Koha Ditore

Koha Ditore

Koha Ditore në vitin 2006
Lloji	Gazetë ditore
Formati	Berliner
Pronar(ë)	Koha Group
Themelues	Veton Surroi
Botues	Flaka Surroi
Autorë stafi	37
Themeluar më	1997
Gjuha/ët	shqip
Selia	Prishtinë
Tirazhi	10,665 ditore
Uebfaqja	Official website

Koha Ditore është gazetë e përditshme nga Kosova e themeluar në vitin 1997 në kuadër të Grupit Koha. Botohet në Prishtinë nga kompania Koha, tash pronë e publicistes kosovare Flaka Surroi. Kryeredaktor i gazetës është Agron Bajrami.

Gjatë bombardimeve të NATO-s Koha Ditore u botua në egzil, në Maqedoni.

Koha Ditore është gazeta më e lexuar dhe më e shitur në Kosovë. Botimi ndërkombëtar i Kohës Ditore mund të blihet në vende të caktuara pothuajse në të gjithë Evropën.

Pas inkuadrimit në politikë të Veton Surroit botuese e gazetës është motra e Surroit, Flaka Surroi.

Në të gjitha hulumtimet e lexueshmërisë së gazetave në Kosovë në 11 vitet e fundit, Koha Ditore ka rezultuar si gazeta më e lexuar dhe më e besuar. Sipas një raporti të OSBE-së në 2009, Koha Ditore gëzoi lexueshmërinë e 38% të lexuesve.

Së fundi, Koha Ditore lidhi marrëveshje partneriteti me gazetën e njohur amerikane, The New York Times. Si rezultat i kësaj marrëveshjeje, në Koha Ditore, çdo të martë, botohet një shtojcë me artikujt më interesantë të The New York Times, të seleksionuar posaçërisht për lexuesit e gazetës Koha Ditore.

Lidhje të jashtme

• Koha Ditore - Faqja zyrtare