Kafshët fantastike dhe ku mund të gjenden - skenari origjinal

Nga Wikipedia, enciklopedia e lirë
Jump to navigation Jump to search

Kafshët fantastike dhe ku mund të gjenden : Skenari origjinal është libri zyrtar që përmban skenarin origjinal të shkrujtur nga J.K. Rowling për filmin me të njëjtin emër. Në 1 shtator 2016, Pottermore lançoi kopertinat finale për botimet britanike dhe amerikane të skenarit. Ky libër u dizenjua nga MinaLima[1], një studio dizajni e vlerësuar me shumë çmime, e themeluar nga Miraphora Mina dhe Eduardo Lima, të cilët ishin dizenjuesit grafikë që punuan për filmin Kafshët fantastike dhe ku mund të gjenden dhe për tetë filmat e Harry Potterit.

Kopertina dhe ilustrimet e këtij libri janë bazuar te krijesat e kësaj historie dhe janë frymëzuar nga stili dekorativ i viteve 1920. Vizatimet janë bërë me dorë dhe janë përsosur në mënyrë dixhitale me Adobe Illustrator.

U përkthye dhe botua në shqip nga Shtëpia Dituria në 2018.

Skenari[redakto | redakto tekstin burimor]

Gelert Grindelvaldi shfaqet përpara sheshkalldrëmit të një kështjellje të madhe të braktisur ku vret pesë aurorë. Ai ecën duke lënë pas trupat e tyre me vështrimin e ngulur në qiellin e natës. Shfaqet një skenë montazhi me fragmente titujsh gazetash të vitit 1926 për sulmet e Grindelvaldit. Ai kërkohet në të gjithë botën për t'u vënë përpara drejtësisë. Shpaloset në fund një artikull që tregon foton e Statujës së Lirisë.

Njut Skamandëri qëndron i ulur në stolin e një anijeje të madhe pasagjerësh që është duke kaluar pranë Statujës së Lirisë. Një nga kapëset e valixhes që ai mban me vete hapet papritmas. I pëshpërit Dugalit dhe i thotë të rrijë urtë.

Ndërsa zbarkojnë në Nju Jork, Njuti duhet të kalojë përmes kontrollit të doganës të Jomagjëve (personave jomagjistarë).Një doganier e pyet atë se çfarë mban brenda valixhes. Më pas prapë një nga kapëset e valixhes lirohet dhe doganieri i kërkon ta hapë valixhen. Njuti pa u vënë re shtyp një buton të vogël me emrin " Për babanacët" dhe e hap valixhen ku shihen rroba, një gazetë, harta, një orë me zile, një lupë dhe një shall baldoskuqësh.

Ngjarjet zhvillohen në vitin 1926 në qytetin e Nju Jorkut, ku ngjarjet e pak njerëzve dhe disa krijesave do të përcaktojnë fatin e shumë të tjerëve. Njut Skamandëri është i pari dhe ndoshta i vetmi magjizoolog, i cili lufton për të mbrojtur kafshët magjike të botës, tani ndodh që papritur ato ja mbathin prej valixhes. Tina Golldstin është një ish-Aurore amerikane, e punësuar në Ministrinë e Magjisë të SHBA, e cila dëshiron me gjithë shpirt të kthehet në këtë detyrë dhe është e sigurt se lëvizja kundër magjistarëve, e quajtura " Trashëgimtarët e Salemit", është strofull e vetë së Keqes. Kuini Golldsdtin, e motra e Tinës, është e bukur, e hijshme dhe e paturpshme, një leximagje, e aftë të lexojë mendimet e të tjerëve. Për të mos harruar, Jomagjin Xhejkob Kovalskin, i cili dëshiron të hapë një furrë për të shitur bukë dhe ëmbëlsira të ndryshme.

Përkthimi në shqip[redakto | redakto tekstin burimor]

Libri u përkthye botua në gjuhën shqipe nga Mira Kroqi dhe u botua nga shtëpia botuese Dituria në nëntor te vitit 2018. Paraqitja grafike u bë nga Ulinda Selenica.[nevojitet citimi]

Dedikim[redakto | redakto tekstin burimor]

" Në kujtim të Gordon Murray, shërues krijesash dhe hero i vërtetë në botën reale."

Libri i dedikohet njërkut të mëvonshëm të autores i cili ishte një veteriner.[2]

Falenderime[redakto | redakto tekstin burimor]

Rowling u jep nje falenderim jashtëzakonisht të madh Steve Kloves-it dhe David Yates-it për durimin e tyre dhe ndihmën në krijimin e skenarit të Kafshëve fantastike. Ata i dërgonin vazhdimisht shënime dhe mbështetje ndërkohë që ajo ecte nëpër rrugëtimin e saj për skenarin e saj të parë. Më pas ajo falenderon David Heyman-in, i cili ka qenë me të qysh në hapat e parë të kalimit të Harry Potterit në ekranin e madh dhe pa të, Kafshët fantastike do të kishin qenë tejet modeste.

Falenderon gjithashtu edhe Kevin Tsujiharan, i cili e ndihmoi të sillte në jetë Njut Skamanderin. Mbështetja e tij ka qenë e paçmueshme dhe atij i takon merita më e madhe që projekti u realizua.

Së fundmi, por jo nga rëndësia, ajo falenderon familjen e saj, burrin e sal Neilin dhe tre femijët e saj, Xhesikën, Davidin dhe Kenzin që besuan në të për të vazhduar skenarin.

Referenca[redakto | redakto tekstin burimor]

  1. ^ "Fantastic Beasts: Behind the scenes book covers - Pottermore". Pottermore (në anglisht). Marrë më 2018-11-21. 
  2. ^ "J.K. Rowling on Twitter". Twitter (në anglisht). Marrë më 2018-11-21.