Detyrë e posaçme është një film shqiptar, prodhim i Kinostudios "Shqipëria e Re", në vitin 1963.[1] Regjia është nga Kristaq Dhamo, skenari nga Safet Kurti, dhe muzika nga Pjetër Gaci. Premiera e fimit është shfaqur më 21 mars 1963, Tiranë.[2] Filmi nuk ka qarkulluar për një kohë të gjatë pasi u censurua.[3]
Pamje nga shesh-xhirimi i filmit "Detyrë e posaçme"
Filmi është bazuar në ngjarje reale të viteve ‘50. Tomori është i infiltruar në një grup të agjenturave të huaja. Ai fiton besimin e Zylfiut, Eminesë, Ndrek Gjergjit të lidhur me agjenturat dhe Anton Murrizit që vjen nga jashtë. Kështu Tomori zbulon dokumente sekrete baza dhe mjete komunikimi dhe lufton për t'i shkatërruar këto agjentura.
