Kërceni tek përmbajtja

Klan Kosova

Nga Wikipedia, enciklopedia e lirë
Klan Kosova
LlojiTransmetues privat
Gjeneralist
ShtetiKosovë
Zona e transmetimitKosova
Shqipëria
Maqedonia e Veriut
Mali i Zi
Gjermania
Zvicra
BashkëpunuesitTV Klan (dikur)
ABC News (dikur)
SelitëRruga "Lidhja e Pejës", Zona Industriale, Prishtinë, Kosovë
Programimi
Gjuha/ëtShqip
Përmasa e figurës1080i (HDTV 16:9)
Shërbimi i ndërrimit të kohësKlan Kosova 2
Pronësia
PronariKushtrim Gojani (KGO Media Investments Holding)
Njerëzit kyçBlerim Xhemajli (kryeredaktor)
Kanalet simotraKlan Kosova FM (radio)
Historia
Themeluar8 dhjetor 2008; 16 vite më parë (2008-12-08)
Nisur17 shkurt 2009; 16 vite më parë (2009-02-17)
ThemeluesiAleksandër Frangaj
Baton Haxhiu
Lidhjet
Faqja zyrtarehttps://klankosova.tv
Detajet financiare
Të ardhura4.3 milionë Euro (2022)
Fitimi operativ-56,000 Euro

Klan Kosova është një kanal televiziv privat kabllor me seli në Prishtinë, Kosovë. U themelua më 2 dhjetor 2008 dhe transmetimin e filloi më 17 shkurt 2009 (në përvjetorin e parë të Pavarësisë së Kosovës). Që prej dhjetor 2023 ka rreth 250 punonjës.[1] Kanali është ndër transmetuesit më të njohur privatë në Kosovë.

TV Klan i Shqipërisë pas 11 vitesh operim në Kosovë, duke parë interesimin e qytetarëve, ishte vazhdimisht i pranishëm në Kosovë në mbulimin e ngjarjeve të mëdha, por edhe të jetës së përditshme, dhe vendosi që degën e tij në Prishtinë ta kthejë në televizion të ri, i cili u themelua nën mbikëqyrjen e Aleksandër Frangajt.[2]

Veçmas prodhimeve të saj, Klan Kosova transmeton edhe seriale vendore, si dhe seriale të huaja nga Turqia dhe SHBA.

Historia

[Redakto | Redakto nëpërmjet kodit]

Klan Kosova filloi transmetimet në vitin 2009 me simbolikën e shënimit të njëvjetorit të shpalljes së pavarësisë së Kosovës, nën pronësinë e Aleksandër Frangajt të TV Klanit. Ishte bashkëpunim mes TV Klanit dhe gazetarit Baton Haxhiu, që u bë drejtor i përgjithshëm. Rrjeti televiziv shqiptar i dhuroi Klan Kosovës pajisjet e vjetra për përdorim në studiot e veta.[3] Duke vepruar nga rruga "Hyzri Talla" në qendër të Prishtinës, transmetuesi shfrytëzoi maksimalisht hapësirat e ngushta 11×6 metra katrorë me kushtet e kufizuara.[4]

Ai u kyç në frekuencat satelitore në muajin nëntor 2009.[5]

Në 2015, Klan Kosova shpërnguli zyret e veta tek ish-Fabrika e Amortizatorëve afër Fushë Kosovës, në një objekt të ndërtuar nga materialet e ricikluara.[6] Shpërngulja erdhi bashkë me fillimin e transmetimit në cilësi të lartë të figurës.

Në 2022, pasi u siguruan të drejtat e transmetimit nga Banijay Rights për reality shown e mirënjohur Big Brother VIP për Kosovën, Klan Kosova njoftoi që Big Brother VIP Kosova do të debutonte në këtë kanal nga 5 dhjetori 2022.[7][8]

Emisionet

[Redakto | Redakto nëpërmjet kodit]

Programacioni i Klan Kosovës përfshin një varg të gjerë të emisioneve të drejtpërdrejta dhe të xhiruara paraprakisht, edicione të lajmeve, programeve shoqëro-ekonomike dhe zbavitëse (filma, sport, etj.).

Ditaret e lajmeve

[Redakto | Redakto nëpërmjet kodit]

Klan Kosova ka katër edicione të lajmeve - në orën 11:00, 13:00, 15:00 dhe lajmet qendrore në orën 20:00. Cikli informativ poashtu mbaron me Edicioni Special në orën 23:00. Këto përfshijnë lajme të përditshme rreth mjedisit politik, ekonomik, kulturor dhe shoqëror në Kosovë. Programet japin informacione edhe për ngjarjet kryesore në të gjitha pjesët e botës.

Programe të tjera

[Redakto | Redakto nëpërmjet kodit]
  • Big Brother VIP Kosova
  • Ora 7
  • Ora e Pasdites
  • Privé
  • Minuta e Fundit
  • Info Magazine
  • Familja ime
  • Ju Flet Prishtina
  • Sports Show
  • Kiks Kosova
  • Çka ka shpija? (shpërngulur nga RTK)
  • Rubikon me Adriatik Kelmendin
  • Pasion e Profesion
  • Shija e Anës
  • Sol me Adelina Hasani
  • Kosova Today
  • DPT Te Fidani
  • Fol Me Arin
  • Hallakamë
  • Weekend

Polemikat

[Redakto | Redakto nëpërmjet kodit]

Akuza anti-konkurrencë

[Redakto | Redakto nëpërmjet kodit]

Televizioni ka qenë subjekt i kritikës ndaj vetvetes dhe kompanisë simotër Artmotion në 2021, kur u shkëput nga operatorët e mëdhenj kabllor, dhe të drejtat e transmetimit iu shitën vetëm me kusht që t'i blejnë edhe kanalet e Artmotion-it bashkë me të. Një gjë e tillë e shqetësoi Komisionin e Pavarur për Media mes ankesave nga shikuesit, duke sygjeruar se Klan Kosova po shkelte rregulloren e KPM-së për të shtypur konkurrencën.[9]

Pezullimi i çertifikatës së biznesit dhe pronësia e paqartë

[Redakto | Redakto nëpërmjet kodit]

Pas një hetimi nga portali KosovaNews dhe Ministria e Industrisë, Ndërmarrësisë dhe Tregtisë (MINT), çertifikata tregtare e Klan Kosovës u pezullua më 14 qershor 2023 nën dyshime të keqpërdorimit të detyrave zyrtare, si dhe keqpërdorimit të autorizimeve ekonomike. U kuptua nga Agjencia e Regjistrimit të Bizneseve të Kosovës (ARBK) që mediumi dhe pronari u regjistruan në dokumente si biznes me seli në "Pejë, Serbi" dhe "Gjakovë, Serbi".[10][11][12] Të nesërmen hoqi dorë drejtori i përgjithshëm i televizionit, Adriatik Kelmendi.[13] Meqë Klan Kosova konsiderohet të jetë pronë e përbashkët me operatorin Artmotion, u pezullua eventualisht çertifikata e biznesit edhe për të. Vendimi shkaktoi debat të fortë mes shoqërisë civile të Kosovës si dhe komunitetit ndërkombëtar gazetaresk, duke ia zënë vëmendjen shteteve Quint [en] që shprehën "shqetësim të thellë" rreth këtyre ngjarjeve.

Protestat nisën me një aksion simbolik përgjatë katër transmetuesve privatë (T7, RTV21, TV Dukagjini, dhe Kanal10), si dhe vet Klan Kosovës, që afishuan më 19 qershor 2023 për pesë minuta në orën 20:00 mesazhin "Demokracia vdes në errësirë" (sloganin e gazetës The Washington Post).[14] Presidenti i Kosovës, Albin Kurti, tha për vendimin e MINT-it në X që vendimi nuk cenonte të drejtën e pluralizmit medial, dhe se "demokracia sulmohet edhe kur tregtarë të fuqishëm e shkelin ligjin për përfitim financiar".[15] Punonjësit e Klan Kosovës dhe pjesëtarët e Asociacionit të Gazetarëve të Kosovës (AGK) dolën në protestë ndaj vendimit më 31 korrik 2023.[16]

Gjykata Komerciale e shqyrtoi vendimin në gusht 2023, dhe e shtyu vendimin e MINT-it për pezullimin e çertifikatës, duke thënë se Klan Kosova i ka bërë përmirësimet e nevojshme të dokumenteve.[17] Vendimi u anulua pas një padie ndaj ARBK-së më 13 mars 2024.[18]

Shiko edhe

[Redakto | Redakto nëpërmjet kodit]

Lidhje të jashtme

[Redakto | Redakto nëpërmjet kodit]

Referime

[Redakto | Redakto nëpërmjet kodit]
  1. ^ "Klan Kosova Sh.p.k". kosovo.mom-gmr.org (në anglisht). Marrë më 2025-04-11.
  2. ^ Marku, Prof. As. Dr. Mark. "The Common Albanophone Media Market, between Reality and Utopia" (PDF). THESIS (në anglisht). Tiranë: Universiteti i Tiranës.
  3. ^ Berisha, Isuf (30 nëntor 2015). "Media integrity report: Media ownership and financing in Kosovo" (PDF). South East European Media Observatory (në anglisht): 6. Arkivuar (PDF) nga origjinali më 6 qershor 2023.
  4. ^ Klan Kosova - 7 vjet zhvillim dhe identitet, YouTube, 16 shkurt 2016, marrë më 31 korrik 2023
  5. ^ "Change Log - KingOfSat". en.kingofsat.net (në anglisht). Marrë më 16 shkurt 2019.
  6. ^ Nixha, Astrit. Berger, Markus; Wong, Liliane (red.). "Resisting New Order". Int | AR (në anglisht). Department of Interior Architecture, Rhode Island School of Design: 44–51. Marrë më 12 janar 2025.
  7. ^ "Big Brother Reaches 65th Market" [Big Brother Arrin Tregun e 65-të] (në anglisht). Banijay. 30 nëntor 2022.{{cite web}}: Mirëmbajtja CS1: Gjendja e adresës (lidhja)
  8. ^ "Ekskluzive – zbuloni datën zyrtare të nisjes së Big Brother VIP Kosova". Klan Kosova. 15 nëntor 2022.
  9. ^ Halili, Mediana (12 maj 2021). "Nuk votohet Raporti i Komisionit të Pavarur për Media". Kallxo. Arkivuar nga origjinali më 4 mars 2023. Marrë më 4 mars 2023.
  10. ^ Sopa, Jeton (2023-07-03). "EKSKLUZIVE: Me gjithë përmirësimet tek kompania që e ka në pronësi Klan Kosovën ende figuron "Serbia", Cila është lidhja e "Euro-lab" (homologimit), "Klan Kosova" me një kompani nga British Virgin Islands?". KosovaNews (në anglishte amerikane). Marrë më 2023-07-31.
  11. ^ Rexha, Xhemajl (14 qershor 2023). "LAJM I FUNDIT: Qeveria e Kosovës ia pezullon certifikatën e biznesit televizionit Klan Kosova". Twitter. Arkivuar nga origjinali më 14 qershor 2023. Marrë më 14 qershor 2023.
  12. ^ "MINT-i ia pezullon Klan Kosovës certifikatën e biznesit". Koha.net. 14 qershor 2023. Arkivuar nga origjinali më 29 qershor 2023. Marrë më 14 qershor 2023.
  13. ^ "Kompania që ka në pronësi Klan Kosovën e regjistruar si investim nga Serbia, drejtori jep dorëheqjen". politiko.al. 14 qershor 2023. Arkivuar nga origjinali më 17 qershor 2023. Marrë më 14 qershor 2023.
  14. ^ Mukulani, Adhuresa (2023-06-19). ""Demokracia vdes në errësirë"". Sinjali. Marrë më 2024-12-01.
  15. ^ Kurti, Albin (29 korrik 2023). "Kosova has 468 registered businesses whose primary activity is media & 114 licensed audio or audiovisual companies. Following registration rules is a legal duty, not a "technicality." And enforcing such rules against a single violator does nothing to threaten media pluralism" (cicërimë). Twitter (në anglisht). Marrë më 1 dhjetor 2024.
  16. ^ Dahsyla, Egzon (31 korrik 2023). "Përfundon protesta e AGK-së, kërkojnë nga gjykata që ta trajtojë rastin në mënyrë të drejtë". Kallxo. Marrë më 31 korrik 2023.
  17. ^ Rrmoku, Arlinda (2023-08-03). "Gjykata vendos në favor të Klan Kosovës, shtyn vendimin e MINT-it për pezullimin e certifikatës". Sinjali. Marrë më 2024-12-01.
  18. ^ Salihi, Njomza (2024-03-18). "Klan Kosova e fiton padinë ndaj ARBK-së". Sinjali. Marrë më 2024-12-01.
Marrë nga "https://sq.wikipedia.org/w/index.php?title=Klan_Kosova&oldid=2789214"