtator 2013.
  2. ^ Barcelona's Pedro scores in 6th competition. USA Today (16 Dhjetor 2009). Vizituar në 8 Mars 2011.
  3. ^ Pedro Rodríguez Ledesma. FC Barcelona (27 Shkurt 2010). Vizituar në 27 Shkurt 2010.
  4. ^ First test overcome in style (0–6). FC Barcelona (24 Qershor 2008). Vizituar në 27 Shkurt 2010.
  5. ^ Another high score before the preliminary (2–6). FC Barcelona (7 Gusht 2008). Vizituar në 27 Shkurt 2010.
  6. ^ A step towards the group stage (4–0). FC Barcelona (13 Gusht 2008). Vizituar në 27 Shkurt 2010.
  7. ^ Good football brings fair result (3–1). FC Barcelona (16 Shtator 2008). Vizituar në 27 Shkurt 2010.
  8. ^ Persistence brings a point (1–1). FC Barcelona (23 Nëntor 2008). Vizituar në 27 Shkurt 2010.
  9. ^ Henry majestic in Barça goal-fest (4–0). FC Barcelona (12 Prill 2009). Vizituar në 27 Shkurt 2010.
  10. ^ Eto’o goal secures three crucial points (0–1). FC Barcelona (4 Maj 2009). Vizituar në 27 Shkurt 2010.
  11. ^ Celebration in defeat (0–1). FC Barcelona (23 Maj 2009). Vizituar në 27 Shkurt 2010.
  12. ^ Pitfall avoided (1–0). FC Barcelona (12 Nëntor 2008). Vizituar në 27 Shkurt 2010.
  13. ^ Messi the King (1–3). FC Barcelona (6 Janar 2009). Vizituar në 27 Shkurt 2010.
  14. ^ Six of the best for Pedro. FC Barcelona (16 Dhjetor 2009). Vizituar në 16 Mars 2010.
  15. ^ Athletic Bilbao vs Barcelona. Goal.com (16 Gusht 2009). Vizituar në 27 Shkurt 2010.
  16. ^ Pedro pounces to add to Barça glory. UEFA.com (28 Gusht 2009). Vizituar në 27 Shkurt 2010.
  17. ^ Barcelona vs Dynamo. Goal.com (29 Shtator 2009). Vizituar në 2 Mars.
  18. ^ Pedro cracker earns the points (1–0). FC Barcelona (3 Tetor 2009). Vizituar në 2 Mars.
  19. ^ Pedro turns tie in Barça's favour (0–2). FC Barcelona (28 Tetor 2009). Vizituar në 2 Mars.
  20. ^ Second half goal flurry (5–0). FC Barcelona (10 Nëntor 2009). Vizituar në 2 Mars.
  21. ^ Four goals to stay top (4–2). FC Barcelona (7 Nëntor 2009). Vizituar në 2 Mars.
  22. ^ Barcelona vs Inter Milan. Goal.com (24 Nëntor 2009). Vizituar në 2 Mars.
  23. ^ Pedro makes history. ESPN Soccernet (15 Dhjetor 2009). Vizituar në 2 Mars.
  24. ^ World Player of the Week: Pedro Rodriguez – Barcelona. Goal.com (21 Dhjetor 2009). Vizituar në 21 Dhjetor 2009.
  25. ^ Messi inspires five star Barça (0–5). FC Barcelona (10 Janar 2010). Vizituar në 2 Mars.
  26. ^ Messi does it again – this time setting up Barcelona for 2–0 win at Real Madrid. Sports Features (10 Prill 2010). Vizituar në 10 Prill 2010.
  27. ^ Pedro stunner helps Barça beat Depor (3–0). FC Barcelona (14 Prill 2010). Vizituar në 17 Prill 2010.
  28. ^ Impressive Inter leave Barça on the ropes. UEFA.com (5 Maj 2010). Vizituar në 31 Maj 2010.
  29. ^ Winning in the rain (4–1). FC Barcelona (4 Maj 2010). Vizituar në 31 Maj 2010.
  30. ^ Massive step towards title (2–3). FC Barcelona (8 Maj 2010). Vizituar në 31 Maj 2010.
  31. ^ Dominant Barça regain league title (4–0). FC Barcelona (16 Maj 2010). Vizituar në 30 Qershor 2010.
  32. ^ Pedro extends stay until 2015. FC Barcelona. 9 Qershor 2010. Retrieved 27 Qershor 2010. 
  33. ^ Exquisite Barca crush Real. ESPN Soccernet (29 Nëntor 2010). Vizituar në 29 Nëntor 2010.
  34. ^ Pedro se doctora en el derby (Spanjisht). Sport (19 Dhjetor 2010). Vizituar në 19 Dhjetor 2010.
  35. ^ Ronaldo heads Real to victory. ESPN Soccernet (20 Prill 2011). Vizituar në 4 Maj 2011.
  36. ^ Barcelona keep Madrid at bay to reach final. UEFA.com (3 Maj 2011). Vizituar në 4 Maj 2011.
  37. ^ Barça crowned as Messi and Villa see off United. UEFA.com (28 Maj 2011). Vizituar në 29 Maj 2011.
  38. ^ Pedro to stay at Barça until 2016. FC Barcelona (6 Korrik 2011). Vizituar në 6 Korrik 2011.
  39. ^ Pedro, de dos a tres semanas de baja (Spanjisht). ABC (26 Tetor 2011). Vizituar në 27 Maj 2012.
  40. ^ Barca say goodbye in style. ESPN Soccernet (25 Maj 2012). Vizituar në 27 Maj 2012.
  41. ^ Rayo Vallecano 0–4 Barcelona: Pedro hat-trick seals Blaugrana win. Goal.com (21 Shtator 2013). Vizituar në 21 Shtator 2013.
  42. ^ Hat-trick hero Pedro eyes Barcelona starts. Goal.com (21 Shtator 2013). Vizituar në 21 Shtator 2013.
  43. ^ Líder sin defensa (Spanish). Marca (22 Dhjetor2013). Vizituar në 22 Dhjetor 2013.
  44. ^ Barcelona shkatëron Hueskan. Panorama Sport (17 Dhjetor 2014). Vizituar në 17 Dhjetor 2014.
  45. ^ Barcelona 8-1 Huesca (agg 12-1): Pedro nets first-half hat-trick as Catalan giants cruise through to Copa del Rey last 16. Daily Mail (16 Dhjetor 2014). Vizituar në 17 Dhjetor 2014.
  46. ^ Spain omit Marcos Senna from 2010 World Cup squad. BBC Sport (20 Maj 2010). Vizituar në 20 Maj 2010.
  47. ^ World Cup 2010: Pedro Enjoying the high life. Peace FM Online (11 Korrik 2010). Vizituar në 14 Korrik 2010.
  48. ^ Venezuela 0-3 Spain: David Villa, Pedro & Xabi Alonso on scoresheet for world champions to secure friendly win. Goal.com (7 Qershor 2011). Vizituar në 7 Qershor 2011.
  49. ^ Sanghera, Mandeep (23 Qershor 2012). "Spain 2–0 France". BBC Sport (British Broadcasting Corporation). Retrieved 30 Qershor 2012. 
  50. ^ Rostance, Tom (21 Qershor 2012). "Czech Republic 1–0 Portugal". BBC Sport (British Broadcasting Corporation). Retrieved 30 Qershor 2012. 
  51. ^ "Spain claim historic win". ESPN Soccernet (ESPN). 1 Korrik 2012. Retrieved 1 Korrik 2012. 
  52. ^ Spain 5-0 Saudi Arabia: Villa nets comeback goal in thumping friendly win. Goal.com (7 Shtator 2012). Vizituar në 7 Shtator 2012.
  53. ^ Plaudits take back seat for Spain striker Pedro. UEFA.com (13 Tetor 2012). Vizituar në 13 Tetor 2012.
  54. ^ Panama 1-5 Spain: Pedro at the double as La Roja run riot. Goal.com (14 Nëntor 2012). Vizituar në 14 Nëntor 2012.
  55. ^ Spain 3-1 Uruguay: Prolific Pedro nets twice for world champions in Doha. Goal.com (6 Shkurt 2013). Vizituar në 6 Shkurt 2013.
  56. ^ France 0-1 Spain: Pogba off and Pedro the hero as world champions earn priceless Paris win. Goal.com (27 Mars). Vizituar në 27 Mars.
  57. ^ Spain 2 Uruguay 1: Suarez's late strike not enough as Del Bosque's men continue dominance. Daily Mail (16 Qershor 2013). Vizituar në 16 Qershor 2013.
  58. ^ Spain 10-0 Tahiti – as it happened. The Guardian (20 Qershor 2013). Vizituar në 20 Qershor 2013.
  59. ^ Nigeria 0-3 Spain: Jordi Alba and Torres ensure world champions top Group B. Goal.com (23 Qershor 2013). Vizituar në 23 Qershor 2013.
  60. ^ Spain edge dramatic shootout to reach Final. FIFA.com (27 Qershor 2013). Vizituar në 27 Qershor 2013.
  61. ^ Fred and Neymar claim Confeds for Brazil. FIFA.com (30 Qershor 2013). Vizituar në 30 Qershor 2013.
  62. ^ Holanda, hakmarrje poshtëruese ndaj Spanjës. Panorama Sport (13 Qershor 2014). Vizituar në 14 Qershor 2014.
  63. ^ Spanja kapitullon nga Botërori, Kili e zbret nga froni, mbyllet cikli. Shqiptarja.com (18 Qershor 2014). Vizituar në 18 Qershor 2014.
  64. ^ Spanja keqtrajton Maqedoninë. Panorama Sport (8 Shtator 2014). Vizituar në 8 Shtator 2014.
  65. ^ Official site statistics. FC Barcelona. Vizituar në 9 Korrik 2014.
  66. ^ Pedro. Soccerway. Vizituar në 9 Korrik 2014.
  67. ^ Përfshirë kompedicionet e tjera, përfshirë Supercopa de España, UEFA Super Kupa, FIFA Kupa Botërore e Klubeve
  68. ^ Pedro Rodríguez. National-Football-Teams.com. Vizituar në 9 Korrik 2014.

Lidhje të jashtme[redakto | redakto tekstin burimor]

 Commons: Pedro Rodríguez Ledesma – Album me fotografi dhe/apo video dhe material multimediale