Kërceni tek përmbajtja

Altin Rraklli

Nga Wikipedia, enciklopedia e lirë
Altin Rraklli
Personal information
Emri i plotë Altin Rraklli
Data e lindjes 17 korrik 1970 (54 vjeç)
Vëndi i lindjes Kavajë, Shqipëri
Gjatësia 1.75 m (5 ft 9 in)
Pozicioni(et) Sulmues
Karriera rinore
1987–1990 Besa
Karriera e lartë*
Vitet Team Apps (Gls)
1990–1992 Besa 68 (43)
1992–1996 SC Freiburg 86 (22)
1996–1997 Hertha BSC 28 (5)
1997–2002 SpVgg Unterhaching 147 (29)
2002–2003 Diyarbakırspor 12 (2)
2003–2004 Jahn Regensburg 21 (2)
2004–2005 Tirana 35 (19)
2005–2006 Besa 14 (4)
2009 SpVgg Bayern Hof 2 (0)
Total 413 (126)
Karriera ndërkombëtare
1992–2005 Shqipëria 63 (11)
Managerial career
2009–2011 Tirana AS
2011–2016 Shqipëria (gratë)
*Ndeshjet dhe golat në ligën vendase të klubeve

Altin Rraklli (lindur më 17 korrik 1970) është një trajner shqiptar futbolli dhe ish futbollist profesionist i cili luajti si sulmues.

Ai e shpenzoi shumicën e karrierës në Gjermani, ku ai luajti me pesë klube në ligat kryesore të futbollit gjerman, më së shumti me Freiburg dhe Unterhaching, duke koleksionuar 282 paraqitje.[1] Ai ishte edhe lojtari i parë shqiptar në histori që luajti në Bundesligë.[2]

Karriera me klube

[Redakto | Redakto nëpërmjet kodit]

Rraklli filloi karrierën e tij me Besën, ekipin e qytetit të lindjes, në vitin 1987, dhe u bë profesionist tre vite më vonë. Në vitin 1992, ai firmosi një kontratë tre-vjeçare me vlerë 15 mijë marka gjermane me SC Freiburg në Gjermani,[3] duke qënë vendimtar në sezonin ku klubi u ngjit për herë të parë në elitë; ai shënoi 16 gola në divizionin e dytë, duke qënë shënuesi më i mirë i ekipit dhe i dhjeti në kampionat, me Freiburgun që shënoi gjithsej 102; në tre sezonet e ardhshme në Bundesligë, Rraklli nuk luajti rregullisht.

Në tetë vitet e ardhshme, Rrakli vazhdoi karrierën në Gjermani, duke luajtur zakonisht në nivelin e dytë: ai përfaqsoi Hertha BSC, SpVgg Unterhaching – me të cilën ai pati suksesin më të madhë individual, duke ndihmuar ekipin të siguronte një tjetër ngjitje – dhe SSV Jahn Regensburg. Përveç këtyre, ai u shkëput për një vit nga Gjermania për të luajtur në Turqi me Diyarbakırspor. Rraklli u largua përfundimisht nga Gjermania në vitin 2004, duke regjistuar gjithsej 111 ndeshje dhe 16 gola në elitë.

Rraklli u rikthye në Shqipëri në verën e vitit 2004, duke u bashkuar me KF Tiranën. Ai shënoi 19 gola në kampionat në sezonin e parë pas rikthimit, më shumë se çdo lojtar tjetër i Tiranës, duke qënë vendimtar për ekipin në fitimin e kampionatit.[4] Një nga përmbledhjet kryesore të sezonit ishte edhe tregolëshi që Rraklli shënoi kundër Teutës më 6 maj 2005.[4] Më 21 gusht, ai luajti në Superkupën e Shqipërisë 2005 kundër Teutës ku Tirana fitoi 5–4 nga gjuajtjet e penalltive; Rraklli shënoi penalltinë e fundit të ekipit të tij.[5]

Rraklli u pensionua zyrtarisht në vitin 2009 pas një periudhe të shkurtër me ekipin amator gjerman SpVgg Bayern Hof.

Karriera ndërkombëtare

[Redakto | Redakto nëpërmjet kodit]

Rraklli ka qënë pjestar i kombëtares shqiptare nga viti 1992 e deri në 2005, duke zhvilluar 63 paraqitje dhe shënuar 11 gola.[6][7][8] Debutimi i tij shte i paharrueshëm, pasi ai shënoi golin e vetëm të fitores 1–0 kundër Greqisë në një ndeshje miqësore më 29 janar 1992.[9] Kjo ishte fitorja e parë e Shqipërisë kundër Greqisë.[10] Pas kësaj, Rraklli ishte pjesë e ekipit në fushatën kualifikuese të Kupës së Botës 1994, duke debutuar zyrtarisht, në ndeshjen e tij të dytë, në humbjen 2–0 kundër Republikës së Irlandës në Dublin më 26 maj.[11] Ai luajti gjashtë ndeshje në pjesën e mbetur të kualifikueseve, duke shënuar një gol ngushëllimi në disfatën në shtëpi kundër Irlandës së Veriut.[12] Ishte një fushatë për t'u harruar për Shqipërinë që e mbylli Grupin 3 në vendin e fundit me vetëm katër pikë në 12 ndeshje.[13]

Rraklli kishte partner në sulm Sokol Kushtën në fushatën kualifikuese të UEFA Euro 1996, ku Shqipëria ishte vendosur në Grupin 7.[14] Ai humbi vetëm një ndeshje, atë hapëse kundër Uellsit në shtator 1994,[15] por luajti në të gjitha ndeshjet e tjera, duke shënuar dy herë me fanellën me numrin 10. Rraklli gjithshtu mbahet mend edhe për golin e famshëm që shënoi kundër Gjermanisë,[16] një gjuajtje në ajër me të djathtën që përfundoi në trekëndëshin e portës së mbrojtur nga Andreas Köpke. Pavarësisht se Shqipëria u mposht 2–1 në Fritz-Walter-Stadion,[17] goli bëri jehonë në mediat shqiptare dhe gjermane.[18] Shqipëria zhvilloi një tjetër fushatë zhgënjyese, duke shkuar jo më shumë se vendi i fundit sëbashku me Uellsin, e cila kishte golavarazh më të mirë.[14]

Në moshën 32 vjeç, Rraklli u la menjëanë nga trajneri i ri Giuseppe Dossena për ndeshjet hapëse kualifikuese të UEFA Euro 2004 kundër Zvicrës dhe Rusisë në tetor 2002. Megjithatë, ai u rikthye në ekip në mars 2003 nga trajneri i ri Hans-Peter Briegel, duke zhvilluar edhe paraqitjen e parë në kualifikuese kundër Rusisë në Stadiumin Loro Boriçi; ai hapi serinë e golave në minutën e 29të në fitoren historike 3–1;[19] ai u bë lojtari i dytë në histori pas Sokol Kushtës në vitin 1995 që shënon 10 ose më shumë gola me kombëtaren.[20] Kjo ndeshje ishte gjithashtu edhe debutimi zyrtar i Hans-Peter Briegel në pankinën e Shqipërisë.[19] Në atë kohë, Rraklli u bë edhe golashënuesi më i mirë në historinë e kombëtares me 10 gola.[21]

Rraklli luajti ndeshjen e fundit me kombëtaren më 30 mars 2005 rastësisht kundër Greqisë, e vlefshme për fushatën kualifikuese të Kupës së Botës 2006. Ndryshe nga debutimi i tij, Rraklli nuk mundi të shënojë, por luajti vetëm si zëvëndësues në pjesën e dytë, duke mos mundur të shmangë humbjen 2–0.[22] Ishte paraqitja e tij e 63të ndërkombëtare, që e bëri në atë kohë si lojtarin e dytë në histori me më shumë ndeshje, duke u renditur mbrapa portierit Foto Strakosha (73).[23] Ai zhvilloi vetëm dy ndeshje si zëvëndësues në kualifikuese, të cilat Shqipëria i mbylli në vendin e pestë me 13 pikë, duke lënë mbrapa Gjeorgjinë dhe Kazaksitanin.[24]

Karriera si trajner

[Redakto | Redakto nëpërmjet kodit]

Rraklli filloi punën si trajner menjëherë pas pensionimt nga futbolli në vitin 2009, duke krijuar ekipin e Tiranës për gra që fitoi kampionatin e parë për gra në Shqipëri.[25] Në vitin 2011, ai u emërua në krye të pankinës së kombëtares shqiptare për gra.[26]

Në prill 2016, Rraklli u largua nga posti për arsye familjare.[27] Në dhjetor 2015, ai ishte në qëndër të një skandali, pasi disa lojtare akuzuan atë për ngacmim si dhe refuzuan të bashkoheshin me ekipin.[28][29] Media lokale gjithashtu publikoi disa mesazhe të Rrakllit ku i kërkonte disa lojtareve favore seksuale si kërkesë për qënë pjesë e ekipit.[30] Disa nga lojtaret si Ambra Gjegji, Luçie Gjini, Esmeralda Frangaj dhe Megi Doçi, nuk u lejuan nga familjarët e tyre të ishin pjesë e ekipit pasi skandali u bë publik.[28]

Jeta personale

[Redakto | Redakto nëpërmjet kodit]

Në nëntor 2016, Rraklli u akuzua për trukim ndeshjesh në Austri.[31] Ai u dënua të kryente 10 muaj burg, një dënim aktualisht i pezulluar.[32]

Në korrik 2017, prokuroria e Tiranës kërkoi 7 vite burg për Rrakllin me akuzën e mashtrimit.[33] Ai u akuzua se kishte mashtruar për shumën 150,000 € një qytet shqiptar, emri i të cilit nuk dihej, por madje ishte supozuar se ishte i afërm i tij.[33] Gjykata uli masën e dënimit në pesë vite, më pas me tre e në fund me katër muaj, kjo për shkak se Rraklli bëri kërkesë për gjykim të shkurtuar. Më pas dënimi i tij u kthye në shërbim prove.[32]

Statistikat e karrierës

[Redakto | Redakto nëpërmjet kodit]

Klube

[Redakto | Redakto nëpërmjet kodit]

Burimi:[34][35][36]

Statistikat me klube
Klubi Sezoni Liga Kupa Evropa Tjetër Gjithsej
Divizioni Ndsh Gola Ndsh Gola Ndsh Gola Ndsh Gola Ndsh Gola
Besa 1990–91 Kategoria Superiore 38 27 0 0 — — 38 27
1991–92 30 16 0 0 — — 30 16
Gjithsej 68 48 0 0 — — 68 48
SC Freiburg 1992–93 2. Bundesliga 37 16 1 1 — — 38 17
1993–94 Bundesliga 21 6 3 2 — — 24 8
1994–95 17 0 1 0 — — 18 0
1995–96 11 0 2 0 2[a] 0 — 15 0
Gjithsej 86 22 7 3 2 0 — 95 25
Hertha BSC 1995–96 2. Bundesliga 14 3 0 0 — — 14 3
1996–97 14 2 1 0 — — 15 2
Gjithsej 28 5 1 0 — — 29 5
SpVgg Unterhaching 1997–98 2. Bundesliga 27 9 0 0 — — 27 9
1998–99 33 9 2 1 — — 35 10
1999–2000 Bundesliga 32 6 1 0 — — 33 6
2000–01 30 4 2 1 — — 32 5
2001–02 2. Bundesliga 25 1 2 0 — — 27 1
Gjithsej 147 29 7 2 — — 154 31
Diyarbakırspor 2002–03 Süper Lig 12 2 0 0 — — 12 2
Jahn Regensburg 2003–04 2. Bundesliga 21 2 2 2 — — 23 4
Tirana 2004–05 Kategoria Superiore 29 19 9 4 0 0 — 38 23
2005–06 6 0 4 1 4[b] 1 1[c] 0 15 2
Gjithsej 35 19 13 5 4 1 1 0 53 25
Besa 2005–06 Kategoria Superiore 14 4 0 0 — — 14 4
SpVgg Bayern Hof 2009–10 Bayernliga 2 0 0 0 — — 2 0
Gjithsej karriera 408 126 30 12 6 1 1 0 445 139
  1. ^ Të gjitha ndeshjet në Kupën UEFA
  2. ^ Të gjitha ndeshjet në UEFA Ligën e Kampioneve
  3. ^ Një ndeshje në Superkupën e Shqipërisë

Kombëtarja

[Redakto | Redakto nëpërmjet kodit]

Burimi:[6][7]

Ndeshjet dhe golat sipas ekipit kombëtar dhe vitit
Ekipi kombëtar Viti Ndsh Gola
Shqipëria 1992 5 1
1993 3 1
1994 4 2
1995 6 1
1996 4 0
1997 4 0
1998 8 2
1999 6 1
2000 3 0
2001 4 1
2002 4 0
2003 8 1
2004 3 1
2005 1 0
Gjithsej 63 11

Golat me kombëtaren

[Redakto | Redakto nëpërmjet kodit]

Rezultatet e Shqipërisë të listuara të parat, kolonat e golave tregojnë rezultatin pas çdo goli të shënuar nga Rraklli.[6][7]

Golat me kombëtaren sipas datës, vendit, ndeshjes, kundërshtarit, rezultatit dhe kompeticionit
Nr. Data Vendi Ndsh Kundërshtari Goli Rezultati Kompeticioni
1 29 janar 1992 Stadiumi Qemal Stafa, Tiranë, Shqipëri 1  Greqia 1–0 1–1 Ndeshje miqësore
2 17 shkurt 1993 6  Irlanda Veriore 1–2 1–2 Kualifikueset e Kupës së Botës 1994
3 14 maj 1994 Gradski stadion, Tetovë, Maqedoni 9  Maqedonia e Veriut 1–3 1–5 Ndeshje miqësore
4 18 dhjetor 1994 Fritz-Walter-Stadion, Kaiserslautern, Germany 12  Gjermania 1–2 1–2 Kualifikueset e UEFA Euro 1996
5 6 shtator 1995 Stadiumi Qemal Stafa, Tiranë, Shqipëri 16  Bullgaria 1–1 1–1
6 21 janar 1998 Stadiumi Olimpik Atatürk, Antalja, Turqi 27  Turqia 1–0 4–1 Ndeshje miqësore
7
2–0
8 9 tetor 1999 Qemal Stafa Stadium, Tirana, Albania 40  Gjeorgjia 1–0 2–1 Kualifikueset e UEFA Euro 2000
9 28 mars 2001 45  Anglia 1–2 1–3 Kualifikueset e Kupës së Botës 2002
10 29 mars 2003 Loro Boriçi Stadium, Shkodër, Albania 52  Rusia 1–0 3–1 Kualifikueset e UEFA Euro 2004
11 18 gusht 2004 Stadiumi Tsirio, Limasol, Qipro 61  Qiproja 1–2 1–2 Ndeshje miqësore

Trofe

[Redakto | Redakto nëpërmjet kodit]

Klube

[Redakto | Redakto nëpërmjet kodit]

Tirana

Referime

[Redakto | Redakto nëpërmjet kodit]
  1. ^ Arnhold, Matthias (16 korrik 2015). "Altin Rraklli – Matches and Goals in Bundesliga" [Altin Rrakli – Ndeshje dhe gola në Bundesligë] (në anglisht). RSSSF. Marrë më 23 korrik 2015.
  2. ^ "Rakli futbollisti i parë shqiptar që luajti në Bundesligën gjermane". Alsat-m.tv. 30 nëntor 2017. Arkivuar nga origjinali më 22 shkurt 2019. Marrë më 21 shkurt 2019.
  3. ^ ""Ambasadori" Altin Rraklli: Më shumë mirënjohje në Gjermani, se në Shqipëri!". Alsat-m.tv. 17 shkurt 1991. Marrë më 6 shkurt 2019.
  4. ^ a b c Nappi, Giovanni (28 shtator 2005). "Albania 2004/05" (në anglisht). RSSSF.com. Marrë më 24 shkurt 2019.
  5. ^ a b Nappi, Giovanni (1 shtator 2005). "Albania Cup (Kupa e Shqipërisë) 2004/05" (në anglisht). RSSSF.com. Marrë më 24 shkurt 2019.
  6. ^ a b c "Altin Rraklli" (në anglisht). European Football. Marrë më 21 shkurt 2019.
  7. ^ a b c Mamrud, Roberto (6 prill 2011). "Altin Rraklli – Goals in International Matches" [Altin Rraklli – Golat në ndeshjet ndërkombëtare] (në anglisht). RSSSF.com. Marrë më 23 shkurt 2015.
  8. ^ Hoxha, Florent; Mamrud, Roberto (29 shkurt 2012). "Goalscoring for Albania National Team" [Golashënuesit për ekipin kombëtar shqiptar] (në anglisht). RSSSF. Marrë më 28 nëntor 2012.
  9. ^ "Albania 1–0 Greece" [Shqipëria 1–0 Greqia] (në anglisht). Football Database. 29 janar 1992. Marrë më 21 shkurt 2019.
  10. ^ "Albania national football team: record v Greece" [Kombëtarja shqiptare e futbollit: rekordi v Greqisë] (në anglisht). 11v11.com. Marrë më 21 shkurt 2019.
  11. ^ Davies, Christopher (5 qershor 2003). "Albania have new hunger to succeed" [Shqipëria ka një uri të re për të pasur sukses] (në anglisht). Dublin: The Telegraph. Marrë më 21 shkurt 2019.
  12. ^ "Albania 1:2 (0:2) Northern Ireland" [Shqipëria 1:2 (0:2) Irlanda e Veriut] (në anglisht). allworldcup.narod.ru. 17 shkurt 1993. Marrë më 21 shkurt 2019.
  13. ^ Stokkermans, Karel; Jarreta, Sergio Henrique (9 qershor 2016). "World Cup 1994 Qualifying" [Kualifikueset e Kupës së Botës 1994] (në anglisht). RSSSF.com. Marrë më 24 shkurt 2019.
  14. ^ a b "Preliminary round – Group 7" [Raudin paraeliminator – Grupi 7] (në anglisht). UEFA.com. Marrë më 26 shkurt 2019.
  15. ^ "Wales 2–0 Albania" [Uellsi 2–0 Shqipëria] (në anglisht). UEFA.com. 7 shtator 1994. Marrë më 26 shkurt 2019.
  16. ^ "EKSKLUZIVE/ RRAKLLI: Ja çfarë më tha MATHEUS kur i shënova Gjermanisë. FSHF më gënjeu, DERBIN e fiton…". Sport.Alpenews.al. 30 nëntor 2018. Marrë më 26 shkurt 2019.
  17. ^ "Germany 2–1 Albania" [Gjermania 2–1 Shqipëria] (në anglisht). UEFA.com. 18 dhjetor 1994. Marrë më 26 shkurt 2019.
  18. ^ "Altin Rraklli: Gjermanët më shikonin shtrembër për golin e 1994-s". Gazeta Dita. 11 prill 2015. Arkivuar nga origjinali më 26 shkurt 2019. Marrë më 26 shkurt 2019.
  19. ^ a b "Flying start for Briegel" [Nisje fluturuese për Briegel] (në anglisht). UEFA.com. 30 mars 2003. Marrë më 21 shkurt 2019.
  20. ^ "Sokol Kushta" (në anglisht). European Football. Marrë më 21 shkurt 2019.
  21. ^ "Golashënuesit e Kombëtares, kryeson Alban Bushi". Albania Sport. Arkiva Shqiptare e Lajmeve. 15 gusht 2008. Arkivuar nga origjinali më 22 shkurt 2019. Marrë më 21 shkurt 2019.
  22. ^ "Greece vs. Albania 2 – 0" [Greqia vs. Shqipëria 2 – 0] (në anglisht). Soccerway. 30 mars 2005. Marrë më 22 shkurt 2019.
  23. ^ "Statistika/ Ndeshjet ndërkombëtare të lojtarëve të Kombëtares". Albania Sport. Arkiva Shqiptare e Lajmeve. 11 korrik 2006. Arkivuar nga origjinali më 22 shkurt 2019. Marrë më 22 shkurt 2019.
  24. ^ "World Cup 2006 Qualifying - Match Details" [Kualifikueset e Kupës së Botë 2006 - Detajet e ndeshjeve] (në anglisht). RSSSF.com. Marrë më 22 shkurt 2019.
  25. ^ "Der Trainer ist ein saucooler Typ" [Trajneri është një djal i mirë] (në gjermanisht). Spox. 24 janar 2012. Arkivuar nga origjinali më 21 nëntor 2012. Marrë më 6 prill 2013.
  26. ^ "Rraklli: Every game is an experience" [Rraklli: Çdo ndeshje është një përvojë] (në anglisht). FIFA.com. 14 nëntor 2013. Arkivuar nga origjinali më 22 shkurt 2019. Marrë më 14 nëntor 2013.
  27. ^ "EKSKLUZIVE/ Rraklli largohet nga stoli i Kombëtares së femrave, ja kush e zëvendëson". Panorama Sport. 22 prill 2016. Marrë më 8 maj 2016.
  28. ^ a b "Skandali / Katër vajza refuzojnë thirrjen e trajnerit Rraklli". Sport Ekspres. 22 janar 2016. Arkivuar nga origjinali më 23 shkurt 2019. Marrë më 23 shkurt 2019.
  29. ^ "Skandali në Kombëtaren e Femrave, trajneri kërkon favore nga lojtaret, zbardhen mesazhet ngacmuese". Newsbomb.al. 4 dhjetor 2015. Marrë më 23 shkurt 2019.
  30. ^ Elidona Syla (4 dhjetor 2015). "Trajneri kërkon favore nga futbollistet e kombëtares, zbulohen mesazhet ngacmuese". Shekulli.com.al. Arkivuar nga origjinali më 23 shkurt 2019. Marrë më 23 shkurt 2019.
  31. ^ "Altin Rraklli: Ju rrëfej të vërtetën e gjyqit dhe dënimit tim në Austri". Panorama Sport. 6 nëntor 2016. Marrë më 23 shkurt 2019.
  32. ^ a b "Altin Rraklli i shpëton prangave. Pas burgut me kusht në Austri, dënohet me shërbim prove në Shqipëri". BalkanWeb.com. 30 qershor 2017. Marrë më 23 shkurt 2019.
  33. ^ a b "Prokuroria, 7 vite burg për Rrakllin!". Sport Ekspres. 14 qershor 2017. Marrë më 23 shkurt 2019.
  34. ^ "Altin Rraklli" (në anglisht). Football Database. Marrë më 24 shkurt 2019.
  35. ^ "Altin Rraklli" (në anglisht). National Football Teams. Marrë më 24 shkurt 2019.
  36. ^ Arnhold, Matthias. "Altin Rraklli - Matches and Goals in Bundesliga" [Altin Rraklli - Ndeshjet dhe golat në Bundesligë] (në anglisht). RSSSF.com. Marrë më 24 shkurt 2019.

Lidhje të jashtme

[Redakto | Redakto nëpërmjet kodit]
Marrë nga "https://sq.wikipedia.org/w/index.php?title=Altin_Rraklli&oldid=2658530"