Portugali 0–1 Shqipëri (7 Shtator 2014)

Nga Wikipedia, enciklopedia e lirë
Jump to navigation Jump to search

Portugali 0–1 Shqipëri ishte ndeshja e parë e Grupit I të kualifikueseve të Euro 2016 e luajtur në stadiumin Municipal de Aveiro. Kjo ishte ndeshja e gjashtë midis tyre në histori, me Shqipërinë që më parë kishte marrë vetëm një barazim dhe katër humbje.[1] Ndeshja u luajt më 7 shtator 2014 dhe Shqipëria fitoi ndeshjen me rezultatin 1–0 falë supergolit të Bekim Balaj në minutën e 53.[2] Me këtë fitore, Shqipëria u vendos në vendin e dytë me pikë të barabarta me Danimarkën e cila është në vend të parë për shkak të golavarazhit më të mirë.

Prapaskena[redakto | përpunoni burim]

Ronaldo duke luajtur me Portugalinë në qershor 2013.

Të dyja kombëtaren vinin me mungesa të mëdha para ndeshjes. Për kombëtaren portugeze mungonte lojtari i tyre kyresor Cristiano Ronaldo, i cili kishte pësuar një dëmtim të lehtë dhe mos-thirrja e tij ishte konfirmuar nga trajneri Paolo Bento.[3] Gjithashtu për Portugalinë mungonin edhe Hélder Postiga, Hugo Almeida, Silvestre Varela, Rúben Amorim, Rafa Silva, Bruno Alves dhe portieri Beto. Të gjithë këta lojtar ishin në listën e lojtarëve për të luajtur në Kupën e Botës. Nga ana tjetër, për kombëtaren shqiptare mungesa më e madhe ishte Alban Meha i cili pati një dëmtim të meniskut të këmbës së djathtë në fund të muajit korrik.[4] Gjithashtu mungesa të tjera për Shqipërinë ishin mesfushorët Migjen Basha Ledian Memushaj dhe Vullnet Basha, gjithashtu edhe sulmuesi Armando Sadiku, të gjithë këto lojtarë mungonin sepse ishin të dëmtuar. Në një intervistë, trajneri Gianni De Biasi tha që në kombëtare do të thirren të gjithë ato lojtarë që kanë luajtur rregullisht me klubet respektive, duke bërë që të ngelej jashtë skuadre Valdet Rama i cili sapo kishte gjetur skuadër.[5]

Paolo Bento thirri për herë të parë në kombëtare të rinjtë Ricardo Horta dhe André Gomes, të cilët gjatë ndeshjes bërë edhe debutimin e tyre.[6] Nga ana tjetër, për Shqipërinë bëri debutimin Taulant Xhaka, vëllai i Granitit, i cili ishte thirrur dhe në raste të tjera por nuk ka bërë debutimin e tij për shkak dëmtimi. Përpara ndeshjes, presidenti i FSHF-së Armando Duka kishte premtuar se në rast fitoreje me Portugalinë, secili lojtarë do të shpërblehej me nga 10 mijë .[7]

Ndeshja[redakto | përpunoni burim]

Pjesa e parë[redakto | përpunoni burim]

Nani, u nderua nga Federata Portugeze e Futbollit sepse ai luajti ndeshjen e 79 me kombëtaren duke u bërë lojtari i nëntë me më shumë ndeshje.

Ndeshja nis me ngulmim të natyrshëm të Portugalisë, por mesfusha kuqezi është mjaft e ngjeshur. Shqipëria luajnë afër njëri-tjetrit dhe duan ta mbajnë sa më larg kundërshtarin. Një ndërhyrje e Roshit ndaj Coentrãos detyron gjyqtarin kryesor francez të nxjerrë shumë shpejt kartonin e verdhë, që në minutën e tretë. Më pas vjen goditja e dënimit, ekzekutuar nga Nani, që gjen të papërgatitur mbrojtjen tonë. Ndërhyrja e portierit Berisha është shpëtimtare. Duket qartë presioni mbi kuqezinjtë, sepse gabojnë në pasimin e parë, duke ua dhuruar luzitanëve shumë shpejt. Kukeli është rikthyer pas një viti e gjysmë në kombëtare, nërsa Taulant Xhaka e ka për herë të parë me Shqipërinë, ndaj emocionet te këta dy lojtarë janë evidente. Udhëzimet e De Biasit janë për mbulim një për një në mesfushë. Portugezët nuk janë shumë fleksibël në sulm, ndaj lehtësohet disi puna e tanëve për t’i markuar në qendër. Daljet nga krahët e vendësve sa vijnë e bëhen me shqetësuese për prapavijën e Shqipërisë, që mbetet e tërhequr thellë, shumë pranë portierit Berisha. Në minutën e 13-të i dhurojmë një asist Luis Nanit, që ka krejt hapësirën e duhur të shënojë, por godet keq para portierit tonë kuqezi. Gabim i Kukelit, që ka vështirësi ta nxjerrë topin përpara. Ai ka marrë rolin e Migjen Bashës, i dëmtuar, që mungon. Goditja e parë nga këndi për tanët vjen në minutën e 20-të. Kjo është edhe dalja e parë e plotë në fazën ofensive të tanëve, që janë të detyruar të përveshin mëngët përballë furisë së sulmeve të njëpasnjëshme të luzitanëve. Fatmirësisht, portugezët gabojnë në finalizim. Edhe Abrashi merr karton të verdhë në minutën e 22-të, i dyti për tanët, cka dëshmon për duelet e forta në mesfushë. Ajo që bie në sy ka të bëjë me vendosje jot ë mirë të kuqezinjve në goditjet standard të kundërshtarit, i cili tenton me të gjitha mënyrat për ta zhbllokuar rezultatin. Megjithatë, Berisha është në gadishmëri. Bekim Balaj, sulmuesi i vetëm i Shqipërisë, mbetet i izoluar në prapavijën portugeze, ku ka mbulimin nga afër të Pepes. Në minutën e 30-të, Roshi fut një pasim diagonal rrafsh me tokën, por portieri luzitan ndërhyn shpejt, para se Bala të krijojë ndonjë rrezik. Shqipëria mendon më së shumti si të mos pësojë, ndaj shihet pak në zonën kundërshtare. Megjithatë, me kalimin e minutave arrin t’i kundërvihet më mirë skuadrës vendëse, që nuk rresht së sulmuari në të gjitha drejtimet. Edhe Taulant Xhaka merr karton të verdhë në minutën e 34-t, kohë kur Kukeli ndodhej jashtë dhe po mjekohej, pasi pësoi një dëmtim në dyluftim me kundërshtarin dhe krijoi makth te De Biasi e kuqezinjtë e tjerë, sepse ka kaluar dy operacione të njëpasnjëshme. Sidoqoftë, mesfushorët tanë duhet të kenë shumë kujdes tashmë, sepse e kanë nga një të verdhë dhe rrezikojnë ta lënë kombëtaren tonë në inferioritet numerik. Pjesa e parë mbyllet me disa raste të rrezikshme në portën e Berishës. E vetmja mundësi e tanëve për të dalë nga gjysmëfusha e vet është topi i gjatë, por pa asnjë adresim të saktë. Balaj nuk ka cfarë të bëjë, sepse është krejt i vetëm në fazën ofensive. Gjithsesi, ajo më e rëndësishmja është se 45 minutat e para i mbyllim pa pësuar, madje me Roshin mund të kishim rrezikuar në limit. I vetmi rast për tanët në pjesën e parë.

Pjesa e dytë[redakto | përpunoni burim]

Autori i golit, Bekim Balaj shënoi Golin e parë me kombëtaren në ndeshjen e pestë të tij. Gjithashtu kjo ishte ndeshja e parë për të si titullar.

Fraksioni i dytë nis pa zëvendësim te tanët, ndërsa Paulo Bento bën një ndryshim në sulm. Eshtë e pritshme ofensiva e luzitanëve, që kanë në mbështetje të tyre edhe shumë tifozë, ndërsa ata kuqezinj janë të paktë në numër, diku te 100 vetë. Vetëm tri minuta kalojnë dhe Roshi sjell drithërima në portën portugeze, me krosimin tokazi nga e djathta. Balaj zhytet për ta devijuar topin në rrjetën kundërshtare, por nuk është në kohë. Minuta e 52-të është drithëruese për shqiptarët. Odise Roshi merr bukur krahun e djathtë dhe kroson në zonën luzitane, ku Bekim Balaj godet fluturimthi, gati me kurriz nga porta vendëse, duke shënuar. Shokohet Portugalia, që ka shpërdoruar pa fund, ndërsa ndëshkohet në të paktat mundësi të krijuara nga kuqezinjtë. Reagimi luzitan është imponues, e sposton lojën në gjsyëmfushën tonë, por aty ndesh një barrikadë të pakalueshme me Canën, Mavrajn e të tjerë. Luis Nani merr përsipër të bëjë liderin, godet nga distanca, por topi s’u bindet plotësisht këmbëve të tij. Tensioni rritet në maksimum te vendësit, cka i jep disi frymëmarrje e qetësi skuadrës sonë, e cila mbahet stoikisht në fushën e blertë, edhe pse thellësisht në qasje defensive. Reagimi luzitan është imponues, e sposton lojën në gjsyëmfushën tonë, por aty ndesh një barrikadë të pakalueshme me Canën, Mavrajn e të tjerë. Luis Nani merr përsipër të bëjë liderin, godet nga distanca, por topi s’u bindet plotësisht këmbëve të tij. Tensioni rritet në maksimum te vendësit, cka i jep disi frymëmarrje e qetësi skuadrës sonë, e cila mbahet stoikisht në fushën e blertë, edhe pse thellësisht në qasje defensive. Në minutën e 75-të hidhet në lojë edhe Andi Lila. Ka vështirësi Lenjani, ndaj dhe trajneri De Biasi vendos t’i besojë pjekurisë së kavajasit të PAS Gianninës. Janë minuta ankthi për kuqezinjtë, sepse loja zhvillohet tërësisht në zonën e Berishës. Rastet janë të shumta për luzitanët, por qetësia dhe kthejlltësia në finalizim shkon në favorin e Shqipërisë. Jemi me fat në ato mundësi të Luis Nanit, që humb raste tepër të favorshme. Dhjetë minuta e fundit aktivizohet edhe Cikalleshi. Kavajasi zëvendëson “kokë për kokë” heroin e kësaj ndeshjeje, Bekim Balaj, që shënoi atë supergol dhe u dha kuqezinjve tanë një fitore të artë e historike në Aveiro. Pas barazimit 0-0 në Braga, Shqipëria i bën goditjen e radhës skuadrës së Cristiano Ronaldos, që mungoi kësaj here, duke e mundur në shtëpi dhe bërë një start të mrekullueshëm fushatës eliminatore “Euro 2016”. Tri pikët e para, që japin moral të lartë për vazhdimësinë e garës. Kjo ishte hera e parë që Shqipëria i nis kualifikueset e Kupës së Botës ose Kampionatit Europian me një fitore jashtë fushe. Lojtari më i mirë i ndeshjes nga UEFA dhe Goal.com u zgjodh Odise Roshi.[8] Kjo ishte fitorja e parë në historinë e kombëtares shqiptare kundër Portugalisë.

Detajet[redakto | përpunoni burim]

7 shtator 2014
21:45 UTC+4 [9]
Flamuri Portugalia 0–1 Flamuri Shqipëria
Raporti Balaj Scored after 52 minutes 52'
Estádio Municipal de Aveiro, Aveiro
Pjesëmarrja: 22,200
Gjyqtari: Ruddy Buquet (Franca)

PT 12 Flamuri Rui Patrício
CB 13 Flamuri Ricardo Costa Substituted off after 73 minutes 73'
CB 3 Flamuri Pepe
LB 5 Flamuri Fábio Coentrão
RB 21 Flamuri João Pereira Booked after 84 minutes 84'
MF 17 Flamuri Nani (c) Booked after 69 minutes 69'
MF 8 Flamuri João Moutinho
MF 10 Flamuri Vieirinha Substituted off after 46 minutes 46'
MF 6 Flamuri William Substituted off after 56 minutes 56'
MF 15 Flamuri André Gomes
CF 9 Flamuri Éder
Zëvëndësimet:
W 23 Flamuri Ivan Cavaleiro Substituted on after 46 minutes 46'
W 11 Flamuri Ricardo Horta Substituted on after 56 minutes 56'
MF 4 Flamuri Miguel Veloso Substituted on after 73 minutes 73'
Trajneri:
Flamuri Paulo Bento
GK 1 Flamuri Etrit Berisha Booked after 70 minutes 70'
CB 15 Flamuri Mërgim Mavraj Booked after 67 minutes 67'
CB 5 Flamuri Lorik Cana (c)
LB 7 Flamuri Ansi Agolli
RB 4 Flamuri Elseid Hysaj
MF 3 Flamuri Ermir Lenjani Substituted off after 75 minutes 75'
MF 22 Flamuri Amir Abrashi Booked after 21 minutes 21'
MF 13 Flamuri Burim Kukeli Substituted off after 66 minutes 66'
MF 14 Flamuri Taulant Xhaka Booked after 34 minutes 34'
MF 21 Flamuri Odise Roshi Booked after 4 minutes 4'
CF 19 Flamuri Bekim Balaj Substituted off after 82 minutes 82'
Zëvëndësimet:
MF 20 Flamuri Ergys Kaçe Substituted on after 66 minutes 66' Booked after 69 minutes 69'
LB 2 Flamuri Andi Lila Substituted on after 75 minutes 75'
CF 16 Flamuri Sokol Cikalleshi Substituted on after 82 minutes 82'
Trajneri:
Flamuri Gianni De Biasi

Lojtari i ndeshjes
Flamuri Odise Roshi (Shqipëria)

Ndihmësit e Arbitrit:
Flamuri Frédéric Cano (Franca)
Flamuri Guillaume Debart (Franca)
Arbitri i katërt:
Flamuri Stephan Luzi (Franca)

Rregullat e ndeshjes

  • 90 minuta.
  • 7 zëvëndësime të lejuara.
  • Vetëm 3 zëvëndësime mund të përdoren.

Statistika[redakto | përpunoni burim]

Statistika[10] Portugalia Shqipëria
Gola të shënuar 0 1
Gjuajtje në total 19 1
Gjuajtje në portë 5 1
% e topit 68% 32%
Korne 10 2
Faulla 8 14
Pozitë jashtë loje 3 1
Karton të verdhë 1 6
Karton të kuqë 0 0

Reagimet[redakto | përpunoni burim]

Odise Roshi u shpall lojtari i ndeshjes nga UEFA.

Kjo fitore u cilësua historike nga mediat shqiptare dhe shokuese nga mediat e huaja. Për FIFA.com, ky rezultat ishte surprizues,[11] kurse për Daliy Mail rezultati ishte shokues.[12]

Pas mbarimit të ndeshjes, autori i golit Bekim Balaj tha:[13]

Pas mbarimit të ndeshjes, kapiteni Lorik Cana tha:[14]

Pas ndeshjes, trajneri i kombëtares Gianni De Biasi tha:[15]

Pas ndeshjes, sulmuesi portugez Nani tha:[16]

Pas ndeshjes, trajneri portugez Paolo Bento pranoi humbjen duke thënë:[17]

Referime[redakto | përpunoni burim]

  1. ^ "Albania v Portugal". Eu-Football.info. Marrë më 7 shtator 2014. 
  2. ^ ""Bekim" kuqezi në Aveiro, Shqipëria shokon Portugalinë". Panorama Sport. 7 shtator 2014. Arkivuar nga origjinali më 8 shtator 2014. Marrë më 7 shtator 2014.  Një parametër i panjohur |url-status= është injoruar (ndihmë)
  3. ^ "Cristiano Ronaldo to miss Portugal Euro 2016 qualifier". Fox Sports. 29 gusht 2014. Marrë më 7 shtator 2014. 
  4. ^ "Meha mungon 8 javë, De Biazi i pikëlluar". Panorama Sport. 1 gusht 2014. Marrë më 7 shtator 2014. 
  5. ^ "Rama: Këtë herë s'meritoja të isha në Kombëtare. S'kam bërë stërvitje të rregullt". Panorama Sport. 5 shtator 2014. Marrë më 5 shtator 2014. 
  6. ^ Balaj, Bekim (7 September 2014). "Portugal 0-1 Albania: Seleccao stunned by Balaj beauty". Goal.com. Marrë më 7 September 2014. 
  7. ^ "10 mijë euro për kokë, gati premio për kuqezinjtë". Panorama Sport. 8 shtator 2014. Marrë më 10 shtator 2014. 
  8. ^ "Portugal 0-1 Albania: Players rating". Goal.com. 7 shtator 2014. Marrë më 7 shtator 2014. 
  9. ^ "Portugal vs. Albania - 7 September 2014". Soccerway. 7 shtator 2014. Marrë më 7 shtator 2014. 
  10. ^ "Portugal vs Albania - 7 September 2014 - General Game Stats Chart (Statistics)". Soccerway. 7 shtator 2014. Marrë më 10 shtator 2014. 
  11. ^ "PortWhat is your favourite surprise international result?". FIFA.com. 7 shtator 2014. Marrë më 10 shtator 2014. 
  12. ^ "Portugal shocked by Albania after resting Cristiano Ronaldo, Denmark and Finland narrowly avoid upsets and Romania gain revenge on Greece in Euro 2016 qualifiers". FIFA.com. 7 shtator 2014. Marrë më 10 shtator 2014. 
  13. ^ "Bekim Balaj, Albania forward". UEFA.com. 7 shtator 2014. Marrë më 10 shtator 2014. 
  14. ^ "Lorik Cana, Albania midfielder". UEFA.com. 7 shtator 2014. Marrë më 10 shtator 2014. 
  15. ^ "Giovanni de Biasi, Albania coach". UEFA.com. 7 shtator 2014. Marrë më 10 shtator 2014. 
  16. ^ "Nani, Portugal forward". UEFA.com. 7 shtator 2014. Marrë më 10 shtator 2014. 
  17. ^ "Paulo Bento, Portugal coach". UEFA.com. 7 shtator 2014. Marrë më 10 shtator 2014. 

Shiko gjithashtu[redakto | përpunoni burim]