Javier Zanetti

Nga Wikipedia, enciklopedia e lirë
Shko te: navigacion, kërko
Javier Zanetti
Javier Zanetti FC Internazionale 3.jpg
Zanetti në një konferencë për shtyp.
Të dhënat personale
Emri i plotë Javier Adelmar Zanetti
Data e lindjes 10 Gusht 1973 (41 vjeçar)
Vendi i lindjes Buenos Aires, Argjentinë
Gjatësia 1.78 [1]
Pozita ne fushë Mbrojtës / Mesfushor
Informacionet për klubin
Klubi aktual Tërhqur
r
Karriera profesioniste*
Vitet Klubi Ndesh. (Gls)
1991–1992 Talleres 33 (1)
1992–1995 Banfield 66 (4)
1995–2014 Internazionale 615 (12)
Gjithsej 714 (17)
Kombëtarja
1996 Argjentina U–23 12 (0)
1994–2011 Argjentina 145 (5)
* Ndeshjet dhe golat në nivelin profesionist, vetëm në ligën vendase deri në daten 20 Maj 2014.

† Ndeshje (Gola).

‡ Ndeshjet dhe golat në kombëtare deri më 20 Maj 2014

Javier Adelmar Zanetti (lindur më 10 Gusht 1973Buenos Aires, Argjentinë) është një ish futbollist argjentinas që e ka shpenzuar shumicën e karrierës në Serie A me skuadrën italiane Inter. Zanetti ka qënë lojtar i Interit që nga viti 1995, dhe ka qënë kapiten që nga 29 Gusht 1999 e deri në ditën ku u tërhoq nga futbollit. Ai njihej për aftësinë e tij, saktësinë dhe besnikërinë ndaj skuadrës, por edhe për aftësitë e tij për të luajtur në pozicione në mesfushë dhe në mbrojtje në krahun e majtë dhe të djathtë. Në mesfushë, Zanetti mund të luante edhe në qëndër, por edhe si mesfushor–mbrojtës. Pozicioni i preferuar i tij është mesfushor i dhjathtë [2].

Zanetti njihet si "Pupi"Argjentinë, ai ka lindur në Buenos Aires dhe mori pseudonimin "El Tractor" (Traktori) më vonë pasi u transferua në Itali, duke treguar forcë, aftësi, teknikë, shpejtësi dhe inteligjencë [3] . Në kombëtare, Zanetti ka luajtur më shumë si mbrojtës i dhjathtë dhe kishte mundësi që të shkonte në sulm dhe mbrojtje lirisht.

Zanetti ka fituar 5 Serie A dhe fitoi pseudonimin "Il Capitano" (Kapiteni). Këtë pseudonim, Zanetti e fitoi që kur u bë kapiten në 1999. Që nga sezoni 2011–12 e deri në sezonin 2012–13, Zanetti ka qënë i vetmi kapiten jo-italian në Serie A. Ai është lojtari me më shumë ndeshje me Interin, ai ka luajtur 858 ndeshje dhe është lojtari i parë jo-italian që ka luajtur më shumë ndeshje për këtë skuadër. Zanetti është nderuar me çmimin FIFA 100, Albo d'Oro për besnikërinë e tij dhe shëmbullin që jep në fushën e lojës.

finalen e UEFA Champions League 2010 më 22 Maj në Madrid, Zanetti luajti ndeshjen e tij të 700 me skuadrën, dhe fitorja në finale bëri që skuadra dhe Zanetti të kompletonin tripletën historike. Ai gjithashtu shënoi më 20 Tetor 2010 kundër anglezëve të Tottenham Hotspur, duke u bërë lojtari më i vjetër që shënon në një ndeshje të UEFA Champions League në moshën 37 vjeç e 71 ditë. Ky rekord më vonë u thye nga Filippo Inzaghi dhe Ryan Giggs.

Javier Zanetti ka debutuar me Argjentinën në vitin 1994, dhe që nga ajo kohë, ka luajtur 145 ndeshje duke u bërë lojtari me më shumë ndeshje në historinë e kombëtares. Ai ka luajtur në 2 Kupa Bote: 1998 dhe 2002. Ai gjithashtu ka luajtur edhe në lojërat olimpike në 1996. Zanetti ka luajtur në pesë edicione të Copa América: 1995, 1999, 2004, 2007 dhe 2011.

Jeta e herëshme[redakto | redakto tekstin burimor]

Javier Adelmar Zanetti lindi në Buenos AiresArgjentinës nga Violeta Bonnazola dhe u rrit në një port të rrethit Dock Sud. Zanetti në një njëjtën kohë shkonte edhe në shkollë, por edhe punonte duke ndihmuar babain e tij që punonte murator. Ai gjithashtu shpërndante edhe qumështin duke punuar gjithashtu edhe një nje dyqan ushqimor që e kishte në pronësi kushëriri i tij. Ai filloi duke luajtur futboll në periferi të qytetit kur kishte kohë të lirë[4].

Karriera[redakto | redakto tekstin burimor]

Tallares RE[redakto | redakto tekstin burimor]

Zanetti e filloi karreirën e tij si profesionist më 22 Gusht 1992 me skuadrën e Tallares gjatë ndeshjes së javës së tretë së divizionit të dytë kundër Atlético Central Córdoba, ku ai hyri në minuten e 80 duke zëvëndësuar Migel Angel Fretes në fitoren 2–1. Ai debutoi si titullar me 12 Shtator në barazimin e Tallares 0–0 kundër Ituzaingó në fushën e kësaj të fundit. Ai shënoi Golin e tij të parë me Tallares më 20 Mars 1993 në ndeshjen kundër Arsenal de Sarandí që përfundoi 1–1. Në sezonin e vetëm që Zanetti luajti me Tallares numëronte gjithsej 33 paraqitje. Pas kësaj, ai u transferua te skuadra e divizionit të parë Banfield.

Banfield[redakto | redakto tekstin burimor]

Në verën e 1993, Zanetti u transferua në ligën më të lartë në Argjentinë te skuadra e Banfield për 160,000 $. Të dy trajnerët Oscar Lopez dhe Oscar Cavallero i vendosën atij fanellën me numrin 4. Ai filloi karrierën e tij me skuadrën e re kundër River Plate më 12 Shtator 1993, ndeshja përfundoi 0–0.

Zanetti e mbylli sezonin e tij të parë me Banfield duke luajtur 37 ndeshje ku shënoi edhe 1 Gol. Golin e tij, Zanetti e shënoi më 29 Shtator në barazimin 1–1 të Banfield kundër Newell's Old Boys. Ai u thirr nga Argjentina pas paraqitjeve të mira me fanellën e Banfield. Zanetti pati një sezon të dytë impresionues duke luajtur 29 ndeshje dhe shënuar 3 Gola. Goli i parë erdhi më 23 Tetor 1994 në fitoren 3–0 të Banfield kundër Independiente, Goli i dytë erdhi më 29 Nëntor në barazimin 1–1 midis Banfield dhe Deportivo Textil Mandiyú dhe Goli i tretë erdhi më 2 Prill 1995 në fitoren 4–1 të Banfield kundër Argentinos Juniors.

Zanetti ishte një nga lojtarët më në formë të Argjentinës dhe u bë zyrtarisht lojtar i tyre. Gjatë Kupës së Mandelës ku Zanetti po luante me kombëtaren, mori veshë lajmin se skuadra italiane Inter po interesoheshe për të. Interi kishte dërguar një vëzhgues për të parë Zanettin në fushën e lojës. Vëzhguesi ishte Antonio Angelillo që gjithashtu ishte edhe një ish–lojtari i skuadrën zikaltër. Antionio Angelillo ishte në kërkim të lojtarëve argjentinas si Ariel Ortega. Më pas presidenti Massimo Moratti kërkonte më çdo kusht lojtarin argjentinas. Moratti gjithashtu pa talentin, fizikun, mentalitetin dhe driblimet e tij në një vidjo kasetë gjatë Lojërave Olimpike 1995 ku Zanetti luante me kombëtaren. Presidenti italian e bleu Zanettin më 13 Maj 1995.

Inter[redakto | redakto tekstin burimor]

Zanetti gjatë stërvitjes

Si pjesë e skuadrës për 19 vite me 858 paraqitje në të gjitha kompedicionet, ai është momentalisht lojtari që ka qëndruar më shumë në klub, dhe lojtari me më shumë ndeshje – duke kaluar Giuseppe Bergomi me 758.

Gjatë qëndrimit të tij te klubi, ai fitoi 16 trofe, ku 15 prej tyre i fitoi si kapiten: the Kupën UEFA Cup1998, Kupën e Italisë në 2005, 2006, 2010 dhe 2011, Supercoppa Italiana në 2005, 2006, 2008 dhe 2010, Scudetton2005–06, 2006–07, 2007–08, 2008–09 dhe 2009–10 dhe 2009–10 UEFA Champions League.

Zanetti qëndroi plot 12 vite pa dalë nga fusha e lojës me karton të kuq. Hera e parë që ai doli jashtë me karton të kuq ishte më 17 Shkurt 1999 në një ndeshje të Kupës së Italisë kundër Parmës, por e prishi rekordin e tij në një ndeshje të Serie A kundër Udineses më 3 Dhjetor 2011. Këto kanë qënë të dy rastet e vetme kur ai ka marrë karton të kuq gjatë gjithë karrierës së tij te Inter.

Te Inter, Zanetti ka pasur 19 trajnerë të ndryshëm (lista), duke u bërë lojtari i parë që ka luajtur nën udhëheqjen e kaq shumë trajnerëve. Ai gjithmon i ka premtuar tifozëve Nerazzurri se e ardhmja e tij do të jetë te Inter, duke shprehur dëshirën për t'u tërhequr nga futbolli si lojtar i Interit. "Interi do të thotë shumë për mua," ka thënë Zanetti"

Ishte skuadra e parë që më hapi dyert e futbollit europian. Isha shumë i ri kur erdha këtu dhe nuk e mendoja se klubi do të kishte kaq shumë besim te një djal 20 vjeçarë. Unë gjithmonë do të jem mirënjohës për këtë. Për disa arsye unë jam ndjerë gjithmonë si në shtëpi dhe kjo është arsyeja pse unë nuk kam menduar për të lënë Interin.[5]

Karriera e herëshme[redakto | redakto tekstin burimor]

Zanetti erdhi te Interi më 28 Korrik 1995. Ai ishte i panjohur në Itali dhe pa eksperiencë. Ai erdhi i vetëm në Milano me vetëm një 1 çantë ushqimesh dhe vetëm 2 gazetarë i uruan mirëseardhjen. Ai me pas shkoi në qendrën stërvitore të skuadrës.

Ai debutoi më 27 Gusht 1995 në San Siro kundër VicenzaSerie A në fitoren e Inter 1-0 falë Golit të Roberto Carlos që gjithashtu debutonte. Zanetti shënoi Golin e tij të parë me Interin më 3 Dhjetor 1995 në San Siro kunder Cremoneses.

Zanetti e mbylli sezonin e tij të pare te Inter me 32 ndeshje në Serie A dhe 2 Gola, 5 ndeshje ne Kupën e Italisë dhe 2 ndeshje ne Europë me klubin që nuk arriti dot te fitonte asnje trofe.

Sezoni i parë që luajti Zanetti te Inter e bëri atë një titullar të padiskutueshem. Dalë nga dalë Zanetti bo beheshe një idhull për tifozerinë e Interit me lojën dhe impaktin që dhuronte në fushën e lojës. Zanetti gjatë këtyre muajve kishte shfaqur një vendosmëri, saktësi, talent, qëndrueshmeri dhe përkushtim për Interin. Inter në sezonin 1997–98 kishte humbur Serie A, por ishte në finalen e Kupës UEFA kunder Lazios. Zanetti shënoi ne fitoren e Interit 3–0 kundër Lazios në finale [6]. Zanetti shenoi Golin e dytë të ndeshjes me një goditje fantastike që përfundoi në trekëndësh dhe kjo gjë solli trofeun e tij të parë me Zikaltrit. Në sezonin 1996–97 Zanetti luajti 50 ndeshje dhe shënoi 4 Gola, kurse në sezonin 1997-98, Zanetti luajti 41 ndeshje dhe shënoi 2 Gola.

Në sezonin 1998–99 Inter beri nje seri blerjesh si Roberto Baggio i cili u be shoku me i ngusht i Javier Zanettit. Zanetti nuk fitoi dot trofe sepse Inter u eleminua nga Manchester United me rezultatin 4–0 ne Champions League. Gjithsesi trajneri Hodgson udhehoqi Interin deri ne vendin e tretë në Serie A që do të thoshte se ata do të luanin në Champions League sezonin tjetër.

Pasi u largua trajneri Hodgson, presidenti Moratti vendosi si trajner Marcello Lippin. Guiseppe Bergomi ishte kapiten i skuadres kurse Zanetti ishte zevendesi. Pas 26 viteve me fanellen e Interit, Bergomi la karrieren e tij dhe Zanetti u bë kapiteni i skuadres, dhe beri debutimin e tij si kapiten me 29 Gusht 1999 në fitoren 3-0 te Inter kunder Hellas Verona. Inter e mbylli sezonin e Serie A në vendin e katërt me pikë të barabata me Parmen dhe u detyrua të luante në play-off në UEFA Champions League, gjithashtu arriti deri në finale të Kupes se Italise kundër Lazios ku Inter humbi. Më vonë u zbulua se Zanetti ishte pranë nënshkrimit me Real Madrid para se të merrte shiritin e kapitenit [7]. .

Sezoni 2000–01 filloi keq për Zanettin sepse ai perpara fillimit të sezonit pësoi një dëmtim në muskulin e kembës së majtë, gjë që e detyroi të mos luante ndeshjet e para në Serie A. Inter u eleminua përpara kohe nga Champions League nga skuadra suedeze Helsingborgs dhe humbi Superkupën Italiane kundër Lazios, gjë që çoi trajnerin Marcello Lippi të jepte dorëheqjen dhe në vend të tij erdhi ndihmesi Marco Tardelli që e kualfikoi klubin në Kupën UEFA.

Nën drejtimin e trajnerit të ri Hector Cuper [8], patrioti i tij Javier Zanetti ishte lojtari kyç i projektit të tij për klubin Zikaltër.

Inter u eleminua nga Kupa UEFA në gjysmë–finale nga Feyenoord, kurse Serie A e humbën në javën e fundit më 5 Maj sepse Inter u mund nga Lazio me rezultatin 4–2 kurse Juventus fitoi kundër Romës.

Më 24 Prill, Zanetti mori Topin e Argjendë që dhuroheshe çdo vit nga presidenti i bashkimit të sportit dhe shtypit italian. Presidenti tha se Zanetti e meritoi plotësisht këtë trofe personal sepse udhëhoqi Interin gjatë gjithë sezonit [9].

Në sezonin 2002–03, Inter perfundoi sezonin në Serie A në vendin e dytë prapa rivalëve të Juventusit të cilët i kishte mundur balle për ballë në raundin e dytë në Stadio Della Alpi. Në Champions League, Inter u kualfikua në gjysme-finale pas 25 vitesh, ku u ndesh kundër rivalëve të Milan të cilët i mundën në të dyja gjysmë-finalet. Në fund të ndeshjes së kthimit ku Interi humbi Javier Zanetti nuk i mbajti dot emocionet dhe shpertheu në lot.

Në sezonin 2003–04 Inter e përfundoi sezonin në Serie A në vendin e katërt që do të thoshte se mund të luante në play-off në Champions League. Zikaltrit u eleminuan në Champions League që në fazën e grupeve në vendin e tretë, kurse në Kupën UEFA u eleminua në çerek–finale nga francezët e Marseille.

Nën drejtimin e trajnerit të ri Roberto Mancini, Javier Zanetti luajti shumë ndeshje. Skuadra ishte revolucionuar tërësisht nga pikëpamja teknike e taktike. Inter e mbylli sezonin ne vendin e tretë, dhe Seria A skandali i vitit 2006 u zbulua një vit më vonë. Në Champions League, ata u eleminuan në çerek–finale.

Trajneri Mancini e shfytëzoi këtë gjëndje dhe i solli Interit një seri trofeshë të shumta, duke nisur me fitimin e Kupës së Italisë pas 7 vitesh. Në 2005, Zanetti fitoi trofeun e tij të parë si kapiteni i skuadrës e cila ishte Kupa e Italisë. Por Zanetti nuk ishte në finale pasi ishte i zënë me detyra kombëtare dhe trofeun e ngriti zevendes-kapiteni Iván Córdoba [10].

Lëvizja në mesfushë[redakto | redakto tekstin burimor]

Sezoni 2005–06 filloi në mënyrën më të mirë të mundëshme për Interin, pasi më 20 Gusht ata mposhtën rivalët JuventusStadio Delle Alpi për trofeun e Supercoppa Italiana, e cila u fitua për herë të dytë nga Inter dhe për herë të parë nga Zanetti. Në Serie A, Inter e mbylli në vendin e tretë me 15 pikë larg kampionit Juventus, por për shkak të skandalit të trukimeve të ndeshjeve, Juventus ra në Serie B kurse Milanit i'u zbritën 30 pikë duke bërë që Inter të shpallej kampion. Me 26 Korrik 2006, Federata Italiane i dhuroi klubit Zikaltër titullin e 14-të në histori dhe të dytën në karrierën e Zanettit. Në Champions League, Inter u eleminua në cerek-finale nga Villarreal CF. Inter fitoi me rezultatin e pergjithshem 4-1 kunder Romës duke e fituar Kupen e Italisë për të dytën herë rradhazi dhe të dytën herë rradhazi kundër romaneve. Ky ishte trofeu i dytë i Kupës së Italisë për Zanettin.

Pas mbërritjes së Maicon në fillim të sezonit 2006–07, Zanetti lëvizi në mesfushë nga pozicioni i djathtë që kishte në mbrojtje. Ky sezon filloi me trofe për Interin pasi ata fituan Superkupën e Italisë duke mundur Romën 4-3 pas kohës shtesë. Më 27 Shtator 2006, kundër Bayern Munich, Zanetti luajti ndeshjen e tij të 500 zyrtare me Interin dhe më 22 Nëntor 2006 [11], ai luajti ndeshjen e tij të 100 në kompedicionet europiane kundër Sporting Clube de Portugal [12].

Në ligë, ata u shpallën kampionë në Artemio Franchi në Siena. Inter vendosi rekord pasi e fitoi ligën me plot 97 pikë, duke vendosur një rekord botërorë, ky rekord u thye nga rivalët e Juventus në sezonin 2013–14 me 102 pikë [13]. Inter vendosi një tjetër rekord duke fituar 17 ndeshje rradhazi në kampionat, dhe e mbylli atë më vetëm 1 humbje. Në Champions League, Inter u eleminua në raundin e parë nga skuadra spanjolle Valencia, edhe pse rezultati i të dy ndeshjeve ishte 2–2, Valencia u kualifikua për në raundin tjetër për shkak të rregullit të Golit jashtë fushe [14]. Në Kupën e Italisë, Inter arriti deri në finale, por u mund nga Roma me rezultatin e përgjithshëm 7–4 pas dy finaleve të luajtura.

Më 15 Maj 2007, Zanetti u nderua me çmimin e besnikërisë dhe ndershmërisë së tij sportive, ky çmim u morr në Chieti Prisco. Moratti thuri vetëm lëvdata për Zanettin, duke e cilësuar lider, simbol dhe kapitenin e kësaj skuadre. Ai gjithashtu tha se argjentinasi i jep forcë dhe e udhëheq skuadrën në momentet e vështira.

Zanetti gjatë sezonit 2006–07 luajti 50 ndeshje në të gjitha kompedicionet duke arritur të shënoj edhe 1 Gol, që erdhi më 5 Nëntor 2006 në fitoren 2–0 në San Siro kundër Ascolit. Ky ishte Goli i tij i parë pas plot 4 vitesh, pasi Goli i fundit që kishte shënuar ishte më 6 Nëntor 2002 në një ndeshje jashtë fushe kundër Empolit.

Inter e filloi sezonin e 100 të tyre duke humbur Superkupën e Italisë kundër Romës me rezultatin 1–0, por kampionati filloi si 1 vit më parë, me Interin në krye dhe Romëm në vendin e dytë. Ndeshja midis dy rivalëve erdhi më 27 Shkurt në San Siro, me Zanettin i cili u bë protagonistë duke shënuar Golin e barazimit me një goditje nga jashtë zone për të hequr avantazhin e "Giallorossëve". Pas kësaj, Roma ishte në gjëndje të rikuperonte shumë pikë, por Inter e fitoi titullin më 18 Maj në javën e fundit në Stadio Ennio Tardini pas fitores 2–0 kundër Parmës. Në Champions League, Inter u eleminua nga Liverpool me rezultatin e përgjithshëm 3–0 [15], në ndeshjen e parë e luajtur në Anfield, Zanetti ishte lojtari më i mirë në fushë për skuadrën e tij. Në Kupën e Italisë, Inter arriti në finale për herë të katërt rradhazi por u mund sërisht nga Roma me rezultatin 2–1.

Sezoni 2008–09 filloi për Interin më 24 Gusht me fitoren e Superkupës Italiane kundër Romës. Koha e rregullt sëbashku me shtesën përfunduan me rezultatin 2–2, me Interin që fitoi me penallti ku Zanetti shënoi penalltinë e fundit vendimtare [16]. Ky ishte trofeu i pare për trajnerin portugez José Mourinho i cili ishte drejtonte skuadrën për herë të parë. Në fund të ndeshjes, Zanetti tha: "Unë jam i kënaqur që kam shënuar penalltine vendimtare, kjo penallti kishte peshë të madhe. Kjo është hera e parë që unë gjuaj nje penallti, ndoshta jo të gjithë e dinë këtë. Për fat të mirë ajo shkoi në portë dhe na bëri të fitojë Superkupën e tretë në sezonet e fundit. Ai vazhdoi sezonin pozitiv duke luajtur ndeshjen e tij të 600 me Inter më 24 Shtator 2008 në fitoren 1–0 kundër skuadrës së sapongjitur Lecce. Edhe pse Zanetti është më shumë mbrojtës së mesfushor, ai luajti kyresisht në mesfushë gjatë pjesës së parë të sezonit 2008–09. Për disa javë deri në Tetor 2008, me trajnerin portugez José Mourinho i cili kishte hasur vëshirësi në mesfushë për shkak të dëmtimeve të mesfushorëve Esteban Cambiasso dhe Sulley Muntari, Zanetti u vendos në mesfushë për ndeshjet kundër Genoas dhe Fiorentinës. Gjatë kësaj periudhe, Mourinho e përdori Zanettin në mesfushë për shkak të prezencave të Maicon, Lúcio, Walter Samuel, dhe Cristian Chivu në mbrojtje. Inter fitoi Serei A tre jave përpara përfundimit të tij, kjo gjë erdhi pas humbjes së rivalëve të Milan kunder Udinese CalcioFriuli. Ky ishte titulli i katert rradhazi për klubin dhe u festua ditën tjeter ku Inter mundi 3-0 Sienën. Në Champions League, Zikaltrit u eleminua nga anglezët Manchester United me rezultatin e pergjithshem 2–0, ndeshja e parë në San Siro u mbyll 0–0 dhe në Old Trafford u mundën 2–0.

Më 22 Janar 2009, Zanetti fitoi çmimin "Kampion i Njerezve". Juria ishte e përbërë nga 14 gazetarë ndërkombëtarë të cilët e votuan argjentinasin për bamiresinë e tij dhe sterihimin e fëmijëve jetim argjentinas.

"“Ne menduam, tashmë Inter është në histori.”.

— Javier Zanetti, pas finales së Champions League në Madrid më 22 Maj 2010.

Sezoni 2009–10 filloi mirë për Zanettin dhe Interin, sidomos pas fitores shkatërrimtare 4–0 kundër rivalëve të qytetit AC MilanDerby della Madonnina. Në një ndeshje kundër Genoas më 17 Tetor, ai nisi kundër-sulmin që solli Golin e dytë pas një gabimit të një lojtari të Genoas, Inter fitoi ndeshjen 5–0 [17]. Inter u bë skuadra e parë e sezonit që fiton me pesë Gola avantazh. Më 24 Tetor, ai arriti rekordin e italianit Giacinto Facchetti me 476 ndeshje në Serie A pasi ai luajti si titullar në ndeshjen kundër Catanias, që përfundoi me fitoren e Zikaltërve 2–1. Ai gjithashtu është lojtari momental i Interit që ka luajtur më shumë ndeshje rradhazi me plot 149 në të gjitha kompedicionet [18]. Në ndeshjen e fundit në ligë, Inter duhej të fitonte kundër Sienës ose do të humbiste titullit pas fitores së Romës 2–0 kundër Chievos, Zanetti do të ishte protagonistë në këtë ndeshje pasi ai dhuroi assistin e Golit të shënuar nga patrioti i tij Diego Milito duke ndihmuar në fitimin e ndeshjes 1–0 dhe fitimin e titullit të 18 kampion dhe të pestin rradhazi.

Inter fitoi 2010 Finalen e UEFA Champions League 2–0 kundër gjermanëve të Bayern Munich më 22 Maj 2010. Kjo ishte paraqitja e 700 e tij në të gjitha kompedicionet me Interin, dhe u bë kapiteni i parë që fiton tripletë me një skuadër italiane; Scudetto, Coppa Italia dhe Champions League.

Vitet e tjera[redakto | redakto tekstin burimor]

Në ndeshjen e parë të sezonit 2010–11, Inter fitoi Superkupën e Italisë duke mundur Romën në finale 3–1 me Eto'o që shënoi dy herë dhe Pandev [19]. Ky ishte trofeu i parë nën drejtimin e trajnerit të ri Rafael Benítez i cili mori drejtimin e skuadrës në Qershor pas largimit të José Mourinho [20]. Më 20 Tetor 2010, Zanetti shënoi në fitoren 4–3 kundër anglezëve të Tottenham në ndeshjen e tretë të Grupit A në Champions League [21] [22]. Ky Gol e bëri Zanetti lojtari me moshë më të vjetër (37 vjeç e 71 ditë) që shënon në Champions League, më vonë ky rekord u thye nga Filippo Inzaghi dhe Ryan Giggs. Ky gjithashtu ishte Goli i tij i dytë që shënonte në Champions League që pas debutimit; i pari erdhi në Dhjetor 1998 në fitoren 2–0 kundër Sturm Graz. Në Dhjetor 2010, Inter udhëtoi për të luajtur në Botërorin e Klubeve që u luajt në Abu Dabi. Në gjysmë–finale kundër koreanëve të Seongnam Ilhwa Chunma, Zanetti shënoi Golin e dytë për skuadrën e tij duke kontribuar në fitoren 3–0 dhe duke i lejuar Interit të shkonte në finale [23]. Në finale kundër kongolezëve të TP Mazembe, Zanetti luajti 90 minuta në triumfin e Zikaltërve 3–0 [24]. Inter kompletoi The Quintuple, duke u bërë skuadra e katërt në botë pas Liverpool në 2001, Al-Ahly në 2006 & Barcelona në 2009.

Më 15 Janar 2011, në fitoren e Interit 4–1 kundër Bolognës nën drejtimin e trajnerit të ri Leonardo, Zanetti barazoi rekordin e ish–kapitenit Giuseppe Bergomi për numrin e ndeshjeve në Serie A [25]. Ai e theu këtë rekord katër ditë më vonë në ndeshjen kunder Cesenës duke luajtur ndeshjen e 520 në Serie A [26]. Zanetti luajti ndeshjen e tij të 1000 në karrierë në ndeshjen e kthimit të gjysmë–finales së Kupës së Italisë më 11 Maj kundër Romës ku Inter barazoi 1–1. Nga këto 1000 ndeshje, Zanetti ka luajtur 633 në kampionate, 63 në kupa, 143 në kupat ndërkombëtare, 9 në kupa të tjera, 12 me kombëtaren U–23 dhe 145 me kombëtaren e parë [27] [28]. Disa ditë më vonë më 29 Maj, Inter fitoi 3–1 kundër Palermos në finale, ku gjithashtu fituan edhe trofeun për 150 vjetorin e Kupës së Unitetit të Italisë, një trofe që u dhurua vetëm në atë sezon dhe që u ngrit në qiell nga Materazzi [29].

Zanetti në sezonin 2011-12.

Nën drejtimin e trajnerit të ri Gasperini, Inter nisi sezonin 2011–12 duke humbur Superkupën e Italisë 2–1 kundër rivalëve të Milan [30].

Në javen e katërt në Serie A, më 20 Shtator 2011, në ndeshjen kundër Romës, Zanetti luajti ndeshjen e tij të 756 me Zikaltrit duke barazuar rekordin e legjendës së Guiseppe Bergomi [31]. Ai e theu rekordin në ndeshjen e rradhës më 24 Shtator në fitoren 3–1 kundër Bolognës. Katër ditë më vonë, Zanetti festoi thyerjen e rekordit të Bergomit për ndeshjet e luajtura në një festë në Martini Terrazza në Milano. Më 10 Tetor 2011, gjatë ceremonisë së 2011 Golden Foot, që u fitua nga Ryan Giggs, Zanetti u nderua si legjendë argjentinase dhe e botës së futbollit [32].

Më 27 Shtator 2011, në fitoren 3–2 jashtë fushe kundër rusëve të CSKA, Zanetti luajti ndeshjen e tij të 78 si kapitenChampions League duke thyer rekodin e Maldinit me 77 ndeshje [33]. Më 3 Dhjetor, në humbjen kundër 1–0 UdinesesSan Siro, ai u përjashtua nga fusha par dy kartonave të verdhë të dhëna nga gjygjtari Andrea Gervasoni [34]. Ky ishte kartoni i tij i parë me fanellën e Interit dhe i dyti në karrierën e tij; të parën e mori më 17 Shkurt 1999 në humbjen 0–2 nga Parma në gjysmë–finalen e Kupës së Italisë, ku ai u nxorr jashtë nga gjygjtari Stefano Braschi në minutën e 78.

Zanetti dhe Inter e nisën sezonin 2012–13 në raundet kualifikuese të Europa Leagues. Më 23 Gusht 2012, Zanetti luajti ndeshjen e tij të 800 me Interin në të gjitha kompedicionet në ndeshjen jashtë fushe kundër rumunëve të Vaslui [35]. Nga këto 800 ndeshje, Zanetti kishte luajtur 570 në Serie A, 66 në Kupën e Italisë, 151 në kompedicionet europiane dhe 13 në kompedicione të tjera. Përpara fillimit të ndeshjes, ish shoku i skuadrës Iván Córdoba, i dhuroi atij një fanellë me numrin 800 dhe gjatë ndeshjes Zanetti kishte shirin e kapitenit që lexonte "Inter-Javier Zanetti, 800 histori dashurie sëbashku" [36].

Zanetti duke festuar fitoren kundër Juventusit

Më 7 Tetor 2012, në derbin kundër rivalëve të Milan që përfundoi me fitoren 1–0, Zanetti luajti derbin e tij të 45 duke lënë mbrapa Bergomin me 44 derbi dhe duke u bërë lojtari i Interit me më shumë ndeshje dhe lojtari i dytë pas Maldinit me më shumë derbi të luajtura [37]. Disa javë më vonë, më 3 Nëntor, ai luajti derbin e 38 kundër Juventusit duke kontibuar në fitoren 3–1 jashtë fushe, kjo ishte një nga ndeshjet më të mira për Zanettin duke qënë një nga më të mirët në fushë [38].

Më 3 Shkurt 2013, në humbjen 3–1 kundër Sienës, Zanetti luajti ndeshjen e tij të 592 në Serie A duke barazuar rekordin e Gianluca Pagliuca [39], dhe e theu atë fundjavën tjerë në fitoren 3–1 kundër Chievo Veronës. Zanetti vazhdoi rekordet duke luajtur ndeshjen e 600 në Serie A më 10 Mars në humbjen 1–0 në shtëpi kundër Bolognës duke u bërë lojtari i dytë me më shumë paraqitje në Serie A duke qëndruar vetëm mbrapa legjendës italiane Maldini [40]. Pas kësaj, Serie A TIM e uroi kapitenin në faqen e saj zyrtare në Facebook duke shkruajtur: "Në momentet më të mira, por edhe në ato të errëta, ai ka qënë gjithmonë atje për Interin e tij. Për herë të 600 në Serie A pasi zbriti bashkë me atë fanelle që i ka dhënë gjithmonë gjithçka, duke luftuar në frymën e fundit. Urime për kapitenin Javier Zanetti, flamuri i Interit dhe simbol i atyre vlerave të vërteta që na bëjnë te duam futbollin."

Më 21 Prill 2013, në fitoren kundër Parmës 1–0 në San Siro, Zanetti luajti ndeshjen e tij të 1100 në të gjithë karrierën, duke u bërë lojtari i katërt në historinë e futbollit me më shumë ndeshje [41].

Me 28 Prill 2013, në humbjen e Interit 1-0 kundër Palermos, Zanetti pësoi një dëmtim të rëndë në thembrën e këmbës së tij të majtë [42] [43]. Hera e fundit ku Zanetti ishte dëmtuar në një ndeshje ishte ndeshja sërisht kundër Palermos më 22 Prill 2012, ku ai mori një dëmtim sërisht në kembën e majtë. Zanetti u operua më 30 Prill 2013 në spitalin San Matteo Policlinico që është spitali më i mirë në Itali. Përsoni që e operoi Zanettin ishte profesor Franco Benazzo nën mbikqyrje të doktor Franco Combi që është mjeku i Interit. Pas operacionit, Zanetti pritej të rikthehej në fushën e lojës pas 6 muajsh. Kjo ishte hera e parë në karrierën e tij që pësonte një dëmtim të tillë.

Më 12 Qershor 2013, presidenti i klubit Massimo Moratti, konfirmoi se kishte rinovuar kontratën me Zanettin [44]. Ai rinovoi kontratën e tij deri në vitin 2014. Sëbashku me të rinovoi edhe për 1 vit kontratën edhe mbrojtësi tjetër argjentinas Wálter Samuel. Pas rinovimit të kontratës Javier Zanetti nëpermjet një lidhje telefonike me inter.it tha:

“Para së gjithash dua të falenderoj shoqërine për besimin që me ka dhënë. Kemi folur gjatë për dëmtimin dhe kemi vendosur të bëjme një tjetër vit bashkë. Kanë treguar edhe një herë se besojnë tek mua dhe në pasionin tim për Interin. Shpresoj të kem mundësi ta paguaj në fushe këtë demonstrim dashurie dhe respekti në drejtimin tim. Falenderoj shumë tifozët që në keto javë me kanë bërë të ndjej dashurinë e tyre dhe të njejten gjë kanë bërë me skuadrën, duke treaguar në këto ditë të para të fushatës të abonimeve, se duan te na qëndrojnë pranë edhe sezonin e ardhshëm. Po bëj gjithcka të rikuperohem shpejt dhe të jem në dispozicion të trainerit dhe shokëve te mi.“

Zanetti nuk mori pjesë në stërvitjen e parë të skuadrës për sezonin e ri 2013–2014, sepse Zanetti është në Argjentinë për tu shëruar nga demtimi që pësoi. Kjo ishte hera e parë në 19 vite që Inter nis stervitjen e parë të sezonit pa kapitenin Javier Zanetti. Zanetti në një interviste tha: "Ka gjithmon një herë të parë, jam pothuajse i shëruar, mund të eci shum mirë".

Në një tjetër intervistë nga Inter Channel, Zanetti tha se ai do të rikthehej në fushat e lojës në muajin Nëntor, gjithashtu Zanetti tha se e kishte nisur stërvitjen që në muajin Korrik, ku skuadra e tij ishte në Shba për turin parasezonal të sezonit 2013–14.

Zanetti ishte për herë të parë në stol për sezonin 2013–14 më 3 Nëntor në ndeshjen kundër Udineses më 3 Nëntor, Inter fitoi me rezultatin 0–3. Zanetti luajti ndeshjen e parë pas 7 muajsht më 9 Nëntor në fitoren e Interit 2–0 në San Siro kundër Livornos, ai hyri në fushë në minutën e 82 dhe në minutën e 90 krijoi aksionin e dytë të Golit i cili u shënua nga Nagatomo [45] [46] [47].

Më 29 Prill 2014, presidenti i ri Erick Thohir lajmëroi se Zanetti do të tërhiqet në fund të sezonit 2013–14, dhe do të marri një rol drejtuesi në klub [48]. Më 6 Maj 2014, ishte vetë Zanetti që lajmëroi se në fund të sezonit do të tërhiqet nga futbolli [49]. Ndeshja e tij e fundit në San Siro ishte fitorja 4–1 kundër Lazios më 10 Maj 2014 [50] [51]. Ai hyri në fushë në minutën e 52 në vend të Jonathan dhe veshi një shirit special në krah ku ishin shkruajtur të gjitha emrat e lojtarëve më të cilët ai kishte luajtur gjatë karrierës së tij te Inter [52]. Ai u tërhoq pas ndeshjes së fundit të sezonit, ku ai e filloi si qëndër mbrojtës në humbjen 2–1 jashtë fushe kundër Chievos më 18 Maj [53].

Kombëtarja[redakto | redakto tekstin burimor]

Zanetti duke luajtur me kombëtaren në 2011

Pas dështimit në Kupës së Botës që u zhvillua në 1994Shba, Argjentina duhej rindertuar plotësisht. Në Nëntor 1994, pas ndeshjeve te mira me fanellen e Banfield, trajneri i asajkohe i kombëtares, Daniel Passarella, e thirri për herë të parë në kombetare Zanettin në moshën 21 vjeçare.

Ai bëri debutimin e tij me Argjentinën më 16 Nentor 1994 në një ndeshje kundër Kilit që përfundoi me rezultatin 3–0 për Albicelestet. Pas ndeshjes së parë debutuese, Zanetti luajti edhe 2 ndeshje të tjera miqësore kundër Rumanisë dhe Jugosllavisë, të dy të përfunduar me fitoren e Argjentinës me rezultatet 1–0.

Argjentina u kualifikua në Kupën e Botës me 43 pikë në 18 ndeshje. Zanetti luajti në të gjitha ndeshjet kualifikuese. Ai u thirr gjithashtu nga trajneri Marcelo Bielsa për të luajtur në Kupën e Botës në vitin 2002 qe u mbajt ne Kore dhe Japoni.

Ndeshja e parë e Kupës së Botës për Zanettin ishte kunder Nigerisë ku Argjentina fitoi 1–0 me Golin e sulmuesit Batistuta. Pas ndeshjes Zanetti tha se fitorja erdhi nga durimi dhe cilësia e skuadrës. Me 7 Qershor, Argjenina u ndesh me Anglinë ku humbi me rezultatin 1–0. Pas humbjes 1–0 kundër dhe barazimit 1–1 kundër Suedise, trajneri Marco Bielsa e ndryshoi skuadrën duke lënë jashtë fushave të lojës Zanettin.

Zanetti luajti ndeshjen e tij të parë si kapiten për kombëtaren më 7 Qershor 2003 në ndeshjen e Kupës Kirin kundër Japonisë. Në atë ndeshje, Zanetti shënoi edhe Gol. Tre Dite pasi Zanetti kishte luajtur për herë të parë si kapiten, Argjentina fitoi sërisht 1–0, këtë herë kunder Koresë së Jugut.

Zanetti u thirr nga Bielsa për 2004 Copa América që zhvilloheshe në Peru. Në atë vit, kombetarja kishte vetëm lojtar me eksperiencë dhe Zanetti ishte njëri prej tyre pasi kishte 10 vjet që luante me kombetaren. Argjentina arriti deri në finale kundër Brazilit, por humbi 4–2 me penallti, pasi koha e rregullt dhe shtesa përfunduan me rezultatin 2–2.

Zanetti u thirr nga Pekerman për të luajtur në 2005 Kupën e Konfederatave që u luajt në Gjermani. Zanetti luajti në të gjitha ndeshjet e kombëtares së tij duke shfaqur një lojë të mirë. Argjentina arriti deri në finale ku u mund nga Brazili me rezultatin 4–1. Në atë ndeshje, Zanetti ishte lojtari me i mirë për kombëtaren e tij. Zanetti festoi ndeshjen e tij të 100 me kombëtaren në gjysmë–finale kundër Meksikës, ku ai u shpall "lojtari i ndeshjes" [54].

Më 9 Tetor 2004, në raundin e nëntë të kualfikueseve të Kupës së Botës 2006 kundër Uruguajit, Zanetti shënoi Golin e tretë për skuadrën e tij duke kontribuar në fitoren 4–2. Pavarësisht se luajti në ndeshjet kualifikuese, Zanetti nuk u thirr nga trajneri José Pekerman për të luajtur në Kupën e Botës 2006 për arsye të diskutueshme [55]. Në vend të tij u thirr në mënyrë surprizë Lionel Scaloni, duke sjellë revoltën e shumë tifozëve dhe mediave.

Me trajnerin e ri Alfio Basile, Zanetti u thirr për ndeshjen miqësore kundër Francës më 7 Shkurt 2007. Ai luajti mjaf mirë duke ndihmuar sulmuesin Javier Saviola të shënojë Golin e vetëm të ndeshjes që i dha Argjentinës fitoren e parë nën drejtimin e Basiles [56]. Në të njëjtin vit, Zanetti ishte zëvëndës-kapiteni i skuadrës së Argjentinës në Copa América 2007, ku Zanetti do të luante për herë të katërt pas edicioneve të 1995, 1999 dhe 2004.

Në 2007, Zanetti u nderua me çmimin National Giuseppe Prisco [57]. Pas tërheqjes së mbrojtësit Roberto Ayala, Zanetti i'u dhurua shiriti i kapitenit. Në një ndeshje kualifikuese të Kupës së Botës më 17 Nëntor 2007, ai u bë lojtari me më shumë ndeshje i kombëtares [58]. Zanetti mbeti titullar nënë drejtimin e trajnerit të ri Diego Maradona, edhe pse mesfushor-mbrojtësi Javier Mascherano mori shiritin e kapitenit pas kërkesës së Maradonës [59]. Pavarësisht se fitoi Champions Leaguen në nivel klubesh, Zanetti dhe shoku i tij te Inter Esteban Cambiasso nuk ishin të përfshirë nga Maradona për të luajtur në 2010 Kupën e Botës. Kjo zgjedhje u kritikua ashpër nga ekspertët e futbollit si nga Amerika e Jugut ashtu edhe në Europë. Në vend të tij u thirr 30 vjeçari Ariel Garcé, i cili ishte thirrur vetëm dy herë kombëtare në pesë vitet e fundit [60], duke sjellur një përzgjidh shokues, por ai nuk luajti asnjë ndeshje gjatë Kupës së Botës. Vendi i Zanettit në formacionin startues u mor nga Jonás Gutiérrez, i cili e kishte kaluar sezonin e shkuar duke luajtur anësor te Newcastle United në divizionin e dytë anglez [61].

Më 20 Gusht 2010, trajneri i ri i kombëtares Sergio Batista e rithirri Zanettin për ndeshjen miqësore kundër Spanjës që u luajt më 7 Shtator 2010 në River Plate Monumental Stadium, ku ai dhe legjenda tjetër Gabriel Batistuta u nderuan nga Shoqata Argjentinase e Futbollit për kontributin e tyre në kombëtare në mes të 48,000 mij tifozëve që i dhanë atyre një duartrokitje në këmbë [62]. Ai u thirr sërisht në kombëtare për ndeshjen miqësore kundër Japonisë në Tetor 2010 por u tërhoq në minutën e fundit për shkak të një dëmtimi të lehtë [63].

Ai ishte një pjestar i skuadrës së Argjentinës në 2011 Copa América, duke luajtur si titullar në të katërta ndeshjet e skuadrës.

Golat me Kombëtaren[redakto | redakto tekstin burimor]

Lista e Golave dhe rezulatet me Argjentinën.
# Data Vendi Kundershtari Goli Rezultati Kompedicioni
1. 22 Qershor 1995 Estadio Malvinas Argentinas, Mendoza Flamuri Sllovakia 3–0 6–0 Ndeshje Miqesore
2. 14 Maj 1998 Estadio Mario Alberto Kempes, Cordoba Flamuri Bosnja dhe Hercegovina 2–1 3–1 Ndeshje Miqesore
3. 30 Qershor 1998 Stade Geoffroy-Guichard, Saint-Étienne Flamuri Anglia 2–2 2–2 Kupa e Botës 1998
4. 8 Qershor 2003 Stadiumi Osaka, Oskaka Flamuri Japonia 2–0 4–1 Kupa Krirn
5. 9 Tetor 2004 Estadio Monumental, Buenos Aires Flamuri Uruguaji 3–0 4–2 Kualifikueset e Kupës së Botës 2006

Ndeshjet dhe Golat[redakto | redakto tekstin burimor]

Ndeshjet dhe Golat.

Statistikat[redakto | redakto tekstin burimor]

Skuadrat[redakto | redakto tekstin burimor]

Statistikat janë redaktuar më 9 Nëntor 2013 [64].

Skuadra Sezoni Liga Kupa Kontinenti1 Tjetër2 Total
Ndeshje Gola Ndeshje Gola Ndeshje Gola Ndeshje Gola Ndeshje Gola
Talleres RE 1992–93 33 1 33 1
Total 33 1 33 1
Banfield 1993–94 37 1 37 1
1994–95 29 3 29 3
Total 66 4 66 4
Inter Milan 1995–96 32 2 5 0 2 0 39 2
1996–97 33 3 5 1 12 0 50 4
1997–98 28 0 4 0 9 2 41 2
1998–99 34 3 5 0 9 1 2 0 50 4
1999–00 34 1 8 1 1 0 43 2
2000–01 29 0 1 0 4 0 34 0
2001–02 33 0 1 1 10 1 44 2
2002–03 34 1 1 0 18 0 53 1
2003–04 34 0 5 0 12 0 51 0
2004–05 35 0 3 0 11 0 49 0
2005–06 25 0 5 0 8 0 1 0 39 0
2006–07 37 1 4 0 8 0 1 0 50 1
2007–08 38 1 4 0 8 0 1 0 51 1
2008–09 38 0 4 0 8 0 1 0 51 0
2009–10 37 0 4 0 13 0 1 0 55 0
2010–11 35 0 5 0 8 1 4 1 52 2
2011–12 34 0 2 0 8 0 1 0 45 0
2012–13 33 0 4 0 11 0 0 0 48 0
2013–14 12 0 1 0 0 0 0 0 13 0
Total 615 12 71 3 159 5 13 1 858 21
Karriera në total 714 17 71 3 159 5 13 1 957 26

1Kompedicionet kontinentale përfshijnë UEFA Champions League dhe Kupa UEFA
2Turnamente të tjera të përfshira janë Serie A play-off, Supercoppa Italiana, UEFA Super Kupa dhe FIFA Kupa e Botës për Klube

Kombëtarja[redakto | redakto tekstin burimor]

Reduktuar më 9 Korrik 2013

Kombetarja Argjentinase
Viti Ndeshje Gola
1994 3 0
1995 15 1
1996 6 0
1997 4 0
1998 9 2
1999 11 0
2000 7 0
2001 9 0
2002 6 0
2003 8 1
2004 14 1
2005 10 0
2006 0 0
2007 15 0
2008 11 0
2009 8 0
2010 2 0
2011 7 0
Total 145 5

Trofe[redakto | redakto tekstin burimor]

Skuadrat[redakto | redakto tekstin burimor]

Kombëtarja[redakto | redakto tekstin burimor]

Personale[redakto | redakto tekstin burimor]

  • FIFA 100
  • Kanditat për Skuadrën e Vitit në UEFA - 2003, 2007, 2008, 2009, 2010.
  • Kanditat për Skuadrën e Vitit në FIFA/FIFPro World XI - 2010.
  • Serie A Topi i Argjend - 2001-2002.
  • Cmimi Kombetar "Giuseppe Prisco" - 2007.
  • Cmimi Facchetti - 2012.
  • "Besnikëria dhe Kritikët" - 2013.
  • Albo d'Oro (Lista e Nderit) - 2010.
  • Sportisti Shembullor - 2012.

Rekorde[redakto | redakto tekstin burimor]

Javier Zanetti në verën e 2012

Rekordet janë redaktuar më 18 Maj 2014

Inter[redakto | redakto tekstin burimor]

  • Lojtari me më shumë paraqitje: 858
  • Lojtari me më shumë paraqitje në Serie A 615 + 3 ndeshje në play-off
  • Lojtari me më shumë paraqitje në Superkupën Italiane: 7
  • Lojtari jo-europian me më shumë paraqitje në kompedicionet europiane: 160
  • Lojtari me më shumë paraqitje në Champions League: 105
  • Lojtari me më shumë paraqitje rradhazi në Serie A: 137
  • Lojtari me më shumë paraqitje rradhazi në të gjitha kompedicionet: 162
  • Lojtari me më shumë paraqitje në Derby della Madonnina: 47
  • Lojtari më i vjetër që shënon në Champions League: 37 vjeç e 71 ditë
  • Lojtari më i vjetër që shënon në Kupën e Botës për Klube: 37 vjeç e 127 ditë
  • Lojtari me më shumë trofe si lojtari i Inter: 16
  • Kapiteni me më shumë trofe i Inter: 15

Argjentina[redakto | redakto tekstin burimor]

Jeta personale[redakto | redakto tekstin burimor]

Më 23 Dhjetor 1999, Javier Zanetti dhe Paula De la Fuente u martuan në Argjentinë pasi kishin shtatë vjet që ishin të lidhur. Ata u lidhën për herë të parë ku Zanetti ishte 19 vjeç dhe Paula 14 vjeç. Ata tashmë jetojnë në Como dhe kanë në pronësi një restorant të quajtur "El Gaucho" që ndodhet në Milano. Më 11 Qershor 2005, gruaja e Zanettit lindi një vajzë që quhet Sol Zanetti. Pas lindjes së fëmijes Zanetti tha: "Unë jam shumë i lumtur për këtë vajzë, e cila ka ardhur në jetën time. Kjo ishte një eksperiencë e bukur me gruan time. Vajza ime do të ketë të gjithë lumturinë ajo e meriton." Zanetti gjithashtu ka edhe dy djem Ignacio dhe Tomas. Ignacio ka lindur në vitin 2008 kurse Tomas ka lindur më 9 Maj 2009.

Zanetti është një katolik i devotshëm dhe gjithashtu një shok i ngusht i hollandezit Wesley Sneijder që gjithashtu e ka pasur shok skuadre tek Interi nga viti 2009 deri në vitin 2013. Zanetti e ka frymëzuar Sneijderin që të bëhet edhe ai katolik [65].

Zanetti ka dhe një vëlla më të madhë që quhet Sergio Zanetti që gjithashtu ka qënë futbollistë dhe ka luajtur si mbrojtës. Tani Sergio është trajner i Inter Primavera.

Leoni di Potrero[redakto | redakto tekstin burimor]

Javier Zanetti sëbashku me bashëkombasin dhe ish shokun u skuadrës Esteban Cambiasso kanë themeluar një shoqatë bamirësie për të ndihmuar fëmijet e vegjël të futbollit Argjentinës. Shoqata e bamirësisë quhet Leoni di Potrero. Zanetti në një intervistë për këtë bamirësi tha: "Nuk duhet në jetë gjithmonë vlerat në zemër të sportit, dhe kjo është ajo që ne kemi për të mësuar fëmijët" [66].

Fondacioni PUPI[redakto | redakto tekstin burimor]

Zanetti ka një fondacioni i cili ndihmon femijët e varfër në nevoj të Argjentinës. Ky fondacion është krijuar në vitin 2002. Ky formacion ndodhet në Buenos Aires që gjithashtu është edhe vendlindja e Zanettit. Ky fondacion mbështet nevojat jetike të fëmijëve: të ushqyerit, edukimit, shëndetit. Gjithashtu ky fondacion bashkëpunon me disa kompani të tjera.

Në vitin 2009, ky fondacion mori në pronësi më shumë se 1,000 fëmijë.

Referenca[redakto | redakto tekstin burimor]

  1. ^ Javier Adelmar Zanetti. goal.com. Vizituar në 30 Janar 2012.
  2. ^ tactical Formations. Football-Lineups.com. Vizituar në 25 Janar 2007.
  3. ^ Match Formations. Football-Lineups.com. Vizituar në 17 Janar 2007.
  4. ^ Not a hair out of place as Javier Zanetti hangs up his boots at Internazionale. The Guardian. 7 Maj 2014. Retrieved 20 Maj 2014. 
  5. ^ No place like home. UEFA (17 Nëntor 2006). Vizituar në 14 Mars.
  6. ^ "1997/98: Zamorano leads Inter success". UEFA. 1 Qershor 1998. Retrieved 2 Qershor 2014. 
  7. ^ How Javier Zanetti turned down Real Madrid. inside World Soccer. Vizituar në 13 Nëntor 2013.
  8. ^ Cuper come Herrera «Gañeremos todo y contra todos». Corriere della Sera (26 Korrik 2001). Vizituar në 2 Shkurt 2014.
  9. ^ Calcio: J. Zanetti il più sportivo, a lui il pallone d'argento. Adnkronos.com (23 Prill 2002). Vizituar në 2 Shkurt 2014.
  10. ^ Inter and Zanetti: 600 times together. inter.it. Vizituar në 14 Mars.
  11. ^ Zanetti completes 500 matches with Inter. Vizituar në 23 Maj 2014.
  12. ^ tactical Formations. Football-Lineups.com. Vizituar në 17 Janar 2007.
  13. ^ Ky Juventus perfekt, me një sezon rekord. Panorama Sport. Vizituar në 23 Maj 2014.
  14. ^ Valencia revival frustrates Inter. UEFA.com. Vizituar në 23 Maj 2014.
  15. ^ Late goals leave Liverpool in command. UEFA.com. Vizituar në 23 Maj 2014.
  16. ^ Inter Milan wins Italian Super Cup. International Herald Tribune (24 Gusht 2008). Arkivuar nga Origjinali në 14 Shtator 2008. Vizituar në 21 Tetor 2008.
  17. ^ Stanković stunner as Inter cruise. ESPN.FC. Vizituar në 23 Maj 2014.
  18. ^ South American Dispatch: Javier Zanetti Tempted Home From Italy By Banfield. goal.com. 16 Dhjetor 2009. Retrieved 23 Maj 2014. 
  19. ^ Benitez begins Inter reign with Supercoppa triumph. ESPN Soccernet (21 Gusht 2010). Vizituar në 9 Qershor 2014.
  20. ^ Rafael Benitez, welcome to Inter!. FC Internazionale Milano. 10 Qershor 2010. Retrieved 9 Qershor 2014. 
  21. ^ Inter hold off Tottenham fightback. UEFA.com. 20 Tetor 2010. Retrieved 9 Qershor 2014. 
  22. ^ Inter Milan 4 Tottenham 3. BBC Sport (20 Tetor 2010). Vizituar në 20 Tetor 2010.
  23. ^ FIFA Club World Cup UAE 2010. FIFA. Vizituar në 9 Qershor 2014.
  24. ^ TP Mazembe 0 - 3 Internazionale. ESPN Soccernet (18 Dhjetor 2010). Vizituar në 9 Qershor 2014.
  25. ^ Zanetti: "Amo la maglia nerazzurra". inter.it (15 Janar 2011). Vizituar në 9 Qershor 2014.
  26. ^ Inter-Cesena: 3-2, Eto'o-Milito, poi c'è Chivu. inter.it (19 Janar 2011). Vizituar në 9 Qershor 2014.
  27. ^ Zanetti: "Objektivi im: krenari dhe pasion". inter.it (10 Maj 2011). Vizituar në 9 Qershor 2014.
  28. ^ Zanetti arrin 1,000: "Unë dua të them se meritën e kanë tifozët e mi". inter.it (10 Maj 2011). Vizituar në 9 Qershor 2014.
  29. ^ Kupa Tim, Inter-Palermos: 3-1, nerazzurrët kampionë. inter.it (29 Maj 2011). Vizituar në 9 Qershor 2014.
  30. ^ Milan edge out Inter in Italian Super Cup. CNN (6 Gusht 2011). Vizituar në 9 Qershor 2014.
  31. ^ Calcio, Inter: Zanetti eguaglia Bergomi: 756 volte nerazzurri. Blitzquotidiano.it (18 Shtator 2011). Vizituar në 9 Qershor 2014.
  32. ^ Montecarlo: Zanetti tra le leggende del calcio. inter.it (10 Tetor 2011). Vizituar në 10 Qershor 2014.
  33. ^ Zárate winner gets Inter going at CSKA. Yahoo (27 Shtator 2011). Vizituar në 10 Qershor 2014.
  34. ^ Javier Zanetti’s first red card in 548 Serie A matches. Yahoo (3 Dhjetor 2011). Vizituar në 10 Qershor 2014.
  35. ^ Europa League Playoff 1st leg: FC Vaslui 0 - 2 Inter. ESPN (23 Gusht 2012). Vizituar në 12 Qershor 2014.
  36. ^ UEL, FC Vaslui-Inter: 800 per capitan Zanetti. interi.it (23 Gusht 2012). Vizituar në 12 Qershor 2014.
  37. ^ Derby: Samuel, 10 su 10. Zanetti.... Fcinter1908.it (7 Tetor 2012). Vizituar në 12 Qershor 2014.
  38. ^ Juventus 1-3 Inter: Milito and Palacio end champions' unbeaten run. Goal.com (7 Tetor 2012). Vizituar në 12 Qershor 2014.
  39. ^ Zanetti raggiunge Pagliuca: altra fascia celebrativa!. Fcinternews.it (3 Shkurt 2013). Vizituar në 12 Qershor 2014.
  40. ^ Zanetti: 'My 600th Inter game'. Football Italia. Vizituar në 11 Mars.
  41. ^ Infinito Javier Zanetti, per capitan Inter sono 1100 le presenze ufficiali in carriera: "Ieri vittoria fondamentale". Goal.com. Vizituar në 12 Qershor 2014.
  42. ^ Inter’s Zanetti leaves Palermo match with feared Achilles injury. prosoccertalk.nbcsports.com. Vizituar në 12 Qershor 2014.
  43. ^ After 18 years and 847 games, is it the end for Inter's Javier Zanetti?. The Guardian. Vizituar në 12 Qershor 2014.
  44. ^ Inter, capitan Zanetti rinnova per un altro anno. Repubblica.it. Vizituar në 12 Qershor 2014.
  45. ^ Javier Zanetti gets hero’s reception in Inter’s comeback win vs. Livorno. FoxSoccer.com. Vizituar në 9 Nëntor 2013.
  46. ^ Javier Zanetti Siap Comeback Versus Livorno. Goal.com. Vizituar në 9 Nëntor 2013.
  47. ^ Inter Milan vs. Livorno: Final score 2-0, Javier Zanetti returns as Inter cruise to victory. sbnation.com. Vizituar në 9 Nëntor 2013.
  48. ^ Zanetti to retire this summer and become Inter director - Thohir. Goal.com. 29 Prill 2014. Retrieved 29 Prill 2014. 
  49. ^ Zaneti: Koha erdhi që unë t’i “var këpucët”. Panorama Sport. Vizituar në 9 Maj 2014.
  50. ^ ZANETTI: "AN EMOTIONAL EVENING BUT WE'RE FOCUSED ON LAZIO". Inter.it. 10 Maj 2014. Retrieved 10 Maj 2014. 
  51. ^ Inter 4 - 1 Lazio. Inter.it. 10 Maj 2014. Retrieved 10 Maj 2014. 
  52. ^ Augustus, Luke (10 Maj 2014). "Javier Zanetti enjoys winning San Siro swansong as Inter Milan thrash Lazio". Daily Mail. Retrieved 10 Maj 2014. 
  53. ^ "Chievo v Inter". Sky Sports News. 18 Maj 2014. Retrieved 19 Maj 2014. 
  54. ^ Centurion Zanetti celebrates in style. FIFA. 26 Qershor 2005. Retrieved 7 Qershor 2014. 
  55. ^ World Cup snub for Zanetti. Skysports.com. 15 Maj 2006. Retrieved 24 Maj 2014. 
  56. ^ "Saviola sinks Les Bleus in Paris". Yahoo sports. Retrieved 6 Qershor 2014. 
  57. ^ "Premio Prisco: i vincitori della V edizione". Tutto Abrizzp. Retrieved 7 Qershor 2014. 
  58. ^ "No stopping record-breaker Zanetti". UEFA. Retrieved 7 Qershor 2014. 
  59. ^ Mascherano accepts captaincy offer. FIFA. Retrieved 7 Qershor 2014. 
  60. ^ Ariel Garce matches. FootballLineups.com. Retrieved 7 Qershor 2014. 
  61. ^ Jonás Gutiérrez: I feel comfortable at right. Goal.com. Retrieved 7 Qershor 2014. 
  62. ^ Argentina: Batistuta and Zanetti, winning at home for their respective records. Goaledor.com. Retrieved 7 Qershor 2014. 
  63. ^ Pupi no, ¿y Milito?. Ole.com. Retrieved 7 Qershor 2014. 
  64. ^ Javier Zanetti. WhoScored.com. Vizituar në 3 Nëntor 2013.
  65. ^ Dutch soccer player who scored winning goal against Brazil is Catholic convert. Catholic News Agency (26 Gusht 2012).
  66. ^ Cambiasso, Zanetti: "Only Inter counts". Inter.it. 14 Shtator 2007. Retrieved 10 Tetor 2007. 

Lidhje të jashtëme[redakto | redakto tekstin burimor]

Commons-logo.svg         Wikimedia Commons ka materiale multimediale në lidhje me: Javier Zanetti