Kostaq Kota

Nga Wikipedia, enciklopedia e lirë
Shko te: navigacion, kërko
Kostaq Kota
Kryeministër
10 shtator 1928 – 5 mars 1930
Paraardhësi: Ahmet Zogu
Pasardhësi: Pandeli Evangjeli
9 nëntor 1936 – 7 prill 1939
Paraardhësi: Mehdi Frashëri
Pasardhësi: Shefqet Vërlaci
Ministër i Punëve të Brendshme
11 maj 1928 – 13 janar 1930
Paraardhësi: Abdurraman Dibra
Pasardhësi: Musa Juka
Kryetar i Dhomës së Deputetëve
1 qershor 1925 – 7 qershor 1928
Kryetar i Parlamentit
21 nëntor 1932 – 10 shkurt 1937
Paraardhësi: Ahmet Zogu Mbret
Pasardhësi: Pandeli Evangjeli
Të dhënat personale
Lindi më: 1889
Lindi në: Korçë, Shqipëri
Vdiq më: 1949
Vdiq në: Burrel, Shqipëri
Kombësia: Shqiptar
Profesioni: Politikan


Kostaq Kota (1889-1949) ishte politikan shqiptar.

Jeta[redakto | redakto tekstin burimor]

Kostaq Kota ose Koço, siç e thërrisnin, u lind në Korçë në vitin 1889. I ati i Koços, quhej Nuçi Kota dhe në atë kohë ai merrej me tregti lëkurësh e importe të ndryshme nga Italia dhe Greqia. Koço ishte fëmija i dytë nga tre djem dhe një vajzë që kishte Nuçi Kota. Mësimet e para Kota i kreu në qytetin e lindjes në Korçë dhe më pas ai shkoi në Greqi dhe vazhdoi Universitetin në Athinë, ku u diplomua në Shkencat Politike.

Në vitin 1912 Kota iu përgjigj thirrjes së Ismail Qemalit dhe mori pjesë në administratën e tij duke punuar si Kryesekretar i Ministrisë së Arsimit në Qeverinë që kryesohej nga vetë Ismail Qemali.

Në vitin 1920-të, Koço Kota mori pjesë në Kongresin e Lushnjes si deputet i Korçës ku u zgjodh dhe Sekretar i Kongresit. Nga viti 1921 deri në 1923 ai ishte prefekt i prefekturës së Beratit. Në vitin 1924 u emërua Ministër i Punëve Publike. Pas ngjarjeve të qershorit 1924, ai u largua nga Shqipëria për në Greqi. Mbas rrëzimit të qeverisë së Fan Nolit Kota u kthye në postin e tij ministror. Ai shërbeu si Ministër i Arsimit në janar 1925. Në zgjedhjet parlamentare të vitit 1925, Kota u zgjodh deputet i Korçës.

Kostaq Kota ishte kryetar i Parlamentit 1925-1928 dhe 1930-1936.

Ai ishte Kryeministër i Shqipërisë 10 shtator 1928 - 5 mars 1930 dhe 9 nëntor 1936 - 7 prill 1939 si dhe Ministër i Brendshëm gjatë periudhave kohore 11 maj 1928 - 1 shtator 1928 dhe 5 shtator 1928 - 13 janar 1930. Gjithashtu ishte senator i Senatit të Dhomës së Këshillit Kombëtar të Shqipërisë nga 27 mars 1920 deri më 20 dhjetor 1920. [1]

Vdekja[redakto | redakto tekstin burimor]

Koço Kota u rrëmbye në Selanik, Greqi, në 1945 nga tre agjentë (një shqiptar, një sovjetik dhe një grek), të cilët vepronin për llogari të qeverisë komuniste shqiptare. Ai u çua në Shqipëri ku iu nënshtrua një gjyqi special të drejtuar nga Koçi Xoxe, asokohe Ministër i Brendshëm. Ndërsa prokuroria kërkoi dënim me vdekje, gjykata speciale e dënoi me 30 vjet burg. Kota u dërgua në burgun famëkeq të Burrelit (ndërtimin e të cilit, ironikisht, e kishte firmosur ai vetë në cilësinë e kryeministrit), ku u torturua në mënyrë çnjerëzore deri sa vdiq 4 vjet më vonë, në 1949.[2]

Referenca[redakto | redakto tekstin burimor]

  1. ^ Ligjvënësit shqiptarë 1920-2005 - Republika e Shqipërisë KUVENDI
  2. ^ Gazeta Dita (31 May 2016). Kryeministri që u rrëmbye dhe vdiq në burgun që ndërtoi vetë. Marrë më 4 November 2017.