Rrethi i Peqinit

Rrethi i Peqinit është njëri nga 36-të rrethet e Shqipërisë. Rrethi bën pjesë në Qarkun të Elbasanit. Rrethi i Peqinit ka 33,000 banorë (sipas 2004), një sipërfaqe prej 191 km² dhe kryeqendër Peqinin.

Ka dy struktura historike që tregojnë lashtësinë e zonës së Peqinit. Së pari është Rruga Egnatia, e cila kalon mes për mes rrethit të Peqinit. Së dyti, është kalaja (Kalaja Klaudiana) që ndodhet në qendër të Peqinit. Peqini ndodhet në luginën e lumit Shkumbin që ka një bazë të gjerë dhe rrjedh nëpër tërë rrethin e Elbasanit dhe derdhet në Detin Adriatik në Divjakë.

KS Shkumbini është klubi futbollit të qytetit të Peqinit, i cili ka përkrahës shumë të apasionuar. KS Shkumbini është një ekip mesatar dhe ka ruajtur gjithmonë vendin e tij në atë që është tani Kategoria Superiore shqiptare pavarësisht nga mungesat financiare. KS Shkumbini është një ekip i vështirë për tu mundur në fushën e tij (Stadiumi Peqin), por rrallë janë ngjitur më lart se në vëndin e dytë në kampionat.

Ndarja administrative

Rrethi i Peqinit përbëhet nga një bashki dhe pesë komuna që janë:

• Bashkia Peqin
• Komuna Gjocaj
• Komuna Karinë
• Komuna Pajovë
• Komuna Përparim
• Komuna Shezë