Inxhineria e sistemeve

Teknikat e sistemeve inxhinierike janë përdorur në projekte komplekse si: projektimi i anijeve kozmike, projektimi i mikroprocesorëve kompjuterike, robotikë, integrimet software, dhe ndërtimin e urave.

Inxhineria e sistemeve është një fushë ndërdisiplinore e inxhinierisë që fokusohet mbi atë se si të projektohen dhe menaxhohen sisteme komplekse inxhinierike gjatë ciklit të tyre të jetës. Çështje të tilla si kërkesat inxhinierike, besueshmëria, logjistika, koordinimin i ekipeve të ndryshme, testimi dhe vlerësimi, mirëmbajtja dhe shumë disiplina të tjera të nevojshme për zhvillim e suksesshëm të sistemit, projektimit, implementimit , dhe dekompozimi përfundimtar bëhet më i vështirë kur bëhet fjalë për projekte të mëdha ose komplekse.

Historia

QFD Shtëpia e Cilësisë përdoret në proceset për zhvillin e produkteve të ndërmarrjeve

Termi Inxhineri e sistemeve (systems engineering) i ka gjurmët në vitet 1940 në Laboratorët e Bell Labs Nevoja për të identifikuar dhe të manipuluar vetitë e një sistemi si një tërësi, e cila në projekte inxhinierike komplekse mund të ndryshojnë në masë të madhe nga shuma e vetive të pjesëve, motivoj shumë industri të aplikojnë këtë disiplinë, veçanërisht ato që zhvillonin sisteme për Ushtrinë e SHBA-së .

Atëherë kur nuk ishte më e mundur të mbështetej në evolucionin e projektimit që të përmirësohej mbi një sistem, dhe mjetet ekzistuese nuk ishin të mjaftueshme të përmbushin kërkesat në rritje, metoda të reja filluan të zhvillohen të cilat e trajtonin drejtpërdrejtë kompleksivitetin . Evolucioni i vazhdueshëm i inxhinerisë të sistemeve përfshin zhvillimin dhe identifikimin e teknikave të modelimit dhe metodave të reja.