Shko te përmbajtja

KF Teuta Durrës

Nga Wikipedia, enciklopedia e lirë
(Ridrejtuar nga KF Teuta)
Teuta Durrës
KF Teuta Durrës
KF Teuta Durrës
Të dhëna bazë
Emri i plotë Klubi Futbollit Teuta Durrës
Pseudonimi(et) Djemtë e Detit
Durrësakë
Themelimi 1920; 106 vite më parë (1920)
si Klubi Sportiv Urani
Stadiumi Stadiumi Niko Dovana
Kapaciteti 13,000
Kryetari Edmond Hasanbelliu
Trajneri Gentian Begeja
Liga Kategoria Superiore
2024–25 6të
Uebfaqja http://www.kfteuta.com
Veshjet
Ngjyra shtëpi
Ngjyra jashtë

Klubi Futbollit Teuta Durrës është klubi futbollistik i qytetit të Durrësit themeluar në vitin 1920 me emrin KS Urani emër të cilin e ndërruan pas dy viteve në SK Durrës. Pas pjesëmarrjes së skuadrës në Kategorinë e Parë të futbollit shqiptar në vitin 1930 klubi merr emrin e mbretëreshës ilire Teuta, duke u quajtur KS Teuta Durrës. Më 1946 pas Luftës së Dytë Botërore emërohet nga komunistët si KS Ylli i Kuq Durrës deri në vitin 1949, vit në të cilin emërohet KS Durrës, pastaj më 1951 KS Puna Durrës, 1958 KS Lokomotiva Durrës e deri në vitin 1991 kur i rikthehet emri KS Teuta Durrës emër të cilin e mban edhe sot. Ndeshjet si vendas KS Teuta Durrës i luajnë në Stadiumin Niko Dovana në Durrës. Shikueshmëria mesatare e ndeshjeve në stadiumin me kapacitet prej 13.000 vendeve është diku 3.000 shikues për ndeshje.

Skuadra e klubit Teuta është skuadra kampione në fuqi e Kategorisë Superiore dhe e ka fituar 2 herë Kategorinë Superiore shqiptare dhe tre herë ka fituar Kupën e Shqipërisë. Në arenën e futbollit evropian ka marrë pjesë në Kupën UEFA tri herë, në Kupën Intertoto ka luajtur po ashtu tri herë ndërsa në Kupën e Kupave një herë dhe në Kupën Ballkanike ka luajtur një herë.

Tani klubi udhëhiqet nga presidenti i klubit Edmond Hasanbelliu.

Klubi u themelua më 29 janar 1920 si Klubi Sportiv Urani, dhe vetëm dy vite më vonë, në 1922, ndryshoi emrin në Sport Klub Durrës. Ky emër u mbajt deri në momentin kur klubi u bashkua me kampionatin kombëtar shqiptar si një nga gjashtë anëtarët themelues, së bashku me SK Tiranë, Skënderbeu Korçë, Bashkimi Shkodran, Urani Elbasan dhe Sportklub Vlorë. Në vitin 1930, para se të hynte në Kampionatin Kombëtar, klubi ndryshoi emrin në Klubi Sportiv Teuta Durrës, në referencë të mbretëreshës Teuta e Ilirisë. Në kampionatin e parë kombëtar klubi e mbylli i pesti nga gjashtë ekipe, duke grumbulluar tre fitore dhe dy barazime në dhjetë ndeshje.[1] Në sezonin pasardhës ata e mbyllën si nënkampionë të ligës, pasi humbën 4–1 në finalen e kampionatit kundër SK Tiranës, ku portieri i klubit Niko Dovana shënoi barazimin e famshëm në ndeshjen e parë që përfundoi 1–1.[2][3]

Pas marrjes së pushtetit nga regjimi komunist në Shqipëri, klubi u detyrua të ndryshonte emrin në KS Ylli i Kuq Durrës. Vetëm tre vite më vonë, në 1950, klubi hoqi këtë emër dhe u quajt sërish SK Durrës, përpara se ta ndryshonte sërish në SK Puna Durrës një vit më pas, në 1951. Në vitin 1958, emri ndryshoi përsëri në KS Lokomotiva Durrës, i cili mbeti deri në rënien e komunizmit në Shqipëri në vitin 1991. Që nga viti 1991, klubi mban emrin *KS Teuta Durrës*, ndërsa ekipi i futbollit njihet si *KF Teuta*.

Epoka Hasanbelliu

[Redakto | Redakto nëpërmjet kodit]

Në vitin 1999 biznesmeni vendas dhe pronari i Eurotech Cement, Edmond Hasanbelliu, u emërua president i ri i klubit dhe menjëherë solli si trajner Hasan Lika. Ai nisi të investonte te skuadra dhe afroi lojtarë të kombëtares shqiptare si Sokol Prenga dhe Suad Liçi, së bashku me emra të tjerë si Orges Shehi dhe Arjan Sheta.[4] Në sezonin e parë nën drejtimin e Hasan Likës dhe Edmond Hasanbelliut, klubi e mbylli kampionatin në vendin e tretë, pas Tomori Berat dhe fituesve të kampionatit KF Tirana. Ata patën gjithashtu një ecuri të suksesshme në Kupa e Shqipërisë, duke eliminuar Flamurtarinë, KF Tirana dhe Dinamon për të arritur finalen kundër KS Lushnja, e cila përfundoi 0–0 pas shtesave dhe Teuta fitoi 5–4 me penallti. Kështu u kualifikuan për raundin e dytë kualifikues të UEFA Cup, ku u përballën me austriakët e SK Rapid Wien, por u eliminuan pas një humbjeje 6–0 në total, 4–0 dhe 2–0.

Në nëntor 2013, presidenti Hasanbelliu njoftoi se klubi kishte shitur 50% të aksioneve te kompania zvicerane *Gea Sport*, e cila premtoi investime për sukses kombëtar dhe paraqitje më të mira në arenën europiane. Veprimi i parë i firmës si aksionere ishte zëvendësimi i trajnerit shqiptar Gugash Magani me italianin Roberto Sorrentino, duke e bërë atë trajnerin e parë të huaj të klubit.[5][6]

Pas më pak se dy muajsh si aksionerë, Gea Sport solli 11 lojtarë gjatë merkatos së janarit, shumica të huaj, në përpjekje për të luftuar për titullin. Më 24 shkurt 2014, Sorrentino u shkarkua nga detyra pas rezultateve të dobëta, dhe një ditë më pas klubi njoftoi emërimin e Ilir Dajës si trajner.[7]

Rajoni Kompeticioni Trofe Sezonet
Shqipëri Kategoria Superiore 2 1993–94, 2020–21
Kategoria e Parë 2 1958–59, 1960–61
Kupa e Shqipërisë 4 1994–95, 1999–00, 2004–05, 2019–20

KS Teuta ne kupat e Europes

[Redakto | Redakto nëpërmjet kodit]

Nga korriku, 2013.

Sezoni Kompeticioni Raundi Shteti Klubi Ne Shtepi Jashte Shtepie Totali
1994/95 UEFA Kupa QR Qiproja Apollon Limassol 1–4 2–4 3–8
1995/96 UEFA Kupa e Kupave QR Finlanda TPS Turku 3–0 0–1 3–1
1R Italia Parma 0–2 0–2 0–4
1996/97 UEFA Kupa 1QR Sllovakia FC Kosice 1–4 1–2 2–6
1999 Kupa Intertoto 1R Islanda IA Akranes 2–1 1–5 3–6
2000/01 UEFA Kupa 2QR Austria Rapid Wien 0–4 0–2 0–6
2002 Kupa Intertoto 1R Malta Valletta 0–0 2–1 2–1
2R Rumania Gloria Bistriţa 1–0 0–3 1–3
2004 Kupa Intertoto 1R Sllovakia ZTS Dubnica 0–0 0–4 0–4
2005/06 UEFA Kupa 1R Bosnja dhe Hercegovina Široki Brijeg 3–1 0–3 3–4
2007/08 UEFA Kupa 1R Kroacia Slaven Belupo 2–2 2–6 4–8
2012/13 Liga e Europës 1R Gjeorgjia Metalurgi Rustavi 0–3 1–6 1–9
2013/14 Liga e Europës 1R Moldavia Dacia Chişinău 3–1 0–2 3–3 (a)
2016/17 Liga e Europës 1R Kazakistani Kairat 0–1 0–5 0–6
2019/20 Liga e Europës 1R Letonia Ventspils 1−0 0−3 1–3
2020/21 Liga e Europës 1R Izraeli Beitar Jerusalem 2–0 No 2–0
2R Spanja Granada 0–4 No 0–4
2021/22 Liga e Kampionëve 1R Moldavia Sheriff Tiraspol 0–4 0–1 0–5
2021/22 Liga e Konferencave 2R Andorra Inter Club d'Escaldes 0–2 3−0 (aet) 3–2 (aet)
3R Republika e Irlandës Shamrock Rovers 0−2 0–1 0–3
  • QR = Raundi kualifikuesë
  • 1R = Raundi i parë
  • 2R = Raundi i dytë
  • 3R = Raundi i tretë
  1. ↑ "Unofficial Site of Albanian Football since 1913: Season 1930" (në anglisht). Arkivuar nga origjinali më 2011-07-22. Marrë më 2015-02-12.
  2. ↑ "Unofficial Site of Albanian Football since 1913: Season 1931" (në anglisht). Arkivuar nga origjinali më 2015-09-24. Marrë më 2015-02-12.
  3. ↑ "Dovana, portieri që shënoi në Tiranë" (në anglisht). Arkivuar nga origjinali më 2016-03-03. Marrë më 2015-02-12.
  4. ↑ Edmond Hasanbelliu at KFTeuta.com Arkivuar 2014-01-17 tek Wayback Machine
  5. ↑ Teuta zyrtarizon trajnerin italian, Sorrentino: Kam projekt 3-vjeçar, dua titullin kampion Arkivuar 2014-02-21 tek Wayback Machine
  6. ↑ Magani largohet nga Teuta, vjen Sorrentino Arkivuar 2014-02-27 tek Wayback Machine
  7. ↑ Daja trajner i Teutës, shkarkohet Sorrentino Arkivuar 2014-03-03 tek Wayback Machine

Lidhje të jashtme

[Redakto | Redakto nëpërmjet kodit]
Marrë nga "https://sq.wikipedia.org/w/index.php?title=KF_Teuta_Durrës&oldid=2889438"