Bratica

Nga Wikipedia, enciklopedia e lirë
Jump to navigation Jump to search
Bratica
Bratica
Fshat
Vendndodhja
Bratica is located in Mali i Zi
Bratica
Bratica
Administrimi
Shteti Flamuri Mali i Zi
Komuna Flamuri Ulqin
Të dhëna dhe statistika
Lartësia 54 m (m.n.d.)
Zona Kohore ZKEQ (UTC+1)
Verore OVEQ (UTC+2)
Prefiksi +382 (0)30
Targa UL
Koordinatat 41° 57′ 6″ Veri

19° 19′ 12″ Lindje

Demografia
Popullsia 241 banorë (2011)

Bratica (malazezisht: Братица/Bratica) është vendbanim rural në Komunën e Ulqinit.

Gjeografia[Redakto | Redakto nëpërmjet kodit]

Bratica është fshat, gjendet pranë rrugës magjistrale M-2.4, e cila vazhdon për në Tivar.

Lagjet e Braticës janë: Ramnján (Ramjan), Ballionj (Balliaj), Kodra, Pelinkonj (Pelinkaj), Mâronj (Mâraj), Vladonj (Vladaj), Mulinat.

Toponimet të fshatit Braticë:[1]

  • Ara'e Ali Nuhit - në lindje të shtëpisë të bijve të Zefit Nrek's Nik's Pjetërgjonit-Nilaj.
  • Ara'e Brashnjânve - buzë Prronit t'Rrenimeve, sot djerrinë, në perëndim të shtëpisë së vjetër të bijve të Zefit Nrek's Nik's Pjetërgjonit-Nilaj.
  • Ara'e Brocit - tokë pune në Lug t'Bratic's afër Mullinit Begut.
  • Ara'e Omerit - në perëndim të shtëpisë së vjetër të bijve të Zefit Nrek's Nik's Pjetërgjonit-Nilaj.
  • Ara Smaqe - pronë e Simononjve (Simonajve), rrafshinë e rrethuarmemur në Qafë Smaqe.
  • Baniri - aty ishte vendi për banirin; në Shestan baniri (banieri) është ngreh të Enjtën e Shenjtë, në Ditën e Korpit të Krishtit (atë ditë është përgatitur përpeq dhe ai është hëngër te Baniri).
  • Bishti Ullisht's - pjesa më perëndimore e Ullishtës së Ulqinit.
  • Bishti Rras's - sipërfaqe me rrasa që drejtohet poshtë në det, në perëndim të Bishtit Ullisht's.
  • Boka Pelinkonj - (Pelinkaj) në perëndim të lagjes së Pelinkonjve (Pelinkajve).
  • Bregu'j Hasonj - (Hasaj) kodër ndërmjet Mâronjsh (Marajsh) dhe Vladonjsh (Vladajsh).
  • Bregu'j Kanjushit - breg afër përroit Mulina, sipër Mullinit Pelinkonj (breg i përshtatshëm për çerdhe kanjushash, lejlekësh).
  • Bregu'j Nërmjemë - në Mal t'Bardhë ngjitet në drejtim të Fierit Gjonit.
  • Brinja'e Halil Ag's - mbi Arë Smaqe në anë të malit Marvjan.
  • Brinja'e Qershisë - në Shullá, pjesa perëndimore e malit Marvjan; aty ka qenë një qershi.
  • Brraka'e Fush's Bythkanit - bërrakë në Fushë t'Bythkanit që për bagëti e mban ujit e shiut mjaft mirë.
  • Brraka'e Keqe - buzë Ar's Smaqe, kah jugu, aty ku fillon Rruga'e Harapve.
  • Brraka Smaqe - bërrakë për bagëti e çelur prej vendasve që kohë të shkurtë e mban ujin.
  • Buenimi - gropë në pyjet Rrenime, ku uji i shiut qëndron më gjatë.
  • Çiflloku - arat e Simononjve (Simonajve) prej rrugës për Mal t'Bardhë e deri te shtëpia e Nik's dhe Markut Preçit Macit Preç Gjurit.
  • Djerri Vorrit - në veri-perëndim të Fush's Bythkanit (thuhet që aty është varr vajze).
  • Dheni Bardhë - mbi Vladonj (Vladaj); aty ka deltinë (argjilë) të bardhë.
  • Dhen'i Kuq - te Kepi (vendi me deltinë të kuqe) dhe në Rrenime (n'pyje t'Braticës).
  • Ferra'e Haxhisë - pyll në mbarim të Bishtit Ullishtës.
  • Fieri Gjonit - rrethinë në majë të Malit Bardhë, ku rritet fieri mirë.
  • Fieri Vogël - rrethinë në majë të Malit Bardhë, pjesa perëndimore.
  • Fusha'e Bythkanit - (y te Bythkanit tingllon si ö (oe) në gjermanishte, afërsisht ndërmjet o dhe y) rrafshinë e vogël ndërmjet malit Marvjan dhe Malit të Krythës.
  • Fusha'e Bratic's - rrafshinë në Lugun e Braticës te Bratica.
  • Fusha'e Gomarve - një djerrinë sa një lame në Breg t'Hasonj (Hasaj).
  • Fusha'e Linit - një rogë ndërmjet Marvjanit dhe Malit të Krythës.
  • Gllavica - pyll në perëndim të Braticës.
  • Gurishtë - arat me plot guralecë, prej Prronit Thatë në anën e Mâronjve (Mârajve).
  • Guri Zi - shkëmb me ngjyrë të murrme në Mal t'Bardhë, sipër rrugës ('xhades') për Ulqin.
  • Havze - pyll i përbashkët ndërmjet dhe sipër Ballionjve (Balliajve) dhe Ramnjanve (Ramjanve).
  • Hurdhat e Linit - në atë vend, në Mulinë është regjë lini dikur, pak nën Mulli t'Magjelukonjve (Margjelukajve).
  • Kepi - shkëmb pranë Rrug's Ullisht's, pa mbërritë te Ara Smaqe.
  • Kroni Barkve - në Bisht t'Ullisht's, buzë Valdanosit.
  • Kroni Begut - burim uji në Ullishtë.
  • Kroni Havzeve - burim (puçil) uji në Havze.
  • Kron'i Sul'Kik's - burim uji në Bisht t'Ullisht's.
  • Kron'i Zanave - burim uji në Ferrë t'Haxhisë.
  • Ksollat - sipër Maronjsh (Marajsh), nën rrugë të moçme Ulqin-Tivar, disa shestanas dikur aty jetonin në kasolle.
  • Ksollat - ndërmjet Ar's Smaqe dhe Brrak's Smaqe, aty dikur kishte kasolle.
  • Kuçe - pjesë e pyjeve në veri-lindje prej Braticës.
  • Láma'e Gor's - në perëndim të Lugut Shkallave, në majë të kodrës të pasur me qarr.
  • Lastari - në Shullá buzë Ullishtës; aty ka shumë lastarë (bimë).
  • Limacat-arat nën kishën e Braticës deri te Prroni Thatë, të krijuara nga lymi.
  • Lisi - lis në varret katolike (te kisha e Braticës).
  • Lisi Begut -aty ku fillon të ulet Kodra e Braticës; thuhet që aty ka qenë një lis i madh, ku verës dikur pushonte begu.
  • Lugu'j Bratic's - lugu prej Bishtit Malit, gjatë përroit Mulina, deri afër Krythës.
  • Lugu'j Bukur - lug nën Qarr kah Deti.
  • Lugu'j Çallug's -lug në vazhdim të Lugut Dardhave e deri në Ullishtë, aty ka plot çalluga (lloj drush).
  • Lugu'j Dardhave - ka dardha të egra, në jug-perëndim të Ar's Smaqe.
  • Lugu'j Ferr's - luginë në majë të Malit Bardhë e pasur me ferrëkuqe.
  • Lugu'j Fiqve - luginë në Shullá, faqja jugore e malit Marvjan, aty kishte fiq të egjër.
  • Lugu'j Kullave - luginë nën Qarr kah Deti.
  • Lugu'j Larit - në Shullá të malit Marvjan, pranë Ullishtës; vendi i pasur me larë (dafina).
  • Lugu'j Madh - lug para se mbërrihet në Bisht t'Malit.
  • Lugu'j Mrrelit - nën Mét'Mrrelit.
  • Lugu'j Rras's Keqe - lug në lindje të Pyllit Trashë në Mal t'Bardhë, në perëndim prej Bregut Nërmjemë.
  • Lugu'j Sojmir's - luginë nën Qarr kah Deti.
  • Lugu'j Shkallave - në drejtim të jugut prej Fush's Bythkanit, shkambinjtë kanë trajtën e shkallave.
  • Lugu'j Shkoz's - i pasur me shkoza, në perëndim prej Mâronjsh (Mârajsh), ndërmjet Malit Bardhë dhe Marvjanit.
  • Lugu'j Shkrepave - aty ku kthen rruga për Mâronj (Mâraj); gurët, shkëmbinjtë janë meshkrepa, thumba në drejtim përpjetë.
  • Lugu'j Shllin's - në perëndim prej Lamet Gor's, lëshohet deri në det.
  • Lugu'j Vejush's - luginë nën Qarr kah Deti.
  • Lugu'j Vogël - në Shullá të Marvjanit.
  • Llanishta - pylli kah Deti, në perëndim të Fush's Bythkanit.
  • Llogoret - në perëndim të Fierit Vogël, në Mal t'Bardhë.
  • Mali Bardhë - mal në jug-perëndim të Braticës.
  • Matânë - në atë anë të kodrës, në pyjet Rrenime.
  • Méja'e Banirit - maja e malit Marvjan te Baniri.
  • Méja'e Mrrelit - majë e një kodrës në Mal t'Bardhë (mrreli - lloj mize që theren lopët).
  • Méja'e Madhe - maja më e naltë e malit Marvjan.
  • Marvjani - mal në perëndim të Braticës.
  • Mërkona - aty në majë të Mavjanit kanë qenë të instaluara mjetet telefonike të Markonit.
  • Mogila - në majë të Malit Bardhë, gurë të Grumbulluar.
  • Mogila - në malin Marvjan, gurë të grumbulluar, aty është çuar baniri.
  • Mogila - në majë të Havzeve.
  • Mulina - përroi i Braticës që derdhet në Liqe të Zogajve (Portomilenë); para marrjes së burimit të Salçit për Ulqin (1930), Mulina ka rrjedhë edhe verës deri te Mullini Vorreza (deri aty janë ujitë tokat verës).
  • N'e Brocit - toponimi si mbas pronarit të hershëm, një arë te Mullini Begut.
  • N'e Cano-begut - sot malli i Nik's Stjep's Zefit Pjetërgjonit-Nilaj dhe të bijve të Gjur's Markut Pjetërgjonit-Nilaj.
  • N'e Dânos - toponimi si mbas pronarit të hershëm.
  • N'e Ficit - toponimi si mbas pronarit, një arë te Mullini Qehajs.
  • N'e Gjylonj - toponimi sipas pronarit të hershëm të familjes Gjylaj.
  • N'e Jakupit - toponimi si mbas pronarit të hershëm.
  • N'e Omerit - toponim për pyje matanë Prronit Rrenimeve.
  • Osojet - faqja perëndimore e pyjeve (krahaso: Osojnik, vendbanim te Dubrovniku; Podosoje, vendbanim në veri të Bileqes, Hercegovinë).
  • Prroni Thatë - derdhet në Mulinë, ka ujë vetëm pas shiut.
  • Pusat e Poshtër - dy puse, njëri mbante ujë, nën Fushë t'Linit, sipër Vladonjsh (Vladajsh).
  • Pusi Fush's Bythkanit - pus në Fushë t'Bythkanit që mban ujë krejt verës.
  • Pusi Hasonj (Hasaj) - sipër shtëpisë së Zefit Gjok's Preçit Kols-Dobreci, nën Vladonj (Vladaj).
  • Pusi Këlmenit - afër rrugës Mâraj-Mullini Vorreza (shkolla).
  • Pusi Kol's - zgavër në gur që mban ujin e shiut, në Mal t'Bardhë buzë rrugës që çon në Fier t'Gjonit.
  • Pusi Lek'Gjurit - buzë rruge Mâronj (Mâraj)-MulliniVorreza (shkolla).
  • Pusi Nik's - afër rrugës Mâronj (Mâraj)-MulliniVorreza (shkolla).
  • Pusi Pelinkonj - te Pelinkonjt (Pelinkajt).
  • Pusi Zabelit - zgavër në shkam që mbas shiut mban ujë më gjatë; në Shullá, në perëndim prej Shkamave t'Smajl Hotit.
  • Pushimi - vendpushim nën një lis në rrugë Braticë-Salç; aty ishte dikur një shtëpi, ullishtë dhe toka që punohej (sot pyll).
  • Pylli Trashë - faqja kah Bratica e Malit Bardhë.
  • Qafa Smaqe - qafë mali ndërmjet Malit Bardhë dhe Marvjanit.
  • Qarri - pjesë e Malit të Krythës e pasur me qarr, në perëndim të Fush's Bythkanit.
  • Qirizi - në atë drejtim në Mal t'Bardhë ishte dikur ujësjellësi me gypa deltine, që prej Kronit Salçit (Kronit Bardhaj, Kronit Len's) shkonte për Ulqin; edhe tash vonë është vu ujësjellësi përafërsisht në këtë drejtim.
  • Roga'e Banirit - rogë te Baniri.
  • Rrasa'e Bardhë - sipër Fush's Gomar've.
  • Rrasa'e Vorreve - në jug prej Ar's Smaqe, thuhet që aty ishin 2 vorre.
  • Rrasa'e Keqe - në perëndim të Lugut Rras's Keqe.
  • Rrasa'e Zotnisë - në lindje prej Mâronjsh (Mârajsh).
  • Rruga'e Harapve - rrugicë prej Ar's Smaqe e deri në Ullisht në drejtim të Ulqinit.
  • Rruga'e Ngushtë - rrugicë prej Mulinës e deri te Lisi Begut.
  • Rruga'e Qirizit - del në Kep prej Ksollave.
  • Rruga'e Ullishts - rrugë për njerëz dhe bagëti e braticnjanëve që çon në Ullishtë të Ulqinit.
  • Rrenime - në perëndim të Fush's Bythkanit.
  • Rrenimet - pyje, ku në të kaluemen ka rrëshqitë toka, në verilindje të Braticës.
  • Rrethina'e Nreks Lucit - në majë të Malit Bardhë, pjesa perëndimore.
  • Sojmira - nën Qarr.
  • Shpija'e Gogve - aty ka qenë një kasolle e druvarëve prej jugut të Shqipërisë.
  • Shkámat e Smajl Hotit - shkëmbinj të Shullá mëdhenj në të malit Marvjan.
  • Shkámi - pyll me mjaft shkëmbinj në veriperëndim të Braticës.
  • Shpella'e Kuqe - sipër rrugës së moçme ('xhades'), nën Pyll TrashëMalit Bardhë (dhé i kuq ndërmjet shkëmbave).
  • Shulláni - faqja jugore e malit Marvjan (shulláhem shullëhem, rrezitem).
  • Trojet - në Mal t'Bardhë, në jug prej Rrethin's Zefit Nrek's Lucit.
  • Ura'e Mrisë - urë mbi Prrue t'Thatë, ndërmjet Pelinkonjsh (Pelinkajsh) dhe Mâronjsh (Mârajsh).
  • Ura'e Nikziqve - urë mbi Mulinë, afër Ramnjanve (Ramjanve).
  • Vorr-Elez - në Mal t'Bardhë, te Qirizi, sipër Mullinit Qehaj's.
  • Vorret e Pelinkonj - (Pelinkaj) varret myslimane afër Mulinës, buzë rrugës për Bardhonj (Bardhaj, Salç).
  • Vorret e Sylos - varret e familjes Alaj, mbasardhësit jetojnë në Ulqin.
  • Vorrezat - aty ishin varret e moçme myslimane; sipër tyre u ndërtua shkolla e Braticës mbas termetit të 1979.
  • Vorri Vajz's - në jug prej Ar's Smaqe.

Demografia[Redakto | Redakto nëpërmjet kodit]

Sipas regjistrimi të popullsisë së vitit 2011 ky vendbanim ka pasur 233 banorë. Rreth 70% e popullsisë janë shqiptarë.[2]

Personalitete të shquara[Redakto | Redakto nëpërmjet kodit]

Lidhje të jashtme[Redakto | Redakto nëpërmjet kodit]

Referimet[Redakto | Redakto nëpërmjet kodit]