Federata Shqiptare e Futbollit
 Logoja zyrtare e FSHF-së | |
| Formuar më | 6 qershor 1930 |
|---|---|
| Lloji | Federatë sportive |
Rajoni i shërbimit | Shqipëria |
Njerëzit kyç | Armand Duka, president Ilir Shulku, sekretar i përgjithshëm |
| Përkatësitë | FIFA, UEFA |
| Faqja në internet | fshf.org |
Federata Shqiptare e Futbollit (FSHF) është organi qeverisës i futbollit në Shqipëri. Ajo u themelua më 6 qershor 1930, u pranua në FIFA më 1932 dhe ishte ndër anëtarët themelues të UEFA-s më 1954.[1]
Selia e FSHF-së ndodhet në Tiranë.[2] Që nga viti 2002 president i FSHF-së është Armand Duka, i rizgjedhur për një mandat të ri katërvjeçar më 16 shkurt 2026.[3][4] Sekretari i përgjithshëm i federatës është Ilir Shulku.[5]
Historia
[Redakto | Redakto nëpërmjet kodit]Zhvillimi i futbollit në Shqipëri lidhet me ndeshjet e para të dokumentuara në Shkodër në vitin 1913. Kampionati kombëtar u zhvillua për herë të parë në prill 1930 me gjashtë skuadra, ndërsa po atë vit, më 6 qershor, u themelua edhe Federata Shqiptare e Futbollit.[6]
Organizimi
[Redakto | Redakto nëpërmjet kodit]Asambleja e Përgjithshme është organi më i lartë i FSHF-së, ndërsa Komiteti Ekzekutiv është organi kolegjial që drejton dhe merr vendime ndërmjet dy asambleve. Sipas faqes zyrtare të federatës, Komiteti Ekzekutiv përbëhet nga 11 anëtarë: presidenti dhe 10 anëtarë të zgjedhur nga Asambleja.[7]
Përbërja e Komitetit Ekzekutiv të dalë nga Asambleja e 16 shkurtit 2026 është: Armand Duka (president), Lutfi Nuriu, Geri Çipi, Anila Basha, Armando Cungu, Blendi Fevziu, Edmond Hasanbelli, Envi Hicka, Erind Resuli, Gjergji Petro dhe Pano Xhixho.[8]
Selia e federatës ndodhet në adresën: Rr. Liman Kaba, Nd. 5, Hyrja 1, Njësia Administrative 5, Kodi Postar 1019, Tiranë, Shqipëri.[9]
Veprimtaria
[Redakto | Redakto nëpërmjet kodit]FSHF organizon kampionatet kombëtare dhe kupat e futbollit në Shqipëri, si edhe administron ekipet kombëtare të meshkujve, të vajzave, futsallit dhe grupmoshave. Në faqen zyrtare të federatës listohen, ndër të tjera, Abissnet Superiore, Kategoria e Parë, Kategoria e Dytë, Kupa e Shqipërisë, kampionatet e femrave, futsali dhe programet e futbollit të fëmijëve, si edhe ekipet kombëtare A, U-21, U-20, U-19, U-17, U-15 dhe përfaqësueset e femrave .[10]
Presidentët
[Redakto | Redakto nëpërmjet kodit]President i Federatës Shqiptare të Futbollit është Armand Duka, i cili e mban këtë detyrë që nga viti 2002.[11][12][13]
| Nr. | Emri | Mandati |
|---|---|---|
| 1 | Anton Mazreku | 1945–1970 |
| 2 | Zyber Konçi | 1970–1980 |
| 3 | Kristaq Miço | 1980–1990 |
| 4 | Eduard Dervishi | 1990–1997 |
| 5 | Miço Papadhopulli | 1997–2002 |
| 6 | Armand Duka | 2002–sot |
Referime
[Redakto | Redakto nëpërmjet kodit]- ↑ "Developing football in Albania" (në anglisht). UEFA. Marrë më 8 prill 2026.
- ↑ "Kontakt". Federata Shqiptare e Futbollit. Marrë më 8 prill 2026.
- ↑ "Armand Duka". Federata Shqiptare e Futbollit. Marrë më 8 prill 2026.
- ↑ "Armand Duka merr besimin e plotë të Asamblesë, udhëheq futbollin shqiptar për katër vitet e ardhshme". Federata Shqiptare e Futbollit. 16 shkurt 2026. Marrë më 8 prill 2026.
- ↑ "Developing football in Albania" (në anglisht). UEFA. Marrë më 8 prill 2026.
- ↑ "Developing football in Albania" (në anglisht). UEFA. Marrë më 8 prill 2026.
- ↑ "Komiteti Ekzekutiv". Federata Shqiptare e Futbollit. Marrë më 8 prill 2026.
- ↑ "Zgjidhen anëtarët e Komitetit Ekzekutiv të Federatës Shqiptare të Futbollit për katër vitet e ardhshme". Federata Shqiptare e Futbollit. 16 shkurt 2026. Marrë më 8 prill 2026.
- ↑ "Kontakt". Federata Shqiptare e Futbollit. Marrë më 8 prill 2026.
- ↑ "FSHF - Federata Shqiptare e Futbollit". Federata Shqiptare e Futbollit. Marrë më 8 prill 2026.
- ↑ "Armand Duka". Federata Shqiptare e Futbollit. Marrë më 8 prill 2026.
- ↑ "Armand Duka merr besimin e plotë të Asamblesë, udhëheq futbollin shqiptar për katër vitet e ardhshme". Federata Shqiptare e Futbollit. 16 shkurt 2026. Marrë më 8 prill 2026.
- ↑ "Futbolli shqiptar në 88 vite, nga amator në profesionist". Telegraf. 9 janar 2018. Marrë më 8 prill 2026.