Eva Murati

Nga Wikipedia, enciklopedia e lirë
Jump to navigation Jump to search
Eva Murati
Eva Murati.jpg
Murati gjatë xhirimeve të Kangur Tv Show në 2017
Informacione personale
Vendlindja Elbasan, Albania
Profesioni
  • Aktore
  • Presantuese
  • Modele
Faqja zyrtare EvaMurati.com


Eva Murati (lindur më 25 Maj, 1995)[1] është aktore dhe prezantuse shqiptare. Ajo ka nisur karrierën e saj në moshen 15 vjeҫare duke u bërë e njohur nëpërmjet reklamave dhe projekteve në modeling. Evës, iu dha mundësia të drejtonte emisionin e saj të parë Antilope dhe më pas të prezantonte përkrah Adi Krastës programin Duartrokitje, të dy projekte në televizionin Agon Channel. Në 2016 u transferua në Vizion Plus, ku prezantoi Miss Universe Albania dhe VIP Zone. Për momentin ajo prezanton Studio UEFA Champions League dhe Sport WeekTring Digital. Murati debutoi në filmin The Outlaw në 2013. Në vitin 2017 ajo aktroi në filmin Ti mund të më quash Xhon. Në 2016-ën ishte pjese e serialit Skanderbeg. Projekti i saj i fundit është Kangur Tv Show, i cili është ende në fazë xhirimi. Eva konsiderohet si një ndër prezantueset më me prespektiv të televizionit shqiptar.[2]

Vitet e Para[Redakto | Redakto nëpërmjet kodit]

Fëmijëria[Redakto | Redakto nëpërmjet kodit]

Murati ka lindur në 1995[3] dhe është vajza e doktorit Arben Murati dhe inxhinieres Anila Stratobërdha Murati[4]. Ajo ka lindur në Elbasan por familja e saj u shpërngul në Tirane kur ajo ishte 6 vjeҫ. Eva ka një motër dhe një vëlla, të dy më të vegjël. Ajo është mbesa e Pandi Stratobërdha, inxhirierit hidroteknik, një ndër krijuesit e Universitetit të Tiranës në 1957 dhe një ndër antarët e akademisë së shkencave të Shqipërisë që prej krijimit te saj në vitin 1973.

Arsimimi[Redakto | Redakto nëpërmjet kodit]

Gjatë periudhës që ka jetuar në Elbasan ajo filloi klasen e pare në shkollën italiane Imelda Lambertini ku mesoi të fliste italisht dhe u njoh me kulturën italiane, e cila pati një influencë shumë të madhe në jetën e saj. Pasi familja e saj u shpërngul në Tiranë ajo u regjistrua në shkollën Udha e Shkronjave. Në klasën e gjashtë ajo kaloi në The Independent College nga ku mbaroi 9-vjeҫaren. Studimet e shkollës së mesme i kreu në gjimnazin publik Petro Nini Luarasi, ku fitoi dhe audicionin e saj të parë nga ku hodhi hapat fillestare në botën e showbiz-it. Ajo vazhdoi karieren e saj akademike duke u diplomuar në Fakultetin e Drejtesise pjesë e Universitetit shtetëror të Tiranës.

Pasioni i saj për artin nisi në një moshë të re ku morri pjesë në kompeticione të ndryshme si Tirana Teens dhe më pas u be e pjesë e klubit shkollor të aktiviteteve artistike. Krahas shkollës ajo ishte pjesë e skuadrës së debatit në disa kompeticione midis gjimnazeve. Gjatë periudhës para universitare Murati ka marre pjesë në Olimpiaden e Matematikes dhe Formimit të Përgjithshëm, ku ka dalë në vend të tetë në rang kombtar.

Karriera[Redakto | Redakto nëpërmjet kodit]

Modeling dhe Reklama[Redakto | Redakto nëpërmjet kodit]

Pasi filloi shkollën e mesme ajo morri pjesë në audicionin e saj të parë për reklamën e Tirana East Gate nga ku filloi karriera e saj në boten e showbiz-it. Ajo gjithmonë e përshkruar këtë audicion si një gotitje fati pasi ishte ideja e një shoqes të saj për të marrë pjesë. Më pas ajo realizoi dy spote për TEG, Diҫka e madhe po vjen dhe Jemi ne, të dyja të prodhuara nga Le Spot Production. Nga ai moment ajo filloi te angazhohej më seriozisht në botën e spektaklit. Murati morri pjesë në spotin e Eagle Mobile Bring a friend të prodhuar nga Kube Studio, së bashku me komedianin Gentian Zenelaj. Spoti morri shumë famë per shkak te shprehjes Do sjell gjyshen pasdite pasi u transmetua gjatë hapsirave publicitare te Kampionatit Europian 2012.[1]

Eva Murati ishte imazhi i pijes energjike B52 në dy reklama Anything for You dhe Drink On respektivisht në shkurt 2012 dhe nëntor 2012. Të dyja të prodhuara nga Black Sheep Production.

Eva u shfaq në videoklipin e Aurela Gaҫes TRANZIT i cili fitoi ҫmimin si videoklipi më i mirë në spektaklin e përvitshëm Netët e Klipit Shqiptar në maj 2012.

Në 2015-ën Murati u përzgjodh të përfaqsonte Shqipërinë në reklamën e Vodafone Italia të prodhuar nga L-Artist për të promovuar thirrjet nga Italia në Shqipëri. Kompania që e perzgjodhi vendosi për ta marrë ate pasi e kishin pikasur ne intervistën e bërë me Manuella ArcchurinAgon Channel. Fushata promocionale zgjati një vit dhe u shpërnda në të gjithë Italinë.[5]

Ajo u bë pjesë e projektit të Albtelecom në rolin e Erës, në reklamat në formë seriali së bashku me Amos Muji Zaharia, Viola Spiro dhe Jetmir Pjeternikaj. Ajo luajti në Intro Era, Lea, Dhuratat e Mirenjohjes, Anoying Chef, Intro Jona, ALBwifi, Déjà vu, Love, You deserve More dhe Super-Family[6] nga prill 2016 deri në maj 2017. Të gjitha të prodhuara nga Anima Pictures. Pasi morri pjesë në reklamën e parë për Albtelcom ajo u bë dhe imazhi i kompanisë duke e përfaqesuar atë në shumë evente si Kampionati Europian 2016.

Eva Murati ka qënë imazh i La Blanche Lingerie në edicionin 2012 të katalogve pranverë, verë dhe vjeshtë. Ajo ka pozuar për Sherri Hill Albania në 2013-ën, në Berat, të fotografuar nga Fadil Berisha. Setin e parë fotografik si nuse ajo e bëri për Ma Belle Wedding Dress në 2011-ën, për të bashkëpunuar më pas me Geradina Sposa në shumë katalogë përgjatë viteve. Gjithashtu është bërë pjesë e sfilatës së përvitshme Geraldina Sposa Fashion Show qe prej vitit 2014.[7]

Ajo ka qënë imazh i shumë firmave si Delirium, Sassofono, Tier, Papillon dhe ka promovuar Kalleshi Center dhe Sante Plus Estetic. Murati ka qënë pjesë e kopertinës së Vip Albania në dhjetor 2013 kur filloi te punonte në Agon Channel dhe më pas në tetor 2016 kur nisi programi i saj televiziv VIP Zone. Më pas ajo ishte në kopertinën e revistës WHO në prill 2016 kur prezantoi Miss Universe Albania 2016. Kopertina e revistës Living Pranverë 2017 ishte për të promovuar projektin e saj më të ri, UEFA Champions League. Eva Murati është personazhi me moshën më të re në kopertinën e asaj reviste. Ajo ishte vetëm 21 vjeҫ.

Televizion[Redakto | Redakto nëpërmjet kodit]

Agon Channel[Redakto | Redakto nëpërmjet kodit]

Eva pati daljen e parë në ekran në moshën 18 vjeҫare kur filloi punë në televizionin italo-shqiptar Agon Channel, në tetor 2013, ku ishte prezantuese e spektaklit primetime Antilope[8]. Ne këtë spektakël ajo pati mundësi të intervistonte artiste italine si Manuela Arcuri, Enzo Iacchetti etj.[1] Më vonë ajo bashkëprezantoi spektaklin Duartrokitje me një ndër figurat me historike të televizionit shqiptar, Adi Krastën.[1] Emisioni kishte synim të promovonte artistët shqiptar të cilët jetojnë dhe punojnë jashtë Shqipërisë dhe qe kurrë nuk e kishin marrë duartrokitjen nga publiku shqiptar. Ajo intervistoi sopranon më të vlerësuar nga The Economist, Ermonela Jaho, balreninen Anbeta Toromani, kërcimtarin modern Brigel Gjoka[9], baritonin Gëzim Myshketa dhe shumë të tjerë.

Gjatë kohës që ishte pjesë e Agon Channel ajo u përfshi në spektaklin e së Dielës Dita e Shtatë[9]. Në verën e 2014-ës Murati largohet nga ky televizion për të ndjekur projekte të tjera.[9]

Vizion Plus[Redakto | Redakto nëpërmjet kodit]

Murati beri një vit pushim nga televizioni për tu fokusuar në karrieren e saj kinematografike[10] duke marrë pjesë në disa filma dhe seriale televizivë. Ajo rikthehet në televizion në mars 2016 në prezantimin e Në kërkim të Miss Univese Albania. Konkursi i bukurisë pati një tjetër strukturë nga vitet e kaluara pasi spektakli zgjati për katër muaj duke kulmuar më pas në natën gala në studiot e Tring Digital, ku Murati tërhoqi vëmëndjen e produksionit të Tring, me të cilët ajo do bashkëpunonte në të ardhmen.

Në filimin e sezonin televiziv 2016-2017 ajo ishte moderatore e emisionit më të ri në televizionin kombëtar Vizion Plus, VIP Zone,[11] një emision kulturor me intervista personazhesh nga fusha e politikës, artit dhe sportit. Ajo intervistoi ikonën e muzikës italiane Albano Carissi, CEO-n e Albtelecom Erkan Tabak, Kryetarin e Dhomës së Tregtisë Nikolin Jaka, presidentin e Buisness Albania, Luan Bregasi, sopranon Inva Mula, 12 herë kompionin e boksit Nelson Hysa, producenten Diana Toska etj. Emisioni gjithashtu promovonte turizmin dhe kultura të reja.

Pasi morri njohje më të gjërë, asaj iu besua prezantimi i Studio UEFA Champions League[12]. Emisioni filloi në janar 2017 në platformën e Tring Digital dhe u transmetua Tring Sport 1 HD dhe Vizion Plus HD. Për shkak të këtij emisioni asaj iu desh të linte VIP Zone[13]. Kjo ishte një lëvizje strategjike në karrierën e saj duke marrë parasysh influencën e madhe që ka futbolli në Shqipëri.[14] Pas vlersimit pozitiv[15] të ketij emisioni, Murati do jetë prezantuesja e Studio UEFA Champions League 2017-2018[3] . Për të kompletuar plotësisht tranzicionin e saj në fushën e sportit, ajo prezanton emisionin Sport Week, i cili shfaqet ҫdo të diel në Tring Sport News HD që prej qershorit 2017.[16]

Prezantime të tjera[Redakto | Redakto nëpërmjet kodit]

One Billion Rising është një lëvizje feministe në të gjithë botën për të ndihmuar fuqizimin e femrës. Koncerti për nder të kesaj lëvizjeje u prezantua nga Murati në bulevardin Deshmorët e Kombit, ku morrën pjesë me mijra femra duke kercyer koreografine e kënges Break the Chain. Ky event pati një ndikim shumë të madh në jetën e saj pasi ajo vazhdoi të ishte një mbrojtëse e të drejtave të femrave.

Murati prezantoi koncertin e përvitshëm të 8 marsit në nder të ditës ndërkombtare të gruaspallatin e kongreseve. Në event morrën pjesë shumë figura politike dhe u përmbyll nga një fjalim të mbajtur prej kryeministrit të atëhershëm të Shqipërisë, Sali Berisha. Me rastin e 100 vjetorit të pavarsis së Shqipërisë, u zhvillua koncerti festiv të cilin Murati e prezantoi në 29 nëntor 2012. Koncerti klasik i vitit të ri 2016 u prezantua nga Eva Murati dhe prezantuesi Xhani Shqerra.

Dalje të tjera[Redakto | Redakto nëpërmjet kodit]

Gjate periudhës që ishte pjesë e botës së konkurseve të bukurisë duke prezantuar Miss Universe Albania, Murati ishte pjesë e jurisë së Miss Teen Albania 2016.

Murati ishte gjithashtu pjesë e jurisë së emisionit televiziv Shopping Night si keshilluse mode, e cila u trasmetua në Vizion Plus dhe Living HD. Ajo kanë qënë e ftuar në sketch-show Apartamenti 2XL, talk show Rudina, Takimi I Pasdites , Thurje, Mesdite, IN Style, Vizioni I Pasdites, 3JAT, Express Roze, Life in a Minute, Thumb, Procesi Sportiv, Ora Sport, Glob, Amerikani – I pari në lajme, Hit Play, emisionin e gatimit Cotto & Mangiatto dhe Linda dhe Frutat, emisionet e darkës Oktapod, Top Show Magazine Turini I Trete, ProArt, Natën me Fatmir Spahiun emisionet e mëngjesit Mirmengjes Shqiperi, Wake Up, Vila 24 dhe Dite e Re.

Film[Redakto | Redakto nëpërmjet kodit]

Eva Murati debutoi si aktore në filmin me metrazh të shkurtër The Outlaw me regji të Aldi Karaj dhe produksion të AK Filmwork Production në rolin e Arjetës përkrah aktorit Gazmend Paja. Filmi pati premierën në tetor të 2013-ës në Tiranë dhe ishte pjesë e festivalit të filmit në Durrës.

Në dhjetor 2016 Murati morri pjesë në projektin artistik EKSOD nga Justin Fernando Valls ne rolin e Junës. E insipiruar nga eventet politike të kohës projekti, prodhuar nga JFV Production, tregon deshirën e të rinjve për tu larguar nga Shqipëria ne sajë të mungesës së mundësive dhe mos arritjes së synimeve për shkak të sistemit të korruptuar.

Murati aktroi në filmin me metrazh të gjatë Ti mund të më quash Xhon në rolin e Alba Bashës me aktor të tjerë Genti Kame, Gëzim Rudi dhe Ermira Gjata. Ajo fillimisht fitoi roli e protagonistes Lorna por e refuzoi për arsye personale. Në këtë film për të rinj ajo luan rolin e një adoleshenteje me shpirt të lirë e cila vjen nga një familje e pasur me lidhje politike. Ajo është gjithashtu shoqja më e ngushtë e Lornës. Ky film është me produksion te Papadhimitri Production pati premierën në 29 mars 2017 në rrjetin e kinemave Imperial dhe kinema Millenium.

Seriale[Redakto | Redakto nëpërmjet kodit]

Në dhjetor 2015 luajti në serilin televiziv Kokrrat në rolin e farmacistes dhe vajzës me të cilën personazhi kryesor dashurohet. Seriali është prodhim i Digitalb dhe është trasmetuar në T HD dhe IN TV.

Në 2016-ën ajo luajti në serialin Skanderbeg në rolin e Marës, motrës fiktive të heroit kombëtar shqiptar Gjergj Kastriot Skënderbeu përkrah aktorve Laert Vasili, Ermal Mamaqi, Vedat Bajrami dhe Zyliha Miloti. Skanderbeg konsiderohet si seriali me buxhetin më të lartë në historinë e televizionit shqiptar. Me regji nga amerikani Adam Pray, Skanderbeg është prodhim i Digitalb dhe Cukali Production.

Eva Murati do të jetë pjesë e kastit në serialin Kangur Tv Show, me regji dhe skenar nga Luan Kryeziu, prodhim i Iliria Film Production. Seriali ka filluar produksionin në qershor 2017 në Shqipëri dhe është ende në fazë xhirimesh.

Teater[Redakto | Redakto nëpërmjet kodit]

Murati pati debutimin e saj te parë teatral në adaptimin e Opera për Tre GroshBertolt Brecht, si protagoniste në rolin e Polly Peachum. Më pas ajo tregoi aftësite e saj në këngë dhe kërcim në adaptimin muzikor të veprës së Shakespeare Dy Zotërinj nga Verona në rolin kryesor të Silvias.

Jeta Personale[Redakto | Redakto nëpërmjet kodit]

Eva njihet si aktiviste dhe mbrojtëse e të drejtave të kafshëve. Gjatë periudhës që prezantonte Miss Universe Albania, ajo u bë mbështetëse e Kryqit të Kuq dhe është antare aktive e tij. Ajo ka shfaqur bindje liberale, edhe pse nuk është shprehur kurrë rreth pikëpamjeve të saj politike.

Që prej fillimeve në karrierën e saj me lëvizjen One Billion Rising Murati konsiderohet si feministe dhe ka qënë mbrojtëse e barazis gjinore dhe të drejtave të barabarta. Ajo shpesh është shprehur se duhen më shumë reforma në ndihmë të emancipimit femëror dhe ka përdorur imazhin e saj për të influencuar vajzat e reja për të qënë më të pavarura. Eva është njohëse e gjuhës angleze, italiane dhe spanjolle dhe gjithashtu ka njohuri në gjuhën franceze.

Filmografia[Redakto | Redakto nëpërmjet kodit]

Film[Redakto | Redakto nëpërmjet kodit]

Viti Titulli Roli Shënime
2013 The Outlaw Arjeta Metrazh i Shkurtër
2016 Eksod Juna Projekt Arti
2017 Ti mund të më quash Xhon Alba Basha

Televizion[Redakto | Redakto nëpërmjet kodit]

Viti Titulli Roli Shënime
2013-2014 Antilope Moderatore
Duartrokitje Moderatore
2015 Kokrrat Eva E Ftuar Speciale
2016 Në Kërkim të Miss Universe Moderatore
Skanderbeg Mara
VIP Zone Moderatore
2017-present Studio Champions League Moderatore
Sports Week Moderatore
2018 Kangur Tv Show s'ka Post-produksion
2019–present Familja Kuqezi Hera

Teater[Redakto | Redakto nëpërmjet kodit]

Viti Titulli Roli Shënime
2013 Opera për tre Grosh Polly Peachum
2014 Dy Zotërinj nga Verona Sylvia

Referimet[Redakto | Redakto nëpërmjet kodit]

  1. ^ a b c d "Eva Murati". www.listal.com. Mungon ose është bosh parametri |language= (Ndihmë!)
  2. ^ "Epoka e re e televizionit: Ja vajzat që po pushtojnë ekranet shqiptare". Mungon ose është bosh parametri |language= (Ndihmë!)
  3. ^ a b ""Champions girl", Eva Murati, vajza që la pas gjithë bukuroshet e emisioneve sportive". 6 mars 2017. Mungon ose është bosh parametri |language= (Ndihmë!)
  4. ^ "S'mund të ndodhte ndryshe: Eva Murati s'është e bukur krejt rastësisht!". Mungon ose është bosh parametri |language= (Ndihmë!)
  5. ^ "Eva Murati përzgjidhet nga agjencia që ka punuar me Xhenifer Lopez dhe Penelop Kruz Eksperienca ime me Vodafone Italia… një përrallë! – Gazeta Intervista". intervista.al. Mungon ose është bosh parametri |language= (Ndihmë!)
  6. ^ Eva Murati (9 janar 2017). "ALBTELECOM - Sitcom - Era Intro" – nëpërmjet YouTube. Mungon ose është bosh parametri |language= (Ndihmë!)
  7. ^ Murati, Eva. "Eva Murati — Bridal Pictures for Living Magazine  dreamy..." Eva Murati. Te parametri |title= ndodhet simboli i padukshëm "no-break space character" - Pozicioni: 49 njësi duke numëruar nga e majta (Ndihmë!); Mungon ose është bosh parametri |language= (Ndihmë!)
  8. ^ "Eva Murati: Fiksojeni këtë gocë!". Mungon ose është bosh parametri |language= (Ndihmë!)
  9. ^ a b c "TELEVIZION: Eva Murati: Kam emrin e femrës së parë, por jam një engjëll!". www.flurudha.com. Mungon ose është bosh parametri |language= (Ndihmë!)
  10. ^ "Eva Murati, bukuroshja që synon të bëhet aktore - GazetaKNN". 30 mars 2017. Mungon ose është bosh parametri |language= (Ndihmë!)
  11. ^ Autor, Revista Vip (12 tetor 2016). "Eva Murati : "Shihemi të dielën në Vizion Plus " - Revista Vip Albania". Mungon ose është bosh parametri |language= (Ndihmë!)
  12. ^ "Eva Murati, 'le magnifique soir' e Champions League në Vizion Plus dhe Tring". 22 shkurt 2017. Mungon ose është bosh parametri |language= (Ndihmë!)
  13. ^ "Eva Murati, një kampione për Ligën e Kampioneve (FOTO)". www.panorama.com.al. Mungon ose është bosh parametri |language= (Ndihmë!)
  14. ^ Online, TemA (10 maj 2017). "FOTOT/ Prezantuesja e Champions League, që po çmend shqiptarët…". Mungon ose është bosh parametri |language= (Ndihmë!)
  15. ^ "Eva Murati, nusja e Jozefina Topallit nxjerr jashtë loje Marina Vjollcën". Mungon ose është bosh parametri |language= (Ndihmë!)
  16. ^ Lako, Niko (24 qershor 2017). "Eva Murati vjen me një emision të ri në Tring". Mungon ose është bosh parametri |language= (Ndihmë!)

Lidhje të jashtme[Redakto | Redakto nëpërmjet kodit]