Xhuliano Skuka

Nga Wikipedia, enciklopedia e lirë
Xhuliano Skuka
Të dhënat vetjake
Emri i plotëXhuliano Skuka
Datëlindja (1998-08-02) 2 gusht 1998 (25 vjeç)
VendlindjaDibër, Shqipëri
PozicioniSulmues
Të dhënat e klubit
Klubi aktual
Metz
Numri11
Karriera me të rinjtë
Metz
Korabi
Karriera me klube*
VitetKlubiNdeshje(Golat)
2017–2021Korabi73(37)
2021–2022Dinamo13(1)
2022–2023Partizani20(9)
2023–Metz1(0)
Karriera ndërkombëtare‡
2022–Shqipëria4(1)
*Ndeshjet dhe golat me klubet llogariten vetëm për ligën vendase – redaktuar më 31 janar 2023
‡ Ndeshjet dhe golat me ekipin kombëtar të redaktuar më 22 nëntor 2022

Xhuliano Skuka (lindur më 2 gusht 1998) është një futbollist profesionist shqiptar i cili luan si sulmues për klubin francez Metz dhe kombëtaren shqiptare.[1]

Karriera me klube[Redakto | Redakto nëpërmjet kodit]

Korabi[Redakto | Redakto nëpërmjet kodit]

Skuka e nisi karrierën e tij si profesionist në sezonin 2017–18 si lojtar i Korabit në Kategorinë e Parë.[2] Ai debutoi zyrtarisht më 16 shtator në humbjen 4–1 në transfertë kundër Erzenit, duke u aktivizuar në pjesën e dytë si zëvëndësues.[3] Ai u aktivizua dhe në gjashtë ndeshje të tjera gjatë fazës së parë të sezonit, duke mos e gjetur rrugën e rrjetës.

Më 1 shtator 2018, Skuka firmosi kontratën e tij të parë si profesionist, duke nënshkruar me Korabin deri në qershor 2021.[4] Ai fitoi vendin në formacionin titullar gjatë sezonit 2018–19. Ai shënoi golin e parë si profesionist më 6 tetor 2018 në barazimin 2–2 në transfertë kundër Ilirisë.[5] Ai shënoi tregolshin e parë në karrierë më 2 shkurt 2019 në fitoren 3–1 në shtëpi kundër Veleçikut.[6] Skuka e mbylli sezonin e tij të parë të plotë te Korabi duke shënuar 11 gola në 24 ndeshje në kampionat. Ai gjithashtu luajti edhe në dy ndeshjet e raundit të parë të Kupës së Shqipërisë, duke bërë debutimin e tij në këtë kompeticion, por Korabi u eliminua me rezultatin e përgjithshëm 2–1 nga Kastrioti.[7][8]

Skuka u përmirësua ndjeshëm në sezonin 2019–20, duke shënuar 12 gola në vetëm 20 ndeshje në Kategorinë e Parë. Ai shënoi dy golat e parë të sezonit në formën e një dopiete në fitoren 3–0 në shtëpi kundër Veleçikut.[9] Me rifillimin e futbollit pas ndalesës për shkak të Pandemisë së COVID-19, Skuka do të shënonte një dygolësh në barazimin 2–2 kundër Besëlidhjes më 28 qershor,[10] e cila u pasua me një tjetër dygolësh në suksesin kundër Erzenit më 11 korrik.[11] Ai shënoi golin e fundit për këtë sezon më 18 korrik në një tjetër barazim kundër Besëlidhjes.[12]

Skuka e nisi sezonin e tij të katërt me Korabin më 4 nëntor 2020 duke shënuar golin e vetëm të ndeshjes kundër Orikut.[13] Tetë ditë më vonë, në ndeshjen e raundit të dytë të kupës kundër kampiones në fuqi të Kategorisë Superiore Tiranës, Skuka shënoi golin e fitores të ekipit të tij në minutën e 119të në kohën shtesë, duke i shkaktuar një eliminim surprizë kryeqytetasve që bëri bujë në mediat sportive shqiptare.[14][15][16] Kjo gjë solli edhe shkarkimin e trajnerit të Tiranës Emmanuel Egbo.[17]

Më 21 nëntor, Skuka shënoi një tregolësh në fitoren 4–0 kundër Vorës në shtëpi.[18] Në ndeshjen e kthimit në transfertë, ai shënoi plot katër gola duke i dhënë ekipit një fitore bindëse 5–1.[19] Kjo ishte hera e parë që ai shënonte katër gola në një ndeshje. Skuka e mbylli sezonin me 14 gola në 22 ndeshje në Kategorinë e Parë, si dhe tre ndeshje dhe dy gola në kupë. Pavarësisht performancave të tij të mira përgjatë sezonit, Korabi nuk arriti dot të ngjitej në Kategorinë Superiore.

Dinamo[Redakto | Redakto nëpërmjet kodit]

Më 30 qershor 2021, Skuka u prezantua si lojtari i ri i Dinamos; Korabi arriti të mbante 10% të kartonit të tij.[20]

Skuka bëri debutimin e tij në Kategorinë Superiore më 12 shtator në fitoren 2–0 kundër Kastriotit në javën e parë, duke u aktivizuar si zëvëndësues në minutën e 74të në vend të Stephen Chinedu.[21] Ai shënoi golin e tij të parë me Dinamon në ndeshjen e tretë, në një humbje 6–3 kundër Vllaznisë në Shkodër; ai sërisht u aktivizua si zëvëndësues.[22][23]

Më 3 nëntor, Skuka i shënoi sërisht Tiranës në kupë, duke udhëhequr Dinamon drejt një fitoreje 2–0 në Air Albania Stadium në ndeshjen e parë të raundit të dytë.[24] Ai luajti vetëm 45 minuta në ndeshjen e kthimit, dhe pavarësisht se Dinamo u mposht 2–0, ata u kualifikuan pasi fituan nga gjuajtjet e penalltive, duke i shkaktuar Tiranës eliminimin në raundin e dytë për të dytin sezon rresht.[25][26]

Ai luajti 13 ndeshje në kampionat gjatë fazës së parë të sezonit, duke shënuar një gol. Gjatë kohës së tij te Dinamo, Skuka shpesh herë u aktivizua si zëvëndësues dhe luajti si sulmues anësor, duke bërë që mesatarja e tij e shënimit të binte ndjeshëm.[27]

Partizani[Redakto | Redakto nëpërmjet kodit]

Më 6 janar 2022, Skuka u transferua te klubi tjetër i kryeqytit Partizani, duke u larguar nga Dinamo pas vetëm gjashtë muajsh. Ai firmosi një marrëveshje deri në qershor 2022.[28] Ai debutoi dhjetë ditë më vonë në ndeshjen kundër Egnatias në Rrogozhinë, duke shënuar një nga golat e suksesit 3–0 të Partizanit.[29]

Më 10 shkurt, në ndeshjen e kthimit të çerek-finales së kupës, Skuka shënoi golin e vetëm në fitoren 1–0 kundër ish ekipit të tij Dinamos, duke i eliminuar nga kompeticioni dhe duke dërguar Partizanin në gjysëm-finale.[30] Ai vendosi të mos festonte golin e shënuar.[31] Në përballjen gjysëm-finale kundër Vllaznisë, Skuka nuk shënoi në ndeshjen e parë, kurse në të dytën ishte i vetmi lojtar i Partizanit që humbi penalltinë në gjuajtjet e penalltive, duke i shkaktuar Demave të Kuq eliminimin.[32]

Skuka e nisi sezonin e ri 2022–23 më 7 korrik duke debutuar në Ligën e Konferencës së Evropës; ai luajti 74 minuta në ndeshjen e parë të raundit të parë kualifikues kundër Saburtalos dhe asistoi golin e fitores të Partizanit.[33] Në ndeshjen e kthimit, Partizani u mposht 1–0 pas kohës së rregullt dhe shtesës, duke e dërguar ndeshjen në gjuajtjet e penalltive; Skuka shënoi në tentativën e tij, megjithatë Partizani humbi 5–4 dhe u eliminua nga kompeticioni.[34][35]

Skuka ishte protagonist në ndeshjen hapëse të Kategorisë Superiore, duke shënuar në minutën e 97të golin e dytë të fitores 2–1 kundër Egnatias në transfertë.[36] Në dy javët e ardhshme, ai do të shënonte golat e fitores respektivisht kundër Laçit dhe Bylisit,[37][38] me Partizanin që i fitoi të dyja ndeshjet me rezultatin 1–0, si dhe mori kreu e renditjes me nëntë pikë.[39]

Më 28 shtator 2022, Skuka firmosi një kontratë të re deri në vitin 2025.[40]

Metz[Redakto | Redakto nëpërmjet kodit]

Më 23 janar 2023, Skuka u prezantua si lojtari i ri i Metz në Ligue 2, duke firmosur një kontratë deri në qershor 2026.[41] Klubi francez pagoi 1.4 milion € për transferimin e tij, duke e bërë atë lojtarin më të shtrenjtë në historinë e Kategorisë Superiore; gjithashtu Partizani mbajti 20% të kartonit të tij.[42]

Karriera ndërkombëtare[Redakto | Redakto nëpërmjet kodit]

Më 20 tetor 2022, Skuka u ftua për herë të parë në kombëtaren shqiptare si një nga lojtarët e shumtë të Kategorisë Superiore nga trajneri Edoardo Reja për ndeshjen miqësore kundër Arabisë Saudite.[43] Ai debutoi gjashtë ditë më vonë duke u aktivizuar si zëvëndësues në minutën e 47të në vend të Redon Xhixhës, me Shqipërinë që barazoi 1–1.[44] Skuka shënoi golin e parë me ekipin kombëtar më 19 nëntor në fitoren 2–0 Armenisë; kjo ishte fitorja e parë e Shqipërisë në vitin 2022 si dhe e para pas dhjetë ndeshjesh.[45]

Profili i lojtarit[Redakto | Redakto nëpërmjet kodit]

Skuka konsiderohej si një talentet më premtues të Korabit dhe Kategorisë së Parë në vitet e para të tij si futbollist.[14] Pozicioni i tii i preferuar është qëndër-sulmues. Gjatë periudhës së tij te Dinamo, Skuka u aktivizua si anësor i djathtë, si dhe trajneri i vendosi detyra mbrojtëse, duke bërë që mesatarja e tij e shënimit të pësonte rënje.[46]

Skuka është një lojtar i cili shquhet për shpejtësinë, aftësinë për të shënuar gola si dhe dhe pozicionimin në fushën e lojës.[46] Ai gjithashtu njihet si një gjuajtës i saktë i penalltive.[47]

Dorian Bylykbashi, ish futbollist i Partizanit, e ka krahasuar Skukën me Daniel Xhafajn, golashënuesin e dytë më të mirë në historinë e Kategorisë Superiore.[48]

Jeta personale[Redakto | Redakto nëpërmjet kodit]

Përveç pasaportës shqiptare, Skuka gjithashtu zotëron pasaportën franceze.[49]

Statistikat e karrierës[Redakto | Redakto nëpërmjet kodit]

Redaktuar më 2 tetor 2022[50]
Ndeshjet dhe golat sipas klubit, sezonit dhe kompeticionit
Klubi Sezoni Liga Kupa Evropa Tjetër Gjithsej
Divizioni Ndsh Gola Ndsh Gola Ndsh Gola Ndsh Gola Ndsh Gola
Korabi 2017–18 Kategoria e Parë 7 0 0 0 — — 7 0
2018–19 24 11 2 0 — — 26 11
2019–20 20 12 1 0 — — 21 12
2020–21 22 14 3 2 — — 25 16
Gjithsej 76 39 3 0 — — 79 39
Dinamo 2021–22 Kategoria Superiore 13 1 4 1 — — 17 2
Partizani 2021–22 Kategoria Superiore 20 9 4 1 — — 24 10
2022–23 6 3 1 0 2[a] 0 — 9 3
Gjithsej 26 12 5 1 2 0 — 33 13
Gjithsej karriera 112 50 15 4 2 0 — 129 54
  1. ^ Të gjitha ndeshjet në UEFA Ligën e Konferencës së Evropës

Referime[Redakto | Redakto nëpërmjet kodit]

  1. ^ "Xhuliano Skuka". fshf.org. Federata Shqiptare e Futbollit. Marrë më 27 maj 2020.
  2. ^ "Xhuliano Skuka, sulmuesi dibran që Vllaznia tentoi ta merrte në verë". Shkodra Sport. 17 mars 2021. Arkivuar nga origjinali më 5 tetor 2022. Marrë më 4 tetor 2022.
  3. ^ "Erzeni Shijak vs. Korabi Peshkopi 4 – 1" (në anglisht). Soccerway. 16 shtator 2017. Marrë më 4 tetor 2022.
  4. ^ "Xhuliano Skuka firmos për 3 vite me Korabin". KS Korabi. Facebook. 1 shtator 2018. Marrë më 6 tetor 2022.
  5. ^ "Iliria Fushë-Krujë vs. Korabi Peshkopi 2 – 2" (në anglisht). Soccerway. 6 tetor 2018. Marrë më 5 tetor 2022.
  6. ^ "Korabi Peshkopi vs. Veleçiku Koplik 3 – 1" (në anglisht). Soccerway. 2 shkurt 2019. Marrë më 5 tetor 2022.
  7. ^ "Korabi Peshkopi vs. Kastrioti Krujë 1 – 1" (në anglisht). Soccerway. 12 shtator 2018. Marrë më 5 tetor 2022.
  8. ^ "Kastrioti Krujë vs. Korabi Peshkopi 1 – 0" (në anglisht). Soccerway. 26 shtator 2018. Marrë më 6 tetor 2022.
  9. ^ "Korabi Peshkopi vs. Veleçiku Koplik 3 – 1" (në anglisht). Soccerway. 21 shtator 2019. Marrë më 6 tetor 2022.
  10. ^ "Besëlidhja Lezhë vs. Korabi Peshkopi 2 – 2" (në anglisht). Soccerway. 28 qershor 2020. Marrë më 6 tetor 2022.
  11. ^ "Korabi Peshkopi vs. Erzeni Shijak 3 – 0" (në anglisht). Soccerway. 11 korrik 2020. Marrë më 5 tetor 2022.
  12. ^ "Korabi Peshkopi vs. Besëlidhja Lezhë 1 – 1" (në anglisht). Soccerway. 18 korrik 2020. Marrë më 5 tetor 2022.
  13. ^ "Korabi Peshkopi vs. Oriku 1 – 0" (në anglisht). Soccerway. 4 nëntor 2020. Marrë më 6 tetor 2022.
  14. ^ a b "Eliminoi Tiranën me golin e tij, Xhuliano Skuka, një zbulim i Korabit. Në janar mund të…". Panorama Sport. 13 nëntor 2020. Marrë më 6 tetor 2022.
  15. ^ "Eliminoi Tiranën me gol në minutën e 118, flet Skuka: S'e dija as që do të luaja, por eliminova bardheblutë". Panorama Sport. 13 nëntor 2020. Marrë më 6 tetor 2022.
  16. ^ "Tronditja e madhe në Kupën e Shqipërisë/ Korabi i Dalipit eliminon me 10 lojtarë Tiranën, Dinamo nxjerr Bylisin". Sport Ekspres. 12 nëntor 2020. Marrë më 6 tetor 2022.
  17. ^ "Korabi eliminon Tiranën/ Shkarkohet trajneri Egbo, Partizani mund Apoloninë dhe kualifikohet". top-channel.tv. 12 nëntor 2020. Marrë më 6 tetor 2022.
  18. ^ "Korabi Peshkopi vs. Vora 4 – 0" (në anglisht). Soccerway. 21 nëntor 2020. Marrë më 7 tetor 2022.
  19. ^ "Kategoria e Parë, "Play-Off"/ 21 gola në 4 ndeshje! Burreli e mbyll në vendin e dytë, Skuka shpërthen me "poker". Ja të gjitha rezultatet (VIDEO)". Panorama Sport. 15 maj 2021. Marrë më 6 tetor 2022.
  20. ^ "Zyrtare/ Dinamo blen bomberin e Kategorisë së Parë, prezantohet sulmuesi Skuka". Panorama Sport. 30 qershor 2021. Marrë më 4 tetor 2022.
  21. ^ "VIDEO/ Dinamo me dy fytyra mposht Kastriotin, fiton Kukësi dhe shënon Bruno Telushi me Egnatian". Sport Ekspres. 12 shtator 2021. Marrë më 4 tetor 2022.
  22. ^ "VIDEO/ Gola dhe spektakël, Vllaznia mposht Dinamon në Shkodër". ABC News. 18 tetor 2021. Marrë më 7 tetor 2022.
  23. ^ "VIDEO/ 9 vite pritje për spektaklin me 9 gola, Vllaznia mposht me ART Dinamon, shkodranët janë të dytët në renditje". newsport.al. 18 tetor 2021. Marrë më 7 tetor 2022.
  24. ^ "VIDEO / Dinamo mposht Tiranën në derbin e Kupës, Ibraimi dhe Skuka fundosin bardheblutë". Panorama Sport. 3 nëntor 2021. Marrë më 7 tetor 2022.
  25. ^ "Kupa/ Dinamo eliminon Tiranën pas 210 minutash dhe 20 penalltive, Halili: Ata që folën për trukim janë minj kanalesh". Shqiptarja.com. 19 nëntor 2021. Marrë më 7 tetor 2022.
  26. ^ "Kupa e Shqipërisë: Dinamo eliminon Tiranën dhe gjen Partizanin". Gazeta Tema. 18 nëntor 2021. Marrë më 7 tetor 2022.
  27. ^ "Dorian Bylykbashi flet për ndeshjen e rradhës, Skukën dhe ecurinë e Partizanit". Partizani.net. 18 shkurt 2022. Marrë më 5 tetor 2022.
  28. ^ "Xhuliano Skuka prezantohet si futbollisti më i ri i të kuqve". Shkodra Sport. 6 janar 2022. Arkivuar nga origjinali më 5 tetor 2022. Marrë më 4 tetor 2022.
  29. ^ "EKSKLUZIVE/ "Këtë debutim te Partizani nuk e harroj lehtë", Skuka: Kam vetëm një frikë…". Panorama Sport. 17 janar 2022. Marrë më 5 tetor 2022.
  30. ^ "VIDEO/ Partizani në gjysmëfinale, Skuka i bën gjëmën Dinamos në kupë". ABC News. 10 shkurt 2022. Marrë më 5 tetor 2022.
  31. ^ "EKSKLUZIVE/ "Trajneri Mehmeti i pa cilësitë e mia", Skuka: Ja pse nuk festova golin ndaj Dinamos". Panorama Sport. 11 shkurt 2022. Marrë më 5 tetor 2022.
  32. ^ ""Ndoshta zhgënjimin nuk ua heq dot nga mendja", Skuka kërkon besimin e tifozëve: Ju premtoj se…". Sport Ekspres. 14 prill 2022. Arkivuar nga origjinali më 6 tetor 2022. Marrë më 5 tetor 2022.
  33. ^ "Partizani fiton në Gjeorgji me golin e Carës, pranë kualifikimit në Conference League (VIDEO)". Koha Jonë. 7 korrik 2022. Marrë më 5 tetor 2022.
  34. ^ "Partizani eliminohet nga penalltitë, kualifikohet Laçi". Konica.al. 14 korrik 2022. Marrë më 5 tetor 2022.
  35. ^ "Partizani mposhtet dhe eliminohet nga Evropa". Insajderi.org. 14 korrik 2022. Marrë më 5 tetor 2022.
  36. ^ "Partizani e nis me fitore kampionatin. Super Skuka, "heroi" i takimit, shënon në sekondat e fundit të shtesës". VeriuSport.al. 20 gusht 2022. Marrë më 5 tetor 2022.
  37. ^ "Penallti me VAR, Skuka mposht Laçin: Partizani i vetmi me pikë të plota në Superiore". Lapsi.al. 29 gusht 2022. Marrë më 5 tetor 2022.
  38. ^ "Bylis – Partizani 0-1, vendos Skuka (Video)". Partizani.net. 4 shtator 2022. Marrë më 5 tetor 2022.
  39. ^ "Skuka: Ky do të jetë sezoni ynë". Partizani.net. 5 shtator 2022. Marrë më 5 tetor 2022.
  40. ^ "Xhuliano Skuka rinovon kontratën deri në 2025 (Video)". Partizani.net. 28 shtator 2022. Marrë më 5 tetor 2022.
  41. ^ "ZYRTARE/ Skuka prezantohet te francezët e Metz, ja cilin numër do të mbajë në fanellë (VIDEO)". Panorama Sport. 23 janar 2023. Marrë më 30 janar 2023.
  42. ^ ""Skuka është transferimi rekord për futbollin shqiptar", drejtuesi i Partizanit konfirmon: Ja pse Xhuliano zgjodhi Francën". Panorama Sport. 23 janar 2023. Marrë më 30 janar 2023.
  43. ^ "Miqësorja me Arabinë Saudite/Trajneri Reja shpall listën e Kombëtares shqiptare!". fshf.org. Federata Shqiptare e Futbollit. 20 tetor 2022.
  44. ^ "Shqipëria barazon në miqësoren me Arabinë Saudite, kuqezinjve i mohohet një penallti". Gazeta Tema. 26 tetor 2022. Marrë më 30 janar 2023.
  45. ^ "Shqipëria e mbyll vitin me fitore, 2-0 ndaj Armenisë". rtv21.tv. 19 nëntor 2022. Marrë më 30 janar 2023.
  46. ^ a b "Ekskluzive/ "Skuka duhej të ishte te Kombëtarja", flet presidenti i "tokës së premtuar" për Superioren: Ja pse nuk eci te Dinamo, nxorëm edhe Sindrit Gurin". Sport Ekspres. 21 prill 2022. Arkivuar nga origjinali më 7 tetor 2022. Marrë më 6 tetor 2022.
  47. ^ "Xhuliano Skuka Penalty goals" [Xhuliano Skuka – Golat me penallti] (në anglisht). Transfermakrt. Marrë më 6 tetor 2022.
  48. ^ "Dorian Bylykbashi flet për ndeshjen e rradhës, Skukën dhe ecurinë e Partizanit". Partizani.net. 18 shkurt 2022. Marrë më 6 tetor 2022.
  49. ^ ""Skuka oferta nga jashtë", skaner i Mëziut: Canaj qëndron, plan Superiorja". Panorama Sport. 27 maj 2021. Marrë më 7 tetor 2022.
  50. ^ "Xhuliano Skuka" (në anglisht). Soccerway. Marrë më 5 tetor 2022.

Lidhje të jashtme[Redakto | Redakto nëpërmjet kodit]

Marrë nga "https://sq.wikipedia.org/w/index.php?title=Xhuliano_Skuka&oldid=2560007"