How I Met Your Mother

Nga Wikipedia, enciklopedia e lirë
Jump to navigation Jump to search
How I Met Your Mother
How i met your mother logo.svg
Zhanri Sitcom
Krijuar nga Carter Bays
Craig Thomas
Aktrojnë Josh Radnor
Jason Segel
Cobie Smulders
Neil Patrick Harris
Alyson Hannigan
Cristin Milioti
Intro "Hey, Beautiful" nga The Solids
Kompozitor(ët) John Swihart
Shteti SHBA
Gjuhë(t) Anglisht
Sezona 9
Episode 208
Prodhimi
Producent(ët) ekzekutiv Carter Bay
Craig Thomas
Rob Greenberg
Pamela Fryman
Eileen Heisler
DeAnn Heline
Phil Lord
Greg Malins
Christopher Miller
Chris Harris
Stephen Lloyd
Kourtney Kang
Jamie Rhonheimer
Chuck Tatham
Producent(ët) Randy Cordray
Suzy Mamann Greenberg
Chris Harris
Jamie Rhonheimer
Kourtney Kang
Brenda Hsueh
Theresa Mulligan Rosenthal
Stewart Halpern-Fingerhut
Rob Greenberg
Tami Sagher
Kohëzgjatja 22 minuta
Studio(t) Bays & Thomas Productions
20th Century Fox Television
Transmetimi
Programi origjinal CBS
Transmetimi i parë 19 shtator 200531 mars 2014

How I Met Your Mother (shqip: Si e njoha nënën tuaj) është një sitcom amerikan i krijuar nga Craig Thomas dhe Carter Bays për kanalin CBS.[1] Ted Mosby në vitin 2030 u tregon fëmijëve të tij historinë se si ai e ka takuar nënën e tyre. Ngjarjet zhvillohen në Manhattan, New York, ku banojnë Tedi dhe miqtë e tij, Barney, Marshall, Robin dhe Lily.[2] Në Shqipëri, seriali transmetohet nga kanali Fox.

Personazhet[redakto | përpunoni burim]

  • Ted Mosby (interpretuar nga Josh Radnor), arkitekt dhe shok universiteti me Marshall Eriksen. Ky është personazhi që u tregon fëmijëve se si takoi nënën e tyre, një individ që kërkon gjithmonë një lidhje serioze por që nuk arrin ta gjejë.
  • Barney Stinson (interpretuar nga Neil Patrick Harris), manaxher banke dhe një feminist i sëmurë. Fiksimi i Barney-it me femrat krijon shumë situate komike dhe batuta në formë këshillash që ai jep për lidhjet dashurore janë bërë tashmë pjesë e kulturës popullore amerikane.
  • Marshall Eriksen (interpretuar nga Jason Segel), avokat dhe shok universiteti me Ted Mosby. Si një djalë nga shteti i qetë dhe i ftohtë i Minnesota-s, tipari i tij kryesor është mirësjellja që jo rrallë e fut atë në telashe. I martuar me Lily-n, të dashurën e tij të vetme në jetë, të cilën e ka njohur që në universitet, ai është totalisht i dedikuar në martesë dhe bën gjithçka për ta bërë atë sa më të lumtur.
  • Robin Scherbatsky (interpretuar nga Cobie Smulders), një vajzë me ambicie për t'u bërë spikere lajmesh në një televizion kombëtar. Edhe në serial ajo është një kanadeze që ka ardhur në qytetin më të madh të botës për të realizuar ëndrrën e saj. Gjatë serialit ajo hyn në lidhje dashurore me Ted Mosby dhe Barney Stinson.
  • Lily Aldrin (interpretuar nga Alyson Hannigan), mësuese kopshti dhe e dashura e më pas gruaja e Marshall Eriksen. Një personazh që aspiron të bëhet piktore dhe kërkon me ngulm që shokët ta duan me çdo kusht dhe shqetësohet shumë kur dyshon se kjo nuk ndodh.
  • Tracy McConnell (interpretuar nga Cristin Milioti), bashkëshortja e Ted Mosby në të ardhmen, nëna e titullit të serialit. Për herë të parë Tracy shfaqet në episodin e fundit të sezonit të tetë dhe i bashkohet kastit kryesor në sezonin e nëntë.[3]

Përmbajtja[redakto | përpunoni burim]

Sezoni I[redakto | përpunoni burim]

Historia fillon në 2005 me Ted Mosby-n si 27-vjeçar që jeton me dy shokët e tij të universitetit Marshall dhe Lily. Pas nëntë vitesh lidhje, më në fund Marshall i propozon Lily-t për martesë. Fejesa e tyre e bën Tedin të mendojë për të gjetur shpirtin e tij binjak, ç’ka skandalizon shokun e tij të ri Barney Stinson, i cili është i mendimit se lidhjet serioze dhe aq më shumë martesa janë të dëmshme për meshkujt. Në këtë kohë Ted njihet me një reportere të bukur nga Kanadaja, të quajtur Robin, me të cilën bie në dashuri. Por ajo nuk kërkon të nxitojë në një lidhje serioze dhe kjo shkakton disa debate që i largon ata për pak kohë. Por më në fund edhe Robin e kupton se ka ndjenja për Tedin dhe kështu ata nisin një lidhje. Por ndërkohë, gjatë tregimit, zbulohet se Robin nuk do të martohet me Tedin, sepse ai i referohet asaj para fëmijëve si hallë Robin. Ndërkohë Lily mendon se duke u fejuar ka humbur shansin për t'u bërë piktore dhe shkon për të ndjekur një kurs në San Francisco. Gjatë këtij procesi ajo ndahet me Marshall.

Sezoni II[redakto | përpunoni burim]

Tani Ted dhe Robin janë çift ndërsa Marshall mundohet të krijojë një jetë të re pa Lily-n. Zemërthyer dhe pa dëshirë për të njohur vajza të tjera, Marshall shkakton tek shokët një shqetësim të madh. Këta të fundit mendojnë se ka ardhur koha për të ndërhyrë. Barney, mundohet me batuatat e tij të forta dhe sharmin që zotëron ta fusë Marshall në lojën e takimeve. Ndërkohë Lily e kupton që nuk ia thotë për art dhe kthehet në New York, ku bashkohet përsëri me Marshall. Në fund të sezonit lidhja e tyre kurorëzohet me martesë. Ted dhe Robin ndahen për shkak të pikpamjeve të ndryshme që kanë për martesën dhe fëmijët.

Sezoni III[redakto | përpunoni burim]

Lily dhe Marshall kërkojnë tani për një apartament të tyre. Ata e gjejnë shtëpinë e ëndrrave, por ajo nuk është në gjendje të mirë dhe ata kanë disa veshtirësi financiare për ta blerë. Ted njihet me Stella (Sarah Chalke), një dermatologe tek e cila ai shkoi të hiqte një tatuazh të sikletshëm dhe fillon një lidhje të re. Robin fle me Barney-n kur ai e bëri për vete gjatë ngushëllimit për vuajtjet e saj nga një dashuri e vjetër në Kanada. Në episodin e fundit të këtij sezoni Ted dhe Barney përfshihen në aksidente të ndryshme me makinë dhe përfundojnë bashkë në spital. Aty Barney zbulon se ka ndjenja të vërteta për Robin.

Sezoni IV[redakto | përpunoni burim]

Ted propozon Stellan për martesë dhe ajo pranon. Robin pranon një ofertë pune në Japoni por kthehet shpejt sepse i mungojnë shokët dhe të marrë pjesë në dasmën e Ted. Stella e lë Ted-in në altar për tu bashkuar me ish të dashurin e saj me të cilin ka edhe një vajzë. Lily dhe Marshall hyjnë në apartamentin e ri dhe Robin bëhet shoqe shtëpie me Ted-in dhe kupton se Barney e dashuron. Por të dy janë kundër një lidhje serioze, kështu që vendosin për një lidhje thjesht seksuale.

Sezoni V[redakto | përpunoni burim]

Ted bëhet profesor universiteti; Robin dhe Barney fillojnë të kenë një lidhje normale dashurie por pas disa peripecish, jo në lidhje me ndjenjat, vendosin t'i japin fund dhe të mbeten përsëri shokë. Barney i kthehet aventurave të tij me femrat të cilat i kishte ndërprerë për sa kohë ishte me Robin. Kjo e fundit lidhet me kolegun e saj të ri në televizion, Don, ku punon në një emision lajmesh në orën 4 të mëngjesit, të cilin nuk e shikon askush. Ajo largohet nga apartamenti i Tedit për të bashkëjetuar me Donin. Lidhja e tyre përfundon në fund të sezonit në një situatë të dhimbshme edhe për një sitcom. Robin merr një ofertë pune në Chicago, por refuzon sepse nuk do ta lërë Donin, dashurinë e saj për karrierën. Atëherë oferta i bëhet Donit i cili e pranon menjëherë dhe ndahet nga Robin. Ndërkohë Lily dhe Marshall fillojnë të mendojnë seriozisht për të patur fëmijë.

Sezoni VI[redakto | përpunoni burim]

Ted pranon një ofertë pune nga banka GNB për të projektuar ndërtesën e zyrave të reja të kësaj banke. Për realizimin e këtij projekti duhet shembur një hotel i vjetër, dikur simbol i qytetit të New York-ut. Por Ted kundërshtohet ashpër nga një aktiviste e quajtur Zoey Pierson (Jennifer Morrison) dhe të dy fillojnë një betejë nervash që fillon të bëhet personale. Më pas zbulohet se Zoey është e martuar me një burrë tepër të pasur, shumë më të madh se ajo në moshë. Ajo dhe Ted zbulojnë se kanë ndjenja për njeri-tjetrin. Zoey divorcohet dhe të dy nisin një lidhje e cila përfundon kur Ted vendos ta shembë ndërtesën e vjetër. Ndërkohë Barney takon babain e tij të vërtetë, të cilin kujtonte se e kishte dajë që nga fëmijëria.

Referenca[redakto | përpunoni burim]

Lidhje të jashtme[redakto | përpunoni burim]